*@* تفضل لو كنت محتاج رأي أو مشورة هندسية أو ديكورية؟*@*

[نور الحور]

السلام عليكم ورحمة الله وبركاته ..

فكرت ان حلو لو يكون في موضوع مخصص لتلقي المشورة

من المختصين ومن الاعضاء في مجال طرح المخططات للمنزل كامل

او لبعض الغرف للحصول على اراء مختلفة في مجال :


1. ابداء الرأي في المخطط وتوزيعه

2. توزيع قطع الاثاث

3. افكار للديكور للمساحة المعروضة



ولو يكون السؤال محدد ومرفق بصورة واضحة للمخطط او حتى صورة تقريبية للمكان من النت مثلا بيكون افضل ..

اتمنى يكون موضوع مفيد وممتع ونقدر نفيد ونستفيد منه ..

وطبعا دعوة كبيييرة مفتوحة للخبراء للمشاركة بارائهم الفنية المتميزة

دمتم بكل الود .. وبالتوفيق للجميييع ياااارب ..

نستقبل استفساراتكم بكلللل شغف ..



اختكم / نور الحور :shy:

[بن غيث]

موضوع مميز .. من اخت مميزة

موفقه ان شاء الله .. ومتابع معكم

[Qt.1]

فعلا موضوع مميز واعتقد كلنا نحتاجه ,

[نور الحور]

موضوع مميز .. من اخت مميزة

موفقه ان شاء الله .. ومتابع معكم


المميز تشريفك للموضوع بن غيث وذوقك ..

نبيك متابع ومشارك .. احنا طماعين .. وبشغفففف :nice:

[نور الحور]

فعلا موضوع مميز واعتقد كلنا نحتاجه ,


الله يسلمك بو عبدالله .. حضورك مميز مثل مشاركاتك ..

إن شاء الله الموضوع يفيد الجميع يارب ..

يلا تبي أي استشارة قبل الزحمة؟ هههههه

[blackjacket]

انا ابي اسوي المجلس اسود و ابيض
خذت كراسي جلد سوده ابي شويه افكار حق الطوفه و الجبس و استاير
ممكن احصل ستاير اسود و ابيض ؟

[نور الحور]

انا ابي اسوي المجلس اسود و ابيض
خذت كراسي جلد سوده ابي شويه افكار حق الطوفه و الجبس و استاير
ممكن احصل ستاير اسود و ابيض ؟


أهلين أخوي جاكيت أسود .. شكلك تحب اللون الأسود بشغفففف هههههه

الأسود والأبيض حلوين لكن مافيهم حياة ولا فخامة .. ومع الوقت ممكن تمل منهم ..

رايي تدخل عليهم اللون الفضي ..

أو تستغني عن الأبيض وتدخل شوية ذهبي مطفي ..

بيعطيك فخامة للمكان ..

ياليت تبين لون الأرضية ونوعها .. والاستايل العام اللي تحبه .. مودرن ولا كلاسيك ولا نيوكلاسيك ..الخ

وموديل الكراسي اللي خذتهم .. عشان نقدر نفيدك أكثر .. :nice:

[معماري قطري]

انا ابي اسوي المجلس اسود و ابيض
خذت كراسي جلد سوده ابي شويه افكار حق الطوفه و الجبس و استاير
ممكن احصل ستاير اسود و ابيض ؟

شكلك سداوي .. نبي صور

الفكرة الرئيسية حلوة والستاير بسهولة تحصل أَبيض وأَسود .. لكن مجرد رأَي لو تكسر اللونين باللون الذهبي لإِكسسوارات الستاير ولخشب الكراسي وللسويجات ومفاتيح الكهربة ولبعض النقوشات في الجبس بيطلع أَحلى.

[CiTy]

السلام عليكم ورحمة الله ،،

شكراً على طرح مثل هذا الموضوع المهم الذي ان شاء الله سوف يخدم من هم في مراحل التشطيب .
وهنا اود ان ابداء في الصالة الرئيسية حيث ظهرت مشكلة ان عند عمل التصميم الداخلي لم يتم وضع في الحسبان ان المكيفات سوف تكون داكت
كان التصور مكيفات اسبلت
ونوع المشكلة الأن هو القوس الممتد والذي عليه زخرفة مغربية او اسلامية
حيث سوف تمر توصيلات الداكت من تحت سقف الصالة كما هو واضح فتحت الداكت في الطرف الايسر
وهذا يعني بان سماكة الزخرفة او التقويسة سوف تكون في حدود المتر
وهذه سماكة كبيرة .
سؤالي كيفية حل هذه المشكلة بحيث يتم توزيع ممرات الداكت دون تشويه الجبس وكذلك التقويسة
تقبلوا تحياتي
^_*

http://store1.up-00.com/2014-06/1402425066711.jpg (http://www.up-00.com/)مركز تحميل الصور (http://www.up-00.com/)

الوضع الحالي

http://store1.up-00.com/2014-06/1402425066812.jpg (http://www.up-00.com/)مركز تحميل الصور (http://www.up-00.com/)

[معماري قطري]

ما انفتحت عندي الصور يا ليت تنزلها من موقع تحميل مثل غلف اب

[معماري قطري]

مشكلتك يا اخوي مشكلة الكثيرين .. هي المكاتب السيئة وعدم وجود اشراف متخصص يوضح لك الصورة أَول بأَول وكأَنك تدفع وتقط فلوسك في نار تحرقها .. والله حزين على التصميم الحلو واذكره من قبل وما شاء الله مرت الأَيام سرعة.

توقعاتي الدكت لين تركبت بتكون جاية مقوسة مع القوس وفيها الفتحة الطولية للتكييف وممكن تتغطى بالجبس مثل الصورة تقريباً .. الا إِذا المشكلة غير ولا فهمتها انا .. هل الدكت هذي بتكون مواصلة لجزء آخر من البيت؟ ولازم يجتمع الاستشاري مع مهندس التكييف ويتناقشون في وجودك بخصوص حلول عملية .. آشوف الارتفاع مناسب وإِن شاء الله المشكلة محلولة وعلمنا شصار صراحة ودي ادخل بيتك أَثناء وبعد نهاية الشغل.

[الحمر]

88904889058890688907

بغيت رايكم في المخطط تمت الموافقه عليه وسأبدأ الحفر قريب بأذن الله

أرحب في ملاحظاتكم ووشوركم .

* الأرض مستطيلة فلحد يستغرب
باب المطبخ بيكون من الدرج الخلفي للبيت سيتم التغيير وقت البناء .

[معماري قطري]

عرض الحمامات كافي ويسمح لك بتضمين الدكت الخارجي اللي للبايبات داخل جنب البانيو

+

ما فيه داعي حق الحوائط 10 سم الداخلية خلها 20 سم كلها وخصوصاً للحمامات صعبه تكسر فيها للتمديدات .. الا لو بتسوي التمديدات مكشوفة.

+

الطابوق الطيني مكتوب فيه عازل ما ادري يعتبر الفجوات اللي فيه عازلة .. وهو زين ودرجة عزله مقبولة بس عيبه ينشلخ بسرعة من المسمار ومن تغير الحرارة .. يعني الشمس ساطعة على وجه والمكيف يضرب في وجه ثاني .. إِنكماشيشن وتمدديشن وتستوي شلوخ حرارية .. لكن لو في نظام بحيث الطبقة الخارجية طابوق طيني وبعدين عازل حراري وبعدين طابوق عادي داخل بيكون أَحسن .. وتقدر تركب عازل أَلواح بسمك 5 سم ووراها طابوق طيني 10 سم كتغطية لو حبيت وداخل طابوق عادي 15 سم .. يعني بتصفي على سمك حائط 30 سم .. بس لاحظ إِن العازل المفروض يغطي الخرسانات بعد حتى ما يكون فيه جسر حراري نهائياً.

+

حمام الغرفة الرئيسية أَفضل المغسلة مقابلة الباب

+

الغرفة اللي جنبها الباب ينفتح عكس المفروض

+

الصالة العلوية أَفضل لك تسوي فيها بوفيه صغير مفتوح على الصالة وفيه مغسلة صغيرة وتتخلص من المغاسل المفتوحة في الغرفة وتخليها مسكرة وفيها غرفة ملابس صغيرة.

+

المكتب لو مقرر تخليه مكتب وبس أَحلى تخلي واجهته المطلة على الصالة قزاز حتى اللي فيه ما يستوحش

+

باب المطبخ حركه صوب الوسط أَحسن وحط باب فاصل حتى لو زجاج بعد غرفة الغسيل

+

ما ادري ليش مقترح لك درابزين فاصل حق غرفة الطعام .. ما دام خليتها مفتوحة على الصالة والمجلس الدرابزين ما له داعي .. حتى تحت الدرج بيكون مفتوح وبيعطي شراحة ووسع.

+

قصة المجلس يجي ورا الصالة بشوي ويجي مفتوح ما ادري احس بيكون شوي رسمي لو يكون مسكر وله باب ثاني .. للفضاء المفتوح محاسن كثيرة ومساؤي تتمثل في عدم الخصوصية وإِنت إِستخدامك أَكيد عارفه شلون بيكون.

الله يوفقك وهذا اللي قدرت أَشوفه وبافتح الرسمة الأَخيرة ممكن للحوش باقول لك لو عندي ملاحظات.

طلعت الرسمة الأَخيرة للبيسمنت .. نصيحتي تسوي أَرضية الحوش نازلة مع البيسمنت في جزء كبير منه حتى تتفادى الدفان قرب كل الجدران وأَي تسريب ويكون عندك حوش خاص بالبيسمنت .. ما ادري شلون طبيعة حوشك وتوزيعته بس بيكون وايد أَحلى جزء من البيسمنت محفور حوله ويدخل النور ويكون عندك حوش خاص حتى لو مساحة صغيرة لها باب قزاز يطلعك من البيسمنت للحوش النازل.

[blackjacket]

أهلين أخوي جاكيت أسود .. شكلك تحب اللون الأسود بشغفففف هههههه

الأسود والأبيض حلوين لكن مافيهم حياة ولا فخامة .. ومع الوقت ممكن تمل منهم ..

رايي تدخل عليهم اللون الفضي ..

أو تستغني عن الأبيض وتدخل شوية ذهبي مطفي ..

بيعطيك فخامة للمكان ..

ياليت تبين لون الأرضية ونوعها .. والاستايل العام اللي تحبه .. مودرن ولا كلاسيك ولا نيوكلاسيك ..الخ

وموديل الكراسي اللي خذتهم .. عشان نقدر نفيدك أكثر .. :nice:

انا احب الاسود بجنون
و ماراح امل منه :nice:
بس يمكن ادخل لون فضي معاه مثل ما قال اخوي معماري عشان اكسراللون الاسود
انا اميل اكثر شي للمودرن ستايل
بالنسبة للارضيه مابدلت السراميك لانه بياخذ معاي وقت لانه البيت جاهز و السراميك مركب ولا كان ودي اخليه ابيض بيطلع عجيب .
الكراسي جلد و ال شيب صفيتهم جنب بعض عطاني منر احلي
حاليا ادور ورود او شجر مجفف لون اسود و ابيض و لوحتين اسود و ابيض و ستارة سودة
مادري تنصحوني ستاره سوده مع شيفون ابيض للخلفية !

[blackjacket]

شكلك سداوي .. نبي صور

الفكرة الرئيسية حلوة والستاير بسهولة تحصل أَبيض وأَسود .. لكن مجرد رأَي لو تكسر اللونين باللون الذهبي لإِكسسوارات الستاير ولخشب الكراسي وللسويجات ومفاتيح الكهربة ولبعض النقوشات في الجبس بيطلع أَحلى.

فكرت بالذهبي للجبس مع خط اسود بس مادري يمكن مايطلع حلو الاسود في السقف
بس جاتني فكره اني اسوي شريط اسود فيه نقوش دور مادور المجلس بارتفاع متر و نص من الارض بيطلع حلو بس ماحصلت لون اسود الي موجود اسوذ زيتي ماينفع للجدران الداخليه
اذا عندك فكره عن مكان يبيع و واحد فنان يسوي لي التصميم

[نور الحور]

انا احب الاسود بجنون
و ماراح امل منه :nice:
بس يمكن ادخل لون فضي معاه مثل ما قال اخوي معماري عشان اكسراللون الاسود
انا اميل اكثر شي للمودرن ستايل
بالنسبة للارضيه مابدلت السراميك لانه بياخذ معاي وقت لانه البيت جاهز و السراميك مركب ولا كان ودي اخليه ابيض بيطلع عجيب .
الكراسي جلد و ال شيب صفيتهم جنب بعض عطاني منر احلي
حاليا ادور ورود او شجر مجفف لون اسود و ابيض و لوحتين اسود و ابيض و ستارة سودة
مادري تنصحوني ستاره سوده مع شيفون ابيض للخلفية !

ههههههههههه

مزاجك عالي ..

ترى أنا قلت بعد دخل فضي ولا ذهبي معاه .. مو بس معماري :weeping:

صج انا مو مهندسة بس أحب الهندسة والديكور ..

المهم .. حلو بينت الاستايل اللي تبيه ..

انزين بالنسبة للجدران اللي تبي فيهم ديكور كم جدار ؟ وهل في واحد منهم تلفزيون ؟

بالنسبة للورود والشجر المجففة عموماً أبعد عنهم .. شكلهم مو حلو وقديم .. وفوق هذا طاقتهم سلبية بالمكان :(

وفوق هذا بعد أبيض وأسود .. لااااا انتحار هههههه

الستارة ممكن أنصحك باللون اللي يناسبها حسب الفكرة العامة ..وتوزيع الألوان

بطرح عليك كم فكرة .. بس خلني بالأول أدور على صور مقاربة عشان تتضح لك الفكرة ..

راجعة إن شاء الله :nice:

[نور الحور]

السلام عليكم ورحمة الله ،،

شكراً على طرح مثل هذا الموضوع المهم الذي ان شاء الله سوف يخدم من هم في مراحل التشطيب .
وهنا اود ان ابداء في الصالة الرئيسية حيث ظهرت مشكلة ان عند عمل التصميم الداخلي لم يتم وضع في الحسبان ان المكيفات سوف تكون داكت
كان التصور مكيفات اسبلت
ونوع المشكلة الأن هو القوس الممتد والذي عليه زخرفة مغربية او اسلامية
حيث سوف تمر توصيلات الداكت من تحت سقف الصالة كما هو واضح فتحت الداكت في الطرف الايسر
وهذا يعني بان سماكة الزخرفة او التقويسة سوف تكون في حدود المتر
وهذه سماكة كبيرة .
سؤالي كيفية حل هذه المشكلة بحيث يتم توزيع ممرات الداكت دون تشويه الجبس وكذلك التقويسة
تقبلوا تحياتي
^_*

http://store1.up-00.com/2014-06/1402425066711.jpg (http://www.up-00.com/)مركز تحميل الصور (http://www.up-00.com/)

الوضع الحالي

http://store1.up-00.com/2014-06/1402425066812.jpg (http://www.up-00.com/)مركز تحميل الصور (http://www.up-00.com/)


الله يوفقك ستي ..

إن شاء الله يفيدونك الخبراء ..

بالنسبة لبيتي واجهتنا مشكلة الجسور الساقطة ..

لكن السقف عندنا عموما عالي ..

وناويين نستشير شركة التكييف نفسها شلون ممكن تنحل هالمشكلة ..

أتوقع ممكن الفني مالهم يعطيك بدائل ..

الله يسهل عليك يارب ..

أسجل إعجابي بالتصميم والديكور .. تسكنه على خير يارب ويسهل عليك

[نور الحور]

88904889058890688907

بغيت رايكم في المخطط تمت الموافقه عليه وسأبدأ الحفر قريب بأذن الله

أرحب في ملاحظاتكم ووشوركم .

* الأرض مستطيلة فلحد يستغرب
باب المطبخ بيكون من الدرج الخلفي للبيت سيتم التغيير وقت البناء .



هلا أخوي الحمر ..

لا ما استغربت ههههه .. الله يعينك الواحد ملزوم بحجم وشكل الأرض أكيد ..

بالنسبة لي .. أشوف إن التصميم ممكن يطلع أحلى بكثييير لو اعتمدت على النظام المفتوح ..

ثاني شي المدخل حلو لو يكون له لوبي أو تحديد معين وما يفتح مباشرة على منطقة الجلوس ..

ومهم يكون فيه خصوصية للصالة العائلية وما يدخل أي حد عليها مباشرة ..

امممم العمود بالصالة التحتية ممكن يتغير مكانه ؟ أحسه صاير بالنص ..

بعد .. غرفة الماستر يبيلها دلع شوي .. إلا لو كنت تحب الشكل الاستاندرد .. هذا شي ثاني :shy:

موفق يارب ..

الملاحظات الهندسية والفنية الأخرى أبدع فيها معماري ..:nice:

[بن غيث]

طريقة العرض من قبل اﻻخت .. نور الحور
وطريقة الشرح و الفرضيات من قبل .. معماري

نفس اسلوب كليات الدبلومة التخصصية ﻻعمال الديكور الحديثة ..:con2:

[blackjacket]

ههههههههههه

مزاجك عالي ..

ترى أنا قلت بعد دخل فضي ولا ذهبي معاه .. مو بس معماري :weeping:

صج انا مو مهندسة بس أحب الهندسة والديكور ..

المهم .. حلو بينت الاستايل اللي تبيه ..

انزين بالنسبة للجدران اللي تبي فيهم ديكور كم جدار ؟ وهل في واحد منهم تلفزيون ؟

بالنسبة للورود والشجر المجففة عموماً أبعد عنهم .. شكلهم مو حلو وقديم .. وفوق هذا طاقتهم سلبية بالمكان :(

وفوق هذا بعد أبيض وأسود .. لااااا انتحار هههههه

الستارة ممكن أنصحك باللون اللي يناسبها حسب الفكرة العامة ..وتوزيع الألوان

بطرح عليك كم فكرة .. بس خلني بالأول أدور على صور مقاربة عشان تتضح لك الفكرة ..

راجعة إن شاء الله :nice:

بالنسبة للجدار الي بيصير فيه الديكور واحد شفت تصميم عجبني الي هو اسويه ورق جدران و بعدين احط ستاره ممكن لون الورق رمادي علي اسود و الستاره بيضة بالنسبة للتلفزيون شفت طاوله كبيره حلوه طبعا اسود و ابيض ممكن تنحط في الغرفه بحيث انها تاخذ مساحة كبيره و بنفس الوقت تكون ديكور !!

صدمتيني برايك بالنسبة للشجر المجفف , يمكن يكون صح بالنشبة للالوان العاديه بس اسود و ابيض احسه شي جديد و ماشفت في البيوت هنا .
اشرايك في القطع الخشبيه الدائريه والمربعات الي تنحط عل طوفه و تتزين داخلها او فوقها ديكور او مزهرية !
لاتقولين قديمممممم:secret::shy:

[يتيم الدار]

موفقه ان شاء الله .. ومتابع معكم

[CiTy]

شكراً على الرد اخوي معماري قطري
و نور الحور شكراً على تسجيل أعجابك بالتصميم .
بخصوص الشركة المصممة لم تنصب على او تخدعني . التصميم كان قبل البدء في البنيان وكان المخطط ان تكون المكيفات اسبلت
تم التحويل لمكيفات الداكت أثناء البناء . وكان السقف مصمم جسور واضطررت إلى تعديل الانشائي بالكامل للدور الاول ليكون معكوس لتفادي الجسور
وتم رفع الحوائط كذلك . لكن بسبب صغر المساحة في التقويسة سوف تجمع الداكات تحتها لان لا يوجد
مكان اخر غير
بالمرفق مخطط توزيع ممرات الداكت
تقبلوا تحياتي ..
http://store1.up-00.com/2014-06/140249596911.jpg

[بنت الجزيرة]

الاخت نور الحور حبيت أسجل اعجابي بموضوعج المميز ، الله يجعله بميزان حسناتج
واذا خلصت من تصميمي بنزل الصور باذن الله للاستفادة من آرائكم

[معماري قطري]

طريقة العرض من قبل اﻻخت .. نور الحور
وطريقة الشرح و الفرضيات من قبل .. معماري

نفس اسلوب كليات الدبلومة التخصصية ﻻعمال الديكور الحديثة ..:con2:

شنسوي لازم نوضح كل الجوانب :nice:

زين بخصوص دكتات التكييف انا ما اشوف فيها مشكلة .. ممكن يتعرض شوي الديكور ونقش الجبس حتى يخفي الدكت وبس.

[الحمر]

أشكرك علي الرد معامري قطر وسيتم عمل بعض الافكار الي أقترحتها


سأنقل الموضوع الي العام حتي يتم الاسفادة القصوي من جميع الأعضاء

[Hamad_qa]

88904889058890688907

بغيت رايكم في المخطط تمت الموافقه عليه وسأبدأ الحفر قريب بأذن الله

أرحب في ملاحظاتكم ووشوركم .

* الأرض مستطيلة فلحد يستغرب
باب المطبخ بيكون من الدرج الخلفي للبيت سيتم التغيير وقت البناء .

ابعاد المصعد كأنها صغيرة
1.4 يمكن ما تكفي .. تأكد منها

[CiTy]

السلام عليكم ورحمة الله وبركاته

أخوي معماري قطري ولكل مهتم الصورة تشرح وتوضح المقصود من المشكلة التي قد تظهر عند تركيب ممرات الداكت
والجبس ، حجم التقويسة سوف يكون تقريبا متر وهذا كبير على القوس والمنظر العام للصالة .

http://store1.up-00.com/2014-06/1402580885211.jpg (http://www.up-00.com/)مركز تحميل الصور (http://www.up-00.com/)

[معماري قطري]

لو حاب اخوي ستي تخلي عرض النقش 65 سم تقدر ولا في هالحدود .. لك الحرية كاملة ولو حاب المتر و5 سم بعد تقدر ما فيها شيء بالعكس .. تقدر تخلي فوق 20 سم جبس سادة أَو خرسانة تمسك التبليط وتقدر تسوي تحت جبس سادة 20 سم أَو أَي نقشة متناسبة .. في النهاية التصميم حلو ولا تفكر وايد في تغطية الدكت .. عندك الجزء الفوقي بعد لو حاب تصغره شوي 15 سم كفاية وحتى 10 سم كفاية والجزء التحتي كذلك.

يعني باختصار العرض الكلي 105 سم تقدر تصغره إِلى 80 سم.

[نور الحور]

طريقة العرض من قبل اﻻخت .. نور الحور
وطريقة الشرح و الفرضيات من قبل .. معماري

نفس اسلوب كليات الدبلومة التخصصية ﻻعمال الديكور الحديثة ..:con2:


هههههههههه .. يعني مؤشر جيد ولا لا ؟ :secret:

إذا مؤشر جيد خلاص بفتح مع معماري مكتب استشارات هندسية وديكورية ههههههههههه

إذا لا .. أسعفنا بنصايحك :shy:

[نور الحور]

بالنسبة للجدار الي بيصير فيه الديكور واحد شفت تصميم عجبني الي هو اسويه ورق جدران و بعدين احط ستاره ممكن لون الورق رمادي علي اسود و الستاره بيضة بالنسبة للتلفزيون شفت طاوله كبيره حلوه طبعا اسود و ابيض ممكن تنحط في الغرفه بحيث انها تاخذ مساحة كبيره و بنفس الوقت تكون ديكور !!

صدمتيني برايك بالنسبة للشجر المجفف , يمكن يكون صح بالنشبة للالوان العاديه بس اسود و ابيض احسه شي جديد و ماشفت في البيوت هنا .
اشرايك في القطع الخشبيه الدائريه والمربعات الي تنحط عل طوفه و تتزين داخلها او فوقها ديكور او مزهرية !
لاتقولين قديمممممم:secret::shy:


امبيييه .. سوري والله إني صدمتك .. يمكن اشتطيت شوي ..

بس لأنك ما حطيته للحين قلت أنبهك :secret:

شوف عندي لك كم مقترح .. فكر فيهم ..

1. ممكن تدخل فضي أو ذهبي مثل ما قلت لك قبل .. وتدخل لون ثالث لو حبيت .. لأن الأبيض والأسود ألوان رئيسية وتتناسب مع ألوان كثيرة

الألوان اللي اقترحها عليك اللي تنفع تكون لون ثالث هي ..

الغوامج : رويال قرين / أحمر غامق لون دم الغزال (ماروني) / رويال بيربل

الفواتح : أصفر / أخضر / مشمشي

بدائل أخرى : لون خشبي فاتح أو غامق


2. لو ما حبيت لون ثالث وبتكتفي بأسود وأبيض وفضي ..

أنصحك تركز على تفتيح المكان .. ما تكثر أسود وايد ..

الجدار اللي فيه التلفزيون ممكن يكون بهالطريقة (شوف فكرة البوكسات اللي أنت حابها موجودة) :



http://im84.gulfup.com/JtHOrY.jpg (http://www.gulfup.com/?HLJBEj)

http://im84.gulfup.com/Ka7mSt.jpg (http://www.gulfup.com/?ZA60W5)


http://im84.gulfup.com/Y5VGM5.png (http://www.gulfup.com/?m5buKn)

http://im84.gulfup.com/GIwN3J.jpg (http://www.gulfup.com/?JNbQIc)


http://im84.gulfup.com/dom5eL.png (http://www.gulfup.com/?So3pwk)



وركز على إن تكون الستارة فاتحة (فضي سادة أو أوف وايت) .. وممكن لو حبيت تخلي أطرافها بس سودا ..

ديكور الجدار .. يعتمد .. لو حابه بسيط ورسمي في نفس الوقت ممكن تسوي جذي .. (شوف خلفية السرير) :


http://im84.gulfup.com/Yf7VwP.jpg (http://www.gulfup.com/?mzeovQ)

http://im84.gulfup.com/Mer2DV.jpg (http://www.gulfup.com/?Hw7EPu)

طبعا .. الصور الفوقية ممكن تبدل مكان الألوان بدل الأسود أبيض أو فضي لو حبيت وتعكسهم أو تغمق المكان وتخليهم مثل ما هم

وممكن تحط سجادة مخططة أبيض وأسود وفضي .. أو مثل جلد الزيبرا ..

الاكسسوارات ممكن تكون أسود وفضي .. مثل رأس الأبجورة مثلاً أو الثريا .. مثلاً (بس انت طبعا لون الكراسي أسود والكوشنز ممكن فاتح أبيض وفضي ) :


http://im84.gulfup.com/uHwdeh.jpg (http://www.gulfup.com/?KK7R63)

لو حاب تحط بارتشن ممكن تشوف هالفكرة حلوة :

http://im84.gulfup.com/LM3vG6.jpg (http://www.gulfup.com/?oEwBcb)

[نور الحور]

موفقه ان شاء الله .. ومتابع معكم


جزاك الله خير .. وحياك الله متابع ومشارك :nice:

[المهاجر]

ماشاء الله عليج يانور

مبدعه بكل شي وموضوع راقي ومفيد جداً

متابع معاكم وبشغف

عشان اذ فكرت ابني البيت الثاني استفيد من نصايحكم وذوقكم

[بن غيث]

شنسوي لازم نوضح كل الجوانب :nice:

زين بخصوص دكتات التكييف انا ما اشوف فيها مشكلة .. ممكن يتعرض شوي الديكور ونقش الجبس حتى يخفي الدكت وبس.

مشكله اﻻخ ستي .. معمارية وليست انشائية .. وهذا مب تخصصي
لكن خلني ادرسها واشاور ناس مختصة في هذا المجال وبرد عليك ..

[Stars]

أخوي المعماري وبقية الاخوان تنصحني بالدكت
او الاسبلت العادي ويعطيكم العافية

[معماري قطري]

أخوي المعماري وبقية الاخوان تنصحني بالدكت
او الاسبلت العادي ويعطيكم العافية

والله الدكت سبليت انا دوم خاطري فيه وخصوصاً النوعيات الزينة واللي تجيك بسنسر لكل مكان تضبط الحرارة على كيفك بس مشاكله عندنا كثيرة وسوء التركيب كبير .. أَشوف السبلت مدروس أَكثر وأَسهل ومنه نوعيات اللي تتعلق بوسط السقف " الكاسيت تايب " وتوزع الهواء لأَربع جهات للمجالس والصالات .. وبالنسبة للصوت خفيف وللصيانة والتنظيف سهل .. لهذه الأَسباب ممكن أَفضل السبلت .. بس ما يمنع لو حاب تنوع تحط للغرفة الرئيسية دكت سبلت يكون بتحكم مختلف لدرجات الحرارة للغرفة ولتوابعها من حمام وغرفة ملابس.

[معماري قطري]

مشكله اï»»خ ستي .. معمارية وليست انشائية .. وهذا مب تخصصي
لكن خلني ادرسها واشاور ناس مختصة في هذا المجال وبرد عليك ..

واشوفها محلولة ما يبي لها تفكير وايد

[Stars]

تسلم اخوي المعماري

[بنت الجزيرة]

والله الدكت سبليت انا دوم خاطري فيه وخصوصاً النوعيات الزينة واللي تجيك بسنسر لكل مكان تضبط الحرارة على كيفك بس مشاكله عندنا كثيرة وسوء التركيب كبير .. أَشوف السبلت مدروس أَكثر وأَسهل ومنه نوعيات اللي تتعلق بوسط السقف " الكاسيت تايب " وتوزع الهواء لأَربع جهات للمجالس والصالات .. وبالنسبة للصوت خفيف وللصيانة والتنظيف سهل .. لهذه الأَسباب ممكن أَفضل السبلت .. بس ما يمنع لو حاب تنوع تحط للغرفة الرئيسية دكت سبلت يكون بتحكم مختلف لدرجات الحرارة للغرفة ولتوابعها من حمام وغرفة ملابس.

الله يجزيك خير اخوي المعماري على المعلومات القيمة
عندي استفسار الشيخ
يا خوي انا حطيت بالخرايط السبليت العادي وأخذت احتياطي وخليت ارتفاع الدور الأرضي أربع وشوي لأنه يمكن اركب الدكت للمجلس
لكن ان حبيت اغير نوعية السبليت واخليه يتركب بالسقف
هل يلزمني احطه بالخرائط ؟ ولا ممكن يتغير وقت التنفيذ؟

[Aaziz]

والله الدكت سبليت انا دوم خاطري فيه وخصوصاً النوعيات الزينة واللي تجيك بسنسر لكل مكان تضبط الحرارة على كيفك بس مشاكله عندنا كثيرة وسوء التركيب كبير .. أَشوف السبلت مدروس أَكثر وأَسهل ومنه نوعيات اللي تتعلق بوسط السقف " الكاسيت تايب " وتوزع الهواء لأَربع جهات للمجالس والصالات .. وبالنسبة للصوت خفيف وللصيانة والتنظيف سهل .. لهذه الأَسباب ممكن أَفضل السبلت .. بس ما يمنع لو حاب تنوع تحط للغرفة الرئيسية دكت سبلت يكون بتحكم مختلف لدرجات الحرارة للغرفة ولتوابعها من حمام وغرفة ملابس.

اول مره ادري عن هالمكيف

سبلت و يتركب في السقف ؟ طيب شلون يطلع منه الماي و توصيلاته شلون ؟
ايش الماركات توفر هالنوعيه من مكيفات السبلت

[معماري قطري]

تسلم اخوي المعماري

ومن قال سالم




الله يجزيك خير اخوي المعماري على المعلومات القيمة
عندي استفسار الشيخ
يا خوي انا حطيت بالخرايط السبليت العادي وأخذت احتياطي وخليت ارتفاع الدور الأرضي أربع وشوي لأنه يمكن اركب الدكت للمجلس
لكن ان حبيت اغير نوعية السبليت واخليه يتركب بالسقف
هل يلزمني احطه بالخرائط ؟ ولا ممكن يتغير وقت التنفيذ؟

يتغير بسهولة الأَسهل تركيب السبلت العادي سواءً المعلق وسط السقف أَو اللي على الحائط .. وبتستفيدين تخلين السقف شوي مرتفع وتسوين طبقات في الجبس وممكن كورنيش عريض وايد جاي ربع دائرة في الأَطراف .. والمجلس قليل استخدامه وحرام تخسرين عليه وايد للتكييف.




اول مره ادري عن هالمكيف

سبلت و يتركب في السقف ؟ طيب شلون يطلع منه الماي و توصيلاته شلون ؟
ايش الماركات توفر هالنوعيه من مكيفات السبلت

عندك جنرال وال جي التعيس وغيره .. يسوون له بوكس خشب ويثبتونه فيه وتصريف الماي يكون بهوز خاص وينزل عادي صوب تصريف تكرم الحمام ويكون فوق الجبس .. وحتى فكه وشيله من مكانه سهل ولا يحتاج تكسير للجبس .. شوفه له سنين في بندروزا في الدفنه.

[بنت الجزيرة]

الله يجزاك خير على النصائح اخوي معماري قطر
انا حاطه في بالي آخذ مكيفات فوجي وبسأل اذا عندهم السبليت اللي بالسقف

[نور الحور]

شكراً على الرد اخوي معماري قطري
و نور الحور شكراً على تسجيل أعجابك بالتصميم .
بخصوص الشركة المصممة لم تنصب على او تخدعني . التصميم كان قبل البدء في البنيان وكان المخطط ان تكون المكيفات اسبلت
تم التحويل لمكيفات الداكت أثناء البناء . وكان السقف مصمم جسور واضطررت إلى تعديل الانشائي بالكامل للدور الاول ليكون معكوس لتفادي الجسور
وتم رفع الحوائط كذلك . لكن بسبب صغر المساحة في التقويسة سوف تجمع الداكات تحتها لان لا يوجد
مكان اخر غير
بالمرفق مخطط توزيع ممرات الداكت
تقبلوا تحياتي ..
http://store1.up-00.com/2014-06/140249596911.jpg


الله يسلمك ستي ..

انزين ما يصير يمر الدكت على الصالة اللي تحت التقويسه ؟

المكان النازلة منه الثريا ..

احسها بتكون مقبولة اكثر وبيكون الجبس نازل كانه ديكور

[CiTy]

السلام عليكم ورحمة الله جميعاً
وتقبل الله طاعتكم وصالح الاعمال .

ابي رايكم في خزان الحمام المعلق من محل سيار وهو خزان داخل الحائط
سؤالي هو هل يتم تركيبه فوق البلاط ام تحت البلاط وهل يركب قبل العازل ام بعد العازل وايهم افضل
وهل في حد جرب هذه النوعية من الخزانات Schwab

اتمنى احصل اجابة سريعة لاني شاك ان اغلب الاعضاء خارج قطر ^_*
تقبلوا تحياتي
http://store2.up-00.com/2014-07/1406804184611.jpg (http://www.up-00.com/)مركز تحميل الصور (http://www.up-00.com/)

[طبيب قطري]

موضوع مفيد ومميز ..
اشكركم

[خزامئ]

موضوع مهم ومميز
الله يجزاش خير اخت نور
ويجزا خير جميع من ابدا راي ومشوره
ويجعله في ميزان حسناتهم

[Azizuk]

السلام عليكم ورحمة الله جميعاً
وتقبل الله طاعتكم وصالح الاعمال .

ابي رايكم في خزان الحمام المعلق من محل سيار وهو خزان داخل الحائط
سؤالي هو هل يتم تركيبه فوق البلاط ام تحت البلاط وهل يركب قبل العازل ام بعد العازل وايهم افضل
وهل في حد جرب هذه النوعية من الخزانات Schwab

اتمنى احصل اجابة سريعة لاني شاك ان اغلب الاعضاء خارج قطر ^_*
تقبلوا تحياتي
http://store2.up-00.com/2014-07/1406804184611.jpg (http://www.up-00.com/)مركز تحميل الصور (http://www.up-00.com/)


والله شكله نوعيه ممتازة

بس انا عن نفسي آخذة غبريت Geberit صناعة سويسرية وأتوقع ان اللي عند سيار نفس الشكل ويمكن نفس المصنع لان في تعاون قوي بين تركيا والصناعة الألمانية والسويسرية

Geberit موجود عند حسين فكري في الدور الاول عند واحد سوري واحد هندي مسؤولين عن وسعرة في حدود 900 الى 1000 ريال بدون الكبسات

في السعودية سعرة بعد الخصم 980 مع الكبسات فريم حديد يتثبت بالأرض

طبعا في كليات تتراوح أسعارها بين 300 ريال الى 1000 ريال

سيار عنده أدوات صحية صناعة تركية ممتازة vitra


عندك غروهي عند العاصمة او العامودي او تدمر 850 ريال اللي مع فريم حديد بدون كبسات

في نوع خزان بدون فريم سعره 300 ريال بس لازم تحط تحته طابوق ويتلبس

http://catalog.geberit.com/public/product.aspx?cat=INT_INT-en_1&ch=12&p=91679

[CiTy]

شكرا أخ Azizuk على المشاركة
انا كنت ابي اعرف هل القاعدة تركب فوق البلاط ام تحت البلاط وتحت العازل ام فوق العازل
بخصوص ماركة Geberit انا شفت النوعيات عند كافود ونابينا لكن لم يعجبني السعر وطريقة التركيب او التثبيت
في الحائط . خاصة السعر
هذه الماركة احتمال اخذها بسعر 650 ريال مع المكبس . انا لحد الحين ماشريت الخزان لكن حجزتهم .
لهذا كنت ابي اعرف طريقة التركيب المثلى والافضل بدون وقوع مشاكل .

[Azizuk]

الله يسلمك مب عارف شلون بس انا لين الحين ماركبت شي في الحمام الله يعزك والسباك يقولي جيب الافريمات عشان يثبتهم

وهو يقدر يتحكم في رتفاعات الافريم أتوقع يتثبت في الارض بعدين العازل والبلاط

وممكن يتركب بعد البلاط

بس زين انك فطنتني هالنقطة قبل ماركبهم وسبحان الله كل تاخيرة فيها خيره والسباك يحن على جيب وجيب اركب
والحمدالله الحين هو سافر وبعد شهر بيرجع

وبصراحة مابي اركبهم في الجو الحار أخاف الخزان يتأثر بالحرارة وانا ريض لين اسكن البيت

لان في واحد ركب الخزانات وتأخر لين سكن البيت ويوم سكن تشلخت عليه الخزانات من الحرارة وقامت تسرب من الأطراف وأطر ان يكسر ويستبدل 5 خزانات

وأكثر اللي تأثروا كانت الحمامات مشاهدة الشمس اكثر الوقت

[CiTy]

يا هلا فيك أخوي والله يسهل عليك وتسكن عن قريب والله يبارك لك فيه
انا افكر اشيل الخزان الماي وخلي الفريم بس اتصور عملية تركيب المواسير ما راح تتاثر في شيل الخزان
ممكن يكون راكب وقت اخذ المقاسات وبعدها يتم رفع الخزان لحين البناء عليه .
وهناك بعد مشكلة او ملاحظة وهو كم ارتفاعة عن الارض لان هذا راح يأثر في حال ركب ال wc
اما راح يكون عالي او واطي وهذا يحتاج معرفة المقاسات بالضبط قبل التثبيت
أنا افكر اركبهم بعد البلاط وذلك لضمان وجود عازل في حال تسرب الماء ، لكن راح يحتاج جهد في تحديد مكان او ترك مكان مخصص للخزان
مادري اللي عنده خبره ياريت يفيدنا بالمناسب
^_*

[أم شيوخ]

والله يارييييييت احد يساعدني في تنسيق البيت من الديكورات والاصبغ او الوول بيبر لنه مالي نظره كبيره في هالامور وابي ابتدي احط في البيت شي وماني بعارفه من وين اببتدي

يارت احد يساعدني

[Unique_inter]

السلام عليكم
شركة التصميم المميز لعمل شفل الاسقف والديكورات
وهذي صور لبعض أعمالنا
https://s.yimg.com/qn/up/alfrasha/8/0/72/b94/8072b949a731fbacafd3d5d8ecac7330.jpg (https://s.yimg.com/qn/up/alfrasha/8/0/72/b94/8072b949a731fbacafd3d5d8ecac7330.jpg)

https://s.yimg.com/qn/up/alfrasha/2/6/89/ef2/2689ef224f85e35db3df1b13ed98e245.jpg (https://s.yimg.com/qn/up/alfrasha/2/6/89/ef2/2689ef224f85e35db3df1b13ed98e245.jpg)

هذه الصور لأعمال مجلس قمنا بها في دولة قطر للتواصل على الهاتف رقم 33133063عضوة فريق التسويق او على الواتس اب لمعرفة موقع الشركة والتعرف على خدماتنا ورؤية لعينات الشغل لدينا