قلص او سلة خلفية للسياره

[المولع22]

السلام عليكم

يالربع وين احصل القلص او السلة اللي تركب على لكزس حق الاغراض للرحلات مثل هذا



http://im13.gulfup.com/2012-03-13/1331630869241.jpg
http://www.m5zn.com/uploads2/2012/1/27/photo/012712040145wqa0yft0u4xqqb4tyrfh1t.jpg

وين احصل هذي السلة بانواع واحجام مختلفة لـ لكزس واسعارها كيف ؟

وفيه استفسار مهم لاهنتو ,, هل فعلا السله هذي لها مخاطر على السواقة وايضا لها مخاطر تأثر على السيارة نفسها ؟

شكرا لكم ,,

[ابوالعبد]

لا ماعليها خطر شدعوه كلها سله خخخ تحصلها في محلات الزينه وانا انصحك تشتريها من الحسا ارخص لك او لو مطر اشترها من محلات الزينه في مغولينا

[وجه السعد 2]

محلات الزينه على 500 ريال

[al saad]

الشيخ ما نصحك فيها بتعوي شاصي الرمانة اذا حملتها زياده ولا ضربت مطب عن تجربه قلص احسلك

[الخاضع لله]

نصيحتي لا تركب السلة الي تركب على مكان الرمانة ، في نوع ثاني يجي بقاعدتين تركب بالسيارة وتثبت السلة بحديتين افضل من هذي لانه هذي تنعوي مع الحمل وما تتحمل وايد

[qatar711]

والله على حد علمي الي يعوي الذيب !!



صبوا لنا قهوة

[zeknon]

اللي لها قاعدتين افضل ما انصحك تركب ام قاعدة وحدة اللي تركب في الرمانه

[ابوفاطمه2009]

القاعدتين تجي للسيارات اليابانية
السيارات الامريكية قاعدة وحدة
على الي سألت عنه وجربته
جربت انا السلة الصراحة مفيدة اذا اغراضك مب واااايد يعني ثلاث شناط اقصى حد مع اشوية اغراض
وفي العادة السلة اخف بس لاتسرع وايد وحاسب ع المطبات

[لمت اب]

من فوائد السله تخفي الرقم عن الرادار
:)
من صاحب تجربه
السلة الي تركب على الشاصي (قاعدتين )افضل من الي على الرمانة
الله يوفقكم للخير

[alwahesh]

عندي السله الي تركب على الشاصي ب 500 ريال نهائي

[المولع22]

الله يجزاكم خير يالربع وبيض الله وجيهكم

وفعلا هو الافضل السلة اللي لها قاعدتين ,, بس هل احصل بالحسا اللي تركب حق اللكزس ,, لكن كيف راح تركب هل فيها لحام ووصلات

والا لها قواعد اصلا بالسياره من الاصل ؟

[رشدان]

احسن انواع سلال السيارات ام قاعدتين للسلامة وافضلها بعد تجربة اغلب انواع السلاال اللي في محلات الزينة افضلها سلة (رفيق الدرب) في الدمام لكن هل افتحوا في الحسا ماعندي علم. وشيك الخاص