استفسار لأصحاب التجارب والخبرات

[الفني]

مرحبا بالاعضاء الكرام انا ان شاء الله ببدأ بالبنيان وكثير من اصحاب مكاتب الاستشارات الهندسية ومكاتب المقاولات حيروني بالحديد العادي والابوكسي سوالي ايش

هو أحسن نوع حديد البنيان العادي وله حديد الأبوكسي . وايش الفرق بين الاثنين ..

أخوكم الفني

[بن غيث]

موفق ان شاء الله ..

[معماري قطري]

تكلمنا كثير عن الموضوع والموضوع صحيح مختلفة فيه الآراء

انا عن رايي ومن خلال المبالغة اللي اشوفها في التسليح بالحديد ورؤيتي لبيوت كثيرة تنبني بجزء بسيط من الحديد اللي نستخدمه .. أَشوف إِن الأَهم ليست التقوية إِنما حماية الخرسانة من التكسر والتشقق والتشلخ .. ولحمايتها نحتاج كميات حديد مدروسة وخلطة خرسانة جيدة ونحتاج حديد مغلف.

[الفني]

تسلم اخوي بن غيث واخوي معماري بس سوالي ايش تنصحوني باي حديد اتفق مع المقاول

[الفني]

تكلمنا كثير عن الموضوع والموضوع صحيح مختلفة فيه الآراء

انا عن رايي ومن خلال المبالغة اللي اشوفها في التسليح بالحديد ورؤيتي لبيوت كثيرة تنبني بجزء بسيط من الحديد اللي نستخدمه .. أَشوف إِن الأَهم ليست التقوية إِنما حماية الخرسانة من التكسر والتشقق والتشلخ .. ولحمايتها نحتاج كميات حديد مدروسة وخلطة خرسانة جيدة ونحتاج حديد مغلف.

تنصحني باي حديد اتفق مع المقاول

[معماري قطري]

تنصحني باي حديد اتفق مع المقاول

إِذا كنت اقول لك إِنك تحتاج حديد مغلف يعني انصحك بالحديد المغلف .. اللي هو Epoxy coated steel وهو اللي بيعطيك حماية ضد الصدأَ وبيخلي بنيانك بدون مشاكل تشققات وشلوخ لسنوات طويلة .. أَلحين بيتي له 10 سنين وسويته ايبوكسي وبيت الوالد مبني من زمان بس صدأَ الحديد وتكسرت الخرسانة الملامسة للتربة وسوينا صيانة ورجعت المشكلة .. واضطر يبني بيت جديد وهالمره حاول الاستشاري بكل قوة يغير الحديد لعادي ورفضت انا لأَني عارف القصة .. كثير من الاستشاريين تفكيرهم محدود وهو إِن الصدأ يسبب خشونة وتماسك أَقوى مع الخرسانة والايبوكسي ناعم ويكون عازل عن التماسك .. وهذي الحالة تصير في التجارب وفي وضع نكون معرضين الخرسانة لقوة شد كبيرة .. لكن في بيوتنا وعماراتنا قوة الشد كثير ضعيفة ولا نحتاج نبالغ في القوة .. نحتاج أَكثر حماية من الصدأ

[شموخ دائم]

,

,


مرحبا


اخوي الكريم

الحديد الايبوكسي الاخضر
وانت مغمض
:)

مافي مقارنه لجو قطر ولو كان الامر في يدي
لخليته اجباري بكل بيوت قطر

ايبوكسي وبس

,

,

اخوك

شموخ دائم

[الفني]

,

,


مرحبا


اخوي الكريم

الحديد الايبوكسي الاخضر
وانت مغمض
:)

مافي مقارنه لجو قطر ولو كان الامر في يدي
لخليته اجباري بكل بيوت قطر

ايبوكسي وبس

,

,

اخوك

شموخ دائم


مشكورين على نصائحكم اخوي معماري واخوي شموخ دائم وان شاء الله يتم عمل على الأبوكسي

[وحيد-الشوق]

طيب والحديد العادي ايش عيوبة ؟؟؟ واغلبية البيوت في قطر يستخدمون او استخدموا ايش ؟؟

[Bozizoo]

مع كامل احترامي للاخوان بس انا ماافضل الايبوكسي لفيلا بالكامل
انا افضل يكون بس في القواعد وحتغŒ الجسور الارضيه فقط.
اي الخرسانه الملامسه لتربه .
وبشرط مهم جدا و اذا ماانعمل به فانت ضيعت فلويك علغŒ الفاضي .
وهو عمل صبغ او دهن جميع الحديد الايبوكسي المكشوف او الذي تكسر منه الايبوكسي .حتغŒ الاطراف من التقطيع ...يجب ان تصبغ بصبغ ايبوكسي

[MAZEN37]

معلومه سمعتها ان تماسك والتصاق الحديد العادي بالخرسانه اكبر من المجلفن وانا مع هذا الراءي

[معماري قطري]

معلومه سمعتها ان تماسك والتصاق الحديد العادي بالخرسانه اكبر من المجلفن وانا مع هذا الراءي

جزئياً ولدرجة معينة بعدها يستوي الصدأَ قطع فاصلة بين الحديد وبين الخرسانة وتستوي قوته وتماسكه ولا شيء

الحديد الايبوكسي بروحه فيه حزوز تتماسك مع الخرسانة .. وبعدين من التصميم المفروض يحنونه بحيث يستوي له overlaping and anchoring اللي هو ينحني حتى تكون له ترسية في الخرسانة ويمسك .. وبعدين الخرسانة بعد الصب تنتفخ قليل وتضغط ضغط قوي على الحديد.

انا تجربتي مع النوعين قديمة وسويت صيانة لمباني قطع خرسانتها تتساقط بسبب الصدأَ ورجعت المشكلة ومبنى اضطرينا نهدمه لأَن كان بمساحة كبيرة وخطر الإِنهيار كان كبير والمتضرر السقف .. من جهة ثانية بيتي بعد 8 سنين من بنيانه هدمت درج خارجي لعمل حوض سباحة وطلع الحديد تقول جديد والخرسانة بصعوبة قدرنا نكسرها .. ودوم للمالك الحرية في الاختيار ولولا اختلاف الأَذواق والمفاهيم لما بيعت السلع الرديئة.

السؤال يوجه المفروض لشركات الصيانة والمقاولات اللي عاينوا مباني قديمة عمرها فوق 10 سنين و20 سنة وفوق أَما مبنى توه جديد ما تبين فيه المشكلة .. وعلى فكرة الخرسانة مسامية مثل الاسفنج وتشفط الرطوبة شفط .. وأَقل اهتراء أَو خلل في العازل معناه دخول رطوبة وصدأَ الحديد ومشاكل تبدأَ ولا تنتهي .. حتى مهندسين أَشغال مخطئين بعمل الجسور من حديد عادي وكذلك حواجز الحماية .. وين تماسك الحديد المصديء وقت حادث بسيط كسر الخرسانة وعرى الحديد .. اللي مار من الشمال للفة سلوى في تقاطع مدماك يشوف الحاجز اللي في أَول الدخلة وبيتذكر كلامي .. واللي يشوف ويعرف بيعرف إِن عمر الحوائط الاستنادية لبعض الجسور قصير جداً بسبب نفس المشكلة.

[الدبلوماسي]

الدور الأرضي والقواعد الملامسة للتربه محتاجه حديد ايبوكسي عشان يزيد العمر الافتراضي للبيت اما الدور الاول حديد عادي وبحكم تجربتي ف البنيان ترى ما يكلف وأيد الحديد المعزول
بالتوفيق

[الفني]

مرحبا بالاخوان سمعت عن حديد في عندنا هني هو حديد عادي بس بمادة الكربون حد سمع عنه يقال انه يمنع الصدأ مادري هل صحيح يقال عنه او مجرد دعايه