قول كلمه بالعاميه واللي بعدك يقول معناها

[القبطان سلفر]

ادري .. بس ماعرفت اشرحها عدل ..

كل ما نشوفها بالجمعية أبوي يروينا اياها ويقول اسمها

هالمرة واعية ترى :shy:



هههههه راحت عليك الدرجات وعليك دويحه في شهادتك :tease:

[نور الحور]

يحت يعني يتساقط

صح جنون ؟


قبطان نجحت بالدز ترى .. بعد تبي ترسبني ؟:(

[JN000N]

صح هههههه

[بوخالد911]

يحت شعرها يعني يطيح شعرها

[القبطان سلفر]

يحت يعني يتساقط

صح جنون ؟


قبطان نجحت بالدز ترى .. بعد تبي ترسبني ؟:(


ذكرتيني بأول اللي يجيب اقل عدد من الديوحات او الكيكات او حتى ناجح على الحفة يعني انجاز :shy:

[المحاميه]

ليش عفستوا الدنيا

كلمه كلمه
مب 6 مع بعض وتجاوبون وحده والباقي اطوفونهم يه

[بوخالد911]

شنهي طيارة : أم أحمد؟!؟!؟

وووين الجواب؟!؟!؟؟

[القبطان سلفر]

ايش معناة : زاري عتيج

[JN000N]

يحت شعرها يعني يطيح شعرها
صصصح

ليش عفستوا الدنيا

كلمه كلمه
مب 6 مع بعض وتجاوبون وحده والباقي اطوفونهم يه

محد طوف ياعلتن فالقلب محدن درا بها هههههههه

لاتحاتين كل الكلمات تنحل
انتي اهم شي شاركينا جاوبي
ولا لاتجاوبين
هاتي الهدايا

[حسن]

ايش معناة : زاري عتيج

هههههه

بغيت اكتبها الله الول ينادي في الفرجان زي عتيج زري عتيج

مافي امل يعروفونها الا كان هذاك الشيبه النهار

[الحياة الخالدة]

وووين الجواب؟!؟!؟؟

ما اتذكرها

[القبطان سلفر]

هههههه

بغيت اكتبها الله الول ينادي في الفرجان زي عتيج زري عتيج

مافي امل يعروفونها الا كان هذاك الشيبه النهار


يمكن الحياة تعرفها .

[JN000N]

هههههه

بغيت اكتبها الله الول ينادي في الفرجان زي عتيج زري عتيج

مافي امل يعروفونها الا كان هذاك الشيبه النهار

هذا هو الي يشتري من عندك شي قديم ويبيعك شي يديد من عنده
حنه مبادل يعني

[JN000N]

طيارة ام احمد اول طياره صغيره كانت

[حمد 2002]

ايش معناة : زاري عتيج

ايدور بعربانه بالفريج وايبدل الاغراض بصحون ..

ايقولون حرااامي ..


والله أعلم ..

[القبطان سلفر]

هذا هو الي يشتري من عندك شي قديم ويبيعك شي يديد من عنده
حنه مبادل يعني

هههه عجيبه جنون :nice:

[الحياة الخالدة]

زري عتيج و شيت ارناق .. الدوار اللي كان يدور في الفريج و بقشته على ظهره .. يعني بائع متجول

[المحاميه]

تصوخ = ؟

[JN000N]

شنو يعني

يرش

[القبطان سلفر]

ايش معناة : ماو

بوعلي لا تجاوب

[JN000N]

تصوخ = ؟

يتسمع قلناها ياحظي

[الحياة الخالدة]

تصوخ = ؟

مكررة :tease:

[بوخالد911]

طيارة ام احمد اول طياره صغيره كانت

صح
والمحركات كانت : مراوح

[حسن]

عرفتها جنون وحمد بعد عرفها والحياه

اوه طلعو من جيل الطيبين

[بوخالد911]

شنو يعني

يرش

ينثرررررر

[نور الحور]

ماو .. صوت القطوة بدون حرف الياء


هههههههههه

من وين هالكلمات ؟


الحياة .. قلتي أرناق والله سامعتها واااايد من يدتي بس ناسية ..شمعناها ؟

[القبطان سلفر]

ماو .. صوت القطوة بدون حرف الياء


هههههههههه

من وين هالكلمات ؟


الحياة .. قلتي أرناق والله سامعتها واااايد من يدتي بس ناسية ..شمعناها ؟


انا متأكد ان بوعلي يعرف المعنى

[النهار]

صج ؟


ترى اسمعها وحسبالي كبت المواعين :secret:

الحياة عطيها باند شنهو الصح الدوشق طقم مساند ياربي هااااااااااااا

[حمد 2002]

بوعلي انا مالحقت عليه بس سمعت فيه من الناس والأهل ..

حتى عيايز قبل ا يحبون الصحون ههههههه

اكيد الحياه الخالده ههههه تتعامل معاه :rolleyes2:

[imation]

هذا هو الي يشتري من عندك شي قديم ويبيعك شي يديد من عنده
حنه مبادل يعني



,






http://www.youtube.com/watch?v=2-fuDDQ5vJk




,

[توشيبا]

بصراحه سوال عن معني الدوشق قوي جدا جدا

لدرجه ان قوقل طلع في بحثه نعتذر عن البحث عن هالكلمات الخطيره والصعبه

[حسن]

لا والله ياقبطان ماعرفه بس مادري كاني سامعها مادري
خبرك انا مب من جيل الطيبين

خخخخخخخ

[JN000N]

^ هههههههههه


لا غلط بوخالد مب ينثر
هو اسم مب فعل

شنو يرش

[القبطان سلفر]

لا والله ياقبطان ماعرفه بس مادري كاني سامعها مادري
خبرك انا مب من جيل الطيبين

خخخخخخخ


النهار معانا واكييييد يعرف معناة كلمة : ماو

[المحاميه]

مستعوي = ؟

[القبطان سلفر]

مستعوي = ؟

يعاند

[المحاميه]

النهار معانا واكييييد يعرف معناة كلمة : ماو

ماو = قطو سكران هههههه

[حمد 2002]

مستعوي = ؟

هههههههه

[بوخالد911]

مستعوي = ؟

عنيد
معاند

[نور الحور]

بصراحه سوال عن معني الدوشق قوي جدا جدا

لدرجه ان قوقل طلع في بحثه نعتذر عن البحث عن هالكلمات الخطيره والصعبه



:waiting:

[القبطان سلفر]

ماو = قطو سكران هههههه


معقوله صعبه عليكم !

[المحاميه]

النهار معانا واكييييد يعرف معناة كلمة : ماو

ماو = قطو سكران هههههه

[حسن]

مستعوي = ؟

مستعوي يعني مسعور

:)

[JN000N]

يرش


:waiting:

[نور الحور]

مستعوي = ؟


امممممم يعني يصيح ومزاجه معتفس

[نور الحور]

يرش


:waiting:



اعكسيها اقريها من ورا لقدام وبتعرفين المعنى :tease:

[حسن]

معقوله صعبه عليكم !

شنهو جماد ولي ايس قرب شوي

[المحاميه]

غلط كلكم

مستعوي يعني عوي قولوا لا بعد

هههه

[حمد 2002]

يالقبسه ؟! ش تعني ؟!

[توشيبا]

:waiting:

دوشق عيل :waiting:

[بوخالد911]

يالقبسه ؟! ش تعني ؟!

بوووومة

[النهار]

شنهي طيارة : أم أحمد؟!؟!؟

الهوكر هنتر هههههههههههههههه

[المحاميه]

زمران = ؟

من يعرف معناها ياشلة الانس
:)

[حسن]

يالقبسه ؟! ش تعني ؟!

مذكر ولا مؤنث

:secret:

[توشيبا]

يالقبسه ؟! ش تعني ؟!

يالجميله

[القبطان سلفر]

شنهو جماد ولي ايس قرب شوي


الماو هو الاسلاك النحاس او اي شئ نحاس اول كانوا يشترونه بالوزن .

النهار يعرفه لانه يقول انه يبيعون قطع النحاس اللي في الليتات بالوزن في زمنهم

[نور الحور]

غلط كلكم

مستعوي يعني عوي قولوا لا بعد

هههه

مستعوي يعني مستعوج يعني موده عوج ههههههههههههههه

[بوخالد911]

زمران = ؟

من يعرف معناها ياشلة الانس
:)
زعلااان
ماد البوززززز

[JN000N]

ماو مواعين قديمه؟
والا معدن والا ثياب خخخ

[المحاميه]

يالقبسه ؟! ش تعني ؟!

تقبس على خلق الله

[نور الحور]

زمران = ؟

من يعرف معناها ياشلة الانس
:)


زعلان :(

[JN000N]

انزين يلاااااااا


قولو شنو



يرش

[القبطان سلفر]

زمران = ؟

من يعرف معناها ياشلة الانس
:)


هذه الكلمة تعتبر حديثه :telephone:

[نور الحور]

الماو هو الاسلاك النحاس او اي شئ نحاس اول كانوا يشترونه بالوزن .

النهار يعرفه لانه يقول انه يبيعون قطع النحاس اللي في الليتات بالوزن في زمنهم



ههههههههههههههههههههههه


حسيت انه من العصر الحجري وعليه عليه النهار هههههههههه

[حمد 2002]

بوووومة

صح ح ح ح ح .. فالك البيرق ..

[القبطان سلفر]

ماو مواعين قديمه؟
والا معدن والا ثياب خخخ

اي معدن نحاس يسمي ماو

[المحاميه]

مستعوي يعني مستعوج يعني موده عوج ههههههههههههههه

ايوه عليج نور
صفي احذاي
خلنا انيننهم

:nice:

[نور الحور]

انزين يلاااااااا


قولو شنو



يرش



قلت :anger1:

[بوخالد911]

ايش معنى : زتك

[المحاميه]

هذه الكلمة تعتبر حديثه :telephone:

لا بس مازالت تداول

[نور الحور]

ايش معنى : زتك


عجل بسرررعة

[حسن]

الماو هو الاسلاك النحاس او اي شئ نحاس اول كانوا يشترونه بالوزن .

النهار يعرفه لانه يقول انه يبيعون قطع النحاس اللي في الليتات بالوزن في زمنهم


النحاس الول يسمونه صفر اما الماو مادري

خبرك انا صغير وايد

[القبطان سلفر]

ههههههههههههههههههههههه


حسيت انه من العصر الحجري وعليه عليه النهار هههههههههه



ههههههه النهار يعتبر عميد الاعضاء في المنتدى من ناحية السن :secret:

[JN000N]

غلللللطططط نور

زاك يعني اسرع بسرعه خخخ

شنو يرش ياقوم

[حمد 2002]

ايش معنى : زتك

كويكلي ..

[القبطان سلفر]

النحاس الول يسمونه صفر اما الماو مادري

خبرك انا صغير وايد

والصفر اسم ثاني له بعد

[بوخالد911]

عجل بسرررعة
صححححح
صواب

[الحياة الخالدة]

جنون ما عرفنا الكلمة

زتك مثل زتات يعني يلا بسرعة

[نور الحور]

ايوه عليج نور
صفي احذاي
خلنا انيننهم

:nice:


ترى والله أتوقع تحليل الكلمة صح :shy:

[القبطان سلفر]

غلللللطططط نور

زاك يعني اسرع بسرعه خخخ

شنو يرش ياقوم

حطيها في جمله

[بوخالد911]

كويكلي ..

راااايت:nice:

[JN000N]

ممممممم

العبو ف اليرش مثلا

[بوخالد911]

جنون ما عرفنا الكلمة

زتك مثل زتات يعني يلا بسرعة
صحححح

[الحياة الخالدة]

نور شنو يعني أرناق

[المحاميه]

يرش = ينطش

[النهار]

النهار معانا واكييييد يعرف معناة كلمة : ماو

انا ايش دخلني مالحقت على ذاك الوطر اسأل عاهد ههههههههه
كان يبع صفر وماو وزري عتيج

[بوخالد911]

ممممممم

العبو ف اليرش مثلا

الحوووووش

[حسن]

انا اخبر يقولون انت يالهرش
ماا اليرش يمكن مؤنث

[حمد 2002]

برنيوش ؟! شنو يعني ..

[نور الحور]

نور شنو يعني أرناق


انتي قلتي في رد من ردودج من شوي أرناق

سامعتها بس ناسية المعنى

[JN000N]

لا غلط

كلكم غلط


اليرش هو الرمل
التراب

[حمد 2002]

الحوووووش

الحوش ممم فناء المنزل ..

[توشيبا]

توني كنت بجاوب جنون > نصاب

[بوخالد911]

برنيوش ؟! شنو يعني ..

محمرررر

[JN000N]

برنيوش ؟! شنو يعني ..

ياخي مسويه رجيم انا وكل ماتخطرتو اكل طاح ف خاطري
ومن اسبوع خاطري ف برنيوش ودهن بقر وسمج مقلي

[القبطان سلفر]

انا ايش دخلني مالحقت على ذاك الوطر اسأل عاهد ههههههههه
كان يبع صفر وماو وزري عتيج


مادام عارف ان الماو ينباع اكيد عارف معناه هههههههه:)

[حسن]

برنيوش ؟! شنو يعني ..

مادري وين سامعها وين وين

جرب شوي لنا

:telephone:

[حمد 2002]

لا غلط

كلكم غلط


اليرش هو الرمل
التراب

هالكلمة مب خليجيه ههههههه

[توشيبا]

معني كلمه طنب ؟

[JN000N]

توني كنت بجاوب جنون > نصاب

ههههههاي
راحت عليك

[JN000N]

هالكلمة مب خليجيه ههههههه

ويهك هههههه

[حمد 2002]

محمرررر

لا غلط

[المحاميه]

ور اللمبه = ؟

[الحياة الخالدة]

زين قولوا حق نور شنو يعني أرناق

[نور الحور]

معني كلمه طنب ؟


اخبر اسم جزيرة في عمان مادري ايران هههههههههههه

[حمد 2002]

قصدي انت صح يابوخالد .. تستاهل النامووووس

[JN000N]

زين شنو

لهايه

[حسن]

لا غلط

كلكم غلط


اليرش هو الرمل
التراب

اليرش طلعت تراب من وين هذه لهجه هل وين السمج الميمر والعيش المحمر

[حمد 2002]

ور اللمبه = ؟

بطل الليت ..

[نور الحور]

زين قولوا حق نور شنو يعني أرناق



المفرد يمكن رنق .. يعني رنق السيارة ههههههههههه

[القبطان سلفر]

زين شنو

لهايه

لعبة الياهل

[الحياة الخالدة]

ور اللمبه = ؟

اللمبه مب كلمة قطرية
ور الليت

[حمد 2002]

زين شنو

لهايه

الي ايحطونها بحلج الياهل علشان ما يصيح ..

[JN000N]

اليرش طلعت تراب من وين هذه لهجه هل وين السمج الميمر والعيش المحمر

يلا عاد بوعلوش
هالكلمه يايبتها قح من الشمال

[JN000N]

لعبة الياهل


الي ايحطونها بحلج الياهل علشان ما يصيح ..

صصصصصح

[حسن]

طنب احنا نعرف بس نترك للمستعين

هاهاها

قالت طنب جزيره اي منهم الصغري ولا الكبري

[القبطان سلفر]

اللمبه مب كلمة قطرية
ور الليت

صحيح الليت هي الكلمة الصحيحه

[المحاميه]

هههه
صح حمد

ارناق = محل الرونق النهار يعرفه عدل :)

[JN000N]

شنو

سبره

[الحياة الخالدة]

اخبر اسم جزيرة في عمان مادري ايران هههههههههههه

هههههههههههه يا ويلج من هل الإمارات

[القبطان سلفر]

اول الشياب في الشركات يقولون : بنروح الكانتين . ايش معناة الكانتين .

[حسن]

لهايه طلعت لعبه ولا مصاصه

دنتو عليكم كلمات غريبه

لاتاكلون سمج مع بطيخ

خخخخخخ

[نور الحور]

خبصت بالجغرافيا :secret:


سبرة يعني برد

شدعوة جنون ؟:anger1:

[القبطان سلفر]

شنو

سبره

بررررد موت مثل سريده

[الحياة الخالدة]

المفرد يمكن رنق .. يعني رنق السيارة ههههههههههه

ههههههههههه حكمنا عليج بالقناع المؤبد

[حمد 2002]

شنو

سبره

برد ..

[نور الحور]

اول الشياب في الشركات يقولون : بنروح الكانتين . ايش معناة الكانتين .


كافتيريا هاهاهاها

اعرفها من قصص المعتقلات في مصر :secret:

[حسن]

كانتين تعني دياي


هاهاهاها

[نور الحور]

ههههههههههه حكمنا عليج بالقناع المؤبد



انزين قولي معناها ترى احسها مألوفة وااايد .. :secret:

[المحاميه]

الكانتين يعني المطعم

[القبطان سلفر]

كافتيريا هاهاهاها

اعرفها من قصص المعتقلات في مصر :secret:




ههههههه عجيبه نووووورررر:victory:

[JN000N]

لهايه طلعت لعبه ولا مصاصه

دنتو عليكم كلمات غريبه

لاتاكلون سمج مع بطيخ

خخخخخخ

الله واكبر
جنك ماتعرف ان لهايه مصاصه



صح برد

[القبطان سلفر]

كانتين تعني دياي


هاهاهاها


بعد هذا كان المعنى اللي نطلقه على بعض الدياي

[نور الحور]

ههههههه عجيبه نووووورررر:victory:



:fight:

[حمد 2002]

هايته شتعني ؟!

[الحياة الخالدة]

أرناق يعني أشكال

[JN000N]

ذكرتيني ف كلمة نمونه خخخ

[الحياة الخالدة]

هايته شتعني ؟!

هالكلمة تخصص كتارا

[حسن]

بعد هذا كان المعنى اللي نطلقه على بعض الدياي

لا اعرفه الكانتي اكثر ماكنا نروحه في مصر ايام المعتقل وخصوصا كانتن الكلاب الله يكرمكم
كان عنده تونا من الجوع انحس انها عجيبه

[القبطان سلفر]

أرناق يعني أشكال

اعتقد اصل الكلمة هنديه . لان رنق تعني بالهندي لون . وارناق تعني اشكال مختلفه .

[نور الحور]

أرناق يعني أشكال


لفظها ما يناسب انزين ..

أرناق أكشخ :secret:

[الحياة الخالدة]

ذكرتيني ف كلمة نمونه خخخ

هاذي غير نمونه بعد ههههههههههه

[نور الحور]

هالكلمة تخصص كتارا



هههههههههههههههههههههههههههههههههههه

[حمد 2002]

هالكلمة تخصص كتارا

ههههههه مشكلته ايسكر خاصه كآإن :rolleyes2::shy:

[حسن]

ارناق ماعرفه بس رنق نعني بالايراني لون

وكان يقولون اللول وش رنقه يعني لونه

[النهار]

الماو هو الاسلاك النحاس او اي شئ نحاس اول كانوا يشترونه بالوزن .

النهار يعرفه لانه يقول انه يبيعون قطع النحاس اللي في الليتات بالوزن في زمنهم

الماو طال عمرك هو البرونز للمعلومه النحاس الاصفر

[الحياة الخالدة]

اعتقد اصل الكلمة هنديه . لان رنق تعني بالهندي لون . وارناق تعني اشكال مختلفه .

صحيح و الكثير من كلماتنا القديمة يا هندية يا فارسية يا انجليزية

[توشيبا]

اول الشياب في الشركات يقولون : بنروح الكانتين . ايش معناة الكانتين .

في دبي بعض المطاعم بدال كلمه مطعم كاتبين كانتين

[JN000N]

يخور وينجب


مثل ماتسوي نور دايما

شنو يعني هههه

[القبطان سلفر]

الماو طال عمرك هو البرونز للمعلومه النحاس الاصفر


انا قايل ان النهار يعرف المعنى .

[نور الحور]

يخور وينجب


مثل ماتسوي نور دايما

شنو يعني هههه



يعني يجيب العيد ويحط قناع ههههههههه

[القبطان سلفر]

يخور وينجب


مثل ماتسوي نور دايما

شنو يعني هههه

يقط خيط وخيط . يعني يخربط

[نور الحور]

صحيح و الكثير من كلماتنا القديمة يا هندية يا فارسية يا انجليزية



أو تركية .. مثل هالكلمة :

غنجة

من يعرفها ؟

[القبطان سلفر]

ايش معناة : سيمان ديغه :shy:

[JN000N]

هههههههههههههههههه

صح سلفر

نور حبيت التعبير ههههههه


زين شنو
حنثويل

[R 7 A L]

شنو

سبره

هذي الي نحصلها على سيف البحر
هيكل السمك اذا مات هههههههه

[حسن]

زين شنهو يعني شامبودفاف

:)

[القبطان سلفر]

أو تركية .. مثل هالكلمة :

غنجة

من يعرفها ؟

صينية التقديم

[نور الحور]

ايش معناة : سيمان ديغه :shy:



لا شغل ولا مشغلة


قلناها وجاوبتها صح :shy:

[JN000N]

ايش معناة : سيمان ديغه :shy:

يعني هو والطوفه واحد خخخخ
مامنه فايده طرطور

[R 7 A L]

حنثول = اثول

[نور الحور]

زين شنهو يعني شامبودفاف

:)



هههههههههههههههههههههههههههههههههههه


للحين تذكرها حسن؟


شامبو عبايات :shy:

[JN000N]

زين شنهو يعني شامبودفاف

:)
هههههههههههههههه
يعني الشامبو الحمر ايه عليه

[القبطان سلفر]

زين شنهو يعني شامبودفاف

:)

بوعلي اول في شامبو دفاف :eek5:

[JN000N]

حنثول = اثول

نو نو نو

[نور الحور]

صينية التقديم



ههههههههههههه صح :(

[حسن]

ايش معناة : سيمان ديغه :shy:
مكرره الكلمه

[R 7 A L]

شامبو دفاف
الشامبو الاحمر القديم الي في غرشه قزاز

[نور الحور]

حنثول = اثول



طلاسم ذي ؟؟:rolleyes2:

[R 7 A L]

حتثول = قزم

[الحياة الخالدة]

حنثويل يمكن أغراض وايد و عفيسة
مثل معارة

[JN000N]

حنثوووويل

[JN000N]

حنثويل يمكن أغراض وايد و عفيسة
مثل معارة

صصصصصصح

[نور الحور]

سكنهم مساكنهم :eek5:

[الحياة الخالدة]

رحال للحين مصخن .. يحتاج قناع نور

[القبطان سلفر]

بجي ( بالتشديد على الجيم )

[حسن]

مشاء الله كلكم جاوبتو عليه هال الشامبو كاني بكم تجيبونه من الحسى

خخخخخخ

[R 7 A L]

جنون :anger1:
اكتبي عدل

[نور الحور]

بجي ( بالتشديد على الجيم )


صياح

ياهل

[حسن]

بجي ( بالتشديد على الجيم )

بوشعر

[JN000N]

جنون :anger1:
اكتبي عدل

ههههههههههههههه قطها على كتابتي


زين شنو

بادجير

[R 7 A L]

بجي ( بالتشديد على الجيم )

بجي نوع من انواع الكلاب
الكلاب البجيه

[نور الحور]

رحال للحين مصخن .. يحتاج قناع نور



مسخن ؟

مابيه يعديني :shy:

[المحاميه]

صه

يتهردم

لابد

رمعه

مصعوي

والسلام ختام

[نور الحور]

ههههههههههههههه قطها على كتابتي


زين شنو

بادجير



دفاية ؟

[R 7 A L]

بادجير = يعني باجر بس بدلع ههههه

[الحياة الخالدة]

وأنا كل هالمدة عبالي البجي طير

[القبطان سلفر]

صياح

ياهل






بوشعر


لا الاجابه غلط

[القبطان سلفر]

بادجير = يعني باجر بس بدلع ههههه

لا هي تعني وصف لشئ

[نور الحور]

وأنا كل هالمدة عبالي البجي طير


مبروك فزتي بقناعي هههههههههههه

[حسن]

باذقير هذا اللي على البيون الول حق الهوا

[المحاميه]

سامان

[JN000N]

بذبحكم هههههههههههههههههههههههههههههه

على هالموضوع بتتسحب جوازاتنا

المحاميه روحي رقدي
يايتنا بكلمات ورا بعض
اهو خل نخلص هني اول

شنو بادجير

[نور الحور]

بذبحكم هههههههههههههههههههههههههههههه

على هالموضوع بتتسحب جوازاتنا

المحاميه روحي رقدي
يايتنا بكلمات ورا بعض
اهو خل نخلص هني اول

شنو بادجير


ههههههههههههههههه

شي للهوا أظنتي ؟

[حسن]

جاوبت ياجنون صح ولا لا

سامعها انا مليون مره

[JN000N]

اي شنهو عااد

[الحياة الخالدة]

جاوب حسن

[R 7 A L]

باد = سيئ
جير = قير السيارة

[حسن]

وهل الامارات يسمونها براجيل

[القبطان سلفر]

جاوب حسن

جواب حسن صح

[النهار]

سامان

وايد صعبه يالمحاميه خفي علينا شويه جيبي شي سهل ههههههههههههه

[JN000N]

باذقير هذا اللي على البيون الول حق الهوا

ايييييي
تبرد عليهم نفس الكنديشنات


زين شنهو

دهريز

[نور الحور]

باد = سيئ
جير = قير السيارة



خذ القناع من نصيبك رحال

ولا ترده يقولون انك مسخن :secret:

[JN000N]

باد = سيئ
جير = قير السيارة

هههههه بذبحك

[الحياة الخالدة]

رحال روح ارقد :anger1:

[النهار]

باد = سيئ
جير = قير السيارة

وانت صح رحال حسب ترتيب الحروف بس هههههههههههه

[القبطان سلفر]

دهريز او دهليز ؟

[نور الحور]

جاوب حسن



ترى توني اشوف جواب حسن

انا بعد صح :(

[حسن]

ايييييي
تبرد عليهم نفس الكنديشنات


زين شنهو

دهريز


دهريز ممر تهني

بيتنا الول بابه عود وعقب تدخل على الدهريز من وين جايه هل الاسامي مادري

تعني كرودور

[النهار]

ايييييي
تبرد عليهم نفس الكنديشنات


زين شنهو

دهريز

ولاتقصدين دهليز

[حسن]

زين شنهو السنطوانه

[JN000N]

ناس يقولون دهليز
وناس يقولون دهريز

ونفس المعنى صح حسن

[Charisma]

صه - شششش ولاحس

يتهردم - يتدمر

لابد - لازم مكانه

رمعه - رميه

مصعوي - الناشف

والسلام ختام

:secret:

[حمد 2002]

زين شنهو السنطوانه

مالت الاغاني ..

[القبطان سلفر]

زين شنهو السنطوانه

العمود اللي في البيت

[R 7 A L]

تخيلوا تبون تعلمون انجليزي عن الثرات وتجيبون سالفة البادجير
صعبه الترجمة ):

[الحياة الخالدة]

القبطان ايش طلع البجي ؟ مثل ما قال رحال ؟

[JN000N]

دهريز ممر تهني

بيتنا الول بابه عود وعقب تدخل على الدهريز من وين جايه هل الاسامي مادري

تعني كرودور

ههههههههههههههههههههههههههههههههههههههههه
حبيييييت كوردور

[حمد 2002]

الدهليز .. الصاله ..

[نور الحور]

السنطوانه عمود

[النهار]

دهريز ممر تهني

بيتنا الول بابه عود وعقب تدخل على الدهريز من وين جايه هل الاسامي مادري

تعني كرودور

:eek5::eek5:
يما منك من وين جبت هالمعلومه بوعلي = حسن مافي شي اسمه الدهريز :anger1:

[JN000N]

العمود اللي في البيت

توني بجاوب

[حمد 2002]

القبطان ايش طلع البجي ؟ مثل ما قال رحال ؟

البجي كلب حجمه صغير ووجهه كبير ..

[حسن]

ناس يقولون دهليز
وناس يقولون دهريز

ونفس المعنى صح حسن


من صغرنا نسيميه دهريز ولكن لماكبرنا سرنا نسمعها
ونقراها في دهاليز القصور

خبرك ممن عنبلوص واسبيتار

[نور الحور]

العمود اللي في البيت



ولو خارج البيت ؟ :secret:

[القبطان سلفر]

القبطان ايش طلع البجي ؟ مثل ما قال رحال ؟



لا

البجي ( بتشديد الجيم )هو الانسان القزم

[نور الحور]

ترى النت عندي يعلق ويطلع الجواب متأخر


كيفكم بتنجحوني ترى :anger1:

[حمد 2002]

البجلي .. شنو تعني ..

[القبطان سلفر]

ولو خارج البيت ؟ :secret:

ما يسمونه سنطوانه . عشان جذي اول الكبار يقلون لنا بنربطكم في السنطوانه اذا سويتو شيطانه

[النهار]

ناس يقولون دهليز
وناس يقولون دهريز

ونفس المعنى صح حسن

هههههههههههه
اي اقعدي رقعي

[القبطان سلفر]

البجلي .. شنو تعني ..

صعبه حمد :shy:

[JN000N]

من صغرنا نسيميه دهريز ولكن لماكبرنا سرنا نسمعها
ونقراها في دهاليز القصور

خبرك ممن عنبلوص واسبيتار

هههههههههههههه


شنهو

المنقله

[R 7 A L]

البجلي= التريك ههههههه

[نور الحور]

ما يسمونه سنطوانه . عشان جذي اول الكبار يقلون لنا بنربطكم في السنطوانه اذا سويتو شيطانه



ههههههههههههههههه

تعذيب :(

عمود برا البيت شسمه عيل ؟

[القبطان سلفر]

البجي كلب حجمه صغير ووجهه كبير ..

عجيييب حمد فعلا كانو اول يقولون للكلب الصغير الحجم بجي

[JN000N]

هههههههههههه
اي اقعدي رقعي

بك شوله ارقع

اكو حسن عرفها
احنا نعرفها دهريز ويوم قلتو دهليز قالت امي يقولون بعد دهليز

[نور الحور]

البجلي .. شنو تعني ..



قصدك الباجلة ؟

[حسن]

القبطان ايش طلع البجي ؟ مثل ما قال رحال ؟

البوجي نوع من انوع الكلاب الصغيره ولها شعر طويل وصغير
وشكله يجنن مهب كلابنا الجعري شكله وصخ ويطالعك بطرف عين

وعلى فكره اول ماجاوبها من بمبي

[JN000N]

ههههههههههههههههه

تعذيب :(

عمود برا البيت شسمه عيل ؟

المرزام يايمه ههههه

[القبطان سلفر]

ههههههههههههههههه

تعذيب :(

عمود برا البيت شسمه عيل ؟

عمود خالي بدون ألقاب :secret:

[R 7 A L]

المنقله
لها اكثر من معنى
عند هل الطيور من الادوات التي تستخدم
بس لها بعد اكثر من معنى

[نور الحور]

هههههههههههههه


شنهو

المنقله



اللي يحطون عليها الفحم ؟

[حمد 2002]

غلط كلكم ..

البجلي .. اليت اليدوي الكشاف ..

[الحياة الخالدة]

نور .. عمود برا البيت وين يعني في السكة ؟

[JN000N]

رحال ماعرف

نور صح
المنقله هي نفسها الدوه

[JN000N]

نور .. عمود برا البيت وين يعني في السكة ؟

اتوقع تقصد المرزام

[المحاميه]

البجلي المصباح يعني


دربيل؟

[النهار]

البوجي نوع من انوع الكلاب الصغيره ولها شعر طويل وصغير
وشكله يجنن مهب كلابنا الجعري شكله وصخ ويطالعك بطرف عين

وعلى فكره اول ماجاوبها من بمبي

هههههههههه
هذي جلاب الانكليز قبل الي عندنا معروفين ضاربتهم المجاعه

[نور الحور]

نور .. عمود برا البيت وين يعني في السكة ؟



يعني مثلا في المسيد :secret:

أو المدرسة

السوق ....الخ

[القبطان سلفر]

نور .. عمود برا البيت وين يعني في السكة ؟

يمكن قصدها عمود الكهربه