الاستشاري احترت معاه ؟؟!!

[وحيد-الشوق]

السلام عليكم

اول شيء احب اشكر الاخوان شموخ دائم والاخ معماري قطر الله يجزاهم كل خير على نصايحهم وملاحظاتهم

انا احترت مع الاستشاري (احنا في بداية مراحل البناء وهي الحفر) سوى لي عقد بسيط جدا(البناء عظم باستر) وطلبت اغير عليه واضيف بعض الامور في البداية جاب لي ملف وفيه عقود مع اشخاص وايد وكلها نفس عقدي وموقعه من الطرفين !! وبدأ قالي تقرير الاسمنت مب احنا نسوية المقاول يسويه !! ثانيا قالي ما اقدر اضمن لك اكون متواجد في اوقات صبية الخرسانات يقول مثلا ممكن المقاول يكلمني وقت انا اكون في المكتب ما اقدر اهد شغلي اذا من 8-12 اقدر اروح واشوف الشغل معقول هل الاستشاري مايقدر يروح العصر ويشرف عالموقع خصوصا وقت الصب اول مره اسمع صراحه

هل اغير الاستشاري مع العلم الشركة صار لها 10 سنين وهو مصمم لنا الخرايط وللأمانة الكل يمدح في شغلهم !!

[Qt.1]

شوف ياخوي الاستشاري من كلامه شكله مب مهتم في الشغل , واهم مراحل هي مراحل الخرسانات , البيت كله يعتمد عليها اي عيب في البنيان ايتصلح الا هالسوالف , نصيحه من اخوك روح مكتب العلي للاستشارات الهندسيه واطلب الاستشاري الفلبيني مايكل , هو مسك بيتي وحكر للمقاول صح في كل شغله مهمه يكون موجود وبامكانك تشرط على المقاول مايسوي الاشياء المهمه الا بوجود الاستشاري وبتوقيع منه , ريح بالك وغير هالاستشاري هذا من اولها شكله بيتعبك .

[khaldoon]

وين بيتك؟

[Bozizoo]

اخوي اكثر الاستشاريين اذا ماكانوا كلهم غير متواجدين اوقات صب الخرسانات..
لكن المفروض انه يشيك على الاقل قبل الصب يشيك على الحديد و الكهربه و ومسطحات الخرسانات و سماكه الخرسانات و ان الاسطح مستويه وعلى مستوى واحد و الدعامات مشدوده.

[معماري قطري]

الإِستشاري مهم تواجده ومهم يشيك خلطة الإِسمنت ومهم ما يسمح بالصب في حرارة أَكثر من 35 درجة حسب القوانين القطرية .. مهم يسوي الفحص الأَولي اللي هو اختبار القمع وهبوط الخرسانة بعده .. مهم يشوف طريقة الصب ويشوف الهزاز يشتغل صح .. مهم يستلم الموقع قبل الصب بيوم أَو يومين ويتأَكد إِن كل شيء صح .. ومن واجب المقاول يعطيه خبر قبل الصب بيومين حتى يحسب حسابه يكون متواجد.

تقدر تشتكي عليه في لجنة ترخيص المهندسين وحاول تاخذ منه اثبات وتثبت عليه هذا اللف والدوران والمفروض يتحاسب .. بعض الاستشاريين يرسلون مهندس مختص ومعاه مفتش أَو مفتشين يساعدونه .. وبعضهم " العرب " ما يمرون شغلهم توقيع من بعيد وبس.

ليش انا انصح بتضمين العقد مع الاستشاري كل هذي الأُمور وتضمين التقارير المصورة وأَهم شيء وقت الصب أَو وقت تصويب المقاول لتعديل خطأَ ما.

العينات صح المقاول يسوي فحصها بس لها آلية نسيتها صراحة والمهندس خلدون ملم بها أَكثر مني، وإِن شاء الله يفيدنا .. المهم كل شيء يكون حسب محضر وتواقيع من الاستشاري والمقاول وأَي مورد ثاني .. وكل شيء ينحفظ في ملف المشروع للرجوع له وقت الحاجة .. ويفترض ملف المشروع يبقى عند الاستشاري لسنوات للرجوع له وقت الحاجة .. والعملية لازم تنظمها قوانين خاصة معروفة لكل المكاتب لأَنها تشتغل حسب قوانين دولة قطر.

[وحيد-الشوق]

شوف ياخوي الاستشاري من كلامه شكله مب مهتم في الشغل , واهم مراحل هي مراحل الخرسانات , البيت كله يعتمد عليها اي عيب في البنيان ايتصلح الا هالسوالف , نصيحه من اخوك روح مكتب العلي للاستشارات الهندسيه واطلب الاستشاري الفلبيني مايكل , هو مسك بيتي وحكر للمقاول صح في كل شغله مهمه يكون موجود وبامكانك تشرط على المقاول مايسوي الاشياء المهمه الا بوجود الاستشاري وبتوقيع منه , ريح بالك وغير هالاستشاري هذا من اولها شكله بيتعبك .

والله ياخوك انا قلت نفس الاستشاري الي مصمم الخرايط يشرف عالبيت احسن بس هذا الظاهر مامنه فايدة انا ماوقعت معاه وهو يقولي شوف اول شهر اذا ماعجبتك مب لازم تكمل ولو اني ما احب التعامل مع الفلبينيين لكن بشوف وبفكر

جزاك الله خير ياخوي والله يرحم والديك


وين بيتك؟

برسلك العنوان عالخاص ان شاء الله

[وحيد-الشوق]

اخوي اكثر الاستشاريين اذا ماكانوا كلهم غير متواجدين اوقات صب الخرسانات..
لكن المفروض انه يشيك على الاقل قبل الصب يشيك على الحديد و الكهربه و ومسطحات الخرسانات و سماكه الخرسانات و ان الاسطح مستويه وعلى مستوى واحد و الدعامات مشدوده.

معقول كلهم غير متواجدين في الموقع طيب واذا شخص ماعنده خبره كلش مثلي شيسوي :(


الإِستشاري مهم تواجده ومهم يشيك خلطة الإِسمنت ومهم ما يسمح بالصب في حرارة أَكثر من 35 درجة حسب القوانين القطرية .. مهم يسوي الفحص الأَولي اللي هو اختبار القمع وهبوط الخرسانة بعده .. مهم يشوف طريقة الصب ويشوف الهزاز يشتغل صح .. مهم يستلم الموقع قبل الصب بيوم أَو يومين ويتأَكد إِن كل شيء صح .. ومن واجب المقاول يعطيه خبر قبل الصب بيومين حتى يحسب حسابه يكون متواجد.

تقدر تشتكي عليه في لجنة ترخيص المهندسين وحاول تاخذ منه اثبات وتثبت عليه هذا اللف والدوران والمفروض يتحاسب .. بعض الاستشاريين يرسلون مهندس مختص ومعاه مفتش أَو مفتشين يساعدونه .. وبعضهم " العرب " ما يمرون شغلهم توقيع من بعيد وبس.

ليش انا انصح بتضمين العقد مع الاستشاري كل هذي الأُمور وتضمين التقارير المصورة وأَهم شيء وقت الصب أَو وقت تصويب المقاول لتعديل خطأَ ما.

العينات صح المقاول يسوي فحصها بس لها آلية نسيتها صراحة والمهندس خلدون ملم بها أَكثر مني، وإِن شاء الله يفيدنا .. المهم كل شيء يكون حسب محضر وتواقيع من الاستشاري والمقاول وأَي مورد ثاني .. وكل شيء ينحفظ في ملف المشروع للرجوع له وقت الحاجة .. ويفترض ملف المشروع يبقى عند الاستشاري لسنوات للرجوع له وقت الحاجة .. والعملية لازم تنظمها قوانين خاصة معروفة لكل المكاتب لأَنها تشتغل حسب قوانين دولة قطر.

كلامك صحيح 100% اخوي معماري لكن هذيلا يبون ياخذون فلوس ومايبون يشتغلون

الله يرحم والديك

اذا في حد يرشح لي استشاري ممتاز ويخاف الله يليت يفيدنا

[بن غيث]

كلام معماري صحيح ..
واذا استشاري تعبان .. مش راح يهتم في الشغل
رتب مع خلدون وخله يشرف لك .. واذا تحتاجني امر عليك .. بعد حاضر

[معماري قطري]

ما يقصرون الشباب بن غيث وخلدون

بس الاستشاري كهيئة اشراف قانونية عليها واجبات وعندها المقدرة القانونية توقف الصب أَو ترفض شغلة معينة .. أَي مهندس واحد شخص ما يقدر الا يكون يمثل مكتب .. مثلاً انا مع إِني لي خبرة 21 سنة ما يحق لي ما يحق لمكتب استشاري مرخص .. رايي تحاول تلغي العقد معاهم وتشوف غيرهم وشوف مكتب فيه كل التخصصات والمكاتب وايد .. بكره تطلع أَخطاء حتى في المقاسات وفي أَماكن الأَعمدة وفي الأَبيام النازلة وللأَسف لا تقدر تاخذ حقك من مكتب ولا من مقاول في ظل نظامنا الغريب .. اتذكر برنامج مسوينه عن كشف غش المقاولين في أَمريكا .. يكشفون أَوقات إِن المقاول غير مرخص لشغلة معينة ويضيع مسكين .. ومطورين المباني ساحبين منهم شركة تصلح تصليحات نعتبرها تافهة بعد 10 سنين من بيع منطقة سكنية للملاك ومدفعينها غرامة خيالية بسبب الشغل الغلط .. عندهم حق كل شيء أُصول.

[معماري قطري]

معقول كلهم غير متواجدين في الموقع طيب واذا شخص ماعنده خبره كلش مثلي شيسوي :(



كلامك صحيح 100% اخوي معماري لكن هذيلا يبون ياخذون فلوس ومايبون يشتغلون

الله يرحم والديك

اذا في حد يرشح لي استشاري ممتاز ويخاف الله يليت يفيدنا

إِشتك عليهم عند قسم ترخيص المهندسين في التخطيط وشوف شبيصير

[محمد 93]

خلدون رقمك على الخاص بارك الله فيك واكسب فيني اجر طال عمرك