عيالكم يشربون ردبول ولا لا ؟

[المحاميه]

السلام عليكم



من يومين كنت صوب الجمعيه وتفاجأت ب يهال (ف الابتدائيه) كل واحد طالع من الجمعيه ب ردبول وقاعد يشربه

طبعاً هم رايحين الجمعيه بصحبة الخدامه والخدامه ماراح تهتم واكيد اهاليهم مايدرون عيالهم شنو يشترون من الجمعيه

ف حبيت انبه اولياء الامور عشان ينتبهون على هالنقطه ومب نقط كل شي على الخدامه وحسبالكم اذا راحوا الجمعيه يعني هم ف أمان


يعني ذيله صغار هم اساس الطاقه وروح النشاط اشله يشربون مشروبات طاقه وليش يفكرون فيها اصلا؟

وبعدين احنا الكبار مانستسيغ طعم هالمشروبات وممكن تسببلنا بعض الاعراض فما بالكم ب هاليهال؟




وشكراً

[Right]

هي جات على شرب ردبول بس


عيال هالزمن ، حشاشة زقاير

[monatee]

ماحولي عيال يشربونه ،، لكن زميلاتي في الدوام اغلبهم يشربونه :rolleyes2:

وبعض المحلات تخلطه مع عصير وتبيعه مثل وقت الشاي و محل نسيت اسمه اللي عند سينما فلاجيو

وكبار وصغار يشربوونه

[lion66]

ردبول بيعطيك جوانح ....

[Dana’1]

بعد دور الأهل أولا في التوجية ...المفروض السوبرماركت نفسة يمنع الأطفال من الشراء مثل الزقاير بالضبط
والمفروض تشدد الرقابة عليهم والمخالف عقوبته شدييييدة

[@north_star@]

هالنوع من المشروبات خطر على الاطفال وغير مناسب لاعمارهم

[R 7 A L]

اكيد اهلهم بعد يشربون

[بوخالد911]

بداية الانحراف !!

الله يحفظ فلذات أكبادنا

دور الوالدين في التوجية

[رجل الجزيرة]

كثير منا يعتقد أن جرعات يومية من هذا المشروب المقوي المعروف بـ “الريد بول – Red Bull” أصبحت ضرورية في حياتنا المعاصرة المرهقة، ولكن خبراء في فرنسا وتحديداً خبراء في التغذية اكتشفوا مؤخرا أن الريد بول يحتوي على مواد خطيرة جداً على صحة الإنسان، ويقولون أن هناك مادتين أساسيتين تدخلان في تركيبة وصناعة هذا المشروب المقوي هما مادة “تاورين Taurine” و”غلوكور نولاكتون Glucuronolactone”، وهاتان المادتان تبالغ شركة الريد بول في إستخدامهما مقارنة بمشروبات الطاقة الأخرى المتوافرة في الأسواق، وقد نبه باحثين فرنسيين لخطورة هذه المواد جاء عقب الترخيص المفاجئ للحكومة الفرنسية لبيع هذا المنتج في الأسواق بعدما ظل ممنوعا لسبعة أعوام متتالية، بالإضافة أن تناول هذا المشروب تحمل الإنسان على الأكتاف ليحط بتراب الأموات وليس التحليق بجناحين كما تصوره لنا الدعاية المتلفزة ، والمشروب يحتوي على كميات كبيرة من مادة «الكافيين» التي حولت الفئران الهادئة إلى حيوانات هائجة وميالة إلى بتر أجزاء من أجسامها، وبالنسبة للرياضيين فتناوله بعد ممارسة الرياضية يؤدي إلى إصابتهم بأزمة قلبية مفاجئة كونه ينشف الجسم من مكونات الدم.

وشنت الريد بول حملة إعلانية متعددة الجوانب تستهدف الشباب بالخصوص في جميع ضواحي فرنسا حيث كانت الشركة تعلن إعلانات مباشرة للشباب فأخذت تحثهم على شرب الريد بول ومزجه بمشروبات كحولية أخرى مثل الفودكا، رغم أن ذات الشركة كانت على دراية بالأخطار الصحية لهذا الخليط الغريب، ولم تعمل على تخليص المادتين المعنيتين عند صناعة مشروبها، هذا الأمر دفع بالمؤسسات المناهضة للكحول والمشروبات المقوية إلى شن حملة موازية خصوصاً بعدما أرتفع عدد الضحايا في صفوف الشباب الذين لم يتجاوزوا سن العشرين عاماً، ويقول الدكتور رونو بوتييه رئيس جمعية صحة المستقبل “أنها حلقة مقززة، فكما كانت مقاومتي لمفعول المشروب أكبر، كانت قدرتي على تناوله أكثر، وبما أن شرابه يزيد المقاومة فهذا يعني أن تناول هذا المشروب سيزيد، ولا يمكننا منع بيعه ولكن علينا أن نوّعي أخطاره قبل أن نقدم على تناوله وشربه، ويذكر أن مشروب الطاقة ريد بول ممنوع منعاً باتاً من النرويج والدنمارك وأستراليا وماليزيا وقد أقتحم حديثاً كندا والحكومة الفرنسية تفكر جدياً بإعادة النظر بقرارها السماح ببيعه للشباب.

منقول.

[العلياا]

ذكرتيني ايام المدرسة الاخصائيات يمشون واللي بيدها ريدبول تسحبه منها
عيالنا ما نخليهم يروحون الجمعية الا مع ابوهم

الله يهدي باقي الاهالي وينتبهون على عيالهم

[المحاميه]

يااخوان اعتقد ان اهاليهم مايدرون
وبعدين هم كانوا يشربونه فالطريج لانهم كانوا يمشون
يعني على مايوصلون خالصين وحاذفين القوطي

والله انا استغربت وعورني قلبي لانهم صغار مب ف عمر المراهقه عشان نعديها لكن يبين انهم ف الابتدائي


الله يعينا على هالجيل :(

[المحاميه]

كثير منا يعتقد أن جرعات يومية من هذا المشروب المقوي المعروف بـ “الريد بول – Red Bull” أصبحت ضرورية في حياتنا المعاصرة المرهقة، ولكن خبراء في فرنسا وتحديداً خبراء في التغذية اكتشفوا مؤخرا أن الريد بول يحتوي على مواد خطيرة جداً على صحة الإنسان، ويقولون أن هناك مادتين أساسيتين تدخلان في تركيبة وصناعة هذا المشروب المقوي هما مادة “تاورين Taurine” و”غلوكور نولاكتون Glucuronolactone”، وهاتان المادتان تبالغ شركة الريد بول في إستخدامهما مقارنة بمشروبات الطاقة الأخرى المتوافرة في الأسواق، وقد نبه باحثين فرنسيين لخطورة هذه المواد جاء عقب الترخيص المفاجئ للحكومة الفرنسية لبيع هذا المنتج في الأسواق بعدما ظل ممنوعا لسبعة أعوام متتالية، بالإضافة أن تناول هذا المشروب تحمل الإنسان على الأكتاف ليحط بتراب الأموات وليس التحليق بجناحين كما تصوره لنا الدعاية المتلفزة ، والمشروب يحتوي على كميات كبيرة من مادة «الكافيين» التي حولت الفئران الهادئة إلى حيوانات هائجة وميالة إلى بتر أجزاء من أجسامها، وبالنسبة للرياضيين فتناوله بعد ممارسة الرياضية يؤدي إلى إصابتهم بأزمة قلبية مفاجئة كونه ينشف الجسم من مكونات الدم.

وشنت الريد بول حملة إعلانية متعددة الجوانب تستهدف الشباب بالخصوص في جميع ضواحي فرنسا حيث كانت الشركة تعلن إعلانات مباشرة للشباب فأخذت تحثهم على شرب الريد بول ومزجه بمشروبات كحولية أخرى مثل الفودكا، رغم أن ذات الشركة كانت على دراية بالأخطار الصحية لهذا الخليط الغريب، ولم تعمل على تخليص المادتين المعنيتين عند صناعة مشروبها، هذا الأمر دفع بالمؤسسات المناهضة للكحول والمشروبات المقوية إلى شن حملة موازية خصوصاً بعدما أرتفع عدد الضحايا في صفوف الشباب الذين لم يتجاوزوا سن العشرين عاماً، ويقول الدكتور رونو بوتييه رئيس جمعية صحة المستقبل “أنها حلقة مقززة، فكما كانت مقاومتي لمفعول المشروب أكبر، كانت قدرتي على تناوله أكثر، وبما أن شرابه يزيد المقاومة فهذا يعني أن تناول هذا المشروب سيزيد، ولا يمكننا منع بيعه ولكن علينا أن نوّعي أخطاره قبل أن نقدم على تناوله وشربه، ويذكر أن مشروب الطاقة ريد بول ممنوع منعاً باتاً من النرويج والدنمارك وأستراليا وماليزيا وقد أقتحم حديثاً كندا والحكومة الفرنسية تفكر جدياً بإعادة النظر بقرارها السماح ببيعه للشباب.

منقول.


من وين هالكلام
يعني مصدر موثوق
وكلام علمي بحت ولا كلام تشويه سمعه

!؟!

[حسن]

فقدان الرقابه والمسؤليه وانعدام ثقافة التربيه والقادم ادهى وأمر الله يعين الحكومه على الجهل

[حمد 2002]

فقدان الرقابه والمسؤليه وانعدام ثقافة التربيه والقادم ادهى وأمر الله يعين الحكومه على الجهل


:eek5::omg::omg::rolleyes2:

[المحاميه]

الابناء يضرون انفسهم وهم تحت السن القانوني مايدرون شسالفه
والوالدين مشغولين ف امورهم الخاصه

اتمنى الكل ينتبه على عياله وعالاقل يلاحظهم ويشوف شاللي يشترونه وهل هو مناسب ولا لا

:(

[عثرة جواد]

انا قلت حق عيالي الي مايبي لين يكبريجيب عيال يشربه
الحمدلله اشوفهم خافوع الذريه هههههه

[بوحارب]

لا ما يشربونه

[النهار]

متابع ......

[بوراشد82]

فالمدارس شفت بعض الطالبات يشربونه بعد مايخلطونه مع حبوب بنادول مطحونة ويوم سألتهم ردوا والابتسامة شاقة حلوجهم ((( ابلة تراه عجيب،، يسووي دوخة فالراس كأنج سكرانة!!!! ))) وصج كنت الاحظهم يضحكون من غير سبب ويستوون مفهيات !! ،، تحس البنت في عالم ثاني عقب ماتشربه ومشيتها تتغير تمشي وهي مب قادرة تصلب طولها !! ومن بعدها حلفت اذا شفت وحدة ماسكته اخذه منها واكته على راسها جدام الكل وتتصفق لاني مب ناقصة هبل ،، وصج تخرعوا لانهم عارفين جديتي وماعندي اي مشكلة امد يدي اذا شفت الغلط واسويها ترى،، وادارة المدرسة ماقصرت تمشي وتفتش عن هالسوالف وتعاقب عليها ،، بس يتم الخلل موجود اذا مافي متابعه من الاهل نفسهم (( معاكم ام راشد ))

[حسن]

[/size]


:eek5::omg::omg::rolleyes2:

:telephone:

[دااانة قطر]

الحمدلله ماعندنا حد يشربه ولا يقربه


بس سؤال شنهي الفودكا؟؟

[المحاميه]

فالمدارس شفت بعض الطالبات يشربونه بعد مايخلطونه مع حبوب بنادول مطحونة ويوم سألتهم ردوا والابتسامة شاقة حلوجهم ((( ابلة تراه عجيب،، يسووي دوخة فالراس كأنج سكرانة!!!! ))) وصج كنت الاحظهم يضحكون من غير سبب ويستوون مفهيات !! ،، تحس البنت في عالم ثاني عقب ماتشربه ومشيتها تتغير تمشي وهي مب قادرة تصلب طولها !! ومن بعدها حلفت اذا شفت وحدة ماسكته اخذه منها واكته على راسها جدام الكل وتتصفق لاني مب ناقصة هبل ،، وصج تخرعوا لانهم عارفين جديتي وماعندي اي مشكلة امد يدي اذا شفت الغلط واسويها ترى،، وادارة المدرسة ماقصرت تمشي وتفتش عن هالسوالف وتعاقب عليها ،، بس يتم الخلل موجود اذا مافي متابعه من الاهل نفسهم (( معاكم ام راشد ))


شنو؟؟؟

استغفرالله
والله صج ش هالجيل؟

انا ماشربت ردبول الا ف الجامعه ومب وايد

:anger1:

[المحاميه]

الحمدلله ماعندنا حد يشربه ولا يقربه


بس سؤال شنهي الفودكا؟؟


خمر الله يعزج :rolleyes2:

[Aaziz]

فالمدارس شفت بعض الطالبات يشربونه بعد مايخلطونه مع حبوب بنادول مطحونة ويوم سألتهم ردوا والابتسامة شاقة حلوجهم ((( ابلة تراه عجيب،، يسووي دوخة فالراس كأنج سكرانة!!!! ))) وصج كنت الاحظهم يضحكون من غير سبب ويستوون مفهيات !! ،، تحس البنت في عالم ثاني عقب ماتشربه ومشيتها تتغير تمشي وهي مب قادرة تصلب طولها !! ومن بعدها حلفت اذا شفت وحدة ماسكته اخذه منها واكته على راسها جدام الكل وتتصفق لاني مب ناقصة هبل ،، وصج تخرعوا لانهم عارفين جديتي وماعندي اي مشكلة امد يدي اذا شفت الغلط واسويها ترى،، وادارة المدرسة ماقصرت تمشي وتفتش عن هالسوالف وتعاقب عليها ،، بس يتم الخلل موجود اذا مافي متابعه من الاهل نفسهم (( معاكم ام راشد ))

صدمني هالرد

الي ذكرتيه شفته في فيديو و كان يتكلم عن هذي الطريقه و ضررها على خلايا المخ
كان شي منتشر عند الغرب شلون وصل حق العصاعص :anger3:

[ضوى]

شربوه الشباب كم مرة وحذرتهم وخففوا منه وايد والحين ماشوفهم يشربونه

[عوآآآآشـي]

راقبوا اعيالكم الله يحفظهم
ولدي كان يروح الطوارئ بسبة ان ضربات القلب سريعه وضيق تنفس
حذرته من شربه بعد مادريت والحين الحمد الله ولا مره جاته الحالة

الله يحفظ اعيالنا واعيال جميع المسلمين ان شاء الله

[حسن]

الحمدلله ماعندنا حد يشربه ولا يقربه


بس سؤال شنهي الفودكا؟؟

:omg:

:eek5:

:secret:

يالهوي

الفودكا من المحرمات يعني مشروبات روحيه
بس مين وين سمعتيها

؟؟

[المحاميه]

الردبول طعمه كانه ادوى

اذا حد كبير كيفه
بس اليهال اللي هم مسؤولية اولياء الامور رجاء تمنعونهم وتنتبهون عليهم


الفودكا مذكوره ف التقرير المنقول من احد الاعضاء

[اجرام]

اي والله قبل كم يو شفت بنات اصغار اعمارهم بالابتدائيه يبين انهم صغار حيل
بفرايديز الاند اول شي ماشفت احد كبير معاهم
وثاني شي مثل ما قلت يشربون ردبول
وثالث شي مايصلح ردبول مع العشاء ههههههههه

[العلياا]

فالمدارس شفت بعض الطالبات يشربونه *************************ويوم سألتهم ردوا والابتسامة شاقة حلوجهم ((( ابلة تراه عجيب،، يسووي دوخة فالراس كأنج سكرانة!!!! ))) وصج كنت الاحظهم يضحكون من غير سبب ويستوون مفهيات !! ،، تحس البنت في عالم ثاني عقب ماتشربه ومشيتها تتغير تمشي وهي مب قادرة تصلب طولها !! ومن بعدها حلفت اذا شفت وحدة ماسكته اخذه منها واكته على راسها جدام الكل وتتصفق لاني مب ناقصة هبل ،، وصج تخرعوا لانهم عارفين جديتي وماعندي اي مشكلة امد يدي اذا شفت الغلط واسويها ترى،، وادارة المدرسة ماقصرت تمشي وتفتش عن هالسوالف وتعاقب عليها ،، بس يتم الخلل موجود اذا مافي متابعه من الاهل نفسهم (( معاكم ام راشد ))

اختي ليش ما بلغتوا اهالي البنات اللي يسوون هالطريقة ؟
وتمنيت ان الطريقة ما تكتب بشكل واضح عشان ضعاف النفوس ما يجربونها :(

[Right]

الحمدلله ماعندنا حد يشربه ولا يقربه


بس سؤال شنهي الفودكا؟؟




عصير جرجير

[أم محمد 90]

شنو؟؟؟

استغفرالله
والله صج ش هالجيل؟

انا ماشربت ردبول الا ف الجامعه ومب وايد

:anger1:

انا كنت مدمنه عليه قبل العمليه

ومن سويتها ماقمت اشربه الحمدلله

[هداف]

للاسف الريد بول جاب لخوي الصغير مرض السكر وهو في عمر الــ 12 سنه وكان يشرب
ريد بول وماكنا منتبهين يشربه مثل العصير يعني في اليوم علبه الى علبتين وهذا هو للاسف
مريض بالسكر طول عمره ولله الحمد على كل شي

[دااانة قطر]

خمر الله يعزج :rolleyes2:

خمر بمعنى خمر ولا ؟؟!!:rolleyes2::eek5::omg::weeping:



:omg:

:eek5:

:secret:

يالهوي

الفودكا من المحرمات يعني مشروبات روحيه
بس مين وين سمعتيها

؟؟

والله انا كاان في باالي نوع من انوااع البيرة
وسمعتها من بنتي تقول سمعتها من بنااات المدرسة
بصراااحه صر أخااف على بنااتي وهم بعيد عني








عصير جرجير



أها زين حق تسااقط الشعر يبيله

[حسن]

[/size]


:eek5::omg::omg::rolleyes2:

انت مستغرب من كلامي شوف الاعترافات في الردود تخوف يابوشهاب

انا اشوف قدام ماشوف الحين

:telephone:

[دااانة قطر]

انت مستغرب من كلامي شوف الاعترافات في الردود تخوف يابوشهاب

انا اشوف قدام ماشوف الحين

:telephone:



الوضع مايطمن

[بوراشد82]

اختي ليش ما بلغتوا اهالي البنات اللي يسوون هالطريقة ؟
وتمنيت ان الطريقة ما تكتب بشكل واضح عشان ضعاف النفوس ما يجربونها :(
حبيبتي والله بلغنا هالامهات ولكن لا حياة لمن تنادي،، عيل ام استدعيها بنتها محلقة شعرها بموس حتى الصبيان شعرهم اطول من شعرها وشكلها مقزز ترد علي الام تقول مب شغلج !! انتي وظيفتج تدرسينها مالج خص بشعرها!!
صرت مااستدعي الامهات،، كم طراق وتهزئ وتتسنع ،، وهالطريقة ناجحة معاي ،، واصطلبوا شكثر على يدي لانهم عارفين انه قلبي عليهم واعتبرهم مثل بناتي واكثر ،، وخيزرانتي تحت المكتب ولا علي بأكبر راس ،،

[الحاقول]

دخلت سوبر ماركت في منطقة السالميه في الكويت


ووجدت هذه العباره الجميله . وياليت يتم تعميم هذه الفكره الحلوه عندنا

http://distilleryimage7.s3.amazonaws.com/5364debe8b6711e3a68a125a695d4d27_8.jpg

[Locale]

^^
في الكويت حادثه قديمه عندهم
واحد توفى لان شرب مادري شكثر رد بول ومات

[عاهد بن علي]

اصلآ اسمه يلوع الجبد الله يعزكم

[النهار]

خمر الله يعزج :rolleyes2:

استغفر الله

[رجل الجزيرة]

http://www.youtube.com/watch?v=Y-8y3i6KlB8

[نوور الدووحه]

هالنوع من المشروبات خطر على الاطفال وغير مناسب لاعمارهم


خطره عالكبار والصغار :secret:

[غير البشر]

انا شربته مره وحده مغصوب ههههههههههه
حطوني في الشيمه ماقدرت اردهم
ولا طلع لي جوانح ولا عطاني باور
نفس الشي :rolleyes2:

[بريق الحق]

للعلم فقط الرد بول كانت فيه نسبة كحول
واحد اعرفه عدل ولا هو راعي شراب وخرابيط سو له فحص قالو له انت كنت راعي شراب ؟

[فلتة زمانها]

اخر حركة سووها البنات شربوا رد بول مع مسكادول جاهم تشنج
استغفرالله وصاروا نكته في طواري حمد

[pink pearl]

ماحولي عيال يشربونه ،، لكن زميلاتي في الدوام اغلبهم يشربونه :rolleyes2:

وبعض المحلات تخلطه مع عصير وتبيعه مثل وقت الشاي و محل نسيت اسمه اللي عند سينما فلاجيو

وكبار وصغار يشربوونه

ياليت تذكر لنا اسم العصير @@

[شتان]

شربته في مطعم خالطينه مع عصير ولا كنت ادري وسبب لي لخبطه في ضربات القلب لمده اسبوع في الطوارئ

[نوور الدووحه]

انا شربته مره وحده مغصوب ههههههههههه
حطوني في الشيمه ماقدرت اردهم
ولا طلع لي جوانح ولا عطاني باور
نفس الشي :rolleyes2:

تدور جوانح ها ..!؟!:taunt:

[وطن]

ما اداني ريحته

:rolleyes2:

[Locale]

مشكلتي احب الغازيات مابي اجربه عشان مايعجبني واطيح فيه

[الجنوبي]

والله الاطفال والمراهقين طايحين فيه طيحه هو وطخته من المشروبات الثانيه مثل الكود رد وفيتامين سي

اتمنى من البلدية تصدر قانون تمنع فيه الدكاكين والسوبرماركتات من بيعه على اللي عمره اقل من 18 سنة مثله مثل الزقاير

والي يخالف يتصكر محله وتحرر له مخالفة

[قلب صادق]

دام ان هذا المشروب منه اضرار ليش ما يتم منعه واستيراده
ام ان خذه الشركات العابرة للقارات اصبحت تفرض على الدول شراء منتجاتها

[يمامـة]

عندي واحد من عيالي الاحظ عليه مرات يشربه ،، والتحذيرات تهل عليه من كل صوب..

الله يفكهم منه لأنه جدا مضر لهم ولصحتهم.

[المحاميه]

انا كنت مدمنه عليه قبل العمليه

ومن سويتها ماقمت اشربه الحمدلله


ليش كنتي مدمنه
وشنهي اعراضه عليج؟ يعني حسيتي بشي ولا عادي مثله مثل البيبسي



للاسف الريد بول جاب لخوي الصغير مرض السكر وهو في عمر الــ 12 سنه وكان يشرب
ريد بول وماكنا منتبهين يشربه مثل العصير يعني في اليوم علبه الى علبتين وهذا هو للاسف
مريض بالسكر طول عمره ولله الحمد على كل شي


لا حول ولا قوة الا بالله
الله يشفيه



خمر بمعنى خمر ولا ؟؟!!:rolleyes2::eek5::omg::weeping:




والله انا كاان في باالي نوع من انوااع البيرة
وسمعتها من بنتي تقول سمعتها من بنااات المدرسة
بصراااحه صر أخااف على بنااتي وهم بعيد عني




أها زين حق تسااقط الشعر يبيله


ههههه ايه زين حق تساقط الشعر بس لاتكثرين منه :nice:

ايه خمر اشدعوه ماتدرون ان الفودكا خمر :eek5: :secret:





دخلت سوبر ماركت في منطقة السالميه في الكويت


ووجدت هذه العباره الجميله . وياليت يتم تعميم هذه الفكره الحلوه عندنا

http://distilleryimage7.s3.amazonaws.com/5364debe8b6711e3a68a125a695d4d27_8.jpg


فكره حلوه اتمنى تطبق عندنا بس لو دش واحد اقل من هالعمر وخذله ردبول هل الكاشير بيقوله راوني بطاقتك؟ ام ان المسأله شكليه؟

[المحاميه]

للعلم فقط الرد بول كانت فيه نسبة كحول
واحد اعرفه عدل ولا هو راعي شراب وخرابيط سو له فحص قالو له انت كنت راعي شراب ؟

اماااا :eek5:




شربته في مطعم خالطينه مع عصير ولا كنت ادري وسبب لي لخبطه في ضربات القلب لمده اسبوع في الطوارئ


سلامااات
اظن تأثيره متفاوت يعني ناس مايأثر فيها وناس يأثر على صحتها ..




ما اداني ريحته

:rolleyes2:


ريحته وطعمه نفس الادوى




مشكلتي احب الغازيات مابي اجربه عشان مايعجبني واطيح فيه


لاتجربينه عيل يمكن تندمنين عليه فتره
ترا انا كنت قاطعته ولا افكر فيه وفجأه رجعت بحبه والحبه صارت درزن وجذي :secret:




دام ان هذا المشروب منه اضرار ليش ما يتم منعه واستيراده
ام ان خذه الشركات العابرة للقارات اصبحت تفرض على الدول شراء منتجاتها


تبي اللي ينتج يخسر؟
اكيد ضاغط عليهم ودافع الشي الفلاني ومخليهم يسوقون منتجاته
ترا الردبول ينباع بكل مكان فالعالم على فكره يعني مب بس عندنا



عندي واحد من عيالي الاحظ عليه مرات يشربه ،، والتحذيرات تهل عليه من كل صوب..

الله يفكهم منه لأنه جدا مضر لهم ولصحتهم.


انزين ليش ماتجبرينه وتقولينله لا ممنوع وتخلينه يقطعه للابد
يعني قوليله السالفه جد وله اضرار الخ

[غير البشر]

تدور جوانح ها ..!؟!:taunt:



ههههههههههههه
نوور مانبي نطمع على الاقل ريش بعد ماحصلنا منه خير
جربي شربي وشوفي يمكن حظج احسن مني :thumbup1:

[دااانة قطر]

ههههه ايه زين حق تساقط الشعر بس لاتكثرين منه :nice:

ايه خمر اشدعوه ماتدرون ان الفودكا خمر


شدراني باسماائهم

[حسن]

الصراحه يخوف من الردود اللي اقراها

تحسس ان الناس مغيبه عن الوعي معقوله الواحد الحين اكثر مايقدر يتجنب هل المضار
وين دور الثقافه
وين درو لمدرسه في المتابعه والمراقبه وعمل الاستبيانات على الطلبه
وعلاج ومتابعه هذه الحالات
المناهج طويله الى درجه الممل وين دورك فيها

وقبل كم يوم وحده كاتبه عن بنت في المدرسه تقول حق بنتها مخدارت مادري حشيش
وين دور حمايه حقوق الطفل وين راحو وش يسون اكل وقعده وحش وبس

الله المستعان

[Rider]

والله بعضهم يشربون مشروبات الطاقة وهو اصلا مايدري ليش يشربها بس تقليد اعمى

[نوور الدووحه]

ههههههههههههه
نوور مانبي نطمع على الاقل ريش بعد ماحصلنا منه خير
جربي شربي وشوفي يمكن حظج احسن مني :thumbup1:

لا لا انا مابي اطير خلنا بالارض راضيين :tease:

بعدين هالمشروبات مو زينه للبشره :shy::ok:

[حياة]

حرااااام الردبول فيه نسبه خمر بسيطه..
وشلون تشربونه وتخلون عيالكم يشربونه ... فقد ثبت عن النبي صلى الله عليه وسلم أنه قال: ما أسكر كثيره فقليله حرام. رواه الترمذي وحسنه من حديث جابر.

[طبيب قطري]

جربته مره وماعجبني طعمه.. ومااظن اللي يشربونه يحبون طعمه ولكنها ثقافة التقليد الاعمى للاسف