مطالبه بتعديل مخالفات المرور

[WARNING]

مطالبه بتعديل مخالفات المرور:deal:
واضح ان اداره المرور يهمها الربح المادي قبل سلامت المواطن او مرتاد الطريق
ونلاحظ قيمه المخالفات المبالغ فيها .. اللي قيمت المخالفه راتب دريول شهر كامل

المطالب :court:

ْْْ***خفض سعر مخالفه الرادارفي حال زياده اول 20/كلم
مثال : (سرعه الشارع 80/كلم )
في حاله الزياده 81/كلم الى 100/كلم
بدال ماتكون 500 ريال تكون 100 لان الزياده بسيطه وغيرمقصوده
ليش 500 مره وحده وانا امشي 90 لو ابي اسرع اقدر امشي 140الفرق من بينهم 100ريال بس زياده في قيمه المخالفه
اما في حالة كان(سرعه الشارع 80/كلم )
والزياده فوق 101/كلم تستاهل مخالفه 1000ريال وحجز سياره بعد


***المخالفات الغيبيه
ياجماعه المخالفات هاذي انتهت من جميع الدول
أنت يارجل المرور دامك شفتني مخالف مش رابط حزام او اتكلم في التلفون او او..
وقفني وعلمني بالغلط دامك تعبت وسجلت اورقه وكتبت المخالفه وسلمتها ادارتك اتعب شوي ووقفني لان دورك مش تجمع فلوس وبس دورك توعيي ودورك الاهم اتحافظ على سلامت مرتادي الطريق

------------------------
اترك لكم التعليق اللي عنده اضافه

[brooq]

مؤيد 100 % .. بس حبذا لو تم تعديل العنوان إلى "مطالبة بتعديل جبايات المرور"

تحياتي ..

[R 7 A L]

مراراً وتكراراً اقول المرور محتاج ترميم

[العنيده]

مع تعديل المخالفات الغيبيه صح من حقي الشرطي يوقفني اقلها اعرف بنفس الوقت الغلط
بس تقليل المخالفات لا الا قطع الاشاره :victory: مع هالاسعار والسواقه تعبانه والحوادث الله يكفينا شرها , الزوار زادو والسواقه صارت امتحان سواقه والله المستعان

[موظف ((حكومي]

لاحياه لمن تنادي

[أبوفايد]

قبل اسبوع كنت صاف بجانب جمعية الميره في المنتزه بجانب الشارع بشترلي غرض من الجمعيه والشارع يا خوان ما في مصفات بتحصل الكل صاف بجانب الشارع رجعت للسياره حصلت دورية المرور وراي صافه فقالي السكيرورتي الشرطي خالفك والمشكله انه الشرطي كان في الجمعيه يشتري هههههههه رجع ومعاه كيس شبس وبيبسي ..... خالفني واهوه صافط غلط وكأنه المحرم على الناس حلال عليه!!!!!

[رجل الجزيرة]

مطالبه بتعديل مخالفات المرور:deal:
واضح ان اداره المرور يهمها الربح المادي قبل سلامت المواطن او مرتاد الطريق
ونلاحظ قيمه المخالفات المبالغ فيها .. اللي قيمت المخالفه راتب دريول شهر كامل

المطالب :court:

ْْْ***خفض سعر مخالفه الرادارفي حال زياده اول 20/كلم
مثال : (سرعه الشارع 80/كلم )
في حاله الزياده 81/كلم الى 100/كلم
بدال ماتكون 500 ريال تكون 100 لان الزياده بسيطه وغيرمقصوده
ليش 500 مره وحده وانا امشي 90 لو ابي اسرع اقدر امشي 140الفرق من بينهم 100ريال بس زياده في قيمه المخالفه
اما في حالة كان(سرعه الشارع 80/كلم )
والزياده فوق 101/كلم تستاهل مخالفه 1000ريال وحجز سياره بعد


***المخالفات الغيبيه
ياجماعه المخالفات هاذي انتهت من جميع الدول
أنت يارجل المرور دامك شفتني مخالف مش رابط حزام او اتكلم في التلفون او او..
وقفني وعلمني بالغلط دامك تعبت وسجلت اورقه وكتبت المخالفه وسلمتها ادارتك اتعب شوي ووقفني لان دورك مش تجمع فلوس وبس دورك توعيي ودورك الاهم اتحافظ على سلامت مرتادي الطريق

------------------------
اترك لكم التعليق اللي عنده اضافه

يا أخينا الفاضل/

دام إنك داري إنك مخالف فليه الشرطي يوقفك وينبهك؟ سؤالك غريب عجيب.

[MaRuKoO]

انتوا بس الفلوس الي هامتكم والله يقول المثل امشي عدل يحتار عدوك فيك وانتوا لولا الفلوس ما انضبطتوا والدليل انه المبلغ مسببلكم ازمه ومع ذلك مافي حرص يا ناس افهموا احنا جذي وموب خالصين من التهور هذا لمصلحتكم مافي الا يخرعونكم بالفلوس عشان تنضبطون :tease:

[شيخ الديرة]

يا أخينا الفاضل/

دام إنك داري إنك مخالف فليه الشرطي يوقفك وينبهك؟ سؤالك غريب عجيب.

حتى يوقفه راح يؤخر الطريق كله لمدة ربع ساعة , تأخير غير ضروري.

[Right]

كلام واقعي ، مؤيد له تماماً :victory:


أشكرك

[شيخ الديرة]

مطالبه بتعديل مخالفات المرور:deal:
واضح ان اداره المرور يهمها الربح المادي قبل سلامت المواطن او مرتاد الطريق


المرور مؤسسة حكومية وليست شركة ربحية, كيف توصلت ان المرور يهمها الربح؟؟

[بـويوسف]

الله يعين

انا على موتري مخالفة حزام .. والموتر واقف فالوكالة اسبوع


ويوم طلعته من الوكالة .. ثاني يوم الصبح تجاوز من اليمين + حجز <(طبعن القانون الجديد)

اتصلت التحريات قلت لهم اش موضوع المخالفة .. انا ولا مره سويتها

قال لي المخالفة فالوعب .. تذكرت اني كل يوم اطلع من خط الخدمة .. اشلون يعطيني تجاوز وانا طالع من خط الخدمة ..؟؟؟

قال لي راجع حجز الصناعية

ادفعها وامري لله .. ولا في حل للموضوع

[alsoq]

الى يزيدونها الاجانب مصخوها صراحه صار يضايقك بالشارع ولا عاد فيه احترام للقانون

اتمنى زياده المخالفات

حتى الكل يحترم القانون والازام به ناس ما تعرف سيارات يجيك هنا يرتز في سياره

[المحقق كونان]

أتمنى من إدارة المرور رفع قيمة المخالفات عشان الكل يحترم قانون المرور في الدولة

ويحطون مواقف بفلوس عشان محد يحتكر الموقف

[وافي قطر]

انا ما راح اعلق عن موضوع زياده قيمه المخالفه او خفضها
فهذا الشي لا يهمني

لكن اللي يهمني وبنفس الوقت يقهرني
لما تجيك مخالفه انت ما عملتها اساساً
هنيه شالحال في وجهه نظركم
والاخس من كذا مو المخالفه او الغرامه بحد ذاتها
بالمسج اللي وصلني قبلها مكتوب فيه
يرجى مراجعه حجز المركبات
ليش عسى ماشر ان شاء الله
شمسوي وليش مخالفه بشارع الوعب
وانا اصلاً ما سويتها
هنيه من يحل لي مشكلتي
موتري صار له 3 ايام صاف فالبيت
وقاعد اناقزمن موتر فلان الى موتر علان
وهذا كله عشان ما يمسكوني
لاني عارف انهم ظالميني

ما قول غير

حسبي الله ونعم الوكيل

[شيخ الديرة]

مطالبه بتعديل مخالفات المرور:deal:
واضح ان اداره المرور يهمها الربح المادي قبل سلامت المواطن او مرتاد الطريق
ونلاحظ قيمه المخالفات المبالغ فيها .. اللي قيمت المخالفه راتب دريول شهر كامل


ضاعف راتب دريولك 10 مرات, وتنحل المشكلة بسرعة.

[العنيده]

انا ما راح اعلق عن موضوع زياده قيمه المخالفه او خفضها
فهذا الشي لا يهمني

لكن اللي يهمني وبنفس الوقت يقهرني
لما تجيك مخالفه انت ما عملتها اساساً
هنيه شالحال في وجهه نظركم
والاخس من كذا مو المخالفه او الغرامه بحد ذاتها
بالمسج اللي وصلني قبلها مكتوب فيه
يرجى مراجعه حجز المركبات
ليش عسى ماشر ان شاء الله
شمسوي وليش مخالفه بشارع الوعب
وانا اصلاً ما سويتها
هنيه من يحل لي مشكلتي
موتري صار له 3 ايام صاف فالبيت
وقاعد اناقزمن موتر فلان الى موتر علان
وهذا كله عشان ما يمسكوني
لاني عارف انهم ظالميني

ما قول غير

حسبي الله ونعم الوكيل

مايحتاج الموتر مممكن متابعة المرور شخصيا واذا غلط ترى ممكن يبلغونك حال الناس اللي تصحصح وفي ناس تخالف ومانتبهت فيوم يراونهم يتاكدون
من الاهل مر بنفس الموقف جا له مسج ويحلف انه ماخالف ويوم راح تاكد انه سيارته ..

[بوخالد911]

لا تسرع وما راح تتخالف
:victory:

[Aaziz]

رجل المرور غير مؤهل
و القوانين المرور و اليه تطبيقها و الهدف منها لا يكمل القصور الموجود في رجل المرور

[عثرة جواد]

والله قدامي ف كتارء كنت نازله اصلي وهو نازل يخالف سالته ليش اتخالف السيارت

قال واقفين غلط قلت له اخوي محتاج حمام اويصلي ولا افتكر قام يلصق بسرعه ع السيارات وحرك

كل الي همهم الترقيه والزياده حرام تراء المواطن مب مليارديه ياريت ايكون عليهم رقيب وحسيب لانهم تمادووايد

[لـبـيـه]

مع اني ما اعتقد انهم ينزلون حتى بسعر الطماط

بس انا معاك بكل شي قلته واطالب بتعديل بعض المخالفات الي مالها داعي كلش

مثل الحزام في الاماكن الزحمه والفرجان والمواقف والاشارات الحمره

ومخالفة المواقف الي ماتسبب في عرقله السير

[Aaziz]

يا اخوان

الرادار ابدا ابدا مهما رفعتو قيمه المخالفه الماديه ماراح يكون رادع

قللو قيمه المخالفه و خلوها تبدا ب 200 ريال
و ترتفع قيمه المخالفه بمقدار تخطي السائق للسرعه القانونيه لتتدرج المخالفه من ماديه الى سحب رخصه الى صحب رخصه و حجز السياره الى سحب رخصه و حجز سياره لمده اطول و سجن .

مثلا الشارع سرعته 120
من 120 - 130 = 200 ريال
من 130 - 140 = 400 ريال
من 140 - 150 = 600 ريال + سحب رخصه لمده اسبوع
من 150 - 160 = 800 ريال + سحب رخصه + حجز السياره اسبوع
من 160 - 180 = محكمه + غرامه + حجز سياره + توقيف السائق مده لاتقل عن 24 ساعه
من 180 - فما فوق = يترك لتقدير القاضي

[WARNING]

وعلى ماسمعنا ان اللي يخلص دفتر المخالفات له اجازه في الرصيد :playball:

اشكركم على تفاعلكم مع الموضوع

[المحقق كونان]

والله قدامي ف كتارء كنت نازله اصلي وهو نازل يخالف سالته ليش اتخالف السيارت

قال واقفين غلط قلت له اخوي محتاج حمام اويصلي ولا افتكر قام يلصق بسرعه ع السيارات وحرك

كل الي همهم الترقيه والزياده حرام تراء المواطن مب مليارديه ياريت ايكون عليهم رقيب وحسيب لانهم تمادووايد

وقف في البركننج وامش لين المسيد وفي كل خطوة حسنة ومنها رياضة

[زهرة بنفسجية]

في حلول رادعه غير المخالفات بالمبالغ الباهظة
مثلا ..
تقطع الإشارة
ليش ما يسوون نفس عواميد الحديد اللي تطلع من الأرض أوتوماتيك لما تسكر الإشارة .!
أنا اشوفهم صار هدفهم مادي
يحطون لك رادار مخفي !
و مثل ما ذكر أحد الإخوان يخالف و هو نفسه مخالف !
هرمنااا

[شيخ الديرة]

ليش ما يسوون نفس عواميد الحديد اللي تطلع من الأرض أوتوماتيك لما تسكر الإشارة .!

أقتراح مثير للدهشة, هل رأيت هذه العواميد مطبقة في أي دولة أخرى؟ أم تريد تجربها هنا؟


أنا اشوفهم صار هدفهم مادي


وأنت حاول أن تفشلهم بالوصول الى هدفهم عن طريق الألتزام بالسرعة وقوانين المرور



و مثل ما ذكر أحد الإخوان يخالف و هو نفسه مخالف !

أداءه لعمله يستوجب الوقوف لدقائق في أماكن ممنوع بها الوقوف, والقانون سمح له بذلك, ولم يسمح لك


في حلول رادعه غير المخالفات بالمبالغ الباهظة

مادامك قلت باهظة, وغير رادعة برأيك, يبدو أنها تحتاج أن تكون أكثر باهظة لكي تكون رادعة بفعالية أكثر

[مساهم متوهق]

عندي اقتراح بسيط ليش مايكون لديهم فكرة تخفيض المخالفات في وقت معين الى حد 50% مثل بعض الدول المجاوره يكون صايد له عصفورين بحجر اولاً دفع المخالفه وثانياً تخفيف على السائق .......... هذا مجرد اقتراح لادارة المرور...

[khalid Qtr]

مقترح ممتاز ، مؤيد ، أكثر مخالفاتي على سرعة 91 و 92 وحولها

[بوغانم995]

ونعم الراي الصواب ....على الأقل تخفيض قيمة المخالف الذي يشجع المواطن والمقيم على التسديد الفوري ...500 تخفض للنص 250 ريال ...يعني اذا كانت المخالفات 10آلاف يمكن تخفض للنصف 5000 ريال على الأقل ....مجرد وجهة نظر .....

وبوناصر أدام الله في عمره ووفقه بالبطانه الصالحه مايقصر ....وجده الثاني رحمه الله أسد الوغى (( ساحة الحرب ))

رحم الله تعالى الشيخ أحمد بن محمد بن ثاني بن محمد ـ الذي كان نعم الرجل الذي بذل الغالي والنفيس في أرساء قواعد هذا البلد الغالي علينا .

فشارك في وقعة الغارية، ثم في وقعة ربيجة، ووقعة مرير بشمال قطر.

وكذلك كان على رأس أول السرايا مثل : وقعة خنور، وقعة سويحان، وقعة بينونة، وقعة الصفا.

ثم قاد رحمه الله ـ ومعه 15 رجلاً من أعيان البلاد،المفاوضات مع حافظ باشا بعد وصله وجيوشه إلى قطر، مبيتاً النيه الغدر بأهل قطر فأسرالمفاوظين غدراً .

وذهب, ليقاتل الشيخ قاسم ـ رحمه الله ـ وهو لا يعلم بوفاء اهل قطر وأخلاصهم , فهبت واجتمعت قبائل قطر على قلب رجلاُ واحد وشتبكت في حرباً بلا هواده مع مدحت باشا لتخليص الشيخ محمد بن حمد. ومن معه رحمه الله .
وتم لهم النصر عليه بقيادة المؤسس في معركة الوجبة، وفك الشيخ أحمد ومن معه من الرهن. بعدها تنازل الشيخ قاسم إلى أخيه الشيخ أحمد ـ وإن ظل هو المدبر الفعلي للأمور ـ إلى أن لقي ربه عام 1905م. رحم الله الرجال المخلصين أجمعين ...اللهم آآآمين .

وتكريمًا له خلد اسمه في عدد من معالم البلاد، منها: 1 - كلية أحمد بن محمد . 2 - شارع أحمد بن محمد بن ثاني . 3 - مدرسة أحمد بن محمد .والسلام

[زهرة بنفسجية]

شيخ الديرة
اي شفت ه العواميد مطبقه بغير دول
شفتها بتركيا
و فكرة ناجحه

و لعلمك انا التزم بقواعد المرور و ما اخالف
لكن مو معقول عشان السرعه محددة 80 يصيدني الرادار على 82 !
ولا برد عليك بباقي النقاط لأنه الواضح انا بصوب و انت بصوب ثاني مختلف تماما

[زهرة بنفسجية]

قبل اسبوع كنت صاف بجانب جمعية الميره في المنتزه بجانب الشارع بشترلي غرض من الجمعيه والشارع يا خوان ما في مصفات بتحصل الكل صاف بجانب الشارع رجعت للسياره حصلت دورية المرور وراي صافه فقالي السكيرورتي الشرطي خالفك والمشكله انه الشرطي كان في الجمعيه يشتري هههههههه رجع ومعاه كيس شبس وبيبسي ..... خالفني واهوه صافط غلط وكأنه المحرم على الناس حلال عليه!!!!!

اقرأ الرد عدل عشان تشوف انه الشرطي ركن السيارة غلط عشان يشتري بيبسي و شيبس مش عشان يقوم بعمله كما ذكرت!!!!!!!!

[شيخ الديرة]

شيخ الديرة
اي شفت ه العواميد مطبقه بغير دول
شفتها بتركيا
و فكرة ناجحه

و لعلمك انا التزم بقواعد المرور و ما اخالف
لكن مو معقول عشان السرعه محددة 80 يصيدني الرادار على 82 !
ولا برد عليك بباقي النقاط لأنه الواضح انا بصوب و انت بصوب ثاني مختلف تماما

هل شفتها في تركيا في تقاطع عادي، أم في منطقة خاصة مثل مدخل خاص كفندق أو سفارة أو ما شابه؟ لأن من غير المعقول تضع أعمدة في تقاطعات عامة لأسباب فنية ومادية متعددة

[شيخ الديرة]

اقرأ الرد عدل عشان تشوف انه الشرطي ركن السيارة غلط عشان يشتري بيبسي و شيبس مش عشان يقوم بعمله كما ذكرت!!!!!!!!

ومن الذي خالف الأخ صاحب القصة ؟

[بو طالب]

لا تسرع وما راح تتخالف
:victory:

حبتين لك يالراايق

[مشـــــاعر]

انتوا بس الفلوس الي هامتكم والله يقول المثل امشي عدل يحتار عدوك فيك وانتوا لولا الفلوس ما انضبطتوا والدليل انه المبلغ مسببلكم ازمه ومع ذلك مافي حرص يا ناس افهموا احنا جذي وموب خالصين من التهور هذا لمصلحتكم مافي الا يخرعونكم بالفلوس عشان تنضبطون :tease:

+1

بصرآإحة لو يزيدون آإلمبآإلغ بعد بتخآإلفون . .
بآإلعكس شبابنا ماينفع معآإهم إلآإ آإلفلوس ويآإليت بعد (يتعضون) ويتوبون . .

أنا ضد آإلتعديل إلآإ بآإلزيآإدة وبس . .

[Mohammed2]

بالله عليكم الشارع سرعته 80 امشي 90 مخالفه 500 ريال !!

في ذمتكم يسوى ادفع هالمبلغ عشان مشيت 90 :)

[زهرة بنفسجية]

اي شفتها بشوارع عامة لا رحت سفارات و لا رحت فنادق
وانت قلت كلامك يناقض بعضه !

ما عندهم حلول هنا إلا ** ادفع .. ادفع **
و ياريت تجيب نتيجة

[شيخ الديرة]

اي شفتها بشوارع عامة لا رحت سفارات و لا رحت فنادق
وانت قلت كلامك يناقض بعضه !

ما عندهم حلول هنا إلا ** ادفع .. ادفع **
و ياريت تجيب نتيجة

مثل هذي قصدك؟ وتسميها ناجحة


http://www.youtube.com/watch?v=YU7VNnuanhA

[رجل مثالي]

مطالبه بتعديل مخالفات المرور
واضح ان اداره المرور يهمها الربح المادي قبل سلامت المواطن او مرتاد الطريق
ونلاحظ قيمه المخالفات المبالغ فيها .. اللي قيمت المخالفه راتب دريول شهر كامل



نعم قيمة المخالفات مبالغ فيها الكثير
وهذا ينزف من دخل الفرد القطري
وهو عنده التزامات كثيرة نرجو
التفكير في قيمة المخالفات الكبيرة
على المواطنين

[المحقق كونان]

مثل هذي قصدك؟ وتسميها ناجحة


http://www.youtube.com/watch?v=YU7VNnuanhA

ماتنفع لشوارع عامة

هذي للمداخل الخاصة والسيفتي للمبنى والبوابة

[عبدالله 2022]

مانبي اي تعديل ع القوانين بس شي بسيط وهي زيادة 10 على الرادارات نفس الامارات
يعني الشارع اذا سرعته 80 تمشي 100 عادي بس اذا 101 مخالفة عندنا 90 عادي 91 مخالفة

[بوسنيدة]

المرور محتاج تغير شامل والأرقام المميزة ناس وناس وبيع ثاني يوم

[عالي الهمم]

مع القانون الجديد وحجز المركبة

ولو يبون يرفعون المخالفات 50%.. ما عندي مشاكل

قيادة المركبة فن وذوق واخلاق .. اللي مب راضي يفهم هالعباره خل يخالفونه

وان شاء الله يحلون مشكلة الهنود اللي يعرقلون السير يعني ما يصير سرعة الخط 80 والحبيب يمشي 40 :rolleyes2:

و #راسك_سالم :nice:

[بو طالب]

مثل هذي قصدك؟ وتسميها ناجحة


http://www.youtube.com/watch?v=YU7VNnuanhA

ههههههههه عجيب والله

فجاَه تخيلت مثلها في الدوحه

تحصل الهندي راسه ناشب ف القزاز القدام ههههههه

[شيخ الديرة]

مانبي اي تعديل ع القوانين بس شي بسيط وهي زيادة 10 على الرادارات نفس الامارات
يعني الشارع اذا سرعته 80 تمشي 100 عادي بس اذا 101 مخالفة عندنا 90 عادي 91 مخالفة

ما الفرق بين 90 و 100 في شارع الوعب مثلا؟ لو فرضنا أن كل الأشارات خضراء من أشارة حياة بلازا الى دوار الرياضة, المسافة 6 كم, تحتاج 36 ثانية اضافية اذا مشيت بسرعة 90 مقارنة بسرعة 100

36 ثانية فقط

[العنيده]

بالله عليكم الشارع سرعته 80 امشي 90 مخالفه 500 ريال !!

في ذمتكم يسوى ادفع هالمبلغ عشان مشيت 90 :)

طيب انت قلت 80 ليش تمشي 90 :rolleyes2:
واللي اعرفه ان المخالفه تكون فوق ال90 ولو ب +1

[أبوفايد]

ومن الذي خالف الأخ صاحب القصة ؟
اشكرك على الرد :)

[العنيده]

المرور محتاج تغير شامل والأرقام المميزة ناس وناس وبيع ثاني يوم

ايش بيفيد التغيير اذا السواقه هي التعبانه :)
صح القانون شاد عليهم بس للاسف مب قاعدين نشوف اي تحسن
كسر قوانين بطريقه احيانا مرعبه ..
ولو تغير المرور نضمن السواقه بتتغير:rolleyes2: , الامان في الشارع محتاجينه ..

[شيخ الديرة]

صح القانون شاد عليهم بس للاسف مب قاعدين نشوف اي تحسن


ما بحال الفلوس, الغرامات غير قاسية الى درجة أنه يتذكرها كلما يفتح باب السيارة حتى ينزل الشارع

http://www.waraqat.net/2008/07/speed_car.jpg

[رجل مثالي]

https://m.facebook.com/story.php?story_fbid=539593282813732&id=111768258929572

هذي تعليمات المرور ، اي واحد يصورك ويرسل الصورة للمرور حتي إذا ما كان شرطي ، غرامه ألفين ريال وحجز السيارة شهرين في الصناعية في الشمس ، يعني خراب بيوت .

منقققققول

هل هذا الخبر صحيح من المعروف
ان تصوير الآخرين يعتبر جريمة ويعاقب
عليه القانون في جميع العالم وهذا يسبب
مشاكل للناس وخطورة للآخرين وعداوات
بين الناس

منققققول

[Sowaidi]

https://m.facebook.com/story.php?story_fbid=539593282813732&id=111768258929572

هذي تعليمات المرور ، اي واحد يصورك ويرسل الصورة للمرور حتي إذا ما كان شرطي ، غرامه ألفين ريال وحجز السيارة شهرين في الصناعية في الشمس ، يعني خراب بيوت .

منقققققول

هل هذا الخبر صحيح من المعروف
ان تصوير الآخرين يعتبر جريمة ويعاقب
عليه القانون في جميع العالم وهذا يسبب
مشاكل للناس وخطورة للآخرين وعداوات
بين الناس

منققققول


التتصوير بس من تطبيق مطراش
وليش التصوير ممنوع كل يوم الناس تصور وصور كثيره في الجرايد بعد

[شيخ الديرة]

https://m.facebook.com/story.php?story_fbid=539593282813732&id=111768258929572

هذي تعليمات المرور ، اي واحد يصورك ويرسل الصورة للمرور حتي إذا ما كان شرطي ، غرامه ألفين ريال وحجز السيارة شهرين في الصناعية في الشمس ، يعني خراب بيوت .

منقققققول

هل هذا الخبر صحيح من المعروف
ان تصوير الآخرين يعتبر جريمة ويعاقب
عليه القانون في جميع العالم وهذا يسبب
مشاكل للناس وخطورة للآخرين وعداوات
بين الناس

منققققول

خطوة غير معروف عقباها, وخاصة في محيط مجتمع الدوحة. التصوير غير مرغوب به وقد يتعرض من يقوم بالتصوير لمشاكل هو في غنى عنها.

البرنامج يحتاج ما يلي

1. حصانة قانونية صريحة ومضمونة لمن يقوم بالمشاركة في أرسال أي بيانات
2. أن يقوم البرنامج بأعلام من قام بأرسال البيانات بالأجراءات التي تم أتخاذها من جراء بلاغه

[saeed2005]

الحقيقة الموضوع جاء على الجرح المخالفات فلستنا حرام هذه المبالغة في قيمة المخالفات وليس عندنا واسطات تشيلها ... لابد أن يكون هناك تناسب بين المخالفة والعقوبة يعني في البلدان المجاورة أسعار المخالفات أقل من النصف بالنسبة لأسعار المخالفات هنا عدم ربط الحزام خمسمائة والكلام بالجوال خمسمائة غير الألوف في تجاوز السرعة والوقوف الخطأ وو ... يا جماعة الخير ترى رواتبنا ضعيفة وما تتحمل هذه الأسعار المبالغ فيها قد يقول قائل وليش تخالف قلنا الخطأ من طبيعة الإنسان قد تنسى ربط الحزام وقد تتساهل فيه وقد تتجاوز السرعة المحددة بغير قصد وقد تقف مضطرا في مكان خطأ محد ضد العقوبة لكن المبالغة فيها شيء يحزن ويشعر الإنسان بالغبن والظلم وأنهم يأكلون ماله بالحرام لا سيما وأن المذاهب الأربعة جميعها تقول إن العقوبات المالية التي يفرضها ولي الأمر غير جائزة وهي محرمة ولا تحل له .

[WARNING]

السالفه معروفه مصاريف كاس العالم من مخابينا

[ولد سالم]

أحلى شي انهم لقو ناس تساعدهم في زياده الدخل والناس فرحانين ويصورون
اول شي شلون تسمح للسائق يصور وهو يسوق او حتى يكون وافق ينطر السيد يمشي
هاي اكبر خطاء واحتمال يشوفك شرطي ويخالفك لأنك ماسك التلفون

[CH Engineer]

مخالفات الرادار لو يعدلونها احسن

زيادة 10 كم/ساعة ---- 150 ريال
20كم/ساعة ---- 300 ريال
30كم/ساعة ---- 600 ريال
40كم/ساعة ---- 1200 ريال

80 ويخالفوني 500 ليش!!
بعدين شوارعنا ماينعرف لها 120 ومره وحده ينزل 80 ومرات ينزل لين 100 ماتقدر تركز معاهم من شارع لشارع والرادار المتحرك مايخلونه الا على شارع بو 80



والمخالفات الغيبيه المفروض تنلغي بشكل كامل والشرطي يقدر يوقف المخالف فشارع الخدمات مب شرط يوقفه فنص الشارع ويأخر العالم.. كلام غير صحيح وغير مسؤول

والي يشرد ومايوقف عليه مخالفة عدم سماع شرطي المرور والي هي اتوقع 6000 ريال

[شيخ الديرة]

أحلى شي انهم لقو ناس تساعدهم في زياده الدخل والناس فرحانين ويصورون
اول شي شلون تسمح للسائق يصور وهو يسوق او حتى يكون وافق ينطر السيد يمشي
هاي اكبر خطاء واحتمال يشوفك شرطي ويخالفك لأنك ماسك التلفون

يعني ما عندك مانع اللي جنب السائق يصور المخالفة , وليس السائق؟

الحقيقة أن التجاوز من اليمين يحتاج أن يكون المصور هو الراكب اللي جنب السايق, لأن الصورة تطلع أحلى وأوضح.

عجبي لحد الأن هناك من يؤيد المخالفة ويحاول ان يبقيها كثقافة مستمرة للأجيال القادمة

[CH Engineer]

أحلى شي انهم لقو ناس تساعدهم في زياده الدخل والناس فرحانين ويصورون
اول شي شلون تسمح للسائق يصور وهو يسوق او حتى يكون وافق ينطر السيد يمشي
هاي اكبر خطاء واحتمال يشوفك شرطي ويخالفك لأنك ماسك التلفون

صح كلامك عليه مخالفة استخدام الجوال اثناء القياده
انشب للي صورك بالنيابه ودفعه قيمة المخالفة

[العنيده]

صح كلامك عليه مخالفة استخدام الجوال اثناء القياده
انشب للي صورك بالنيابه ودفعه قيمة المخالفة

اثنين بواحد والكل يتخالف :)

[الحاقول]

مصري دعم سيارتنا
رخصة سيارته منتهيه . التأمين منتهي عنده . حتى رخصة السواقه منتهي كذلك
هذا شالحل معاه .. شلون يصلح سيارتي ,, علما هو المتسبب في الحادث حسب تقرير المرور

[فيصل99]

التزم بالقانون محد بيكلمك

[Qatar-Qa]

مطالبه بتعديل مخالفات المرور:deal:
واضح ان اداره المرور يهمها الربح المادي قبل سلامت المواطن او مرتاد الطريق
ونلاحظ قيمه المخالفات المبالغ فيها .. اللي قيمت المخالفه راتب دريول شهر كامل

المطالب :court:

ْْْ***خفض سعر مخالفه الرادارفي حال زياده اول 20/كلم
مثال : (سرعه الشارع 80/كلم )
في حاله الزياده 81/كلم الى 100/كلم
بدال ماتكون 500 ريال تكون 100 لان الزياده بسيطه وغيرمقصوده
ليش 500 مره وحده وانا امشي 90 لو ابي اسرع اقدر امشي 140الفرق من بينهم 100ريال بس زياده في قيمه المخالفه
اما في حالة كان(سرعه الشارع 80/كلم )
والزياده فوق 101/كلم تستاهل مخالفه 1000ريال وحجز سياره بعد


***المخالفات الغيبيه
ياجماعه المخالفات هاذي انتهت من جميع الدول
أنت يارجل المرور دامك شفتني مخالف مش رابط حزام او اتكلم في التلفون او او..
وقفني وعلمني بالغلط دامك تعبت وسجلت اورقه وكتبت المخالفه وسلمتها ادارتك اتعب شوي ووقفني لان دورك مش تجمع فلوس وبس دورك توعيي ودورك الاهم اتحافظ على سلامت مرتادي الطريق

------------------------
اترك لكم التعليق اللي عنده اضافه



اخوي بالنسبه لمخالفه السرعه
انا اشوف ان تبقى مثل ماهي وتتضاعف في حاله التكرار في فتره زمنيه قليله

لاتبوووووق لاتخاف

السرعه مكتوبه ومعروفه
تسرع وعقب تجي تقول نزلو المخالفات ؟؟؟؟

ماتحس بنفسك وانت تسوق موترك السوبر سبورت والسرعه بروحها تزيد ؟؟ سوق بأقل من سرعه الشارع بشوي عشان ماتطيح في مثل هالمواضيع

بالنسبه لمخالفات الحزام واستعمال الجوال

الموضوع اللي قلته صعب يصير لان مايصير الشرطي يلحقك او يوقفك مثل اوروبا او امريكا مثلا لان احنا ماعندنا هالكميه المناسبه من الشرطه او الشوارع المناسبه
الداخليه تعبو من التوعيه في الشوارع من اعلانات وغيرها بس الناس حست ؟؟؟ عطت قيمه للموضوع ؟؟؟



الشرطي يكون ماسك مكان معين ومتثبت فيه فمايقدر يلحقك عشان يقولك : حبيبي بابا ماعلموك ان ممنوع تسوق بدون ربط الحزام ؟؟ لالا خطر بابا لو سويت حادث بعدين بيجيك دودو !!

زبده الكلام الاستهوان و الاستخفاف بقوانين الدوله والمرور هم اللي بيخلون فلان وعلان يخالف او يستهين بالقانون




يعني مب عاجبك كل هاللافتات في الشوارع والارشادات تبغي شرطي المرور بنفسه يجي عند كل سياره مخالفه ويوقفه ويقوله ؟؟!!



اذا بتتكلم في الجوال وانت تسوق او تسوق بدون ربط الحزام او غيره لازم تتحمممل كل اللي بيجيك بدون ماتتناقش او تتكلم او حتى تتحلطم
خلاص مخالف وانت تعرف نفسك لازم تسكت وتدفع مخالفتك وانت ساكت

الموضوووع مش توعيييه الموضوووع استخفاااااف وعدم احترام القوااانييين والله

[أم حمد]

ضد التعديل ومع زيادة التشديد

الجميع اذا سافر للدول الاجنبية يلتزم بالسرعة والانضباط الخ

وهنا فلوس الخ ولا فيه ذرة احترام من قبل البعض !!

[كلاسيك قطر]

شباب في السعوديه امنعو المخالفات والردارات والوقوف الخاطئ