تسجيل الدخول

مشاهدة النسخة كاملة : سفايف ودرامويلات للكزس


بوحارب
08-06-2014, 09:58 PM
السلام عليكم

شباب شنو أحسن نوع سفايف ودرامويلات حق اللكزس

لانه الصراحة حق الشركة ماينفعون لا السفايف ولا الدرامويلات

كل شهر لازم تبديل وتورنه

أتمنى اللي يعرف وعن تجربه يخبرني
ساهر الليل
09-06-2014, 01:27 AM
وعليكم السلام ورحمة الله وبركاته

اخوي جرب تركب سفايف التندرا نحصلها فنوبل وسعرها ثلاثميه وعشرين

الكرتون يجيك ابيض ومكتوب عليه تيوتا ب الاحمر ومكتوب صناعة usa

لين رحت تاخذهم بيعطيك مال الكروزر واللكزس والسكويا والتندرا ع كلامه انهم نفس الشي

بس انت قوله تبي مال التندرا بس ومركبهم البريك افضل وعمرهم اطول من مال الشركه العادييه

وتركب ع درامويل الشركه

للعلم السعر الي ذكرته حق جدام بس
بوحارب
09-06-2014, 01:28 AM
اخوي جربتهم وبالفعل ممتازين

بس وش نصيحتك للدرامويلات ؟

اشوف العالم يمدحون الدرامويل الأسترالي !

وأشكرك ع الرد
ساهر الليل
09-06-2014, 01:34 AM
اخوي جربتهم وبالفعل ممتازين

بس وش نصيحتك للدرامويلات ؟

اشوف العالم يمدحون الدرامويل الأسترالي !

وأشكرك ع الرد

اي نعم مركبهم ع فكساار والبريك افضل

وماحصلت عنده غير حق جدام للاسف

والدرامويل ماعندي خلفيه عنه انا كنت اعاني من سالفة السفايف والحين حولت ع سفايف التندرا

وقالولي تطول اكثر وصارلهم ع الموتر شهر وشي بس البريك عن تجربه افضضل
al-obaidly
11-06-2014, 12:33 AM
احسن شي انامركب سيراميك سفايف ودرامات ويل لي تقريبا سنه ولابدلت السفايف الامريكي
ميراج للسيارات
15-06-2014, 12:26 PM
وعليكم السلام ورحمة الله وبركاته

انا ركبت على موتري درامويلات امريكية مع سفايف سيراميك بس البريك حسيته موب مضبوط بالسفايف السيراميك

عقب بدلت السفايف السيراميك بسفايف الوكالة والبريك ولله الحمد من احسن ما يمكن وقاطع بالسيارة للحين من يوم ماركبت الدرامويلات 30000كم