استفسارات بسيطه لفيلا لاهنتم

[المولع22]

السلام عليكم والرحمه

يالربع عندي كم استفسار ولاعليكم امر ,, تفيدوني

اول شي بالنسبة لخزان الماي ,, شنو هو الافضل او الاقوى بنسبة 70 - 80% ,, من النوعيه هذي

http://s.alriyadh.com/2009/01/02/img/041082.jpg

وبالنسبة للحجم كم المفروض يكون حجم مناسب للحوش وليس لسطح الفيلا ,,

مكان البيع وين ؟ وكم اسعارهم تقريبا وكم الحجم اللي المفروض اخذه ؟


--------------

ثاني شغله يالربع بالنسبة لاجهزة تبريد المياه ,, دام ان عندي خزان ماء فوق السطح وخزان بالحوش

المفروض عشان الماي يبرد اركب الجهاز هذا على الخزانين والا على واحد منهم ؟

وايضا وين مكان بيع اجهزة التبريد بسعر مناسب ؟


----------------

المطابخ الالمنيوم للملاحق وغرف الخدم ,, من وين احصلهم بسعر مناسب مع التركيب ؟

فقط مجرد المغسله والرخامه اللي تكون عالاجناب



-------- عساكم عالقوة ---------

وشكرا لكم ...

[شموخ دائم]

,

,


مرحبا

اخوي الكريم

بالنسبه لخزان الماي

احسن مواصفات موجوده في شركه
( قطر رتموند )
تتبع شركات المسند
عليها ضمان 10 سنوات خذ من عندهم وما تندم ان شاء الله
وعندك المفتاح ايضا ولكني انصحك في
شركه قطر رتموند
عموما سعرهم قريب من بعض

اهم شي يكون من ماده الرتموند
المقاوم للبكتريا

الحجم بالعاده للحوش يكون بحدود ال 3000 جالون
وفوق السطح 600 او 1000 جالون بالكثير
عشان الوزن الافضل ما تحط اكبر من كذا

مبرد الماي تقدر تاخذ سستم كامل من شركه ( تدمر )
( سخانات ) مركزيه ومعاها مبرد ( اكوا شل )
يركب فوق السطح طبعا واحد يكفي للبيت


ان شاء الله الاعضاء يفيدونك اكثر

واجازه سعيده

,

,

اخوك

شموخ دائم

[معماري قطري]

السلام عليكم والرحمه

عليكم السلام ورحمة الله وبركاته .. باحاول أَجاوب على اللي آعرفه بس الباقي سامحني فيه

يالربع عندي كم استفسار ولاعليكم امر ,, تفيدوني

اول شي بالنسبة لخزان الماي ,, شنو هو الافضل او الاقوى بنسبة 70 - 80% ,, من النوعيه هذي

http://s.alriyadh.com/2009/01/02/img/041082.jpg

وبالنسبة للحجم كم المفروض يكون حجم مناسب للحوش وليس لسطح الفيلا ,,

مكان البيع وين ؟ وكم اسعارهم تقريبا وكم الحجم اللي المفروض اخذه ؟

المفتاح روتومولد زين وانتاجهم مضمون عشر سنين .. والنوع اللي في الصورة زين قريب الحائط حتى يقدر يصب فيه الدنكر بسهولة .. الحجم 3000 جالون يمكن شوي كبير وحسب حجم استهلاك البيت المفروض يتحدد لكن 3000 أَضمن لك .. والأَسعار تتغير على طول لازم تسئل الموزع.
--------------

ثاني شغله يالربع بالنسبة لاجهزة تبريد المياه ,, دام ان عندي خزان ماء فوق السطح وخزان بالحوش

المفروض عشان الماي يبرد اركب الجهاز هذا على الخزانين والا على واحد منهم ؟

وايضا وين مكان بيع اجهزة التبريد بسعر مناسب ؟

جهاز التبريد إِخذه من تدمر وحاول تاخذ نظام التبريد والتصخين والفلترة وضغط الماي من عندهم وتحطه في غرفة فوق السطح أَفضل لك .. وخل الدي بي مال الكهربة في مكان معزول بعيد عن الماي أَفضل ويكون مغطى عدل عن الشمس والمطر.

بالنسبة للتبريد بس فوق.

----------------

المطابخ الالمنيوم للملاحق وغرف الخدم ,, من وين احصلهم بسعر مناسب مع التركيب ؟

فقط مجرد المغسله والرخامه اللي تكون عالاجناب



-------- عساكم عالقوة ---------

وشكرا لكم ...

والباقي إِن شاء الله البقية يفيدونك فيه

[المولع22]

شموخ دائم // معماري قطر

بيض الله وجيهكم يالربع ماقصرتو ,,

بس هل هذا اسم الشركة اللي ادور عن رقمهم بكيوتل ( قطر رتموند ) ؟

وشكرا لكم وجزاكم الله كل خير

[معماري قطري]

شموخ دائم // معماري قطر

بيض الله وجيهكم يالربع ماقصرتو ,,

بس هل هذا اسم الشركة اللي ادور عن رقمهم بكيوتل ( قطر رتموند ) ؟

وشكرا لكم وجزاكم الله كل خير

المسند بعد ما غشونا في سمك خزانات كثيرة خفنا منهم وابتعدت عنهم .. المفتاح انتاجهم ثابت وجدار الخزان سميك ما يطقطق وينتفخ كأَنه كرشة بدين.

اللي يقهر يوم كشفنا الغش وواجهنا مديرهم كان تبريره إِن إِنتوا تبون شيء رخيص وكان لازم نقلل سمك الجدران .. ولو قايل قبل كان معليش لكن تتفق على مواصفات معينة وتحصل شيء غش هذا اللي يخليني ضدهم.

[المولع22]

المسند بعد ما غشونا في سمك خزانات كثيرة خفنا منهم وابتعدت عنهم .. المفتاح انتاجهم ثابت وجدار الخزان سميك ما يطقطق وينتفخ كأَنه كرشة بدين.

اللي يقهر يوم كشفنا الغش وواجهنا مديرهم كان تبريره إِن إِنتوا تبون شيء رخيص وكان لازم نقلل سمك الجدران .. ولو قايل قبل كان معليش لكن تتفق على مواصفات معينة وتحصل شيء غش هذا اللي يخليني ضدهم.


الله يرحمنا برحمته ويعيننا على النصابين هذول اللي يرخصون بكل شي وجشعهم كل يوم يزيد

طيب ياخوي معماري قطر ,, رايك يعني اخذ الخزانات من وين بالضبط من اي شركه ,, لان حسب ماسمعت ان المفتاح وقف تصنيع الخزانات

[معماري قطري]

أَول مره اسمع ان المفتاح وقفوا التصنيع

ولو بتاخذ من المسند أَكد عليهم يكون بجدران سميكه .. إِحنا كنا ناخذ منهم عشرات الخزانات وغشونا في طلبية كبيرة .. يعني عادي المواصفات اللي يعرضونها شيء والواقع شيء ثاني .. حق بيتي خذت من المفتاح والحمد لله للحين 10 سنين وهو صامد وما يستوي مثل الكورة من ضغط الماي .. إِنت قول لهم عن الكلام اللي ينقال وانا مستعد اواجههم وواجهناهم وقتها واعترف مسؤول مبيعاتهم .. اسمه عبدالغفور هندي إِنهم خفضوا سمك الجدران حتى يخفظون السعر .. يعني ضرونا وانفعونا بنفس الوقت والضرر أَكبر .. وما اذكر شصار كانوا قسم الميكانيكا يتابعون معاهم.

[المولع22]

أَول مره اسمع ان المفتاح وقفوا التصنيع

ولو بتاخذ من المسند أَكد عليهم يكون بجدران سميكه .. إِحنا كنا ناخذ منهم عشرات الخزانات وغشونا في طلبية كبيرة .. يعني عادي المواصفات اللي يعرضونها شيء والواقع شيء ثاني .. حق بيتي خذت من المفتاح والحمد لله للحين 10 سنين وهو صامد وما يستوي مثل الكورة من ضغط الماي .. إِنت قول لهم عن الكلام اللي ينقال وانا مستعد اواجههم وواجهناهم وقتها واعترف مسؤول مبيعاتهم .. اسمه عبدالغفور هندي إِنهم خفضوا سمك الجدران حتى يخفظون السعر .. يعني ضرونا وانفعونا بنفس الوقت والضرر أَكبر .. وما اذكر شصار كانوا قسم الميكانيكا يتابعون معاهم.


والله مادري يالشيخ هذا اللي قريته في المنتدى ببعض المواضيع القديمة ان المفتاح وقف تصنيع الخزانات

عموما انا بكره ان شاء الله لي تواصل مع المفتاح اول شي ونشوف الوضع وياهم

والله يجزاك كل خير يالشيخ ماقصرت على التوضيح الوافي والله يرد لك حقك