الاحساس بالجوع ؟

[المحاميه]

السلام عليكم

انا طبيعتي ماتريق عادي عندي واذا تريقت شي خفيف وماكل بعدها شي لين الليل وهكذا او اكل وجبه فاليوم

ونفسيتي ومزاجي ف الفتره الاخيره مش ولابد

خصوصا الويكند اللي طاف اكلي كان جدا قليل

لكن هاليومين حالتي غريبه

اول مره يصادفني جوع ب هالطريقه

جوع مستمر

يعني امس تريقت وتغديت وتعشيت صحيح انهم وجبات صغيره بس كلت وهذي ابدا مب طبيعتي

يااخوان ابي اعرف شسالفتي

هل فيه مشكله ف بطني ؟
او هالشي بسبب تقلبات المزاج عندي؟
ولا فتره وتعدي ولا ايش

هل حد مر عليه هالشي قبل؟

مع العلم بعد الوجبه بشوي احس بجوع مب عارفه ليش

وشكرا

[النهار]

مادري حالتج صعبه شوفي لج مطوع يقراء عليج هههههههههههههههههه

[alsoq]

شوفي اختي
شي طبيعي اذا تريقتي تنفتح الشهيه عندج للغداء
واذا تغديتي تنفتح للعشاء

انا من تقريبآ 7 سنوات واجبه واحده فقط العشاء الصبح ما افطر حليب فقط والغدا مرات بس قليل جدآ

فانتي شي طبيعي اختي لا تحاتين ولا شي

[بصمة قطرية]

حالياً أمر بنفس حالتج الأولى
صار لي فترة ما آكل طول اليوم
آخر الليل أتذكر إني اليوم ما كلت شي ..
الشهية مسدودة على الآخر ..
اليوم شربت شاي الساعه 12
و عقب بس ماي و للحين ما كلت شي
ما أقول لج ما أحس بالجوع
جوعانه بس ما لي نفس ..
بس وناسة نزل وزني خخخخخخخخخ

النفسية تأثر
في ناس إذا تضايقوا ما ياكلون
و في ناس العكس تنفتح عندهم الشهية
و يحطون حرتهم في الأكل ..

[المحاميه]

مب فاهمين علي
اول مره جذي يصيدني

عالعموم ان شاء الله يرد الوضع طبيعي

بصمه
اذا زعلانه ولا متضايقه ولا احاتي تنسد نفسي
الحين نفسيتي عاديه بس احساس الجوع المتواصل احسه مرض او شي لانها مب عادتي

[المحاميه]

السوق شكرا اخوي
لا هنت

[المحاميه]

النهار الله يسامحك

بدال لاتعطيني حل ياراعي الطب الشعبي قاعد تضحك

[النهار]

النهار الله يسامحك

بدال لاتعطيني حل ياراعي الطب الشعبي قاعد تضحك

خلاص ولايهمج خذي هالوصفه
يوم تأكلين تسمين ولا لا
جيبي علبة روب وقفشة طعام سكر اخلطيه عدل وكليه شرط ماتحسين بالجوع وتحسين بنشاط غير طبيعي
لازم تخلطين مع الروب شي حلو سكر عسل
ابي اسمع اخبار حلوه بكره جربي اليوم

[المحاميه]

جزاك الله خير

[حمد 2002]

فيج سكري يمكن ..

لأنه إلى فيه سكري أيحس بالجوع والعطش عل طول

[المحاميه]

فال الله ولا فالك :anger1:

[بصمة قطرية]

اتوقع شي طليعي اللي فيج ..
فترة و بترجعين طبيعية
يمكن ما تشبعين و هاي اللي يخليج تجوعين
يعني ما تاخذين كفايتج من الأكل ..

[وطن]

المحامية
لا تركزين

اذا ركزتي على الحالة بتزيد معاج


عادي طنشي
فترة و ترجعين طبيعية

[المحاميه]

ايه انا اكلي خرابيط
وجبه ف اليوم صغيره وماكثر يمكن هالسبب

ان شاء الله باطنش وان شاء الله تختفي

[ريتويت]

اكلي سنكرس

[المهاجر]

ماعليج شر

اعتقد انج تفكرين وايد بامر معين وشاغل كل تفكيرج

ومب قادره تتخذين قرار بالموضوع اللي تفكرين فيه

واحيانا مع التفكير الزايد تنفتح الشهيه او العكس

احتمال يكون هذا السبب

لكن بعد لاتهملين وروحي سوي فحوصات للاطمئنا لا اكثر

وسلامتج يالمحاميه

[white bird]

^
يعطيج العافية ريتويت بس ليش سنيكرز ! هههههههههه

المحامية :
سمعت أن البابونج يهدي الاعصاب ..
أتوقع التوتر له دور أو تعرضتي لضغط الفترة اللي طافت
و القولون تعب لأنه مرتبط بالحالة النفسية ..
و سلامتج يا المحامية ..
بس ترى مب زين تاكلين وجبة وحدة في اليوم لأن عملية الأيض و الحرق
تتأثر و تصير بطيئة ..

[المحاميه]

ماتواجهونه

ايه تعرضت للضغط والنفسيه السيئه الاسبوع اللي طاف

واكلي كان قليل جداً

والحين احس بجوع مستمر لكن لما اجي للوجبه عشان اكل احس اني مابي اكل وحتى الطعم ماحس فيه

متأكده ان مشكلتي نفسيه

مرت علي حالات جوع سابقه لكن مش مستمره

ان شاء الله خير

تسلمون

[حمد 2002]

اكلي مانجو هندي ،،

[المحاميه]

^

خير؟

[المحاميه]

لا باشرب 3 فناجيل اسبريسو عالريج :tease:

[عطر فرنسي]

اسعد الله ايامك

سمعي اختي انا مريت بنفس حالتك بالضبط كله جوع يوم رحت لي دكتور قالي لان الجو حار وجسم الانسان محتاج ماء وطعام مثلا الانسان قبل ياكل وجبه في اليوم او وجبتين في هاي الجو يخلي الواحد ياكل اكثر واكثر اذا تبين ماتجوعي قبل لاتاكلي وجبتك اشربي ماي لترين واكلي وشوفي النتيجه

لك تحيه

[sweet qatar]

اسعد الله ايامك

سمعي اختي انا مريت بنفس حالتك بالضبط كله جوع يوم رحت لي دكتور قالي لان الجو حار وجسم الانسان محتاج ماء وطعام مثلا الانسان قبل ياكل وجبه في اليوم او وجبتين في هاي الجو يخلي الواحد ياكل اكثر واكثر اذا تبين ماتجوعي قبل لاتاكلي وجبتك اشربي ماي لترين واكلي وشوفي النتيجه

لك تحيه

الجو هذا يعطططش وينششششف

الجوع يجيك في الشتا .. أكل وشرب وشرب وأكل :secret:




المحامية

ماعليج شر ان شالله
تستمر حالة الجوع لأنج ما عطيتي الجسم الشي الي يحتاجه
اول خطوة تسوينها تروحين اي مختبر وتحللين

و اذا حسيتي بجوع اصبري شوي حاولي تمتنعين عن الأكل لنص ساعة او ساعة
عقب حاولي تعرفين انتي مشتهية شنو .. بيطلع لج الشي الي جسمج فاقده

[نور الحور]

ما تشوفين شر حبيبتي المحامية ..

أنا مريت بمثل حالتج مرتين في عمري .. للحين أتذكرهم والله .. أيام المراهقة ..

كنت آكل وجبتي عادي .. لكن كنت أحس بعدها على طول بالجوع !! شعور ممل صراحة ..

بس ليومج ماعرفت شالسبب لأنه تم فترة وراح هالشعور ..

تقديري ان صار عندج سرعة بحرق السعرات الحرارية ..أو صار شي بعملية الهضم ..

شوفي لج طبيب باطني أفضل .. وطمنينا عليج

ما تشوفين شر يارب

[وطن]

لا باشرب 3 فناجيل اسبريسو عالريج :tease:

تصدقين
دخل في خاطري أحط لي مكينة نسبرسو في المكتب
مع اني مب شريبة قهوة أبدا

[المحاميه]

اسعد الله ايامك

سمعي اختي انا مريت بنفس حالتك بالضبط كله جوع يوم رحت لي دكتور قالي لان الجو حار وجسم الانسان محتاج ماء وطعام مثلا الانسان قبل ياكل وجبه في اليوم او وجبتين في هاي الجو يخلي الواحد ياكل اكثر واكثر اذا تبين ماتجوعي قبل لاتاكلي وجبتك اشربي ماي لترين واكلي وشوفي النتيجه

لك تحيه

والله انا بعد شاكه ب هالشي
اغلب الظن هو عطش بس عقلي يترجمه انه يوع
قاعده اشرب وبنشوف
جزاك الله خير



الجو هذا يعطططش وينششششف

الجوع يجيك في الشتا .. أكل وشرب وشرب وأكل :secret:




المحامية

ماعليج شر ان شالله
تستمر حالة الجوع لأنج ما عطيتي الجسم الشي الي يحتاجه
اول خطوة تسوينها تروحين اي مختبر وتحللين

و اذا حسيتي بجوع اصبري شوي حاولي تمتنعين عن الأكل لنص ساعة او ساعة
عقب حاولي تعرفين انتي مشتهية شنو .. بيطلع لج الشي الي جسمج فاقده



ماكل عادي وانطر
بس الشعور مستمر
شعور صج يملل
ان شاء الله خير



ما تشوفين شر حبيبتي المحامية ..

أنا مريت بمثل حالتج مرتين في عمري .. للحين أتذكرهم والله .. أيام المراهقة ..

كنت آكل وجبتي عادي .. لكن كنت أحس بعدها على طول بالجوع !! شعور ممل صراحة ..

بس ليومج ماعرفت شالسبب لأنه تم فترة وراح هالشعور ..

تقديري ان صار عندج سرعة بحرق السعرات الحرارية ..أو صار شي بعملية الهضم ..

شوفي لج طبيب باطني أفضل .. وطمنينا عليج

ما تشوفين شر يارب

الشر ماييج
والله مادري يانور بس اتوقع بسبت الجو وقلة الشرب
اذا استمرت السالفه اسبوع باروح المستشفى وامري لله
تسلمين



تصدقين
دخل في خاطري أحط لي مكينة نسبرسو في المكتب
مع اني مب شريبة قهوة أبدا

ههه انا بعد ادخلت مزاجي المكينه
بس ابيها للبيت
لاني راعية كوفي :nice:

[المحاميه]

الحمدلله الوضع مستقر إلى حد ما حالياً

وباستمر على علاج النهار :nice:


بس الحين مشكله ثانيه عيني صارلها حول الخمس ايام ترف كل شوي

شالحل؟ وليش؟

[أم محمد 90]

عادي طبيعة المرأة جذي ,, على حسب هرموناتج ومزاجج ونفسيتج ..

لاتحاتين حبيبتي ,,
اهم شي لحد يمتن ويبتلش فالعيد

[المحاميه]

عادي طبيعة المرأة جذي ,, على حسب هرموناتج ومزاجج ونفسيتج ..

لاتحاتين حبيبتي ,,
اهم شي لحد يمتن ويبتلش فالعيد


اظاهر فتره وتعدي

قاعده اسيطر عالوضع مب ناقصه انا :weeping:

[فلتة زمانها]

هذي علامات مرض الاكتئاب

[حسن]

هذي علامات مرض الاكتئاب

صحيح

هل الامتناع عن الاكل والخوف منه بعد من علامات الاكتئاب
وكيف العلاج مراجعه عياده الطيب النفسي

[حمد 2002]

صحيح

هل الامتناع عن الاكل والخوف منه بعد من علامات الاكتئاب
وكيف العلاج مراجعه عياده الطيب النفسي

يعني قصدك أن المحاميه مريضة نفسيا ؟!

[المحاميه]

هذي علامات مرض الاكتئاب

اشدراج؟



صحيح

هل الامتناع عن الاكل والخوف منه بعد من علامات الاكتئاب
وكيف العلاج مراجعه عياده الطيب النفسي

شدخل
من وين جبت الفتوى والتأكيد؟
بعدين انا ماكل لان مابي وزني يزيد
شي عادي يعني كل البنات جذي
اصلا اذا الرياييل يخافون ياكلون فما بالكم باالبنات؟

كلام فاضي



يعني قصدك أن المحاميه مريضة نفسيا ؟!


ماتيوز انت
زين انك طلعت عيل :secret::nice:

[المحاميه]

خلاص الحمدلله الاحساس بالجوع راح اختفى
رجعت طبيعيه مثل قبل الحمدلله :nice:

[بو خليفه 123]

هرمونات الميتابوليزم يمكن نشطه هذي الفتره عندك و هو يعتمد على حالتك النفسيه .

أنا اعرف ناس اذا تضايقوا ياكلون الخضر واليابس
و أنا و انتي متشابهين في الطبع .. اذا تضايقنا او تكدرنا صعب جداً ناكل ..
مرات اذا كان التفكير شغال ناتج عن ضغوطات نفسيه هذا بنفسه يحرق سعرات حراريه و يؤدي الى الجوع .

غيري طريقة اكلك و جربي حبتين تمر بالعشاء مع عصير فواكه (افوكادو + موز + حليب) و الريوق كلي الي بخاطرك مثل بيض مفيوح او peanut butter مشبعين بالبروتين الي ينشعط الدوره الدمويه عندك و يطرد النفسيه السلبيه.


و اطلب منك لين رجعتي البيت و صليتي العصر قراءة مايلي :

قال الرسول صلى الله عليه وسلم : ما أصاب عبدا هم ولا حزن فقال اللهم إني عبدك ابن عبدك ابن أَمَتك ناصيتي بيدك ماضٍ فيَّ حكمك عدل فيَّ قضاؤك أسألك بكل اسم هو لك سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تجعل القرآن العظيم ربيع قلبي ونور صدري وجلاء حزني وذهاب همي وغمي إلا أذهب الله حزنه وهمه وأبدله مكانه فرحاً

[غايه الطواش]

اختي يمكن بسبب الحاله العصبيه اثرت على الهرمونات عندج , بس افضل حل سوي تحليل لهرمون الثايروكسين لانه له اثر مباشر بالاحساس بالجوع .

ماتشوفين شر

[بوحارب]

هذي علامات مرض الاكتئاب

على يدج عالجيها تختوره فلته :funny: