استفسار عن أريح سيارة ضروري

[Qa10]

السلام عليكم


شنهي أريح سيارة وأقلها وعوره على المطبات - الطرق الغير مستوية واللي فيها حفر - مافيها نفظة او رقله . وضروري يكون كرسيها مريح للظهر
غير الكروزر لانه وعر بالنسبة لي وغير النيسان وماتكون صالون

او اذا في طريقة اقدر او تعديل للسيارة اخليها بهالراحة أو مكان اقدر افضل فيه سيتات مريحة ؟

الرجاء الإفادة يااهل الخبرة للضرورة

[Aaziz]

السلام عليكم

اخوي وضح اكثر

انت تبي سياره مريحه للبر ؟ مش للمدينه ؟
اذا للبر الراحه المطلوبه لانك مثلا تطرد و تسرع في البر ولا تروح مثلا في طريقك لعزبه مثلا و عندك مشكله طبيه و تبي تنزل البر بسواقه راكده ولكن براحه ؟

هل يهمك الشكل و السياره تكون كشخه ؟

هل تحتاج لسياره دفع رباعي لروحاتك في البر ؟ يعني تبي سياره تكون دبل ؟

اشرح اكثر عشان تتلقى النصيحه الافضل . و هل الميزانيه مفتوحه

مبدئيا اشوف اريح شي في البر هو تيوتا لاند كروزر ولكن توايره تكون بريجستون و هواها 30 ... هذا اريح شي توصل له باقل مجهود و تكلفه .

ننتظر توضيحك

[X 4 X]

كادلك اسكالد او يوكن دينالي :)

[بالول]

شخصيا جربت سواقة الكزس الفورويل 2014 والنيسان 2014 والبيكب هافيلانج الشفر

لقيت افضل سيارة في الثبات على الطريق وراحة المقاعد وسعتها هي النيسان بترول 2014 بلا منازع

[هيلو كيتي]

بالنسبه لاريح سيارة على الدرب بصراحه اللكزس
اما بالنسبه للفور ويل فعلا اريح سيارة نيسان باترول

[عاشق الشهادة]

يوكن او تاهو اريح من الياباني

[Qa10]

مشكورين على الردور اخوي عبدالعزيز لايهمني الشكل ولا النوع ولا السعر سواقتي على الطرق والمطباتوالحفر يعني ماافضل الصالون لانه بيتحلل في يدي مانزل بر الا نادر
المشكلة اجلس فالسيارة 4-5 ساعات يومياً وبالفعل اعاني من الالام فالظهر ابي شي كرسية مريح التيوتا سيتاته مزعجة وعلي تحفظ على اللكسز من البريك - النيسان جيد بس اذا في شي سيتاته اريح او طريقة اني ارفع الموتر او التواير او حتى يكون في تفصيل للسيتات ، الطرق مرقعة والنفظة فالسيارة تعبت منها

[بن غيث]

انت تفضل الفور ويل فقط ..
افضل انك تجرب المواتر اﻻمريكية .. الكادي او دينالي او تاهو

[Aaziz]

ماعليك شر ان شاءالله ... اذا تقصد سياره رفيعه ولكن للمدينه انصحك اولاً بسياره سيتاتها جلد (لاتاخذ الا جلد لانه اريح عى فترات الجلوس الطويله) .. ترى سيت السياره كل ماكان يابس كل ماكان اريح . و فعلا سيت التويتا سيت عملي ولكنه مش مريح
انصحك بسيارات من فئة small suv الي هي فورويل ولكن من الحجم متوسط ،،، طبعا انسى الياباني و الالماني للي احتياجك
مالك الا الامريكي بكل تاكيد لان السيارات الامريكيه تهتم براحه السائق بشكل كبير .

برشح لك سيارات و انت و ميولك

ارشح لك هالسيارتين شوفهم


كدلك فورويل متوسطة الحجم نوعها xts حجمها حكم البورش كايين و البي ام اكس فايف


http://www.cadillac.com/content/dam/Cadillac/Global/master/nscwebsite/en/home/Homepage/01_images/2013_SRX_960x418.jpg



http://www.cars.com/go/search/detail/photos/multiPhotoPopup.jsp?listingId=608513170&tracktype=usedcc#0

http://www.cars.com/go/search/detail/photos/multiPhotoPopup.jsp?listingId=138809746&tracktype=newcc#0

السياره الثانية فورد حجمها اصغر من الكروزر بشوي نوعها Ford Explorer Limited ولكن من تجربه شخصيه مريحه جدا ولا تقارن بالكروزر ولا النيسان وهي متوفره عند الوكيل في الدوحه



http://www.motoryp.com/wp-content/uploads/2011/05/2011-Ford-Explorer-Limited.jpg


http://www.cars.com/go/search/detail/photos/multiPhotoPopup.jsp?listingId=605841126&tracktype=newcc#0

[وطن]

مرسيدس
جي ال 500


http://www.themotorreport.com.au/content/image/2/0/2013_mercedes_benz_gl_500_australia_01-0507-m:610x450.jpg

توني مجربه سواقتها
وروعة

[بوحارب]

اختلف مع اللي يقول الكاديلاك
بالعكس حجم رنقاته 22 يعني الموتر ينتفظ نفاظ مع اي مطبه

أنصحك في اللكزس بس بشرط تبدل الرنقات والتواير

ركب له ديازل 16العريضه مع ماكسس حجرية او بوالين

والله ما تدري عن المطبات والموتر بيكون ريف

والسيت كهربه تقدر تتحكم في الوضعيات وأمورك طيبة

[المستريح]

انصحك بالامريكى يوكن اوتاهو اوجمس سيرا وماعليك شر انشاء الله

[أم محمد 90]

نيسان بترول ..

[BuFaisal]

اختلف مع اللي يقول الكاديلاك
بالعكس حجم رنقاته 22 يعني الموتر ينتفظ نفاظ مع اي مطبه

أنصحك في اللكزس بس بشرط تبدل الرنقات والتواير

ركب له ديازل 16العريضه مع ماكسس حجرية او بوالين

والله ما تدري عن المطبات والموتر بيكون ريف

والسيت كهربه تقدر تتحكم في الوضعيات وأمورك طيبة

تأخذ لكزس وتركب لها رنجات ديزل وبوالين ؟
موفق ان شاء الله :)
---------------------------------

انصح الأخ السائل باللكزس وتخلي وضعية الجامبينات على المريح ..
انا توني اشتريت لكزس lx 570 موديل 2014 السبورت ومسوي الطريقة هذي وفعلا السيارة مريحه

بالتوفيق

[hagrs]

نصيحتي لك رنج روفر فوج 2013 وفوق مب شرط سوبر حتى لو العادي قمه في الراحه


وماتشوف شر اخوي

[Bu-Khalid]

اتصل على زيرو واحد اتناعشر تلاتعشر لتربح سيارة احلامك :tease:

فورد رابتر مريح وعملي

[PGR]

نيسان باترول الافضل

[علي بن جاسم]

الله يعينك

[El-Debs]

اخوي من كلامك انت سواقتك هاديه و ما تهمك السيارة الا الراحة فيها فجرب اللي بقولك عليه:

1- اشتري سياره فورويل(عاليه عاليه) تكون كراسيها وسيعه مو الظيقه. (عشان تقدر تعدل على قالبب الكرسي)
2- روح الصناعيه ودور على قراج يفصل لك كراسي للسايق او يعدل لك المقعد بشكل اللي يريحك. (وترا سهله ماتكلف اكثر من 2000 ريال)
3- ركب على السيارة اصغر حجم من الرنق و اكبر حجم للتواير. (بهالطريقة مستحيل تتعب فالحفر والمطبات)
4- و اهم شي, ركب على السيارة اجود نوع من الجمبينات. (وكل ما كان اطول كل ما كان احسن عند مواجهتك للحفر)

الله يحفظك من كل شر و يوفقك انشاءالله
اخوك محمد