سؤال: ما الذي يدفع القطري للزواج من خليجية ؟

[Right]

سؤال: ما الذي يدفع القطري للزواج من خليجية ؟



مثلاً:

كثير من الشباب القطري متزوج من السعودية ، ومنهم مما أعرفهم شخصياً


وعند سؤالهم ، لماذا تزوجت سعودية وهل أنت مرتاح ؟


فكانت جميع الأجوبة متشابه بل واحدة ، وهي:

أن الزوجة السعودية تقدر زوجها وربة بيت

وهمها الأول الأخير زوجها وأبنائها

ومرتاح 100%



فما هي آرائكم ؟

[العنيده]

متابعه من بعيييييييد :)

[R 7 A L]

يمكن تقرب له
بنت خالته بنت عمته

[QATAR 77]

ممكن من الاهل
تكاليف العرس في قطر كبيرة
البحث عن زوجة لا تعمل
مهور قليلة

[الفا برافو]

ابحث عن التكاليف !!

[sweet qatar]

تبي الراحة ؟

اترك عنك العموم .. بنت عن بنت تفرق

اذا ما كان السبب لصلة قرابه او لأنه يبيها بالتحديد
ماله داعي يتزوج من برا

[ضوى]

الزواج قسمة ونصيب

[هداف]

الاكيد هو قلة التكاليف وصلة القرابه

[S S]

قله التكاليف ومافي خرابيط وشخابيط فى العرس وغيرة وممكن من الاشياء الي انت ذكرتها

[عثرة جواد]

خل اكلمك بل واقع كل الرجال يحبون بنت بيوت وهاي الشي الي فقدناه ف قطر

المراة الي تقعدف البيت وتسوي شغلها وتربي عيالها وتقعد تدلع ريالها

هاي الروح احس ماعادت موجوده الا من رحم الله مب جهل ولا دلع

بس ظروف الحياة الي انفرضت علينا ناهيك عن الزبو الي ذبحنا

وايداشياء فقدناها وفقدت بريقها عزانا ان تنتبه الفتاه القطريق

[khalid Qtr]

الزواج قسمة ونصيب ، وفي الغالب يكون لصلة قرابة قوية ..

[قطري2022]

خل اكلمك بل واقع كل الرجال يحبون بنت بيوت وهاي الشي الي فقدناه ف قطر

المراة الي تقعدف البيت وتسوي شغلها وتربي عيالها وتقعد تدلع ريالها

هاي الروح احس ماعادت موجوده الا من رحم الله مب جهل ولا دلع

بس ظروف الحياة الي انفرضت علينا ناهيك عن الزبو الي ذبحنا

وايداشياء فقدناها وفقدت بريقها عزانا ان تنتبه الفتاه القطريق

صح لسانج يا عثرة ، بتكلم اول شي عن الرجال : ممكن الرجال سيء و محد بيزوجه في قطر ن فيضطر يتزوج من بيت مايدرون عن ماضيه و عن اخلاقعه السيئة
او الرجال خلوق و حترم لكن طلعت عليه اشاعات من ناس ماعندهم ضمير ووقفت طريقه في قطر .
او صلة قرابة مثل ما تفضلتوا
او الي يبحث عن تكاليف اقل و ربة بيت بمعنى الكلمة ، و هالشي مثل ما قالت اختي عثرة صار نادر في القطريات ، وايد بنات عندهم الطلعات و الصديقات و البرستيج و الفلوس و الزبو و الطموح و المنصب والكسل والراحة و الدلع اهم من الزوج و العيال ، على اساس انهم بيتمون لها و ان الزوج و العيال شي فاني ماله داعي او مامنهم فايدة ، طبعا في رجال سيئين يعاملون زوجاتهم بطريقة سيئة جدا ووحشية تخلي الزوجة ترد بردود افعال عنيفة و منرفزة ، في هالحالة الغلط على الرجال ، لان لكل فعل ردة فعل .

[Right]

متابعه من بعيييييييد :)




شلون متابعة من بعيد ، وانتي قاطه كل حواسج بالموضوع :)

[Right]

يمكن تقرب له
بنت خالته بنت عمته




لا يوجد بينهم أي صلة قرابة

[Right]

ممكن من الاهل
تكاليف العرس في قطر كبيرة
البحث عن زوجة لا تعمل
مهور قليلة




لا يوجد بينهم أي صلة قرابة


لا أعتقد أن السبب هو تكاليف العرس في قطر كبيرة فحسب

بل في نوعية الزوجة

[Right]

ابحث عن التكاليف !!




سبب من الأسباب

[حمد 2002]

تقدير الزوج والحياه الزوجيه :: القناعه بالموجود :: صله القرابه :: الاعجاب بشخصيه الشاب القطري ::

[نظرة شجاع]

جميع الى اعرفهم متزوجين من السعودية او اي دولة خليجية فيه صلة قرابة بينهم ,, وللمعلومية نسبة الطلاق في السعودية والكويت اكثر من قطر ,,

[مستوى الدعم]

طبعاً الزواج نصيب مكتوب للعبد..
لكن لكل من تحجج بالتكاليف ليتزوج من خارج قطر.. فقد وجدت أن حجته تنقلب عليه..
فالغالبية الساحقة كانت تأتي بعد الزواج ولديها أجندة مرتبة تطلبها من زوجها.. ودائماً ترى ماذا تطلب بنات قطر وتطلب مثله..
بدءاً بالفيلا الواسعة والسيارة والسائق والخادمتين.. وإكمال الجامعة ثم التوظف وإرسال معظم الراتب لأهلها في بلادها..
غير مطالبها بتوظيف أهلها في قطر.. ورحلاتها المكوكية إلى بلادها كل فترة والهدايا التي يتغرمها الزوج لأهلها

لا أقول أن ذلك لا يحق لها... ولكنني أقول لأصحاب حجة التكلفة "دوروا غيرها"

[حسن]

خل اكلمك بل واقع كل الرجال يحبون بنت بيوت وهاي الشي الي فقدناه ف قطر

المراة الي تقعدف البيت وتسوي شغلها وتربي عيالها وتقعد تدلع ريالها

هاي الروح احس ماعادت موجوده الا من رحم الله مب جهل ولا دلع

بس ظروف الحياة الي انفرضت علينا ناهيك عن الزبو الي ذبحنا

وايداشياء فقدناها وفقدت بريقها عزانا ان تنتبه الفتاه القطريق


السبب الاول


شكرا وفرت علي الرد

[ورد طبيعي]

انا معاك مستوى الدعم

غير جذي ولي شفته بعيوني الزوج يشتغل وراتبه 25 الف وحاطه راسها براس القطريه الا يكون عندها بيت اكبر من بيت القطريه الي هي وريلها يشتغلون ومن بياكلها

طبعا القطري الي فكر يتزوج من اجنبيه عشان تكاليف الزواج

وغيرها اشياء وايد

يعني تكاليف زواج بسيطه وبعدين تطلع عليهم اكثر من بيع السوق

انا ماتكلم عن السعوديه بتحديد انا اتكلم عن الزواج من غير القطريه

وبعد في قطريات يحبون الفشار وتكاليف الي مالها داعي والماراكات والصرف وهذا الشي واضح من الي نشوفه في بنات هالايام كل وحده تروح مجمع جنها رايحه عرس

[متواصل]

متزوج من السعودية 3 مرات
ولا وحده نافعه

البنت السنعة مالها جنسية ولا عليك من الكلام بنت قبايل
كل هذا مجرب من قبائل مختلفة ونفس الطقه

التوفيق من الله
والابتلاء من الله

وفي النهاية الحمدلله

ابراهيم عليه السلام قال لابنه اسماعيل عليه السلام
غير عتبة بابك
----------

قال الله تعالى : ( ضرب الله مثلا للذين كفروا امرأة نوح وامرأة لوط كانتا تحت عبدين من عبادنا صالحين فخانتاهما فلم يغنيا عنهما من الله شيئا وقيل ادخلا النار مع الداخلين )

خيانة امرأة نوح زوجها أنها كانت كافرة ، وكانت تقول للناس : إنه مجنون . وأن خيانة امرأة لوط ، أن لوطا كان يسر الضيف ، وتدل عليه .

وقال تعالى : وضرب الله مثلا للذين آمنوا امرأة فرعون إذ قالت رب ابن لي عندك بيتا في الجنة ونجني من فرعون وعمله ونجني من القوم الظالمين

المسألة توفيق من رب العالمين

[العنيده]

شلون متابعة من بعيد ، وانتي قاطه كل حواسج بالموضوع :)




لان هالمواضيع نتحمس فيها وعقب من التعليقات تتسكر هههههههههههههه بس راده بعلق ان شاء الله :shy:

[khalid525]

بغض التظر عن جنسية الزوجة ، نسب الطلاق متشابهه في دول الخليج ، واقل دولة في الطلاق هي البحرين ورغم ذلك جميع النسب عالية جدا بالمقارنة عالميا

يعني بمعنى اخر اختك مثلك

[البرونزي]

القطريه متعوده او تطمح على مستوى معيشه من 75% الين 100%
والخليجيه متعوده على مستوى من 20% لين 35%
فاذا حصلت الخليجيه مستوى معيشه من 50% لين 60% بتحمد الله
وفي هالحاله الزوج ربحان والحمدالله والخليجيه ربحانه والحمدالله
واختنا في الله القطريه الخسرانه
هذا سبب من الاسباب اللي ممكن تزعل البعض وخلني ساااكت
عيل شنطه ب 20 الف و 30 الف و 50 الف ؟
اللهم لاتؤاخذنا بما فعل السفهاء منا

[Locale]

اختي في الجامعه تقول شكثر سعوديات هبوا مره وحده
كانت تحسبهم جايين للدراسه
كذا وحده اقعدت وياها قالت انا زوجي قطري
واعرف كذا وحده اخوانها ماخذين من السعوديه
لنفس السبب اللي ذكرته في الموضوع

[البرونزي]

اختي في الجامعه تقول شكثر سعوديات هبوا مره وحده
كانت تحسبهم جايين للدراسه
كذا وحده اقعدت وياها قالت انا زوجي قطري
واعرف كذا وحده اخوانها ماخذين من السعوديه
لنفس السبب اللي ذكرته في الموضوع
وابشرك الجاي اكثر

[حفيد الأنصار]

متزوج من السعودية 3 مرات
ولا وحده نافعه




أخووي الله يهديك ماهي سلعه هي تقول ولا وحده نافعه
قد يكون الخطأ منهم أو منك أيضا


\


بالنسة لطارح الموضوع أتوقع ان اكثر اللي يتزوجون من دول خليجية تربطهم صلة قرابة
وممكن يأتي بعدها سبب قلة التكاليف
وفي النهاية الزواج قسمة ونصيب

[غايه الطواش]

التكاليف ف الامارات مرتفعه اكثر من قطر, ماتشوف قطريين وايد ماخذين من الامارت كثر البحرين والسعوديه واعتقد رخص التكاليف هو السبب , بس ما ادري ايش هي نظرته لزوجته او نظرتها لعمرها ان زوجها ماخذها بسبب الرخص (هاي في حاله ان ماخذها بسبب رخص التكاليف)اما الزوجه السنعه مالها ديره او اصل موجوده في كل مكان وزمان
بالاضافه اني سمعت ان السعوديه في مناطق الجنوب مهورهم عاليه توصل ال الميتين الف , وبنات الرياض الي الي حالتهم الماده ممتازه مايرضون بالمهور القليله

[بوخالد911]

البحث عن التكلفة المالية الأقل


والأهم : الزواج قسمة ونصيب

[حسن]

المشكه لازم تحدد بعد

هناك زواجين البعض اساسا متزوج ويبي ياخذ الثانيه واعتقد الشروط هني في الغالب لن يرضون
ولن توافق البنت وخصوصا اذا يبحث عن صغر السن
انا اشوف الطفره الماليه لعبت دور ايضا في التعدد والحين متجهين الى الدول
العربيه
مثل سوريا والاردن والمغرب ولبنان
اما مصر ماشوف لها ذكر في الموضوع

والله يوفق راسين بالحلال والزواج موغلط شي جميل وخصوصا من خاض
معركه من الزمن يبي يسوي استراحه محارب

:)

[فلتة زمانها]

قسمة ونصيب

الي يحز في خاطري ويشكل خطر حقيقي على المجتمع هو زيادة نسبة العازبات
الموضوع خطير والناس مب حاسه باللي قاعد يصير من انفلات اخلاقي وامراض نفسيه
بسبب انتشار العنوسه ووفرة المال في نفس الوقت فكروا بمصير بنات بلادكم

[حسن]

قسمة ونصيب

الي يحز في خاطري ويشكل خطر حقيقي على المجتمع هو زيادة نسبة العازبات
الموضوع خطير والناس مب حاسه باللي قاعد يصير من انفلات اخلاقي وامراض نفسيه
بسبب انتشار العنوسه ووفرة المال في نفس الوقت فكروا بمصير بنات بلادكم


الله يافلته حاسين احنا وانا ذكرت وطرحت الكثير من هذه المواضيع وبحكم معرفتي بالاسباب
والضرب من تحت الحزام واحيانا استفزاز المجتمع لخطورتها اللي انا اشوفه
وذكرت واذكرها سوف ينتشر زواج الورقه يعني العرفي
وذكرت سوف ينتشر بالزواج من غير القطريين
وذكرت بان هناك مشاكل نفسيه كثيره وحالات انتحار

كله بسبه غياب الرجل الرشيد من المجتمع
وغياب عقل الانثى

لما طالبت تدخل الدوله بقانون وفرضه على صالات الافراح وعدم تاخرهم لنصاف الليالي
جن جنون الكثير مع شياطينهم

سبحان الله الغرب يتبع دينا وحنا مخالفيه


عجبي

[عاهد بن علي]

السبب الرئيسي هو صلة القرابه

[مخطط قطري]

السعوديات قنوعات عكس الاسبانيات

[روز باريس]

كل اللي ياخذ من السعوديه هو في الاصل سعودي ابن عن جد وماخذ من هله

[sweet qatar]

اختي في الجامعه تقول شكثر سعوديات هبوا مره وحده
كانت تحسبهم جايين للدراسه
كذا وحده اقعدت وياها قالت انا زوجي قطري
واعرف كذا وحده اخوانها ماخذين من السعوديه
لنفس السبب اللي ذكرته في الموضوع

حتى في الدوام :)

حاطين في بالهم الدراسة والوظيفة ولياسن
وعيالهم عند الخدم و رواتبهم لهم


بس محد يتكلم.. حلو على قلبهم :)

[ضوى]

حتى في الدوام :)

حاطين في بالهم الدراسة والوظيفة ولياسن
وعيالهم عند الخدم و رواتبهم لهم


بس محد يتكلم.. حلو على قلبهم :)

الكلام على القطرية فقيرة الكل يذم فيها ، حتى عيال بلدها اللي المفروض يرفعون قدرها اقلها في منتديات ، الحمد لله والشكر لله

[العلياا]

خل اكلمك بل واقع كل الرجال يحبون بنت بيوت وهاي الشي الي فقدناه ف قطر

المراة الي تقعدف البيت وتسوي شغلها وتربي عيالها وتقعد تدلع ريالها

هاي الروح احس ماعادت موجوده الا من رحم الله مب جهل ولا دلع

بس ظروف الحياة الي انفرضت علينا ناهيك عن الزبو الي ذبحنا

وايداشياء فقدناها وفقدت بريقها عزانا ان تنتبه الفتاه القطريق

اختي او اخوي

مازالت البنت القطرية بنت بيوت ومب بنت ............
والفئة اللي تتكلمون عنها مب عندنا

الحمدلله بناتنا والنعم فيهم ربات بيوت ويخافون ع عيالهم وازواجهم
وفي فئات منهم عقب الزواج اقعدوا في بيوتهم ورواتبهم فوق ال40 الف
بنات شايفين خير ولان ازواجهم فعلاً ينقال عنهم رجال : )

[فلتة زمانها]

الله يافلته حاسين احنا وانا ذكرت وطرحت الكثير من هذه المواضيع وبحكم معرفتي بالاسباب
والضرب من تحت الحزام واحيانا استفزاز المجتمع لخطورتها اللي انا اشوفه
وذكرت واذكرها سوف ينتشر زواج الورقه يعني العرفي
وذكرت سوف ينتشر بالزواج من غير القطريين
وذكرت بان هناك مشاكل نفسيه كثيره وحالات انتحار

كله بسبه غياب الرجل الرشيد من المجتمع
وغياب عقل الانثى

لما طالبت تدخل الدوله بقانون وفرضه على صالات الافراح وعدم تاخرهم لنصاف الليالي
جن جنون الكثير مع شياطينهم

سبحان الله الغرب يتبع دينا وحنا مخالفيه


عجبي

العادات والتقاليد والمفاهيم الخاطئه ضيقت على القطرية خيارات الزواج
حتى الزواج من الخليجي صاروا يفكرون بتبعاته الماديه بينما الرجل يتزوج من اي مكان
والبنت لها عاطفه وغريزه تضعف قدام هالانفتاح والاغراءات
اعيد وازيد فكروا في مصير هالاعداد المتزايده من العازبات

[عاهد بن علي]

العادات والتقاليد والمفاهيم الخاطئه ضيقت على القطرية خيارات الزواج
حتى الزواج من الخليجي صاروا يفكرون بتبعاته الماديه بينما الرجل يتزوج من اي مكان
والبنت لها عاطفه وغريزه تضعف قدام هالانفتاح والاغراءات
اعيد وازيد فكروا في مصير هالاعداد المتزايده من العازبات

كلامك عين العقل

[العنيده]

من اول مانزل الموضوع وانا خاطري اجاوب بس فضلت من بعيد لان اعرف بيتحول الموضوع ضد القطريه
القطريه فيها وفيها وفيها وتبي وتبي و تبي ..
هذا منتدى الكل يقراه لو في عيب في مكان صغير لاتعممونه ترى احنا شوفاتكم ..
الزواج قسمه ونصيب سواء من قطر ولا من الخارج كل شخص حر باختياره .. بس ارحمونا من راي البعض اللي يجرح بدون تفكير ..

[Dana’1]

بحكم إني سعودية ماخذة قطري... السبب بيني وبينة صلة قرابة والله كتبنا لبعض مافية سبب غير لا فلوس ولا هو عشان مهر قليل ولا فكر فية بعد..لأن بنفس مهري بالضبط كان يقدر يتزوج من بنات قطر
وامي العكس قطرية ماخذة سعودي لبى قلوبهم
خالاتي ماخذين سعوديين
والحمدلله كلهم عايشين هناك و مبسوطين وربي منعم عليهم مشاءلله
والعكس صحيح
فهالشي عادي منذو مبطي ما ادري ليش تدققون

ويابنات قطر لا يلعبون عليكم هالشباب بأنهم ياخذون من برا عشان التكاليف يمكن يكون عذر بس مو سبب رئيسي
يعلم الله
إن وحدة من أهلي سعودية ماخذها قطري مو من الجماعة ولا يعرق فينا... عطاها مهر عاالي نفس الي ينعطى للقطرية وزواجها صار بأحد قاعات قطر
يعني لاهي قضية مهر لانه ممكن ينعطى لقطرية ولاهي قضية تكاليف لان العرس بقطر

يا ترى إيش السبب أجل؟!
توافيق من الرحمن وهو حب ياخذ سعودية فقط لاغير

[حسن]

الموضوع يطرح تسائل ليش الزواج من الخارج ؟؟؟
مهب موضوع للذم

مشكله البعض انه مبراضي يفهم ان هل الخرابيط كلها مالها دعي
والصراحه الوضع اصبح عندنا اوفر
ومن خلال متابعتي لمطاتنا اشوف هناك مواضيع قامت تطرح وبشكل يومي
وكلها تتكلم عن محيط الاسره باستضافه شيوخ دين متفهمين ويحاولون ان يوصلون فكره
جميله لاهل البشر
بالنسبه لي اشوف الوضع يخوف ونسبه العازبات شي مش طبيعي

التغيرات والطفره الماليه السريعه لها دور والتقليد واصبح الاب مجرد ديكور
لا احترام وهو اخر من يعلم بخطوبته بنته وهذا واقع لحد يقول لا
هناك خوف في قلب االاب من المحيطين به وهناك ضغوط قويه جدا
لما فسح لهم المجال دمرو الدنيا
يقولون الناس تقرا كان زين يقرون كان الكثير من مشاكلنا انتهت
القراءه علم والعلم نور مهب جهل

وانا اقول لو تبون تتغير النظره صدقوني عمل مسلسلات كويتيه
ذات طابع سليم وفكره سليمه
والله لايتغير المجتمع

احنا الاعلام يلب دور في توجهه الراي العام وخصوصا المسلسلات
مثل ما غيرت المسلسلات التركيه الكثير مت عقول الناس يفتكرون ان هذا واقع
وهو من الاساس تمثيل

:)

[qatarman8008]

الاسباب معروفة منذ قديم الازل..
قلة التكاليف.. بشكل كبيييييييير .. يعني بدل 600 الف يصير 100 الف..
البعض وليس الكل بسبب صلة القرابة..
السبب الثالث وهو الاهم.. المره السنعة.. البسيطة المتواضعة..
ما اقول كلهم ولكن كثير منهم..
والسلام عليكم ورحمة الله وبركاته..

[MaRuKoO]

1 صديقه قريبه لي جمعت الاقدار اخوها بشاب سعودي يدرس بالخارج فما كان للشاب السعودي الا ان قال له ( تتزوج اختي ؟ فتزوجها:)
2 الوالد والوالده ذهبوا الى سعوديه منذ حوالي العامين لشراء بعض اللوازم فاستوقف احد الرجال والدي وقال له ( انت قطري ؟ قاله الوالد نعم ! قال له الرجل ( تتزوج بنتي ؟ قال له الوالد ضاحكاً لا الله يستر عليها ويرزقها ولد الحلال ولكني مكتفي :) قال له الرجل ( تراها صغيره :eek5:
فصعق الوالد الله يحفظه وانصرف :)
سوالي الى اليكم ،، من منكم يستطيع فعل ما فعله هؤلاء !؟
فطبيعي زيادة عدد زواجات الرجال القطريين للسعوديات اذا كان هذا منهجهم
اما الباقي الي اعرفهم تربطهم قرابه وهم بعد تنعرض عليه من اقربائه هناك انا ما اطعن فحد ولا اقول شي والمح عشان محد يجي يالف بس علينا بس يعني طبيعي تزيد النسبه لانه هم ارجعوا لشي كان يمارس زمااان ايام وعهد الرسول





انتوا هني ليش ما تسوون نفسهم؟؟ ليش ماتخطبون لبناتكم وخواتكم سواء قطريين او سعودين او كويتيين او من ما كانت جنسيته ؟؟ بذمتكم تجاوبون على سوالي ؟؟

[دايموند]

الجواب:

نفس السبب الي يخلي القطريه تاخذ خليجي ..!!!

[طبيب قطري]

اعتقد ان السبب الرئيسي هو صله القرابة بالاساس.. وخصوصا من جهه الام ، مثلا معروف ان في وايد ياخذون من الامارات لان الام اصلها من الامارات .. والاكثر من اليمن وايد ياخذون يمنيات بحكم القرابه وتقارب العادات بين الدولتين ..

[نوور الدووحه]

حجي فااااضي!! يعني السعوديه تقدر زوجها وربة بيت والقطريه ماهي سنعه... اجابه تعبانه والسموحه لوغلطت..الي ماخذ خليجيه يا انها تصير له او اخت رفيج له اوتعرف عليها فبلادها وحبها!!! وغيره من اسباب!! شكو تقدر ماتقدر !!! احنا كلنا بنات ديره وحده وتفكيرنا واحد! والي يقول السعوديه بنت بيوت لا والله ماجفت جذي انا!! لمن اروح الدمام والخبر ولا حتى الحسا كلهممممم حريم ماكو رياييل وياهم ؟ يحبون الدواره والله سالت وحده فالسوق من باب اللقافه قلت لها انتو اول الشهر نصه اخره كله دواره بالسوق والاغلب ماتشرون شي! تقول رياييلنا بالشيشه واحنا نزهق من البيت فنقظيها دواره؟ يعني الحال واحد ان كانت قطريه سعوديه اماراتيه وغيرهم..والمهور وحده! اعرف خليجيات يسوون عروس فبلادهم وبقطر بعد خساير من الزين ههههههه!! موضوع مال امه داعي ... بعدين في احلى من القطريه:shy::shy:

[نوور الدووحه]

اي بعد شغله نسيتها صادفت سعوديه ماخذه قطري من اهلهم..اول سؤال سالتني تسوقين! تشتغلين! حتى اسمي ماسالت عنه؟؟ قلت لها ماسوق والله قطت علي حجي!! غبيه وموصاحيه و و و !!! قلت له ليه جي تقولين عني موعيب!! قالت انا اول ماخطبني استانست اني بجي الدوحه واطلع ليسن هههههههههههه! يعني هاي مثال ان موكلهم تفكيرهم بيت وعيال ماعمم طبعا لاني مرافجه سعوديات ياحلوهم بس:o

[متواصل]

أخووي الله يهديك ماهي سلعه هي تقول ولا وحده نافعه
قد يكون الخطأ منهم أو منك أيضا


\


بالنسة لطارح الموضوع أتوقع ان اكثر اللي يتزوجون من دول خليجية تربطهم صلة قرابة
وممكن يأتي بعدها سبب قلة التكاليف
وفي النهاية الزواج قسمة ونصيب

الموضوع مش تهجم على السعوديات
وانما الشيء بالشيء يذكر
شخص يعتقد بفكره معينه
ننقضها بماهو واقع ( يعني لو متزوج من الكويت ذكرت هذا الشيء )

ولا تزعل اول وحده خذتها من قطر ولا نفعت خلال اسبوع عند اهلها

والرأي المنتظر من البعض ان العيب يمكن فيك يارجل ،،،

ماعندي مشكله
كلا يعرف نفسه
وانا ذكرت قصص الانبياء وقصة زوجة فرعون
وقلت المسألة توافيق من رب العالمين

يعني المعنى النهائي الجنسية مالها دور
فلا تركز على نقطه وتخلي البحر

[بن مسلم]

اتوقع لقلة التكاليف+السعوديات بيتوتيات عكس القطريات

[النهار]

الاكيد هو قلة التكاليف وصلة القرابه

لاوالله كل الي اعرفهم الي تزوجوا من دول الخليج بدون صلة قرابه
تحصل واحد من معارفه اوصديق له متزوج من هناك تحصله يسعى له بالزواج من قبل اهل زوجته

[Charisma]

حريه شخصيه ..

ومثل هالمواضيع النقاش فيها ما يأدي لنتيجه .

[qatara]

شخص لوجد قرابه له ببلد الزوجه او معارف

شخص قد يكون من ناحية التكاليف اقل

وشخص قسمته الزواج من الخارج

وبعضهم يعتقد ان تفكير النساء في بلد اخر مختلف

[طلعة الروح]

أنا لازلت ضد زواج القطري من خليجية او اجنبية.
لكن الاسباب أحيانا تكون واهيه لدى الشاب مثل : حاولت أخطب من قطر ومحد قبل فيني.
أو مصاريف العرس أو المهر العالي، أو جات ضربة حظ يعني من القرايب والأهل.

نتمنى اللي عنده تجربه من زواج خارجي، يذكر الأسباب الحقيقية.

[طلعة الروح]

القطريه متعوده او تطمح على مستوى معيشه من 75% الين 100%
والخليجيه متعوده على مستوى من 20% لين 35%
فاذا حصلت الخليجيه مستوى معيشه من 50% لين 60% بتحمد الله
وفي هالحاله الزوج ربحان والحمدالله والخليجيه ربحانه والحمدالله
واختنا في الله القطريه الخسرانه
هذا سبب من الاسباب اللي ممكن تزعل البعض وخلني ساااكت
عيل شنطه ب 20 الف و 30 الف و 50 الف ؟
اللهم لاتؤاخذنا بما فعل السفهاء منا

مادري ليش تعممون كل شي يصير لكم او حاصل من حولكم على كل القطريات!

[دايموند]

حريه شخصيه ..

ومثل هالمواضيع النقاش فيها ما يأدي لنتيجه .

اتفق معاك

واعتقد ماله هدف للموضوع غير البلبله وخلق الخلافات بين الاعضاء والعضوات


كل واحد حر يتزوج الي يبي يتزوجها واسبابهم راجعه لهم

وكأن الموضوع يقول يلا طلعوا عيوب القطريه !!!

[طلعة الروح]

اتوقع لقلة التكاليف+السعوديات بيتوتيات عكس القطريات

شدخل بيتوتيات، ليكون فيه دراسة بهالشي وحنا ماندري؟

[طلعة الروح]

اتفق معاك

واعتقد ماله هدف للموضوع غير البلبله وخلق الخلافات بين الاعضاء والعضوات


كل واحد حر يتزوج الي يبي يتزوجها واسبابهم راجعه لهم

وكأن الموضوع يقول يلا طلعوا عيوب القطريه !!!

انتي ملاحظة بدال مايركز في محاسن زوجته الخليجية، إلا يقلبون الموضوع ويطلعون الخلل في القطرية.
وهي المسكينة ياغافلين لكم الله.

[دايموند]

ملاحظه من زمان من اول ما انطرح الموضوع وانا قلت خل اشوف الاخ راعي الموضوع شنو بيستفيد غير البلبله وزياده عدد مشاركاته

[qatara]

انتي ملاحظة بدال مايركز في محاسن زوجته الخليجية، إلا يقلبون الموضوع ويطلعون الخلل في القطرية.
وهي المسكينة ياغافلين لكم الله.

لا ترقعون

كل قطري وده الزواج بقطريه

لاكن اذا استمر حال الزواج من قطريه
بهذا الاوضاع التراكميه
والجرجره حتى وان كان على حق
والمبالغه في المهور والشروط
لانلوم من يتزوج من الخارج

[طلعة الروح]

لا ترقعون

كل قطري وده الزواج بقطريه

لاكن اذا استمر حال الزواج من قطريه
بهذا الاوضاع التراكميه والجرجه والغلاء

لانلوم من يتزوج من الخارج

اغلب اللي يبربرون حتى مافكروا مجرد يروحون ويسالون أهل البنت او يستشفون متطلباتهم الاجمالية في الزواج.
كل الموضوع ليس الا بربره في بربره وكلام في كلام وقلنا وقالوا وسمعنا.

[دايموند]

لا ترقعون

كل قطري وده الزواج بقطريه

لاكن اذا استمر حال الزواج من قطريه
بهذا الاوضاع التراكميه
والجرجره حتى وان كان على حق
والمبالغه في المهور والشروط
لانلوم من يتزوج من الخارج

لو سمحت تبي تتزوج من بره تزوج لكن لا تقعد تطلع عيوب فالقطريه

اصلا انت قطريه والا سودانيه والا اثيوبيه ماتفرق عندك بما انها امرأه

ياخي تبون تتزوجون من بره تزوجوا ومحد بيبرر لكم

هاذي حريه شخصيه وكلن له ظروفه الخاصه

انما تقعدون تممدحون الزواج من الاجنبيه ع حساب بنات ديرتكم فاهني اسمحوا لي خط احمر

[qatara]

لو سمحت تبي تتزوج من بره تزوج لكن لا تقعد تطلع عيوب فالقطريه

اصلا انت قطريه والا سودانيه والا اثيوبيه ماتفرق عندك بما انها امرأه

ياخي تبون تتزوجون من بره تزوجوا ومحد بيبرر لكم

هاذي حريه شخصيه وكلن له ظروفه الخاصه

انما تقعدون تممدحون الزواج من الاجنبيه ع حساب بنات ديرتكم فاهني اسمحوا لي خط احمر

لج راي ولنا راي

لا ترقعون لنكون صادقين مع انفسنا ان اردنا الحل

كل قطري وده الزواج بقطريه

لاكن اذا استمر حال الزواج من قطريه او حتا فكره الزواج من الاساس
بهذا الاوضاع التراكميه
والجرجره حتى وان كان على حق
والمبالغه في المهور والشروط
لانلوم من يتزوج من الخارج

[دايموند]

لج حريه ولنا حريه


قلنا كل قطري وده بالزوج من قطريه

لاكن اسلو انفسكم لماذا يهرب الرجال والشباب ولماذا لا يدوم الزوج ولماذا تذمر الرجال

لا تجمع

واسال نفسك ليش في قطريات يتزوجون بغير القطري؟!!!


هي اللسباب نفسها الي تخلي القطري يتزوج غير قطريه

كل واحد حر باختياره
والاسباب تختلف من شخص لاخر

اذا انت تشوف في قطريين يشردون من الزواج بقطريه

ففي قطريات يشردون من الزواج بقطري


فالنهايه هي حريه شخصيه وكيفهم
وكل واحد يتحمل العواقب بعدها

[طلعة الروح]

لا تجمع

واسال نفسك ليش في قطريات يتزوجون بغير القطري؟!!!


هي اللسباب نفسها الي تخلي القطري يتزوج غير قطريه

كل واحد حر باختياره
والاسباب تختلف من شخص لاخر

اذا انت تشوف في قطريين يشردون من الزواج بقطريه

ففي قطريات يشردون من الزواج بقطري


فالنهايه هي حريه شخصيه وكيفهم
وكل واحد يتحمل العواقب بعدها

ما أعتقد ولا أظن أنه في قطرية تشرد من الزواج من ولد بلادها الا في حالات شاذة ونادرة.
لكن البنت يحكمها النصيب ومن اللي بيدق بابها، اما الرجل ف القرار بيده من الأساس.

[نوور الدووحه]

اغلب اللي يبربرون حتى مافكروا مجرد يروحون ويسالون أهل البنت او يستشفون متطلباتهم الاجمالية في الزواج.
كل الموضوع ليس الا بربره في بربره وكلام في كلام وقلنا وقالوا وسمعنا.

أي والله كله السالفه قلنا وقالو ههههههه !!!! وهم بالاساس ماتعنو ودقو باب !!!!:eek5:

[نوور الدووحه]

لو سمحت تبي تتزوج من بره تزوج لكن لا تقعد تطلع عيوب فالقطريه

اصلا انت قطريه والا سودانيه والا اثيوبيه ماتفرق عندك بما انها امرأه

ياخي تبون تتزوجون من بره تزوجوا ومحد بيبرر لكم

هاذي حريه شخصيه وكلن له ظروفه الخاصه

انما تقعدون تممدحون الزواج من الاجنبيه ع حساب بنات ديرتكم فاهني اسمحوا لي خط احمر


كفووو ردج عين العقل:victory:

[مضارب دوسري]

كل شخص وله وجهة نظر
انا مع الزواج من السعوديه
ومع الزواج من قطر
كله قسمة ونصيب
وكلها ارزاق مكتوبه

بس ما يبط جبدي الا بعض القطريات يتقدم له الرجال
تقول لاخوانها شنو برجه ؟
عشان اشوف برجه يتناسب مع برجي ولا لا ههههههههههههههه

[نوور الدووحه]

كل شخص وله وجهة نظر
انا مع الزواج من السعوديه
ومع الزواج من قطر
كله قسمة ونصيب
وكلها ارزاق مكتوبه

بس ما يبط جبدي الا بعض القطريات يتقدم له الرجال
تقول لاخوانها شنو برجه ؟
عشان اشوف برجه يتناسب مع برجي ولا لا ههههههههههههههه

اوووووووووه شيت.. اما شنو برجه :eek5::eek5: هههههههههههه

زين يمكن في سعوديه تسال شنو عطره لوووووول ... لحد يرقع بليز :nice:

[مشـــــاعر]

ملاحظه من زمان من اول ما انطرح الموضوع وانا قلت خل اشوف الاخ راعي الموضوع شنو بيستفيد غير البلبله وزياده عدد مشاركاته

أنا أستغرب إستمرار هالمواضيع آإل...........
يعني وش بيستفيدون آإلعالم ؟؟ نفس العقليات ونفس الردود ونفس آإلتفكير مايتغير . .
أستغرب منتدى بهالحجم وكل مواضيعه زواج وتعدد والمرأة والمرأة ؟؟
مآإدري يعني كلش ماعندنا مشاكل وهموم إلآإ الزواج ؟؟

قسم بآإلله في بعض آإلردود (متخلفة) وفي ناس (معقدين) في كل موضوع للمرأة نقزوا يهاجمون وبسسس . .
مادري لين متى هالمواضيع ؟؟
آإلناس وصلتت القمر وشبابنا همهم الوحيد في حياتهم (زواج وتعدد وحقوق المرأة ودوآإم المرأة ولبس آإلمرأة وشعر آإلمرأة وروج المرأة ) .......... إلخ
بسكم لآإعت جبووودنا من هالمواضيع . .

[نوور الدووحه]

أنا أستغرب إستمرار هالمواضيع آإل...........
يعني وش بيستفيدون آإلعالم ؟؟ نفس العقليات ونفس الردود ونفس آإلتفكير مايتغير . .
أستغرب منتدى بهالحجم وكل مواضيعه زواج وتعدد والمرأة والمرأة ؟؟
مآإدري يعني كلش ماعندنا مشاكل وهموم إلآإ الزواج ؟؟

قسم بآإلله في بعض آإلردود (متخلفة) وفي ناس (معقدين) في كل موضوع للمرأة نقزوا يهاجمون وبسسس . .
مادري لين متى هالمواضيع ؟؟
آإلناس وصلتت القمر وشبابنا همهم الوحيد في حياتهم (زواج وتعدد وحقوق المرأة ودوآإم المرأة ولبس آإلمرأة وشعر آإلمرأة وروج المرأة ) .......... إلخ
بسكم لآإعت جبووودنا من هالمواضيع . .

الله عليج :thumbup1: