مبالغ خياليه ينفقها المواطنين بالخارج بأجازت الصيف !!

[حمد 2002]

السلام عليكم ورحمه الله وبركاته



قالو تبي تسافر مع فترة الصيف حياك معنا شوف احلى المصايف مصيافنا مابين باريس وجنيف قلت العفو ماني بناقص حسايف انا مصيفي دوحه العز والسيف ::عانقي الكون ياغالى بلد راية العز شيخك شالها تلعب الخيل وطيران السعد فارس الدار هو خيالها

هل السفر للخارج باجازت الصيف شيء واجب ؟!

وهل صحيح بان المبالغ التي ينفقونها بالخارج خلال فتره الصيف فوق ال 200 الف ؟

من الاولى بتلك المبالغ قطر ام الدول بالخارج ؟


وهل نحن فاشلون بالسياحه الداخليه ؟


ووووو ..


باترك لكم التعليق وفقا لصلب الموضوع وبدون الخروج عن حيثيات الموضوع ومحاوره الرئيسيه ووفقا لقوانين وسياسه المنتدى ..


بالتوفيق ..

[بوخالد911]

:waiting::waiting::waiting:

[R 7 A L]

قالو تبي تسافر مع فترة الصيف
حياك معنا شوف احلى المصايف

مصيافنا مابين باريس وجنيف
قلت العفو ماني بناقص حسايف

انا مصيفي دوحه العز والسيف




عانقي الكون ياغالى بلد راية العز شيخك شالها تلعب الخيل وطيران السعد فارس الدار هو خيالها






هل السفر للخارج باجازت الصيف شيء واجب ؟!

السفر شي ممتاز وتغير روتين وتروحين عن النفس ( للنفس حق )


وهل صحيح بان المبالغ التي ينفقونها بالخارج خلال فتره الصيف فوق ال 200 الف ؟

على حسب يختلف من شخص لاخر
( نسبة وتناسب )


من الاولى بتلك المبالغ قطر ام الدول بالخارج ؟
انا الاولى بهـــا اهم شي ( استانس بحلالي )



وهل نحن فاشلون بالسياحه الداخليه ؟

حتى لو عندنا سياحة راح تعجب الي جاي من برا
ماعمري رحت لدولة في العالم واستمتعت بالاماكن السياحية واهل المنطقة يشاركونا كل السياح من الخارج

[حسن]

صباح الخير يابوشهاب

توني اسمع الاغنيه في الرادو وانا في طريقي الى العمل
هو يقول سيف خلونا في الاسياف سكروها علينا كلها وضربوها بشبوك كان ممنوع عليك تروح
انتى تقعد سجين البيت والعملوالمجمعات رساله نوجهه الى المسؤلين الكبار الكبار بدعوى الحسد

نرجع الى موضوعك

شوف يابووشهاب قد كتبت كثيرا ومرار عن السفر اصبح فريضه واجبه على كل قطري وقطريه بالذات
وانا في طريقي
كنت افكر وافكر وافكر
شكثر هل الناس تصرف بيزات على هل السفرات الخربوطيه اللي ماجابت لنا الى التخلف والانحلال والتفسخ
والمحرمات والتخلي عن الدين في المقام الاول والعادات والتقاليد في المقام الثاني
مضيعه وقت بدون هدف
وفي الوقت الحالي مجتمع يحتاج الكثير من البشر
فانا اتمنى ان يفكر كل رجل رشيد ومحترم بالزواج من اخري وزياده عدد الاسكان
وخصوصا الاحصائيات الاخيره من وجهه نظري تقلص الاسره
زين عجل ليش هل الاراضي الكبار وليش هل الفلل القصور وليش هل الرواتب العاليه
ايش مردودها على الامن القومي

:telephone:

وبخصوص السياحه الداخليه شوف لو الحكومه سوت لهم قطر كلها تكيف وامطار وثلج
النسوان بيسافرون غصب على اللي يرضى واللي مايرضى
بسبب ان الكثير من الازواج فقد الرجوله والسيطره واصبح بحار وهي النوخذه
وش تنتظر ماغير الساعه

قول نحن فاشلون في التخطيط المستقبلي انا اتفق معاك ميه ميه

ياحمد انت تاذن في خرابه

خلاص فاتكم القطار

زواج القطريات من اوروبيين

هاهاهاها

[توشيبا]

ياخي فلوسي وانا حر فيها

اركب تكسي فلوسي

اكل بفلوسي

احجز تكت طياره بفلوسي

اشتري زقاير بفلوسي
اخلي راعي التعكسي يدق هرن بفلوسي

محد دافع من جيبه شي لي

ومارحت الا امتع عمري



اما بخصوص السياحه عندنا يمكن تسال السياح ليه يجون ويخسرون فلوسهم علي شي اسمه سياحه

[R 7 A L]

حسن

ردك خارج صلب الموضوع


وخيالك واسع

[العنيده]

في ناس تنفق مبالغ خياليه وفي ناس على قد حالها
كجزء من مكافئة النفس اذا توفرت الماده السفر لاي مكان ان كان الشخص يقدر
بس عندنا وين نروح :secret: شقر حمر خضر ماخلوا لنا مكان :(

[ضوى]

اللي عنده ليش مايرهي على نفسه ، يخش الفلوس للورثة !؟ واذا ماله وريث للحكومة !!؟ وعموما في السفر سبع فوايد وان شاء الله نستفيد منها ، اما المصاريف تختلف من عايله لاخرى

[حسن]

حسن

ردك خارج صلب الموضوع


وخيالك واسع

هاهاهاها

الى يارحال نظرتي استباقيه وهذا احنا نشوف واقعها ونعايشه
في اولويات اهم من هل التوافه

اما اللي يقول نفسيه ياخي عجزنا ونحن نقول عكاشه هو الحل الدائم
المصروفات اللي تصف وشنطه وخريطه هاروتز توني اشوفها ليش
يعني شوفوني ياام هلول
عجل تقبل زواج القطريات وانت تضحك وابتسامتك شاقه الحلج
هاهاها
ماعاد نقول مهب صاير الى اصبح الشي واضح يارحال
وانا اقولك احنا خلاص ماعاد ترجع الايام الاوليه خلنا نرسم الواقع بشكل مختلف

تصدق ماذبحني اللى المطرب هذا على الصبح يقول السيف ومايبي جنيف
كذاب ومليون كذاب
هم خلونا حسبي الله عليهم

[حمد 2002]

:waiting::waiting::waiting:

:shy::shy: شكلك بتصيف مع بوعلي بالطراد خخخ ،،

الله يوفقك وياليت تدلي بدلوك بالموضوع ::

[R 7 A L]

هاهاهاها

الى يارحال نظرتي استباقيه وهذا احنا نشوف واقعها ونعايشه
في اولويات اهم من هل التوافه

اما اللي يقول نفسيه ياخي عجزنا ونحن نقول عكاشه هو الحل الدائم
المصروفات اللي تصف وشنطه وخريطه هاروتز توني اشوفها ليش
يعني شوفوني ياام هلول
عجل تقبل زواج القطريات وانت تضحك وابتسامتك شاقه الحلج
هاهاها
ماعاد نقول مهب صاير الى اصبح الشي واضح يارحال
وانا اقولك احنا خلاص ماعاد ترجع الايام الاوليه خلنا نرسم الواقع بشكل مختلف

تصدق ماذبحني اللى المطرب هذا على الصبح يقول السيف ومايبي جنيف
كذاب ومليون كذاب
هم خلونا حسبي الله عليهم



زواج القطريات ؟
شلون فهمني

[غير البشر]

صح حمد ماعندهم يسافرون بالصيف ويخسرون فلوسهم :shy:

[حمد 2002]

السفر شي ممتاز وتغير روتين وتروحين عن النفس ( للنفس حق )



على حسب يختلف من شخص لاخر
( نسبة وتناسب )


انا الاولى بهـــا اهم شي ( استانس بحلالي )




حتى لو عندنا سياحة راح تعجب الي جاي من برا
ماعمري رحت لدولة في العالم واستمتعت بالاماكن السياحية واهل المنطقة يشاركونا كل السياح من الخارج

(دهنا في مكبتنا) هل المصلحه العامه توجب علينا ايجاد سياحه داخليه قويه ؟

ولو واحد عنده 8 اولاد وراتبه راتب حكومي ،، يالله يكفيه لين اخر الشهر :: شلووون يسافر ؟


وهل صحيح الي سمعناه بأن هناك بنات ايسافرون بروحهم ؟

واولاد اعمراهم تحت 18 سنه ايسافرون بروحهم ؟



هل يجب ان تكون هناك ظوابط وقيود بتلك العمليه ؟

[M7ammd]

انا بتكلم عن نفسي وردي

اولا اخوي حمد للعلم عن نفسي و الناس الي اعرفهم ما يبالغون فالسفر لكن المبالغة هي فالاسعار الي ندفعها ( مثلا القطرية رافعه اسعار التذاكر بشكل مبالغ فيه عالقطريين ) و حسب ما قالي صاحب مكتب سفريات ان الشرق الاوسط مصنف لدى جميع الفنادق باعلى ريت لايجار الغرفة , يعني وانت للحين فالدوحة بتدفع مبلغ و قدرة عشان تجهز لسفر .

ثانيا قطر صغيرة فالمساحة و لهذا السبب صعب جدا انك ترسخ مفهوم السياحة الداخلية عند المواطن القطري فمثلا اذا انت ساكن في الدفنه وين بتروح ؟ الريان و الخريطيات و الدحيل و الهلال و المطار كلها جنب بعض و اذا قلنا سيلين فهي حدها يومين و بتمل منها و لا تنسى ان الشاليهات ما تصلح فالصيف كثير بسبب حرارة الجو .

ثالثا النقطة الي انت ذكرتها ان فيه ناس تدفع ببذخ اعتقد انها حالات شاذة و ما تمثل الا نفسها و ما تمثل الشعب القطري كامل فهي مش مقياس

و اما سؤالك الاول هل السفر يعتبر واجب فاحب اقولك ان السفر له فوائد كثيرة جدا جدا من تغير الروتين و اعطاء دفعة ايجابية للعودة للعمل و ادوار نفسية كثيرة بالاضافة الى الادوار الثقافية المترتبة على التعرف على الثقافات الحضارات الاخرى

شكرا اخوي حمد عالموضوع واتمنى اني افدتك

[بوخالد911]

السفر محطة مهمة لكل انسان
تغيير جو والبعد عن متاعب الدنيا

الصرف يعتمد
ولكن مؤمن جدا بمثل انجليزي يقول :
you get what you pay for
تحصل على ما تدفع

تدفع أكثر بترتاح أكثر

[حمد 2002]

صباح الخير يابوشهاب

توني اسمع الاغنيه في الرادو وانا في طريقي الى العمل
هو يقول سيف خلونا في الاسياف سكروها علينا كلها وضربوها بشبوك كان ممنوع عليك تروح
انتى تقعد سجين البيت والعملوالمجمعات رساله نوجهه الى المسؤلين الكبار الكبار بدعوى الحسد

نرجع الى موضوعك

شوف يابووشهاب قد كتبت كثيرا ومرار عن السفر اصبح فريضه واجبه على كل قطري وقطريه بالذات
وانا في طريقي
كنت افكر وافكر وافكر
شكثر هل الناس تصرف بيزات على هل السفرات الخربوطيه اللي ماجابت لنا الى التخلف والانحلال والتفسخ
والمحرمات والتخلي عن الدين في المقام الاول والعادات والتقاليد في المقام الثاني
مضيعه وقت بدون هدف
وفي الوقت الحالي مجتمع يحتاج الكثير من البشر
فانا اتمنى ان يفكر كل رجل رشيد ومحترم بالزواج من اخري وزياده عدد الاسكان
وخصوصا الاحصائيات الاخيره من وجهه نظري تقلص الاسره
زين عجل ليش هل الاراضي الكبار وليش هل الفلل القصور وليش هل الرواتب العاليه
ايش مردودها على الامن القومي

:telephone:

وبخصوص السياحه الداخليه شوف لو الحكومه سوت لهم قطر كلها تكيف وامطار وثلج
النسوان بيسافرون غصب على اللي يرضى واللي مايرضى
بسبب ان الكثير من الازواج فقد الرجوله والسيطره واصبح بحار وهي النوخذه
وش تنتظر ماغير الساعه

قول نحن فاشلون في التخطيط المستقبلي انا اتفق معاك ميه ميه

ياحمد انت تاذن في خرابه

خلاص فاتكم القطار

زواج القطريات من اوروبيين

هاهاهاها

الي فهمته يابوعلي من حيثيات كلامك بأن النساء هم اللذين يشكلون عامل ضغط على ازواجهم ويدفعونهم للسفر للخارج ؟!!

طيب :: هل ال 200 الف ولا ال 100 الف لو ايحطها الرجال بمشروع تجاري ويمكن هالمشروع ببركه الله يووصل من 100 الف الى ملاين الملايين ،، وكل شيء ممكن بهذا الزمن بالعزيمه والاصرار :: أفضل من سفر للخارج بدايه متعه ونهايته تحسر !!





بالتوفيق يالذيب ..

[من بغى الزين]

سنه كامله وانا اشتغل وتعب من حقي أسافر وغير جوي لي وحق عائلتي وعيالي حرام لما أسافر استانس وفرح عيالي وزوجتي حنا في السنه مره نسافر في ناس شهر في قطر وباقي السنه برع 200 الف والله اقل تكلفه لانه كل شي صار غالي الفندق التذاكر

[حسن]

زواج القطريات ؟
شلون فهمني

الله يسلمك في موضوع شهني حقوق القطريه اللي تاخذ خليجي
وانا اقول ماعاد به خليجي في عربي وفي اوروبي والايام القادمه بتثتب لك
تخيل عيونه زرق وعاصم غترته امه قطريه الجواز وابوه بريطاني ويدق معاك خشم
ويقول الله حيه رحال
:)

اقول السفر هذا اكيد بيكون مصدر ارتباط بين اثنين وهذا شي طبيعي يعني انت
في امريكا واللي ادرسو ماتزوجو امريكيات كثر والقادم اكثر
شوف هذا بفضل السفر والانفتاح على المجتمعات الخارجيه وتغير النسل وقوه الهجين
يجونك بكره العيال ياكل بشوكه وسكينه ويتكلم انجليزي ويحمل جوازين وتعلم تعليم زين
مهب عيالنا من الصغر يبي بطبطه حق الدعوم والحوادث ولين كبر قال ستندر قديم
ومنزل خشمه ومتورلا وتواير بوالين
شنهو هذا

[حمد 2002]

ياخي فلوسي وانا حر فيها

اركب تكسي فلوسي

اكل بفلوسي

احجز تكت طياره بفلوسي

اشتري زقاير بفلوسي
اخلي راعي التعكسي يدق هرن بفلوسي

محد دافع من جيبه شي لي

ومارحت الا امتع عمري



اما بخصوص السياحه عندنا يمكن تسال السياح ليه يجون ويخسرون فلوسهم علي شي اسمه سياحه

فلوسك ليست ملكن لك بل ملكا للمجتمع وللأجيال القادمه ،، ويجب علينا توجيهك للطريق الصحيح بدلا من بعثرتها هنا وهناك ::

بالتوفيق ::

[غير البشر]

ياخي فلوسي وانا حر فيها

اركب تكسي فلوسي

اكل بفلوسي

احجز تكت طياره بفلوسي

اشتري زقاير بفلوسي
اخلي راعي التعكسي يدق هرن بفلوسي

محد دافع من جيبه شي لي

ومارحت الا امتع عمري



اما بخصوص السياحه عندنا يمكن تسال السياح ليه يجون ويخسرون فلوسهم علي شي اسمه سياحه




لا مب فلوسك ولا حلالك ولا كيفك تسافر :tease:

[حمد 2002]

حسن

ردك خارج صلب الموضوع


وخيالك واسع

:secret:

[R 7 A L]

(دهنا في مكبتنا)
هل المصلحه العامه توجب علينا ايجاد سياحه داخليه قويه ؟

يا خي ماتفهم انت
شلون سياحة داخلية
مفهوم السياحة ( شي للي جاي من الخارج )


ولو واحد عنده 8 اولاد وراتبه راتب حكومي ،، يالله يكفيه لين اخر الشهر :: شلووون يسافر ؟
عادي يسافر يروح ياخذ لهة عمره وبعدها لابها ولا للطايف كم يوم ويرجع



وهل صحيح الي سمعناه بأن هناك بنات ايسافرون بروحهم ؟

مادري
ماشفت بعيني سمعت مثل ما انت سمعت


واولاد اعمراهم تحت 18 سنه ايسافرون بروحهم ؟

ماشفت حتى في دبي




هل يجب ان تكون هناك ظوابط وقيود بتلك العمليه ؟لا
حرية شخصية








:telephone:
.

[وليف الشوق]

جونا اهو الجو اللي ماراح يتغير واذا تغير كم المدة او الوقت عشان يتحسن ؟ عشان جذي بالنسبه لي مالي وقت محدد للسفر سواء صيف او شتاء ومتى ماشفت عندي اجازه ومحتاج الى استرخاء او تغيير بعض الروتين اتجه الى اي مكان سواء في الداخل / الخارج ولنفرض سافرت للاسترخاء او الاستجمام هل اخسر 200،0000 على قولتك ؟ لاوالله ماصارت ومن تجربتي الشخصيه سافرت لبلد آسيوي وجميع الدرجات اهي vip وماخسرت اكثر من عشرة الاف ريال وانا من ناحيتي اللي يسافر عليه بألف مليون عافيه يستانس ويفرح ويشتري ويتسوق بفلوسه وحلاله ومااحد له حق عليه لكن نصيحتي اول شي يتقي الله في نفسه ويمثل بلاده خير تمثيل .. ولاتنسى تاخذ معاك سجادة الصلاة وبعض كتب الاذكار والقرآن ... والله الموفق

[حمد 2002]

في ناس تنفق مبالغ خياليه وفي ناس على قد حالها
كجزء من مكافئة النفس اذا توفرت الماده السفر لاي مكان ان كان الشخص يقدر
بس عندنا وين نروح :secret: شقر حمر خضر ماخلوا لنا مكان :(

صورتج الشخصيه تخوف خخخ :secret: ::

هذا لايسمى مكافأه للنفس بل اتلاف للنفس وللمجتمع ::


بالتوفيق ::

[R 7 A L]

الله يسلمك في موضوع شهني حقوق القطريه اللي تاخذ خليجي
وانا اقول ماعاد به خليجي في عربي وفي اوروبي والايام القادمه بتثتب لك
تخيل عيونه زرق وعاصم غترته امه قطريه الجواز وابوه بريطاني ويدق معاك خشم
ويقول الله حيه رحال
:)

اقول السفر هذا اكيد بيكون مصدر ارتباط بين اثنين وهذا شي طبيعي يعني انت
في امريكا واللي ادرسو ماتزوجو امريكيات كثر والقادم اكثر
شوف هذا بفضل السفر والانفتاح على المجتمعات الخارجيه وتغير النسل وقوه الهجين
يجونك بكره العيال ياكل بشوكه وسكينه ويتكلم انجليزي ويحمل جوازين وتعلم تعليم زين
مهب عيالنا من الصغر يبي بطبطه حق الدعوم والحوادث ولين كبر قال ستندر قديم
ومنزل خشمه ومتورلا وتواير بوالين
شنهو هذا




شكلك ياحسن متأثر في مواضيع الاخت بنت الدحيل


:shy:

[ضوى]

فلوسك ليست ملكن لك بل ملكا للمجتمع وللأجيال القادمه ،، ويجب علينا توجيهك للطريق الصحيح بدلا من بعثرتها هنا وهناك ::

بالتوفيق ::

جديدة هذي فلوسي مب ملكي ملك المجتمع ، ضحكتني والله ، عيل اتعب واشقى للمجتمع هاا!!

[غير البشر]

جديدة هذي فلوسي مب ملكي ملك المجتمع ، ضحكتني والله ، عيل اتعب واشقى للمجتمع هاا!!



هههههههههههههههههههه :secret:

[العلياا]

انا ماحب السفر وايد
لكن اذا سافرت المبلغ اللي قلته ولا شي

ورداً على سؤالك الاخير
نعم فاشلين جدا في السياحة الداخلية :)

[حمد 2002]

اللي عنده ليش مايرهي على نفسه ، يخش الفلوس للورثة !؟ واذا ماله وريث للحكومة !!؟ وعموما في السفر سبع فوايد وان شاء الله نستفيد منها ، اما المصاريف تختلف من عايله لاخرى

هلؤؤ اختي ضوى ::

حصلتي ليسن دولي ولا للحين ؟


جوفي طال عمرج :: عيالنا لهم حق بعد ،،

جوفي الاجانب يخشون الفلس على الفلس لكي يرسلون اولادهم للدراسه بارقى الجامعات للعالم ::

واحنا انخش فلوسنا للسفر بالخارج !!


مممم وبحسب معاج حسبه مبدأيه :: لو اتجمعين كل شهر 10 الاف ريال بسنه كم تصير 120 الف وبعشر سنين 1440000 :: وبعشرين سنه !! ::::



لازم انعرف اشلون انخش الفلس على الفلس لأيامنا القادمه :::



وشياب قبل يوم طفرت النفط ماراحوا بذروا وووو ، لانهم ذاقوا الحياه بحلوها وبمرها :: مب الحين كل شيء جاهم على الجاهز ::


واحنا مب ضامنين ايامنا القادمه وش خاشه لنا من مفاجآت !!!



بالتوفيق :victory:

[حسن]

الي فهمته يابوعلي من حيثيات كلامك بأن النساء هم اللذين يشكلون عامل ضغط على ازواجهم ويدفعونهم للسفر للخارج ؟!!

طيب :: هل ال 200 الف ولا ال 100 الف لو ايحطها الرجال بمشروع تجاري ويمكن هالمشروع ببركه الله يووصل من 100 الف الى ملاين الملايين ،، وكل شيء ممكن بهذا الزمن بالعزيمه والاصرار :: أفضل من سفر للخارج بدايه متعه ونهايته تحسر !!





بالتوفيق يالذيب ..


شوف ياحمد النساء تعدو مرحله الضغط على الازواج الحين هذاك قبل البوعزيزي لا يوولع
الانفجار حصل وانتهى
ومن يقولك الحين الحريم يفتكرون بازواجهم سافر ولا لا يبا الحين الوضع تغير
شبلاكم انتو تناقضون عمركم ولا عندكم مشاكل شخصيه وانفصام
الحين تقوله تودينا ودنه ولا انا رايحه رايحه رضيت ولا انرضيت
والله

قالت لهم وداد الكوراي هذا حال المجتمع في الايام المقبله قالو لا شلون مايسر مايجوز
احنا محافظين
محافظين ولا عمده تقصون على من

حمد الله يخليك انت عايش واقع مهب واقعك وقاعد تضرب على اوتار تسبب
ضغط وانفجار وعدم استنكار

قلت لك الايام لقحه بما هو اتي

:)

[حمد 2002]

لي عوده على الردود جميعها بعد قليل ...



بالتوفيق ::

[العنيده]

صورتج الشخصيه تخوف خخخ :secret: ::

هذا لايسمى مكافأه للنفس بل اتلاف للنفس وللمجتمع ::


بالتوفيق ::

ليش اتلاف .. يعني اتعب طول والسنه وعندي فلوس الحمدلله اقعد في البيت ليش اذا الله سبحانه انعم علي :rolleyes2:
كلها 10 ايام ورادين على قد الفلوس ولله الحمد escape

[توشيبا]

فلوسك ليست ملكن لك بل ملكا للمجتمع وللأجيال القادمه ،، ويجب علينا توجيهك للطريق الصحيح بدلا من بعثرتها هنا وهناك ::

بالتوفيق ::

عيل يلغون شي وزاره السياحه عندنا ليه نطمع في فلوس السياح

عاي فلوسهم ومجتمعهم اولي فيه ولا ايش رايك

مب حرام نجيب السياح عندنا وناخذ فلوسهم ومجتمعهم اولئ فيها ؟!

[AHMED27]

صباح الخير

[ANONYMOUS]

200 الف ماتكفي تذاكر ياخالي

[DreamBox]

السفر شيئ حلو لكن ليس بفريضه ولا سنه ، وانا اشوف الفئة اللي ماشافوا خير وفجاءة رواتب عاليه هم اللي يسرفون فالسفر كانهم مفجوعين .. فيه ناس قاموا يسافرون بس علشان يكتبون مواضيع ويحطون صور ، وناس شاديين حيلهم بس علشان الانسقرام ..

نعم بسافر مره فالنسه او السنتين لتغيير الجو .. او اي وقت احتاج للسفر ، لكن ليس للتباهي والمفوشر

كله في صوب واللي يصور البوردنق في صوب

ناس الله ابتلاهم بمرض وواجب علينا الدعاء لهم (الله يشفي ضعاف النفوس)

[حسن]

تعرف ياحمد ان الكثير باع او بيبيع سيارته للسفر الى لندن

:eek5:

تعرف ياحمد ان الكثير الحين يسوي رياضه علشان يضعف حق السفر ويطلع سمبتيك بالبدله

:eek5:

تعرف ياحمد ان الكثير قام يقص كرشته علشان السفر يكون شكله مرتب بالقميص والبنطلون
ولا بالكوتش

:telephone:

[بوخالد911]

200 الف ماتكفي تذاكر ياخالي

تكفي وزوووووووووود


بس ناس ما عندها قناعة !!!!!!!!!!!!!!!!!!!!!!!!!!

[R 7 A L]

تعرف ياحمد ان الكثير باع او بيبيع سيارته للسفر الى لندن

:eek5:

تعرف ياحمد ان الكثير الحين يسوي رياضه علشان يضعف حق السفر ويطلع سمبتيك بالبدله

:eek5:

تعرف ياحمد ان الكثير قام يقص كرشته علشان السفر يكون شكله مرتب بالقميص والبنطلون
ولا بالكوتش

:telephone:

هم الخسرانين
وقت ومال

[دااانة قطر]

السلام عليكم ورحمه الله وبركاته
وعليكم السلااام ورحمة الله وبركااته


هل السفر للخارج باجازت الصيف شيء واجب ؟!
مب وااجب لكن ضروري لكسر الروتين والترويح عن النفس


وهل صحيح بان المبالغ التي ينفقونها بالخارج خلال فتره الصيف فوق ال 200 الف ؟
شدعوه 200الف
راتب احجز فيه وراتب للمصاريف


من الاولى بتلك المبالغ قطر ام الدول بالخارج ؟
:eek5::eek5::eek5::eek5::eek5:
مو كفااية اللي راايح على ايجاار البيت؟؟


وهل نحن فاشلون بالسياحه الداخليه ؟
عطني مكاان سنع اقضي فيه اجاازتي مع بنااتي وهلي


باترك لكم التعليق وفقا لصلب الموضوع وبدون الخروج عن حيثيات الموضوع ومحاوره الرئيسيه ووفقا لقوانين وسياسه المنتدى ..
ممكن سؤاال موضوع الصرف أحسه مسبب لك أزمه خااطري أعرف الأسبااب
والله يعين زوجة المستقبل عليك

[mubarak2006]

ههههه زوجه المستقبل بتخليه يصيح ...السفر مهم بين فتره وفتره للتخفيف من ضغوطات الحياه ..ومادام انك متزوج زوجتك وعيالك لهم حـق عليك ولازم يغيرون جو شوي حتى لـو مكان قريب ...

[دااانة قطر]

ههههه زوجه المستقبل بتخليه يصيح ...السفر مهم بين فتره وفتره للتخفيف من ضغوطات الحياه ..ومادام انك متزوج زوجتك وعيالك لهم حـق عليك ولازم يغيرون جو شوي حتى لـو مكان قريب ...

ودي اذكر مواقف لكن احترما لأصحابها مسكت نفسي
مابي اروح بعيد لكن عيب واحد يكون عنده خير ويحرم هله من متع الدنيا بشرط ما يحط على عمره ديون
وبصراحه قريت رد فوق انها حق ورثه والله خوش انا اشقى واخرتها تروح حق ناس مادروا بي وانا عايشه

[بو خليفه 123]

أنا مع السفر بغض النظر عن المبالغه المصروفه . و لكن ضد السفر في حال تم اللجوء الى الاقتراض

[Locale]

احلى شي السفر
واذا على الصرف الحمدلله صرفنا معقول
كل شهر نوفر مبلغ للسفر
ولان اعيالي للحين مب في المدارس سفراتنا اغلبها شهر 11 الا هالمره كانت بداية اربعه
مب موسم واسعار التذاكر والفنادق ارخص

[عنيــــد]

يا مرحبا اخوي حمد ،،

بصراحه موضوعك في وقته و استغرب اللي يمر على رد النوخذه بو علي و لا يفكر فيه عدل ،، لانه بصراحه نبهني على امور مهمة جداً ..

في الاقتصاد بغض النظر عن اسبابنا اللي تدعونا للسفر و لكن ما يحدث من صرف الخليجيين في الخارج خلال الاجازات يعتبر هدر فادح جداً لأموال البلد ،، بدون مبالغة يمكن تقارب المبالغ اللي يحولونها الموظفين الاجانب للخارج ،،

العديد من الدول استغلت السياحة الوافدة و نهضت اقتصاداتها اعتماداً على اموال السياح ،،

و لكن في مثل هالمواضيع .. نحمل المسؤولية الأكبر لحكومات دول الخليج و في بعض الاحيان نحمل المواطنين المسؤولية ..

خلوني ابدأ من فئة المواطنين و مسؤوليتهم عن تضييع مدخراتهم ،،

هالفئة هم الناس اللي خلوا السفر يطغى على حاجاتهم الاساسية و التركيز على استمتاع ايام معدودة مقابل فوات فرص كثيرة لهم للعيش بشكل افضل ،، بعض الاخوه ارضه جاهزه للبناء و يتشكى ما عنده اللي يكفيه لبناء بيت العمر له و لعائلته و رايح يسافر ،، بعضهم يلجأ للقروض و يتحمل ديون بس عشان يسافر .. بعضهم تلقى سيارته قديمة او سيارة البيت تشتكي من الخرابات و رايح يسافر .. !!
هذا غير العزابية اللي ما كمل دينه بحجة غلاء المهور .. لكن لا جا الصيف لقيته اول المسافرين !!


اذا مغطي امورك كلها و مرتاح بحياتك و اهلك مرتاحين مب مشكله سافر و غير جو بحدود المعقول اللي عندك و صحتين على قلبك ..


اما المسؤولية الكبرى هنا اضعها على عاتق الحكومات ،، الحين لو الله رزقك بمبالغ جيدة و زايدة عن حاجتك ،، وين ممكن تصرفها ؟؟ طيب اذا بغيت ترفه عن نفسك و عن عائلتك وين و كيف تقدر في قطر ؟؟

لو اليوم عندك فلوس زايده عن حاجتك ،، شنهي الفرص الاستثمارية المتاحة للمواطن و رأس مالها معقول ؟؟ اجارات المحال التجارية مبالغ فيها جداً و فرص النجاح قلت ،، اراضي في الصناعية قدم و انتظر سنين و سنين و لا تدري يوصلك الدور و يمكن ما يوصلك ..

طيب ودك تتملك ارض مساحتها معقوله و تزرع فيها و تحيي الارض و تحط لك غرفتين بمزرعتك و بركة سباحة و نخل و تزرع من خير رب العالمين .. كم لازم ادفع ؟؟ كان بامكان الدولة توفر اراضي زراعية للمواطن و تدعمه بالرعاية اللازمة منها توفر على الدولة مبالغ طائله و تلقى منتج محلي ،، و منها استثمار لاموال المواطنين و طاقاتهم بطريقة ايجابية ،، و كذلك زيادة نسبة الاكسجين و محاربة التصحر و و و و ..


الثروة الحيوانية ايضاً نقف لها بالمرصاد و بقوة ،، الرعي صار ممنوع و اللي وده يحط له عزبة ابل او غنم راح يتعب و يعاني ،، الحيوانات اجلكم الله تمرض و تموت بسبب حبسها في اراضي صغيره في (مجمع العزب) ،، اضافة لتجمع العزب في مكان واحد منا سبب الروائح الكريهة و انتشار للامراض ..

اليوم مناطق قريبة تفصلنا عنها الحدود نهضت و ازدهرت في المملكة و ارتفعت اسعار اراضيها و اشتغلت محلاتها و ربحت الايدي العاملة فيها بسبب لجوء اهل الحلال و الراغبين في امتلاك مزارع للخروج من قطر لكي يريحون و يرتاحون من الضغوط التعجيزية من الحكومة للاسف الشديد ..

شوفوا من سلوى لين الحسا لين مناطق الجوف ،، كلها عامرة بسبب اهل قطر و اقصد اهل المزارع و اهل الحلال ..

طيب لا انا راعي حلال و لا انا تاجر و ابي استثمر ،، طيب انا مواطن ابي استانس مع عيالي ،، مدن ترفيهية ما عندنا ،، منتجعات سياحية ما فيه ،، سيف مثل العالم نظيف و مجهز ما فيه ،، ما عندنا الا العاب مجمعات و مطاعم و زيد عليها سباير و السينمات ..


اعتقد الموضوع مهم جداً و المفروض يناقش على اعلى المستويات لاستثمار اموال البلد و فتح الفرص للمواطن لكي يستثمر ماله و وقته و جهده في بلاده ،،

بالتوفيق للجميع ..

[بوحارب]

اللي يسحب سلفه من البنك عشان يسافر اعتبره مريض نفسيا :)

[عاهد بن علي]

البعض يحب البذخ

[Dana’1]

عليهم بالعافية بالأىل والأخير هم(المسافرين) مبسوططين

ومثل ما رزقنا الله البترول والغاز كدخل رئيسي لبلدانا الخليجية .. يناشبونا فية دول كبرى
الله رزق هذيك الدول بالجو الزين والمناظر الخلابة والشعب والحكومة أهتمو بطبيعتهم والإستفادة منها كدخل رئسي للبلاد.. وناشبهم في بلدانهم ونترسها

خل العالم تستانس :)

[(بوطلال)]

بعد الزيادات اصبح مبلغ 200الف ريال عند اغلب الاسر القطريه لاشيء .الحمدلله والله يعز حكومتنا.

[محب قطر 64]

السفر ليه فوايد عددها الامام الشافعي
السياحة مهمة للامم " قل سيروا بالارض فانظروا "
للعلم والنظر و التبصر و مشاهدة نعم الله والامم السابقة و الحضارة الحالية
يعجبني سياحة الاجانب والهدف منها
كل سنة دولة حتى ابنهم يكتب موضوع عن عطلته واش استفاد
تتوقعون السايح الاجنبي لمصر كم يكلف والقطري كم تكلفه ؟هنا الخلاف
انتم تعرفون سبل التوفير اللي يتبعها الاجنبي اثناء سياحته
جاء سائحان المانيان بالثمانينات لعندنا و قعدوا بالبيت 10 ايام ولفوا وشافوا الدنيا وكل سنة يروحون بلد
ولما جو يروحوا لبلادهم ارادوا الدفع فقلنا لهم ما معناه انها عيب عليبنا وهذه ضيافة
المهم الاخر/ هو استغلال العرب والاجانب لسياح الخليج بمبالغ خيالية في كل خطوة
لان السايح الخليجي يسلم ذقنة للمكاتب وهو ما يعرف شي
الاندماج بالامم والشعوب وخلق الصداقات مفيد للجميع
وصدق حمد وحسن شو بتوفروا
ولا تنسوا خطباء المساجد و الدعوة لعدم التبذير والاسراف ووعيد الدين لهم
وشكرا............................

[مشتاقة لقطر]

ماتوصل 200 الف بالنسبة لنا والتسوق يلعب دور .. فهالميزانية .. بالنسبة لي اتمشى واسوي برنامج لكل الاماكن السياحية حوالينا
الشوبينج اخر ما تبقى من الميزانية ناخذ فيه
وكل واحد حر بفلوسه المجتمع ماله عندي شي .. وين قاعدين بروسيا والا الصين ..
اسبوعين تجدد نفسيتك ومخك وتنسيك كل ضغوط وروتين بلادك .. وعملك ..
انا من مويدي السفر وبقوة..

[محب قطر 64]

البعض يحب البذخ
صدقت ولو كلفت مليون ما تهز شعرة براسه يصرفها ويرجع

[بصمة قطرية]

فلوسك ليست ملكن لك بل ملكا للمجتمع وللأجيال القادمه ،، ويجب علينا توجيهك للطريق الصحيح بدلا من بعثرتها هنا وهناك ::

بالتوفيق ::
خخخخخخخخخ
عجبتني فلوسك ليست ملكاً لك ..
يشتغل و يتعب و يكد و آخرتها فلوسه ليست ملكاً له ..
توشيبا
إنتحر أبرك لك ..

[بصمة قطرية]

200 الف ماتكفي تذاكر ياخالي

صادق
الطيارة الخاصة ما تكفي .. :omen2:

[طير حوران]

يستاهل كل شخص الرفاهيه ومن حقه فعلا مادام يدفع من جيبه فلا احد خسران الا هو

ولكن بشرط !!!!!

أن لانرى انه فاتح موضوع في المنتدى متذمرا من كثرة المصاريف ويطالب بزيادات رواتب وعلاوات او بحذف الاقساط التي لوأنه وفر على نفسه حق السفر سنه او ثنتين او ثلاث لكان قد انهاها

وللأسف ان بعضنا يقترض حق السفره الصيفيه ثم يتذمر

هناك من يعتبر سفر الصيف مثل فرض الصلاه ( يااخي اذا كان احد اركان الاسلام الحج ويقال فيه من استطاع اليه سبيلا أي متروك لأستطاعة الفرد ) فلماذا يكون السفر فرضا ؟؟!!

وفق الله الجميع لما يحب ويرضى

[بوحارب]

دام 200 الف ما تكفيكم حق التذاكر :)

انا ادفع هالمبلغ حق شحن مواتري لأوروبا عشا اتمشا فيها بس هههههههه

حمد شوف شلون الأعضاء يلعبون في فلوس المجتمع :(

[بوحارب]

يستاهل كل شخص الرفاهيه ومن حقه فعلا مادام يدفع من جيبه فلا احد خسران الا هو

ولكن بشرط !!!!!

أن لانرى انه فاتح موضوع في المنتدى متذمرا من كثرة المصاريف ويطالب بزيادات رواتب وعلاوات او بحذف الاقساط التي لوأنه وفر على نفسه حق السفر سنه او ثنتين او ثلاث لكان قد انهاها

وللأسف ان بعضنا يقترض حق السفره الصيفيه ثم يتذمر

هناك من يعتبر سفر الصيف مثل فرض الصلاه ( يااخي اذا كان احد اركان الاسلام الحج ويقال فيه من استطاع اليه سبيلا أي متروك لأستطاعة الفرد ) فلماذا يكون السفر فرضا ؟؟!!

وفق الله الجميع لما يحب ويرضى
والله انك صادق

انا اعرف شباب ومتزوجين وصكوا ال 40 سنة

للحين ما حجوا بسبب أسعار الحملات يقولون غالي وغالي

ولكن روح شوف ختومات جوازاتهم ما خلوا بلاد ما راحوها :)

[alsoq]

انا ان شاء الله بقضيها بالدوحة
خذيت اجازتي في رمضان
اسافر سياحة اروبا وانا ادري بنظره الاحتقار بعيون اهل البلد وغير مرحب بنا

حر بلادي يسوى عندي اروبا كلها فديت ترابها

[حسن]

يا مرحبا اخوي حمد ،،

بصراحه موضوعك في وقته و استغرب اللي يمر على رد النوخذه بو علي و لا يفكر فيه عدل ،، لانه بصراحه نبهني على امور مهمة جداً ..

في الاقتصاد بغض النظر عن اسبابنا اللي تدعونا للسفر و لكن ما يحدث من صرف الخليجيين في الخارج خلال الاجازات يعتبر هدر فادح جداً لأموال البلد ،، بدون مبالغة يمكن تقارب المبالغ اللي يحولونها الموظفين الاجانب للخارج ،،

العديد من الدول استغلت السياحة الوافدة و نهضت اقتصاداتها اعتماداً على اموال السياح ،،

و لكن في مثل هالمواضيع .. نحمل المسؤولية الأكبر لحكومات دول الخليج و في بعض الاحيان نحمل المواطنين المسؤولية ..

خلوني ابدأ من فئة المواطنين و مسؤوليتهم عن تضييع مدخراتهم ،،

هالفئة هم الناس اللي خلوا السفر يطغى على حاجاتهم الاساسية و التركيز على استمتاع ايام معدودة مقابل فوات فرص كثيرة لهم للعيش بشكل افضل ،، بعض الاخوه ارضه جاهزه للبناء و يتشكى ما عنده اللي يكفيه لبناء بيت العمر له و لعائلته و رايح يسافر ،، بعضهم يلجأ للقروض و يتحمل ديون بس عشان يسافر .. بعضهم تلقى سيارته قديمة او سيارة البيت تشتكي من الخرابات و رايح يسافر .. !!
هذا غير العزابية اللي ما كمل دينه بحجة غلاء المهور .. لكن لا جا الصيف لقيته اول المسافرين !!


اذا مغطي امورك كلها و مرتاح بحياتك و اهلك مرتاحين مب مشكله سافر و غير جو بحدود المعقول اللي عندك و صحتين على قلبك ..


اما المسؤولية الكبرى هنا اضعها على عاتق الحكومات ،، الحين لو الله رزقك بمبالغ جيدة و زايدة عن حاجتك ،، وين ممكن تصرفها ؟؟ طيب اذا بغيت ترفه عن نفسك و عن عائلتك وين و كيف تقدر في قطر ؟؟

لو اليوم عندك فلوس زايده عن حاجتك ،، شنهي الفرص الاستثمارية المتاحة للمواطن و رأس مالها معقول ؟؟ اجارات المحال التجارية مبالغ فيها جداً و فرص النجاح قلت ،، اراضي في الصناعية قدم و انتظر سنين و سنين و لا تدري يوصلك الدور و يمكن ما يوصلك ..

طيب ودك تتملك ارض مساحتها معقوله و تزرع فيها و تحيي الارض و تحط لك غرفتين بمزرعتك و بركة سباحة و نخل و تزرع من خير رب العالمين .. كم لازم ادفع ؟؟ كان بامكان الدولة توفر اراضي زراعية للمواطن و تدعمه بالرعاية اللازمة منها توفر على الدولة مبالغ طائله و تلقى منتج محلي ،، و منها استثمار لاموال المواطنين و طاقاتهم بطريقة ايجابية ،، و كذلك زيادة نسبة الاكسجين و محاربة التصحر و و و و ..


الثروة الحيوانية ايضاً نقف لها بالمرصاد و بقوة ،، الرعي صار ممنوع و اللي وده يحط له عزبة ابل او غنم راح يتعب و يعاني ،، الحيوانات اجلكم الله تمرض و تموت بسبب حبسها في اراضي صغيره في (مجمع العزب) ،، اضافة لتجمع العزب في مكان واحد منا سبب الروائح الكريهة و انتشار للامراض ..

اليوم مناطق قريبة تفصلنا عنها الحدود نهضت و ازدهرت في المملكة و ارتفعت اسعار اراضيها و اشتغلت محلاتها و ربحت الايدي العاملة فيها بسبب لجوء اهل الحلال و الراغبين في امتلاك مزارع للخروج من قطر لكي يريحون و يرتاحون من الضغوط التعجيزية من الحكومة للاسف الشديد ..

شوفوا من سلوى لين الحسا لين مناطق الجوف ،، كلها عامرة بسبب اهل قطر و اقصد اهل المزارع و اهل الحلال ..

طيب لا انا راعي حلال و لا انا تاجر و ابي استثمر ،، طيب انا مواطن ابي استانس مع عيالي ،، مدن ترفيهية ما عندنا ،، منتجعات سياحية ما فيه ،، سيف مثل العالم نظيف و مجهز ما فيه ،، ما عندنا الا العاب مجمعات و مطاعم و زيد عليها سباير و السينمات ..


اعتقد الموضوع مهم جداً و المفروض يناقش على اعلى المستويات لاستثمار اموال البلد و فتح الفرص للمواطن لكي يستثمر ماله و وقته و جهده في بلاده ،،

بالتوفيق للجميع ..


اشكرك على هذا الرد ياعنيد
البعض ماعنده رؤيا بعيده يفكر ان الطفره اللي عايش فيها بدوم له
ولا ماقرا عن ترشيد النفقات اللي صرح به وزير الماليه
وبعدين لاتنسى التخلي عن العادات الدينيه بسبه السفر
وانقطاع صله الرحم
واقسم باالله ان الالف العوائل لاتتواصل مع بعض
واويام التواصل واللي يشوفون فيها بعض ايام رمضان والعيدين واصبح الشعب
لايحظر هذه المناسبات عكس النصارا اللي لما يجي عيدهم يسافرون لشوفه اهلهم
وفرحه عيدهم وانظر لواقعنا شي محزن

قلت لكم السفرات هذه اللي اشوفها تذكرني بمثل احدى الدول الخليجيه
قبل اللي سبقونا في هذه العاده
وانظرو كيف وصل الحال بهم ونحن على نهجهم سائرون
كلها سنوات بسيطه وبنكون مسخ غريب

الليس الصبح بقريب
:)

[النهار]

واحد من ربعي سافر له سفره معتبره المانيا الاردن مصر
وجاي فرحان ههههههههههههه والله استانسنا مع الاهل كم صرفت
صرفت مع التذاكر 480 الف :eek5: جم 480 الف ليش شايفها وايد ترى اعرف ناس تعدى المبلغ ضعف مبلغي
انزين عليك مليونين ( 2 ) في البنك ماكان احسن لك تخفف مبلغ الدين وتدفعه للبنك
لايبا وناستنا اهم مهب البنك كل شهر يسحب القسط خلهم يسحبون حتى لوبعد 20 سنه مش مهم
على فكره كل سنه نفس الموال لازم التذاكر تكون على درجه اولى
الله يرحم ابوه كان يجي من دخان في بدي الانترناش وبياكم الفورد

[زقرتي ومزاجي]

أنا واحد من الناس اللي مايحبون السفر وصعب جداً أني أكسر الروتين
لكن قمه وناستي في الرحلات



يمكن أغير رأيي في يوم من الأيام

[ضوى]

واحد من ربعي سافر له سفره معتبره المانيا الاردن مصر
وجاي فرحان ههههههههههههه والله استانسنا مع الاهل كم صرفت
صرفت مع التذاكر 480 الف :eek5: جم 480 الف ليش شايفها وايد ترى اعرف ناس تعدى المبلغ ضعف مبلغي
انزين عليك مليونين ( 2 ) في البنك ماكان احسن لك تخفف مبلغ الدين وتدفعه للبنك
لايبا وناستنا اهم مهب البنك كل شهر يسحب القسط خلهم يسحبون حتى لوبعد 20 سنه مش مهم
على فكره كل سنه نفس الموال لازم التذاكر تكون على درجه اولى
الله يرحم ابوه كان يجي من دخان في بدي الانترناش وبياكم الفورد

عسى ماشر 480 الف !؟؟

هذا احنا نسافر وماشاء الله عايله ماقد تجاوزنا الميه الف مع السكن والتذاكر والصرف والمشتريات والهدايا بعد ، واكيد اذا عندي دين باسدده قبل لا اونس نفسي .

[OREO]

في العشر السنين اللي طافت شفت العجب من بعض لعوايل اللي مهب لاقيه تاكل و ما عندها قوت يومها ،، ما شاءالله في وقتنا الحاضر رب الاسرة قدر يقنع ام عياله و بناته لاجل يشتغلون و لاجل الكشخه و السفر ،،

يا رب الاسرة يا عاقل ادخر لك شي ليومك الاسود و حاول تسدد ديونك بدل السفرات و التبذر اللي مالها داعي و لا تنسى الناس تعرف ماضيك يوم كنت ساكن في قرقور اجار ،،

اللهم لا شماته لكن الاشكال هذه تحصلها اول عشرة ايام عايش عيشة الملوك و بقية الشهر قاعده على بساط الفقر و لدرجة مهب قادر يشتري صحن كيمه لعياله ،،

للاسف الامثلة كثيرة و الله يكون بعونهم ،،

[OREO]

واحد من ربعي سافر له سفره معتبره المانيا الاردن مصر
وجاي فرحان ههههههههههههه والله استانسنا مع الاهل كم صرفت
صرفت مع التذاكر 480 الف :eek5: جم 480 الف ليش شايفها وايد ترى اعرف ناس تعدى المبلغ ضعف مبلغي
انزين عليك مليونين ( 2 ) في البنك ماكان احسن لك تخفف مبلغ الدين وتدفعه للبنك
لايبا وناستنا اهم مهب البنك كل شهر يسحب القسط خلهم يسحبون حتى لوبعد 20 سنه مش مهم
على فكره كل سنه نفس الموال لازم التذاكر تكون على درجه اولى
الله يرحم ابوه كان يجي من دخان في بدي الانترناش وبياكم الفورد

هنا مربط الفرس ،،، امس ساكن في ملحق و اليوم قاعد يالعب بالملايين على حساب البنوك و فاوايدها و للاسف يجيك بنص الشهر و هو مهب قادر يصب بترول للسيارة الفارهه اللي ماخذها على حساب البنوك ،،

هل من متعض و عاقل ؟؟

[يمامـة]

البعض بالفعل يحب يفسس فلوسه في السفرات

في السابق قبل عمل المراة كانت موضة الكمبيالات وبيع السيارات والعقارات
لأجل السفر اليوم مع وفرة الخير بفضل من الله في الرواتب والحياة المعيشية
صار هدف الكثيرين انهم يتفنون في التخلص من هذا الخير دون تعقل..

[طير حوران]

واحد من ربعي سافر له سفره معتبره المانيا الاردن مصر
وجاي فرحان ههههههههههههه والله استانسنا مع الاهل كم صرفت
صرفت مع التذاكر 480 الف :eek5: جم 480 الف ليش شايفها وايد ترى اعرف ناس تعدى المبلغ ضعف مبلغي
انزين عليك مليونين ( 2 ) في البنك ماكان احسن لك تخفف مبلغ الدين وتدفعه للبنك
لايبا وناستنا اهم مهب البنك كل شهر يسحب القسط خلهم يسحبون حتى لوبعد 20 سنه مش مهم
على فكره كل سنه نفس الموال لازم التذاكر تكون على درجه اولى
الله يرحم ابوه كان يجي من دخان في بدي الانترناش وبياكم الفورد

لاحول ولاقوة الا بالله

[بوخالد911]

واحد من ربعي سافر له سفره معتبره المانيا الاردن مصر
وجاي فرحان ههههههههههههه والله استانسنا مع الاهل كم صرفت
صرفت مع التذاكر 480 الف :eek5: جم 480 الف ليش شايفها وايد ترى اعرف ناس تعدى المبلغ ضعف مبلغي
انزين عليك مليونين ( 2 ) في البنك ماكان احسن لك تخفف مبلغ الدين وتدفعه للبنك
لايبا وناستنا اهم مهب البنك كل شهر يسحب القسط خلهم يسحبون حتى لوبعد 20 سنه مش مهم
على فكره كل سنه نفس الموال لازم التذاكر تكون على درجه اولى
الله يرحم ابوه كان يجي من دخان في بدي الانترناش وبياكم الفورد

الله لا يبلانا

[مشتاقة لقطر]

للرفع .. نبي نشوف قصص اكثر .. كم ميزانياتكم .. والمدة

[توشيبا]

للرفع .. نبي نشوف قصص اكثر .. كم ميزانياتكم .. والمدة

انا احب اسافر ببلاش محمول مكفول :)

[النهار]

انا احب اسافر ببلاش محمول مكفول :)

هههههههههههههههه
والله فله توشيبا مافي مانع اروح معاك

[دااانة قطر]

وكالعادة صاحب الموضوع اختفى

[حمد 2002]

وكالعادة صاحب الموضوع اختفى

اتابعكم بين فرصه واخرى :: لان عندي ضغط عمل واااااااااايد ::

[رجل مثالي]

هناك العديد من الأسفار ممكن للعلاج
او للسياحة في الإجازات
او للعمرة والحج

او للمصالح التجارية والأعمال
التجارية وغيرها

[JN000N]

الي سافر وصرف 480 الف كلش ماستعبد موضوعه وعادي هو رايح مع الاهل مب بروحه
واحسب التذاكر اذا بزنز طبيعي بتكلف وايد
والفندق بيكلف ع حسب وين ساكن
غير صرفهم اكلهم مشربهم طلعاتهم تسوقهم

[ANONYMOUS]

تكفي وزوووووووووود


بس ناس ما عندها قناعة !!!!!!!!!!!!!!!!!!!!!!!!!!


ياخي يعتمد على عدد الاسره و درجة التذكره


انا بالنسبه لي لعبتي اسافي في الكرورز .. لا تذاكر ولا هم يحزنون

والتأمين مسويه سنوي :shy:





صادق
الطيارة الخاصة ما تكفي .. :omen2:



طبعا .. بس حبيت اهايط قبل لحد يسبقني :secret:




دام 200 الف ما تكفيكم حق التذاكر :)

انا ادفع هالمبلغ حق شحن مواتري لأوروبا عشا اتمشا فيها بس هههههههه

حمد شوف شلون الأعضاء يلعبون في فلوس المجتمع :(


ماتنلام .. الهدد حرارته اتش اتش اتش .. غطى ع الشيروكي هههه

لازم تبرد على قلبه في لندن .. يستاهل





واحد من ربعي سافر له سفره معتبره المانيا الاردن مصر
وجاي فرحان ههههههههههههه والله استانسنا مع الاهل كم صرفت
صرفت مع التذاكر 480 الف :eek5: جم 480 الف ليش شايفها وايد ترى اعرف ناس تعدى المبلغ ضعف مبلغي
انزين عليك مليونين ( 2 ) في البنك ماكان احسن لك تخفف مبلغ الدين وتدفعه للبنك
لايبا وناستنا اهم مهب البنك كل شهر يسحب القسط خلهم يسحبون حتى لوبعد 20 سنه مش مهم
على فكره كل سنه نفس الموال لازم التذاكر تكون على درجه اولى
الله يرحم ابوه كان يجي من دخان في بدي الانترناش وبياكم الفورد


حرام عليه مب عشان ال 480 .. فيه العافيه انشالله

حرق السفره ع النهايه :weeping:

[كيلو حديد]

شوف ياحمد النساء تعدو مرحله الضغط على الازواج الحين هذاك قبل البوعزيزي لا يوولع
الانفجار حصل وانتهى
ومن يقولك الحين الحريم يفتكرون بازواجهم سافر ولا لا يبا الحين الوضع تغير
شبلاكم انتو تناقضون عمركم ولا عندكم مشاكل شخصيه وانفصام
الحين تقوله تودينا ودنه ولا انا رايحه رايحه رضيت ولا انرضيت
والله

قالت لهم وداد الكوراي هذا حال المجتمع في الايام المقبله قالو لا شلون مايسر مايجوز
احنا محافظين
محافظين ولا عمده تقصون على من

حمد الله يخليك انت عايش واقع مهب واقعك وقاعد تضرب على اوتار تسبب
ضغط وانفجار وعدم استنكار

قلت لك الايام لقحه بما هو اتي

:)
الي زوجته تقوله هالكلام ويسكت يستاهل
عني ما اعده من الرجال

عادي اكسر رقبتها لو تفتكر بلحظه ان كلمتها فوق كلمتي

[غير البشر]

اتابعكم بين فرصه واخرى :: لان عندي ضغط عمل واااااااااايد ::




يعطيك العافيه اخوي بيل جيتس :shy:

[النهار]

يعطيك العافيه اخوي بيل جيتس :shy:

الله يعينه معيض يناقز من موضوع لموضوع وصارف اليوم على نفسه 22 ريال بس ليش هالاسراف يامعيض الله يعينك

[قهوة الضحى]

الي زوجته تقوله هالكلام ويسكت يستاهل
عني ما اعده من الرجال

عادي اكسر رقبتها لو تفتكر بلحظه ان كلمتها فوق كلمتي

هههههههههه للحين مانقرضوا هالفئة الي تستقوي بالكلام خلف الكواليس

[غير البشر]

دام 200 الف ما تكفيكم حق التذاكر :)

انا ادفع هالمبلغ حق شحن مواتري لأوروبا عشا اتمشا فيها بس هههههههه

حمد شوف شلون الأعضاء يلعبون في فلوس المجتمع :(



فلوس المجتمع طارت بوحروووب :weeping:

عندي جدول سفرات مرتبها من الحين
مايندرى كم بضيع من فلوس المجتمع

[غير البشر]

الله يعينه معيض يناقز من موضوع لموضوع وصارف اليوم على نفسه 22 ريال بس ليش هالاسراف يامعيض الله يعينك



مسكين معيض مايلحق على المواضيع
شغال اهني وف الاستراحه هههههه

هو على امل ان كافتيريا الورد يسوي عروض
اشتر دجاج مايونيز واربح تذكره مع اقامه اسبوع ههههه

[nooora]

الله يهديهم مثلا لو سافرو لندن حدهم اجواد رود لا ويكون فريسه سهله لاصحاب محلات ونفس الماركه او هدية بمكان ثاني باقل سعر ، ماحد يحرص في في مشترياته قال لك فلوسي وانا حر :tease: