يشتغل بدون سجل ؟!!

[w.qatar]

السلام عليكم

ابي اعرف اذا شخص يشتغل بدون سجل تجاري و يستهزئ بالرسوم اللي تفرضها الدوله و يقول ما بدنا نعطي فلوس لقطر وش الاجراء في حقه ؟؟

انا تعاملت معاه في تنجيد كنبه وحده ما عطانا فاتوره و قال اربع ايام اجيبها و استلم المبلغ 1500

جاب الكنبه بعد الاربع ايام و مخرب الشغل قلنا له نعطيك جزء من المبلغ و رجعها عدلها و جيبها وقتها قال لنا مافي فاتوره اساسا المحل اللي كنت اشتغل فيه سكر و

انا اشتغل بروحي مع ورشه و عمال بدون تراخيص لما قال هالكلام قلنا خلاص تعدلها بعدين نشوف الشغل و نعطيك الفلوس و قلت له على هالشغل الخربان بخصم منك وش هالشغل التعبان

المفروض امس يجيبها بعد التعديل اتصل قال العمال خربوها زياده

شوروا علي شسوي مع هالنصاب

ترا كلمت حمايه المستهلك قالوا مب اختصاصنا دام تكنسل السجل اللي كان يشتغل به قبل

[ana_ana]

عليكم السلام

انت رضيت تشتغل معاه وبعلمك من البدايه انه شغال بطريقه غير قانونيه في البلاد
الخطئ من البدايه

[Aaziz]

اتوجه لوزير الداخليه بانشاء قست تابع للبحث الجنائي متخصص في حالات الغش و مزاوله المهن دون تراخيص .
البلديه و موظفينها في النهايه ناس مدنيين (وان كان عندهم ضبط قضائي)

غشامه الناس + يسر الحال + تنوع و تجدد مجالات و انواع الغش ... اصبحت تتطلب تدخل امني لانها تشكل تهديد للمواطن .

[w.qatar]

للتوضيح هو فالبدايه ترا ما قال انه بدون سجل لما جاب الشغل و طلع خربان قال لنا

[ضوى]

الله يعينكم عزيزتي ، عشان جذي ماحب اشتغل الا في السليم ماحب اللف والدوران

[captin]

مرحبا

بما انه شخص اجنبي اكيد على كفالة شركة او شخص ومهدود في لبلاد
وبما انه لايمثل أي شركة قائمة او كيان تجاري
فالاصل يتم تقديم شكوى عليه بأحد مراكز الشرطة
بتهمة تنفيذ عمل وعدم تقديم فاتورة وعدم اتقان العمل

لما الشرطة تحقق في الامر راح يتم ضبطه بالعمل الحر وعدم العمل لدى الكفيل
وراح يتم اتخاذ اجراء ضده وضد كفيله اللي سمح له بالعمل بدون تصريح او اعارة رسمية.


عموما في ظل كثرة الوافدين والاعلانات اللي في الجرائد لازم الواحد يتأكد
من الاشخاص والشركات الوهمية وعلى الاقل يكون فيه شركة قائمة ولها مكان بين في السوق
وعندها عمالة وورشة ولها سجل تجاري ساري المفعول
كثير منا يغتش بالاعلانات في ملحق الجرائد ورخص بعض اسعار الخدمات وفي الاخير في حالة الخلاف
نكتشف انه لاتوجد شركة ولا سجل تجاري رسمي .

[رحال الدوحه]

السلام عليكم

ابي اعرف اذا شخص يشتغل بدون سجل تجاري و يستهزئ بالرسوم اللي تفرضها الدوله و يقول ما بدنا نعطي فلوس لقطر وش الاجراء في حقه ؟؟

انا تعاملت معاه في تنجيد كنبه وحده ما عطانا فاتوره و قال اربع ايام اجيبها و استلم المبلغ 1500

جاب الكنبه بعد الاربع ايام و مخرب الشغل قلنا له نعطيك جزء من المبلغ و رجعها عدلها و جيبها وقتها قال لنا مافي فاتوره اساسا المحل اللي كنت اشتغل فيه سكر و

انا اشتغل بروحي مع ورشه و عمال بدون تراخيص لما قال هالكلام قلنا خلاص تعدلها بعدين نشوف الشغل و نعطيك الفلوس و قلت له على هالشغل الخربان بخصم منك وش هالشغل التعبان

المفروض امس يجيبها بعد التعديل اتصل قال العمال خربوها زياده

شوروا علي شسوي مع هالنصاب

ترا كلمت حمايه المستهلك قالوا مب اختصاصنا دام تكنسل السجل اللي كان يشتغل به قبل

وعليكم السلام ورحمة الله وبركاته ،،

أول شئ اختي ربي يعوضج خير ، واشكرج على طرح الموضوع والكل يستفيد ولج الاجر
الشئ الثاني هالشخص مخالف وما قصروا الاخوان والاخوات بردودهم ، المشكله لازم يكون حد لهم وضبط قضائي
هالاشكال ونوعيه من الناس تضر بمصالح الكل من تجار والمستفيدين من الخدمات ( المستهلكين ) .

انا راعي مكتب واقدم خدمات وعلينا مصاريف شهريه من ايجار ورواتب و و و ، ويوم اقدم خدمه معينه برسوم
ولا قدر الله قصرت في شئ معاج او مع العميل يقدر يحاججني بالفاتوره او العقد او بالمقر .. لكن هالنوعيه
وين بتصيدينه ولا بشنو بتحاججينه لا ورا مصاريف ولا ايجارات .

ربي يوفقج تقدرين تشتكين عليه في اقرب مركز شرطه وبتاخذين حقج

[معماري قطري]

زين وإِن صادوه شبيسون فيه؟

عادي وايد مثله ووايد يشتغلون في بيوتهم .. حتى الطب الشعبي كل واحد دخل مجاله

المفروض فيه محاسبة وفيه ردع قوي وفيه قوانين تنظم كل شغلة وفيه ترخيص وتصنيف لكل مهنة

[الفني]

الله يكون في العون اسالي وين سوه الشغل في اي ورشه خذ اسم الورشه وقابل المدير وقولي له انه الشخص فلان خرب الشغل

[حسن الاحمد]

هذا الفرق بين شغل شركة معروفة ومحل محترم وبين واحد خربلك شغلك ... الحين الملامة ماتفيد والله يعوض عليك ...