ايهما افضل فرن الكهرباء او الغاز ؟؟

[نفسي عزيزه]

السلام عليكم ورحمة الله وبركاته


ايهما افضل افران الكهربا او الغاز

اذا كهرباء شسمه ووين ينباع وتقريبا بكم
واذا غاز وين احصله وبكم

حبيت اغير الفرن لان الي عندنا غاز ومر عليه الدهر ويطلع ريحة غاز


افيدونا جزاكم الله خير

[بصمة قطرية]

بالنسبة لي أفضل النوعين ..
الكهرباء و الغاز
عندي كهربا في المطبخ الداخلي
و الغاز المطبخ الخارجي ..
فكرتي في الأساس
إذا خلص الغاز ما أتوهق و يكون عندي فرن كهربا ..
و إذا طفت الكهربا يكون عندي فرن غاز ..
حبيت الكهربا و خذته من شسمه إيماكس اللي في بوينت سنتر
فرع بروة الوكرة
و سعره ما اذكره بالضبط بس أتوقع أقل من ألفين ..
بصوره و بنزل لك الصورة
بعد السؤال الكل مدح لي هالبراند و الموديل ..

[نفسي عزيزه]

شكرا بصمه على الشرح الوافي والكافي

ماقصرتي فيج الخير جزاج الله خير

[الزعفراني]

الغاز

المكان من الريس مادري العمادي اللي في شارع الخليج

جليم غاز

سعره اظن 3500 ريال

من 2007 ماخذ من عندهم ولليوم الامور طيبه

[لاجل QT]

الكهربا سيفتى اكثر

ولاجل السيفتى نتحمل لين طفت الكهربا

[الزعفراني]

الكهربا سيفتى اكثر

ولاجل السيفتى نتحمل لين طفت الكهربا

هل تسخين الاكل بالكهرباء فيه ضرر ؟

[panda]

ا ذوق الأطباق على الفحم لكن نوت سيف :(

[alfahad1]

الكهربائي افضل والشركات الايطالية والامريكية اقوى شركات الافران روح اللولو وكارفور

[لاجل QT]

هل تسخين الاكل بالكهرباء فيه ضرر ؟

لا مافي ضرر

هذا احنا ناكل بحرارة الكهربا مافينا الا العافية

[نفسي عزيزه]

الغاز

المكان من الريس مادري العمادي اللي في شارع الخليج

جليم غاز

سعره اظن 3500 ريال

من 2007 ماخذ من عندهم ولليوم الامور طيبه

نفس الفرن ونفس السنه ونفس المكان شريت الي ذكرته سبحان الله كلامك دقيق وفعلا شغال الى يومك هذا بس قام يطلع ريحه اكله الدهر
شكلي بارجع اشتري واحد مثله بسبب كلامك

جزاكم الله خير جميعا استفدت من كلامكم

[..er..]

توني من يومين ماخذ من شركه بناسونيك اللي بشارع سلوى

عليه خصم اظن 20 بالميه ..

غاز كامل وسيفتي اذا انتثر على الغاز شي من الاكل او اي حاجه يطفى ويفصل الغاز

بس للاسف سعره حبتين غالي 4750 ايطالي ونفس الشركه ماخذه من 2001 وللحين شغال

وعندهم على حسب الحجم والاسعار متفاوته

[العملة النادرة]

كهربائي للمطبخ الداخلي / غاز للمطبخ الخارجي
انا استخدم فرن كهربائي ماركه بوش جيد جدا وسهل في الاستعمال واامن

[Aaziz]

الفرن و الثلاجه و الغساله من الاجهزه الكهربائيه الي يخصص لها مبلغ محترم ،، لانك كل ماخذيت شي جوده كل ما ارتحت من ناحيه الاداء و من ناحيه الصيانه .

بالنسبه للفرن من داخل ،، مستحيل اخذه غاز ،، لانه خطر و صعب تتحكم بدرجه حراره شعله اللهب .
فا ان الفرن يكون من داخل كهرب هذا شي مافيه نقاش
ولكن النوع الي يكون من فوق غاز و من داخل كهرب هذا ممكن
و انا بعد التجربه لاكثر من نوع ماراح اخذ الا الي كامل كهرب ،، و الاسباب انه سريع و درجه التحكم بالحراره ممتاز سواء من فوق او من داخل بالاضافه الى انه يفكك من سالفه سلندرات الغاز المتعبه .
انصح بالمناعي الي جمب وكاله الجمس

[maryam5]

السلام عليكم ورحمة الله وبركاته،،،

افضل الافران الايطالية بلى منازع وفي بعض انواع امريكية نزلت زينة بس الايطالي افضلها مثل شركة ( جليم غاز)
والغاز دايماً افضل من الكهرباء والافران الجديدة صار فيها نظام امان من تسرب الغاز مب مثل الافران القديمة الي ممكن تسرب غاز.
الكهرباء الطبخ فيه متعب لن حرارته ضعيفة يعني تطبخين فيه اشياء خفيفة مثل البيض او تسخنين حليب يعني مب عملي لطبخنا وهذا من تجربة.

[باراكودا]

الغاز

المكان من الريس مادري العمادي اللي في شارع الخليج

جليم غاز

سعره اظن 3500 ريال

من 2007 ماخذ من عندهم ولليوم الامور طيبه
ابعدوا عن جليم غاز لانه حاليا لايوجد منه الاصلي الموجود تقليد وغير امن
الافضل الغاز طبعا والنوعية الجيدة حاليا السيمنز ومتوفر في كارفور الافضل سعره فوق
3500 أما تحت هذا السعر فتقل المواصفات

[Locale]

الغاز احسن لان الكهرب مب لنا احنا جدورنا شكبرها نسوي اكل للبيت كنه لفريج

اما الفرن من داخل اغلبهم صار على كهرب