استفسار عن سعر التيما 2008 ماشيه 53000 ؟؟؟؟

[كازانوفا]

السلام عليكم ورحمة الله وبركاته
لقيت التيما للبيع موديل 2008 وماشيه 53000 الف كم سعرهاااا؟؟؟؟

[@north_star@]

تقريبا 30 الف ريال

[النهار]

حتى 20 الف وايد عليها التيما من 2005 الي 2009 فيها مشاكل في المكينه ممكن تخبط في اي وقت

[كازانوفا]

لا الحمدلله السياره ما فيها شي
اعوذ بالله ليش هالتخيس سديت نفسي عنها

[Aaziz]

ما انصحج فيها كجوده سياره ،، و مستعمله بعد يعني مافيه ضمان و قطع غيارها غاليه و شركتها زحمه و اهمال

[النهار]

لا الحمدلله السياره ما فيها شي
اعوذ بالله ليش هالتخيس سديت نفسي عنها

اختي هذي نصيحه منى لج 2008 كانت عندي المكينه خبطت مرتين واعرف 2 غيري نفس الحاله
واخرتها بعتها سكراب ومثل ماقال لج عزيز قطع غيارها نار ياريت بعد متوفره

[كازانوفا]

غريبه مع انو كان عندي 2005 ولازالت ما شالله
وعليها اقبال كبيررررر

[كازانوفا]

طيب ايش رائكم ب راف 4 تويوتا ؟؟؟؟

[Aaziz]

اهب :nop:

[رذاذ]

تويوتا .. راف فور - كامري - اورين - برادو ..
سيارات عمررر


اهم شي ما فيها دعمات خشنه ولا تخديها الا بفحص شااامل ..

السيارات نزلت سيعرها وخاصه بالصيف السعر الى اتشوفيه ع طووول نزلي منه 8 الاف الى 10 . وخاصه الى معروض بالمواقع .

تحياتي لك

[النهار]

غريبه مع انو كان عندي 2005 ولازالت ما شالله
وعليها اقبال كبيررررر

عاد كيفج الامر راجع لج
السياره مهب مال كرف مثل التويتا ولازم السيرفس يكون بوقته وخاصه الايل لازم يتشيك اول بأول
عكس التويتا لوبعد شهرين اوثلاثه مافي مشكله وقطع الغيار نار ومعظم الوقت غير متوفره
انا كنت اطلب قطع الغيار من الشارقه

[النهار]

طيب ايش رائكم ب راف 4 تويوتا ؟؟؟؟

موتر ماعليه كلام قوه ومتانه ومافيه صرفيه بترول كلش
اهم الشي مايكون مدعوم دعمه خشنه
اي موديل مش مهم شرط النظافه

[Aaziz]

راف فور ميه ميه بتعيش معاج لين كاس العالم :nice:

[كازانوفا]

موتر ماعليه كلام قوه ومتانه ومافيه صرفيه بترول كلش
اهم الشي مايكون مدعوم دعمه خشنه
اي موديل مش مهم شرط النظافه

لا اصفار من الوكاله

[كازانوفا]

راف فور ميه ميه بتعيش معاج لين كاس العالم :nice:

ههههههههه ايون عشان احضر فيها الكاس

[Aaziz]

ههههههههه ايون عشان احضر فيها الكاس

كازانوفا دام من الوكاله ،، طلعي شوي من تحت البلاطه و خليها برادو 4 سلندر
على الاقل من سلاله لاند كروزر و تصنيعا ياباني و مكيفين

[وليف الشوق]

انا فهمت قصدج صدقيني ،، وانتي تبين سيارة على قد فلوسج ونفس الوقت شكلها حلو !!! بالنسبة للالتيمــا دام سواقتك هادية ومافي سرعه ومافي روحات كثيرة وجيات لابالله اخذيها وتوكلي على الله وثاني شي قبل لا تاخذينها اخذي نصيحة اخ (( تبدلين اويل و فلتر الجير + اويل و فلتر الماكينه + بلكات عدد 4 اذا كانت 4 سلندر او عدد 6 بلكات اذا كانت 6 سلندر )) بعد بالمرة بدلي ماي الراديتر اصلي وتغيير القديم لان حرارة الشمس عندنا عاليه عشان ماترتفع حرارة الماكينه واخر كلامي الله يوفقج فيها ويعطيج خيرها وبالنسبة لسعرها ماتتجاوز الـ 30000 الف ريال اذا كانت موديل 2008 م وسلامتج

[كازانوفا]

انا فهمت قصدج صدقيني ،، وانتي تبين سيارة على قد فلوسج ونفس الوقت شكلها حلو !!! بالنسبة للالتيمــا دام سواقتك هادية ومافي سرعه ومافي روحات كثيرة وجيات لابالله اخذيها وتوكلي على الله وثاني شي قبل لا تاخذينها اخذي نصيحة اخ (( تبدلين اويل و فلتر الجير + اويل و فلتر الماكينه + بلكات عدد 4 اذا كانت 4 سلندر او عدد 6 بلكات اذا كانت 6 سلندر )) بعد بالمرة بدلي ماي الراديتر اصلي وتغيير القديم لان حرارة الشمس عندنا عاليه عشان ماترتفع حرارة الماكينه واخر كلامي الله يوفقج فيها ويعطيج خيرها وبالنسبة لسعرها ماتتجاوز الـ 30000 الف ريال اذا كانت موديل 2008 م وسلامتج


الله يجزيك كل خير على النصيحه الطيبه انت وجميع الاخوه اللى شاركو

[كازانوفا]

كازانوفا دام من الوكاله ،، طلعي شوي من تحت البلاطه و خليها برادو 4 سلندر
على الاقل من سلاله لاند كروزر و تصنيعا ياباني و مكيفين


هههههههههههه لااا وربي ما في شي تحت البلاطه ولا السيراميك هذا انا احلف بالله
والبرادو ما احب شكله نهااائيا ف ما فيني اجبر نفسي على شي ما احب شكله
بس يموت عمي اللى بالبرازيل ان شالله بشتري لاندكروزر ولا تزعل دام من سلاله آل تويوتااااا

[Aaziz]

:omg:

[كازانوفا]

:pardon: عادي

:omg:

[aka123]

اعتقد 30 الف سعر مناسب لكن حسب النظافة

[كازانوفا]

اعتقد 30 الف سعر مناسب لكن حسب النظافة

بصراحه نظيفه لذلك سالتكم عنها

[بن غيث]

لا انصح بها .. اذا كانت للاستخدام الشاق اليومي .

[كازانوفا]

لا انصح بها .. اذا كانت للاستخدام الشاق اليومي .

لا استخدام بسيط من البيت للشغل والعكس

[بن غيث]

يفضل شرائها جديدة .. وانتظر عروض النيسان افضل ..
اتوقع العرض هذا الشهر