عندي مبلغ كبير واريد ان اكون مضارب ..

[عقاب]

انا عندي 4 مليون واريد ان اضارب غدآ في الا سمنت واريد منكم النصيحة ...وينكم ياخوان شما ابي خطه بسيطه وسهله عساني اعوظ ماخسرت في هذا السوق:anger2:

[بوخالد2]

عليك بالشرااء بسعر قليل من النزوول ومن ثم بيع فوووق وخلاص 00 حط طلب جامد تحت بتقدر تنزل السهم

[stoex]

المبلغ كبير ولا انصح باللعب مع النار الا اذا كنت مستغنى عن المبلغ فهذا شى ثاني!!
السهم لازال مجهول الهوية..

[عقاب]

ياشباب ياليت توضيح اكثر بكم سعر الشراء والكميات وعلى دفعات ولا شلون؟

[ابو الاسهم]

خلّي فلوسك معك احسن لك

واذا مصمم اعمل حركات بيع وشراء وهميّة وشوف النتيجة قبل لا تشتري فعلاً

[الحكواتي]

خذ السلام وخله مدة وارجع له

[عقاب]

انا دخلت البورصة بمبلغ اكبر من هذا بواجد بس هذا الباقي بعد الخساره بعد ماسيلت كل ما أملك من اسهم ونويت اضارب بكره في الاسمنت وارجو ان نكون واقعين المبلغ لايكفي لان تؤثر بسهم شركه في السوق اعتقد ان الاسمنت بكره يافرصه تعوض او تكمل على مابقى من امل

[لابس بشت]

اذا انك ناوي ناوي
انتظر في هالفتره ع الاقل لين يترتب الوضع بعد نزول الاسمنت
وحاول تشكل في كذا شركه ولا تحط حلالك كله في شركه وحده
والله يوفقك اخوي

[naseemraod]

انا عندي 4 مليون واريد ان اضارب غدآ في الا سمنت واريد منكم النصيحة ...وينكم ياخوان شما ابي خطه بسيطه وسهله عساني اعوظ ماخسرت في هذا السوق:anger2:
أخي عقاب لاتكون متهورا
فهذا سوق أسهم لارحمة فيه
(والخسارة وجه ذيب) على قولة المثل
فاذا أردت الدخول على هذا السهم فأدخل بربع المبلغ بشرط ثبات السعر وعدم وجود ضغط على السهم
تذكر سعر الريان اول ثلاثة ايام تداول

[عقاب]

يعطيك العافيه يا لابس بشت بس بكره تتعتبر فرصه لاتتكرر كل يوم

[بوخالد2]

4 مليوون مستعد تلعب في السلام والمواشي بس تبيع برح 70درهم او 80 شوف كم يطلع معاااك يالغالي مااعتقد حد عنده هالمبلغ و مايعرف يضارب ؟؟

[عقاب]

والله يابوخالد ان حاولت اكثر من مرة بس سوقنا فيه ناس ماترحم حتى العشر ملايين ماتجيب راسهم

[جوري]

مثل ما قالك اخوي الحكواتي حطه بالسلام ورجع له في نها ية السنه وبتشوف الخير الكثير ان شاء الله

[Taj]

نصيحة لوجه الله

إترك عنك الاسهم لأن فيه ناس في السوق لا ترحم وإذا علموا بالاربع مليون ريال بيشتغلون عليها حتى لا يبقى منها شيء يذكر. وافضل طريقة للاستثمار هي :

1.شراء ارض في الصناعية بقيمة 2 مليون ريال.
2. بناء مخزن وغرف نوم للعمال .
3. الايجار الشهري المتوقع حالياً يصل حتى 40000 ريال شهري
4. كل سنة وتحصل على 500000 ريال تقريباً افضل من مليون بورصة.
5. العقار سيرتفع كل سنة وفلوسلك اللي صرفتها ستعود لك وانت مبسوط ولا دوخت راس ولا سهم طلع ولا سهم نزل.
6. هذا رأيي ممكن تأخذ به او تتركه جانباً .
7. تحياتي العطرة ..... تاج

[زمان الصمت]

اشتر فيها هامور

[كحيلان]

قسم مبلغك يا عقاب بين التحويليه وصناعات ووقود والعقاريه وناقلات و المصرف والدولي..

وراح تصير ال 4 مليووون ... 6,5 مليوووووون أقل تقدير .... وأذا قلبك قووووي راح تصير 7,5 مليوووووون .. بالعقل هل تعتقد أن الأسعار ستبقى على حالها !!! والى متى!

[غالي ألأثمان]

الاسعار ان شاء الله طالعه بس يبيلها صبر...........يعني معقول مثلا وقود وانا املك فيها للامانه العائد 6 ريال نصف السنه وسعرها 103 تقريبا.........متوقع اخر السنه 12 ريال تقريبا او اكثر.........يعني وقود سعرها الحين مش اقل من 120 بالراحه او اكثر وبعد شهرين او اقل عندما تعلن الارباح 9 ريال اتوقع السعر مش اقل من 150 والله اعلم..........وقس المصرف والدولي والتحويليه والنقل .....النقل انصحكم فيه واتوقع العائد مش اقل من 5 ريال في الربع الثالث لو اضافو ربح بيع السفينه في الربع الثالث.........

[خبير البورصه]

ابدأ بالشراء ابتداء من بعد الغد لاتشتري بكامل المبلغ وانما بالربع او الثلث وفي حالة الارتفاع بع دون تردد واذا عاد السهم لسعر الشراء وما دون اشتر مره اخرى.

اخيراً من يرد ان يكون مضاربا يجب ان يرضى بالخساره قبل الربح

[المراقب]

كثير من الأخوة نصحوك بعدم دخول المعمعة ....

وهناك من قدم نصيحة ذهبية بخصوص شراء الأرض.

وهذا دون شك أسلم وتحتاج بعض الوقت لترى النتائج.

اما إذا أردت دخول المعمعة فنصيحة خبير البورصة جيدة جدا، ويمكن أن تمكنك من ربح سريع جدا.

هناك كثير من الأسهم وسعرها زهيد يمكن ان تشتري فيها وتنتظر مدة وتبيع.

[امير الاسهم]

انصحك انك تتدخل في المواشي وتبيعها اذا وصلت ال20 ريال

يعني بتطلع بربح صافي 2 مليون.

المواشي ممكن تتحكم في السهم شوي وهو سهم عليه تداول

بس باقي الاسهم الصغيره نتايجها مو ذاك الزود.

اما السلام بصراحه في محافظ كبيره تتحكم في السهم واسهمه كثيره

يعني بدل ماتاكلهم ياكلونك.



الله يوفقك ويوفق الجميع.

[البيرق]

نصيحتي لكل مستثمر
اخلط
بين اسهم مضاربة واسهم استثمار
واقسم المضاربة على انواع مضاربة سريعة ومضاربة لفترة زمنية
والاستثمار منها في التجوري ماتطلع منه ومنها على العائد

[عقاب]

اشكر كل من شارك بالنصيحه هذا ان دل يدل على قلوبكم الطيبة ويدل على روح التعاون بينكم في هذا المنتدى الرائع ,,,وعجبتني نصائحكم وكانت (المتميزة:strong ) لخبير البورصه صج انك خبير اسم على مسمى

[الجنوبي]

والله الشباب ماقصروا وماخلوا لي شي أقوله