ممكن افضل شركه لتركيب القرميد

[ameeer3]

السلام عليكم / ممكن تفيدوني يا اخوان من واقع تجاربكم او تجارب الآخرين عن افضل شركه لتركيب القرميد علما بان المساحات المراد تغطيتها بالقرميد كبيره جدا ومحتاجه دقه في التركيب

[معماري قطري]

الله يعينك القرميد لتركيبه أُصول وكل نوعية لها طريقة

نصيحتي تشوف طرق التركيب للنوع اللي تبيه في اليوتيوب وتشوف شلون معالجة الزوايا وأَعلى نقطة والخط اللي يجي بعده السلوب .. كيف معالجة الفتحات ومنها تقدر تسئل الفورمان وتسئل المهندس المشرف وتعرف إِذا يعرفون الشغلة صح أَو لا .. بعدين طبقات الحماية والعزل تحت.

هي أَفضل طريقة بالخشب وينصبغ السقف بتومين قبل الخشب وبعد تركيب الخشب كحماية للخشب ويتثبت عليه القرميد بس فيه تفاصيل كثيرة لازم تتابعها وتعرفها.

[ameeer3]

مشكور اخوي معماري قطر على النصيحة ونوع القرميد الإسباني الطوبي / وان جبت شركه بس تركيبهم ما ينفع بريال ولغيت العقد معاهم والحمد لله أني ما عطيتهم اي مبلغ

[معماري قطري]

مشكور اخوي معماري قطر على النصيحة ونوع القرميد الإسباني الطوبي / وان جبت شركه بس تركيبهم ما ينفع بريال ولغيت العقد معاهم والحمد لله أني ما عطيتهم اي مبلغ

فيه منه المسطح والمتموج وسط والمتموج كثير .. المسطح أَسهلهم في التركيب.

حاولت اطلع لك برامج من اليوتيوب بس زحمة الشوارع انتقلت للنت الظاهر ولازم ننطر لين 2022 علشان يتضبط كل شيء.

http://www.youtube.com/watch?v=_9TG45A2inc حاول تشوف إِن شاء الله ينفتح وشوف اللي معاه واللي يناسب اللي عندك .. التركيب متشابه لكل الأَنواع المهم شلون يعاملون الأَطراف والحدود المرتفعة والزوايا والقطع الخاصة وغيرها.

[ameeer3]

ههههه الزحمه لا بد منها والله المستعان/ والمقطع فتح عندي وشغل نظظظظظيف بس وينهم الي يشتغلون كذا حتى لو ادفع ازياده / ومثل ما تفضلت وقلت بالنسبه لطريقه الزوايا والأطراف والحدود المرتفعة والقطع الخاصه هاي الي يجهلونها عندنا