مخالفة قطع الاشاره الحمراء

[khaldoon]

السلام عليكم و رحمة الله و بركاته

ممكن لو تتكرموا بالاجابه على سؤالي..... هل مخالفة قطع الاشاره الحمراء و الذهاب الي اليسار و ليس الالتفاف تساوي 6000 ريال و سبع نقاط مثل مخالفة قطع الاشاره و المسير بشكل مستقيم

و شكرا

[وطن]

طبعا

نفس الشي

[بوحارب]

حاول تروح المرور الجديد
قسم التخطيط والسلامة المرورية
وممكن ينزلونها لك الى 500 ريال

[Aaziz]

ادري ماتبي تسمع هالجواب لكن المنطق يقول نفس الشي

[وسمي2016]

انا مب شايف فرق بين الاتجاه بخط

مستقيم او الالتفاف لليسار ,,,, كلا الحالتين

انت قطعت اشاره حمراء ,,,,, الا اذا كان

قصدك لفيت يسار وكانت خضره على اللفه

ولكن حمراء للخط المستقيم ففي هذه الحاله

ممكن يتساهلون معاك,,,,,, والله يكون في عونك

[khaldoon]

بارك الله فيكم جميعا


والله اليوم ما اعرف انا قطعت الاشاره والا لا و انا الف يسار و ابي اروح يسار اصلا يعني مب مخالف ولا بنيتي اسوي شي غلط ... للحين الصوره مب واضحه ولا اعرف ايش اللي صار يوم فتحت الاشاره كنت انا رابع سياره و الاشاره سكرت على طول و ما عرفت انا قطعتها حمرا او صفرا بس مب مطمن..... ما لحقت تفتح والله و تفاجأت باللي صار ...الله يستر و حسبي الله ونعم الوكيل

[توشيبا]

انتظر اذا نزلت عليك المخالفه

روح اخذ صور وفيديو من القسم المختص وادخل علي الضابظ الموجود واشرح له المشكله

يمكن يعتبرونها قطع ردار 500 ريال

[khaldoon]

انتظر اذا نزلت عليك المخالفه

روح اخذ صور وفيديو من القسم المختص وادخل علي الضابظ الموجود واشرح له المشكله

يمكن يعتبرونها قطع ردار 500 ريال

بارك الله فيك اخوي على هالنصحيه الطيبه

كل الشكر و التقدير

[khaldoon]

يا اخوان كم يبيله وقت لحد ما يبين علي مخالفة او لا... يعني كم لازم اظل منتظر.... اسبوع مثلا؟

[المبرمج صلاح]

اذا مشترك في مطراش بتوصلك رسالة خلال 4 ايام بالكثير او شيك عموقع الداخلية بعد 4 ايام

وان شاء الله ما توصلك اي رساله وما تكون مخالفة
اذا عدت اسبوع عالحدث وما نزل شي عالسيستم بيكون انت في السليم

بالتوفيق ان شاء الله

[khaldoon]

اذا مشترك في مطراش بتوصلك رسالة خلال 4 ايام بالكثير او شيك عموقع الداخلية بعد 4 ايام

وان شاء الله ما توصلك اي رساله وما تكون مخالفة
اذا عدت اسبوع عالحدث وما نزل شي عالسيستم بيكون انت في السليم

بالتوفيق ان شاء الله
لسه راح انتظر كمان 3 ايام ..... الله يكون في العون..... كل الشكر و التقدير يا صلاح

[حمد 2002]

للتذكير مخالفه قطر الاشاره 6 آلاف ريال قطري لاغير ..

[ولد العرب]

السلام عليكم و رحمة الله و بركاته

ممكن لو تتكرموا بالاجابه على سؤالي..... هل مخالفة قطع الاشاره الحمراء و الذهاب الي اليسار و ليس الالتفاف تساوي 6000 ريال و سبع نقاط مثل مخالفة قطع الاشاره و المسير بشكل مستقيم

و شكرا

هلا حلو عليك عتب بكل قوة حنا اخونا الوجب نشوفك
المهم
صارت قدامي لموظف معنا ونزلوها الى 500 ريال

[QTR-1978]

اخوي اول شي على حسب الفيديو يشوفونه اذاا كنت رايح سيده والاشاره حمرا صار لها اكثر من 5 ثواني اعتقد هم يقدرونها بعدد معين من الثواني تتحول الى 500 ريال واذا مثلا قطعت الاشاره مثل ماصار لي كنت واقف وافتحت الاشاره يسار ومانتبهت ومشيت ووصلت لين نص التقاطع عقب انتبهت ورجعت ريووس واحسبووها 500 واذا كنت يسار وافتحت الاشاره سيده وطلعت يسار بعد تتحول 500 وحتى بس

يعني مب يجي واحد قاطع الاشاره حمرا وصار لها دقيقه حمرا ويقول 500 فالاخير يرجعون للفيديو اخوي

[وطن]

بشر خلدون

مخالفة ولا جت سليمة

[khaldoon]

للتذكير مخالفه قطر الاشاره 6 آلاف ريال قطري لاغير ..

ما في سبع نقط مع الست الاف والا اشلون...ارجو التوضيح يا حمد

وكل الشكر على مرورك الكريم

[khaldoon]

هلا حلو عليك عتب بكل قوة حنا اخونا الوجب نشوفك
المهم
صارت قدامي لموظف معنا ونزلوها الى 500 ريال


لا والله يا اخوي مب عتب انما توضيح لكم ايش اللي صار معاي

جزاك الله كل خير على مرورك الجميل كالعادة

[khaldoon]

اخوي اول شي على حسب الفيديو يشوفونه اذاا كنت رايح سيده والاشاره حمرا صار لها اكثر من 5 ثواني اعتقد هم يقدرونها بعدد معين من الثواني تتحول الى 500 ريال واذا مثلا قطعت الاشاره مثل ماصار لي كنت واقف وافتحت الاشاره يسار ومانتبهت ومشيت ووصلت لين نص التقاطع عقب انتبهت ورجعت ريووس واحسبووها 500 واذا كنت يسار وافتحت الاشاره سيده وطلعت يسار بعد تتحول 500 وحتى بس

يعني مب يجي واحد قاطع الاشاره حمرا وصار لها دقيقه حمرا ويقول 500 فالاخير يرجعون للفيديو اخوي

جزاك الله كل خير اخوي على التوضيح

لكل الشكر و التقدير

[khaldoon]

بشر خلدون

مخالفة ولا جت سليمة

الحمد لله جت سليمة.... توني الحين مشيك على مطراش2 و مكتوب لم يتم العثور على سجلات

هو الليصار اني قطعت الاشاره من غير ما انتبه انها خضراء و الا صفراء و الا حمراء لانه توها فاتحه بس اللي جنبي شكله جبان شوي لانه وقف و انا قطعت و ظنيت اني قطعتها حمرا ...انا ما كنت داري ايش اللي صار لانها توها فتحت و انا كنت رابع سياره

الحمد لله جات سليمة

اشكرك كل الشكر على سؤالك ماقصرتي