استفسار عن توسعة الطرق

[قلب الدوحة]

السلام عليكم اخواني الاعزاء لاحظت توسعة للطريق على اليمين واليسار من بعد اشارة السينما الى مابعد دوار التشريفات هل هناك مشروع جديد وشكرا

[بوخالد911]

المشكلة ان حجم الأرصفة كبيرررررررررررررر

سيتم تقليل مساحتها
وبالامكان جعل 4 خطوط بكل اتجاه

[قلب الدوحة]

المشكلة ان حجم الأرصفة كبيرررررررررررررر

سيتم تقليل مساحتها
وبالامكان جعل 4 خطوط بكل اتجاه

الله يوفقهم

تسلم يالغالي

[إعلامي قطر]

..

شي ينقال وشي ماينقال..

الأكيد إن فيه خطه ممنهجه لعمل كل شوارع الدوحه
ضيقه بومسارين وعقب فتره تنطرح مناقصه جديده
وتعالي يالشركه الفلانيه إشرفي على مشروع التوسعه !

ودي أريحهم مره وأقترح عليهم يسوون شوارع المناطق
الجديده مثل روضة الحمامه وغيرها ثلاث مسارات
وأكثر لأن واضح إن نفس السياسه قاعده تتنفذ
بالمناطق الجديده وهذا يدل إن لازالت بعض
الاتفاقيات تعقد بنفس المكاتب المغلقه !

وأتمنى أكون غلطان ! :)

..

[وطن]

في مشروع
من ثلاث مراحل ان ما خانتني الذاكرة

بـ يمتد من دوار التشريفات لين رمادا
بـ يسوون الشارع اربع خطوط

وهذي المرحلة الاولى منه

نزل الخبر هنا في المنتدى

[alsoq]

توسعه الطرق او اختيار طرق مختصره راح تكلف الدول من ناحيه التعويضات وهنا الحين قامو اهل الاراضي يطلبون مليارات

انا اقترح على الدوله يكون فيه لجنه تقيم الاراضي اللي بتمر من خلالها شوارع يا يبيع بسعر او ما يعطل مصلحة البلد

[Shamiyeh]

في مشروع من اشغال من ثلاث مراحل

[معماري قطري]

وهذا حالنا للحين على أَنصاف الحلول

عدد السكان تضاعف 4 مرات وهذي الشوارع نفسها كانت كافية حق 500 أَلف شخص .. أَلحين مليونين وقريب يستوون مليونين ونص وإِحنا الا نزيد حارة في شارع من ثلاث حارات .. زين شسوينا عدد السكان زاد 4 مرات وإِحنا وسعنا ربع مره .. نهائياً ما فيه تناسب والمفروض شارع 3 حارات يتوسع أَقل شيء لست حارات مع الترتيب للمداخل والمخارج وللشوارع البديلة.

لا وهالتوسعة تاخذ وقت وتأَذي خلق الله وفي النهاية ما تحل المشكلة.

مريت اليوم في منطقة النصر وما شاء الله ذاك المول الراهي وسط الدواعيس القديمة اللي للحين ما فكروا يرتبونها ينطرونه ينفتح وبعدين بيحسون .. تذكرت دبي وشلون الشوارع مع مول دبي تستوي وهو توه ما بدوا فيه .. وهناك حفرة غزيرة وتأَسيس حق مول جديد وكبير قريب من المول الراهي .. وهناك بنايات كثيرة قامت .. وينكم يا تخبيط ويينكم يا ايش قال؟

[غير البشر]

وهذا حالنا للحين على أَنصاف الحلول

عدد السكان تضاعف 4 مرات وهذي الشوارع نفسها كانت كافية حق 500 أَلف شخص .. أَلحين مليونين وقريب يستوون مليونين ونص وإِحنا الا نزيد حارة في شارع من ثلاث حارات .. زين شسوينا عدد السكان زاد 4 مرات وإِحنا وسعنا ربع مره .. نهائياً ما فيه تناسب والمفروض شارع 3 حارات يتوسع أَقل شيء لست حارات مع الترتيب للمداخل والمخارج وللشوارع البديلة.

لا وهالتوسعة تاخذ وقت وتأَذي خلق الله وفي النهاية ما تحل المشكلة.

مريت اليوم في منطقة النصر وما شاء الله ذاك المول الراهي وسط الدواعيس القديمة اللي للحين ما فكروا يرتبونها ينطرونه ينفتح وبعدين بيحسون .. تذكرت دبي وشلون الشوارع مع مول دبي تستوي وهو توه ما بدوا فيه .. وهناك حفرة غزيرة وتأَسيس حق مول جديد وكبير قريب من المول الراهي .. وهناك بنايات كثيرة قامت .. وينكم يا تخبيط ويينكم يا ايش قال؟



اخوي معماري زياده حاره في كل شارع مهب حل
وحتى لو يسوون حارتين بعد مهب حل
السكان في زياده والتوسعه ماتواكب التوسعه

تدري يا الغالي ان دبي مع زياده عدد السكان ماوسعت في الشوارع
نفسها هي الشوارع ماتغيرت

الي صار فقط نقلو دبي بكبرها برع من شارع الشيخ زايد وانت رايح
ودبي القديمه عند الماريوت وشارع الرقه وميدان جمال عبدالناصر وادوار السمكه وغيرهم
هم نفسهم ماتغير شي

ربعنا كأنها يشتغلون في صبخه كل ماسوو شي اخترب
يسوون حاره جديده في الشارع مايمديهم من اشتغلو لين خلصو
دخلو البلاد 200 الف وافد هههههههههههههههههههههههه

[Sowaidi]

بالعربي شغل ترقيع ودايمنن متاخريين ولما يخلصون يطلع المقاول قاص عليهم ههه
ورمادا ايش بييسوون فيه
المفروض يربطون سلوى لين راس بوعبود وطريق لوسيل