الساعه ب 300 ريال

[حمد 2002]

السلام عليكم ورحمه الله وبركاته

الساعه ب 300 ريال

ام الطالب او اب الطالب :- الو ولدي عنده امتحان بعد يومين وابي اتراجعله لانه ضعيف بالانجليزي ،،


المدرس :- واللهي عندي ضغط وبيزي بس ولايهمك هجي لولدك ان شاء الله ،،

ام الطالب او اب الطالب :- الساعه ابكم يالشيخ ،،


المدرس :- الساعه بتلتوميه ريال (( 300 ريال )) ،،


وييييييييييينكم ياولياء امور عن اولادكم طيله ايام السنه ، بس انتبهتوا لهم خلال فتره الامتحانات :):) ،،


واشدراكم ان هالمدرسين عندهم شهادات ومؤهلين ، يمكن اتحصلونه حارس ولا عامل بمطعم ولا جاي بفيزه سياحه ،، وقال خلني استغل الفرصه واضرب ضربتي ،، :):):) ،،


وانا الصراحه الوم الجرايد بعد على وضع مثل تلك الاعلانات بدون التأكد من هويه ومؤهلات واضع الاعلان هل هو صج مدرس ولا طباخ ولا كهربائي ،،،



خلاص هاذا كل الي عندي والحين الكره في ملعبكم للتعليق ،،



تحياتي ،،


اخوكم في الله ،،

حمد 2002 :::

[عطر فرنسي]

حمد سؤال يعني تبي تقولي على ايامك وقت كنت تدرس عمرك ماحطيت مدرس خصوصي بتقولي يعني كنت شاطر ونجحت بنسبه 99.99
؟؟؟

[النهار]

وينه هاي بوتولتوميت ريال قاعد ادور عليهم دواره موهب محصل كلهم بيزي = مشغول = ماعنده وقت
تكفى بوشهاب ابي رقم اي واحد منهم هههههههههههههههههه

[النهار]

حمد سؤال يعني تبي تقولي على ايامك وقت كنت تدرس عمرك ماحطيت مدرس خصوصي بتقولي يعني كنت شاطر ونجحت بنسبه 99.99
؟؟؟

عطر فرنسي خف على ولدنا انت من حزب ولد العرب واحنا من حزب حسن جاي تخرب الموضوع :anger1:
اكيد مدزوز من ولد العرب

[عثرة جواد]

انا جبت واحدمن نفس المواصفات الي ذكرتها وقعدمع بنتي ويوم سالته اشلون البنت

قال ماتحتاج مدرس هي شاطره
طلعت بنتي تبي تفوشر ههههه عيال اخرزمن

[ضوى]

وين المشكلة ؟؟ يمكن الطالب يحتاج كم ساعة بس يراجع معاه للامتحانات وين القضية في الموضوع

[بوخالد911]

منشاررررررررررررررررر
:anger1:

[العنيده]

300 :) والله رخيص اللي كلمته
اللي نشوفهم الساعه ب 500

صح ممكن اصلا هم مب مدرسين هو مب بس شلون نوثق في تدريسهم هو مسالة انه يقعد مع عيالي بعد صعبه

[R 7 A L]

اهم شي مايغش

[المحاميه]

اشوى 300 مب 3000

ترقبوا بعد كمن سنه

الساعه ب 3000

:nice:

[النهار]

اشوى 300 مب 3000

ترقبوا بعد كمن سنه

الساعه ب 3000

:nice:

شكلي بشتغل مدرس خصوصي اذالساعه 3000 ريال

[حسن]

والله حمد ادري انك خايف على ابناء هذا المجتمع وبتالي فيجب عمل لك تمثال فوق جبل الوكره
انت رجل غيرور

لمع


شوف يابوشهاب اكيد بيكون هناك استغلال من البعض ولكن وش نعمل مضطرين
احيانا
الحمد لله يابوشهاب ماجبت لعالي مدرسين ولكن السنه جبت
ولكن بعض المواد واهمها العلوم والرياضيات
والحمدلله انا متابعهم اول باول ومستواهم زين ولكن قلنا نجيب لهم
كمن حصه للمراجعه
شنسوي بندفع رغم ان المدرسه يسون لهم مراجعه ولكن مادري عنهم
ولو كان المدارس سوت تقويه مثل قبل وبندفع وعلى الاقل باسعار رمزيه شويه

وشكرا لك من

اعماق اعماق اعماق اعماق

قلبي


النهار خلك جاهز وراقب بحذر وصد عن حمد

:telephone:

[المحاميه]

شكلي بشتغل مدرس خصوصي اذالساعه 3000 ريال

هههه عوار الراس ماينشرى ب ولا مليون هههه

[R 7 A L]

والله حمد ادري انك خايف على ابناء هذا المجتمع وبتالي فيجب عمل لك تمثال فوق جبل الوكره
انت رجل غيرور

لمع


شوف يابوشهاب اكيد بيكون هناك استغلال من البعض ولكن وش نعمل مضطرين
احيانا
الحمد لله يابوشهاب ماجبت لعالي مدرسين ولكن السنه جبت
ولكن بعض المواد واهمها العلوم والرياضيات
والحمدلله انا متابعهم اول باول ومستواهم زين ولكن قلنا نجيب لهم
كمن حصه للمراجعه
شنسوي بندفع رغم ان المدرسه يسون لهم مراجعه ولكن مادري عنهم
ولو كان المدارس سوت تقويه مثل قبل وبندفع وعلى الاقل باسعار رمزيه شويه

وشكرا لك من

اعماق اعماق اعماق اعماق

قلبي


النهار خلك جاهز وراقب بحذر وصد عن حمد

:telephone:



شلون يابوعلي
جبت ولا ماجبت
مقتنع ولا غير مقتنع ؟
فسر :telephone:

[عثرة جواد]

خاطري اعرف ليش عيالنا يحتاجون مدرس خصوصي

ليش نعودهم ع الاتكاليه الدول العربيه كتبهم امتن من كتبنا والصفوف مليانه وعندهم تفوق علمي وحنا اذبحتنا المظاهر

كل شي اخترب المدارس من ارقاء المباني المدرسين من النخبه والكتب من اجودالمطبوعات

واطالب مايدرس لانه مب عارف شيسوي ولا ليش يدرس مافي وعي مافي تخطيط مستقبلي

لاحول ولا قوة الا بالله

[المحاميه]

شلون يابوعلي
جبت ولا ماجبت
مقتنع ولا غير مقتنع ؟
فسر :telephone:


هههههههه

[ابوعلي]

اخوي حمد بما ان الشي لصالح اعيالنا ما راح نقصر وبنفس الوقت ما نختار الا واحنا سائلين عن المدرسين

والحمدلله اسعارهم في حدود 200 ريال

[حسن]

شلون يابوعلي
جبت ولا ماجبت
مقتنع ولا غير مقتنع ؟
فسر :telephone:

اي يارحال جبت مدرس ومدرسه ولكن يعني حق حصص معدوده
شتسوي المشكله في الرياضيات والعلوم وخصوصا ولدي المدرسه كل شوي وكانت
تغير مدرسه
ولكن الحمد لله تقاريرهم القبليه يعني زينه والحمدلله المتابعه من اول السنه
لها دور كبير
والله يارحال لو تشوف كتب الرياضيات عندهم غير مانفهم فيها

[R 7 A L]

اي يارحال جبت مدرس ومدرسه ولكن يعني حق حصص معدوده
شتسوي المشكله في الرياضيات والعلوم وخصوصا ولدي المدرسه كل شوي وكانت
تغير مدرسه
ولكن الحمد لله تقاريرهم القبليه يعني زينه والحمدلله المتابعه من اول السنه
لها دور كبير
والله يارحال لو تشوف كتب الرياضيات عندهم غير مانفهم فيها

طيب
وش الاحسن بالدرجات طبعاً
قبل لاتجيب مدرس ولا بعد ماجبت مدرس .؟

[محمد11]

امس وصلني برودكاست ان مدرس عنده اوراق امتحانات

[حسن]

طيب
وش الاحسن بالدرجات طبعاً
قبل لاتجيب مدرس ولا بعد ماجبت مدرس .؟

والله لين الحين مابدات الاختبارات الوطنيه
ومادري عنهم ولكن ان شاء الله للافضل المشكله يارحال اللي مايتابع من الاول
ومستوى عياله مصيبه
وهذه عليه سقوط واعاده سنه فا مهب هينه
والحمدلله انا عندي المستوى زين ولكن الحرص احسن

[حسن]

امس وصلني برودكاست ان مدرس عنده اوراق امتحانات

امس اعتقد ماني قريت في الجريده
بس ماندري سعاده الوزير وش سوى مع لجنه التحقيق في الموضوع
بالنسبه لي التسريب واضح اظهره بلمح البصر

[الدمعه]

العيال مستواهم زين بس حزة الامتحان مخهم يستوي نظيف مافيه ولا معلومه ههههه

[ya3coub]

للأسف احنا الي عودنا عيالنا على المدرسين الخصوصين

و مافي استجابة فعلية للأغلب صحيح الدرجات ترتفع بس مو كفاية انهم يكونون من الأوائل

اذا الطالب يرجع من المدرسة يتغدى و ينام, و المغرب او عقب العصر يمر عليه المدرس و بس بعده يلعب او يشوف تلفزيون لين ما يتعشى و ينام ما سوينا شي.


بعض الأهل ملامين الي انصدم منه صحيح المرحلة الثنوية مرحلة مصيرية بس في ناس موفرين مدرسين خصوصين لعيالهم الي بالأبتدائي و الأعدادي و هالشي غلط

كيف بيكبر الطالب او الطالبه اذا من صغرهم محد فاضي يدرسهم او يتابعهم

ابسطها يراجعون و يحلون لين ما يفهمون

اذا تم توقيف المدرسين الخصوصين و منعهم من هالممارسات إلا بالمدارس و بعلم القانون و في متابعه من اولياء الأمور لازم ولدي يستفيد مو تجي تقضي ساعه تشرب شاي و تعيد عليه الي مكتوب بالكتاب و تتفرج عليه يعاني و اهو يحل المسائل و اتقول خلصت ساعتك محتاج ساعه ثانية زود.



ترا مو كل اهل قطر درسو بالمدرسين الخصوصين ولا كل اهل قطر فلته و عباقرة أيضا و الأهم مو كل اهل قطر فيهم خمول و كسل و بلادة قد نكون نكون احنا مع الأهل سبب هالخمول الي يتهمون الطلاب فيه

[حمد 2002]

اشكرررررركم وبعنف على المرور الجمــــــــــــــــــــــيل ,,,

[Locale]

مناهج الحين حتى احنا الكبار مانفهمها :rolleyes2:

[start555]

الله يرحم ايامنا

كان الشهر على 1500 ريال

[روز باريس]

الله يرحم ايامنا

كان الشهر على 1500 ريال
اي الشهر الكورس كل لكتاب 3000 ريال يومين في الاسبوع وثانويه عامه

[خليفـة]

فيه أولياء امور يدرسون عيالهم بنفسهم
وفيه الي معتمد على المدرسين الخصوصيين
باختصار ماتقدر تعمم هالشغله يا حمد

وفي النهاية .. كل ولي أمر مسؤول عن ابنائه

خليفة

[عاهد بن علي]

احسن حل متابعتهم اولآ بأول منذ اليوم الاول للدراسه

[توشيبا]

ليش الطالب يحتاج الي مدرس خصوص ويمكن هالمدرس يدوسه في الفصل !؟

الخلل في وين

[يمامـة]

الحاجة الى مدرس خصوصي تختلف باختلاف حاجة الطالب له..

هناك طلاب بالفعل يحتاجون الى مدرس يسهل عليهم شرح الدروس من خلال تأسيسهم
لأن كثيرين نلقاهم مب مأسسين وبالتالي مهما شرح المدرس في الفصل ما يستوعب الا كم مسألة.


وهناك طلاب بحاجة الى مدرسين خصوصين بغية الحصول على درجات عالية ..

وهناك طلاب يحتاجون لمدرسين خصوصين علشان يدرسون وياهم,, فالطالب مسبه عقله مب في راسه
ويحتاج مثل الطفل يكون حد على راسه فاهم المادة يدرسه ويدرس وياه.

وهناك طلاب ينفرض عليه الدروس الخصوصية من قبل هله وهو مب مستفيد شي
لأنه ما يبي يتطور..

وفي كل الحالات هناك استغلال بشع من المدرسين الخصوصين لحاجة هالطلاب
والاسعار كل مالها في ارتفاع ومن عندنا ضوابط تربط جشعهم وياليت نشوف ضوابط
توقف هالجشع.

[رجل مثالي]

بعضهم ياخذون اكثر الله يستر ويعين أولياء الأمور

[بريق الحق]

الحمدلله ماخذيت مدرس خصوصي ولا دفعت ولا ريال لهم 🙈

[سميسمة كافيه]

:nice::nice::nice::nice:

[king fish]

الساعه ب 300 قول يدرس 4 ساعات في اليوم 1200 ريال في اليوم قول يدرس 5 ايام في الاسبوع يعني 6000 في الاسبوع
في الشهر 24000 الف ريال

قول ابو الولد طلع كريم بسبب نيجة ابنه الحلوه 2000 ريال
25000 خصوصي +15000 راتب
40 الف ريال فقط لاغير

[يمامـة]

الساعه ب 300 قول يدرس 4 ساعات في اليوم 1200 ريال في اليوم قول يدرس 5 ايام في الاسبوع يعني 6000 في الاسبوع
في الشهر 24000 الف ريال

قول ابو الولد طلع كريم بسبب نيجة ابنه الحلوه 2000 ريال
25000 خصوصي +15000 راتب
40 الف ريال فقط لاغير

كان ايينا مدرس حق بنتي

اكتشفت انه ياخذ 500 ريال على اقل من ساعتين ويقول هذه نظامي..

للحين فيني حرة عليه هالنصاب...............> بطرقع له اذنه ان شاء الله في القريب العاجل..

[koketa]

أنا قررت ما في سفر السنه

بالفلوس بجيب مدرسين دروس تقويه عشان السنه الجايه

[دااانة قطر]

وينه هاي بوتولتوميت ريال قاعد ادور عليهم دواره موهب محصل كلهم بيزي = مشغول = ماعنده وقت
تكفى بوشهاب ابي رقم اي واحد منهم هههههههههههههههههه

مركز الخريطيات التعليمي الحصه ب120 ومركز الدوحه التعليمي أيام المراجعه الفاينل ب150

[نوور الدووحه]

انا عندي ولدي صف اول ماني قادره ادرسه مفهي :rolleyes2: وانا راعية ضغــط ماتحمل:rolleyes2:

ودي بمدرس خصوصي حقه بس الكل بياكلني خاصه ابوه .. لاني جامعيه و(مخ )على قولتهم :secret:

بس لحين صامده وادرسه بالرغم ان مستواه مولهناك:waiting:

الله يعين اولياء الامور:rolleyes2:

[رهج السنابك]

نور
صف اول وتبين له مدرس!!!

عيل وينج شكلج ماكنتي ماسكته وهو ابو اربع سنين نطرتي لين دش المدرسه جذي مب زين
ولا تجبين له مدرس حرام تعودينه عليهم من البدايه

[نوور الدووحه]

نور
صف اول وتبين له مدرس!!!

عيل وينج شكلج ماكنتي ماسكته وهو ابو اربع سنين نطرتي لين دش المدرسه جذي مب زين
ولا تجبين له مدرس حرام تعودينه عليهم من البدايه

4 سنين شيبي له ..!! بالروضه ماكو حفظ وامتحانات :rolleyes2:
انا ماودي ماطيق المدرسين الخصوصيين:secret:
احاول اضغط على عمري وياه عيزت مادري على منو طالع :eek5::tease:

[جوال 11]

أنا أعرف مؤذن مسجد وخريج كلية زراعة ويدرس جميع المواد يسال الناس في المسجد ثم يذهب ويدرس الطلاب .
وهنالك فئة من دولة عربية تستغل دخول الدولة بتاشيرة القطرية ويبدأ العمل كمدرس لمدة شهر ويمكن يجدد والمشكلة في هذه الفئة تدخل الدولة بدون فحص طبي ولا تعرف اخلاقه .
ليش ما تشرف المدرسة على دروس التقوية قبل الامتحانات وتكون الرسوم معقولة في السعر