افكار خارجة عن المألوف تنوي تطبيقها في منزل العمر

[Aaziz]

السلام عليكم ورحمة الله و بركاته



لكل شخص منا خطط و افكار ينوي تطبيقها عند بناء منزله لاسيم اذا كان منزل العمر الذي سيعيش فيه ، بعض هذه الافكار قد تكون حلول ذكية ولكنها غير منتشرة ، بعضها قد يوصف بانه غير عملي

هنا اطرح هذا الموضوع لنتناقش الافكار الخارجة عن ما اعتدنا عليه بيننا .


شخصيا ان شاء الله مقتنع بامرين انوي تطبيقهم في بيتي بعد ان جربتهما و لاحظت انها افكار تستحق الطبيق


الفكره الاولى ليست خارجه كثيرا عن المألوف :)

هو كراج السياره الشخصية المتصل بالمنزل .. بحيث تنزل من السياره تدخل على قسمك الخاص او على الصاله الخاصه بك او موزع

هذي الفكره عاجبتني لاني ما احب الحر و اتاثر بالشمس بشكل كبير



http://us.123rf.com/400wm/400/400/retwizan/retwizan0809/retwizan080900010/3514898-suv-car-in-a-garage-next-to-the-entrance-to-a-house.jpg


http://www.electronichouse.com/images/slideshow/Smart_Garage_Door_Opener.JPG



الفكره الثانيه هذي الي عاجبتني اكثر و متحمس اني اطبقها

وهي ان غرفه النوم الرئيسيه تتكون من طابقين ... طبعا التصميم و طريقه ربطها في البيت يلعب دور كبير في نجاح الخطة .

فمثلا فكرتي تكون كالتالي : غرفه النوم الرئيسيه تكون في الدور الثاني مع اجلكم الله الحمام و غرفه الملابس . و تنزل بدرج مصمم بعنايه الى الجزء الارضي وهو الصاله الخاصة بغرفه النوم مع بانتري صغير مع اجلكم الله حمام (و ممكن مكيتب صغير:) ) و في مكان يكون قريب من البانتري او الحمام يكون فيه باب يؤدي بك الى الدور الارضي من البيت ولا بأس تطلع من الباب هذا رايح للصاله الرئيسيه يكون باب الكراج الي ذكرناه فوق قريب منك :victory:

ملاحظه ،، في الصاله الارضيه ممكن يكون فيه مثل البلكونه الارضيه تفتح على حديقه او حوش خلفي صغير :discuss:

هذي بعض التصاميم



http://assets-edge.vacationhomerentals.com/assets/properties/2013/07/19/55483/thumb4_dpp_0358.jpg


http://www.ghoofie.com/images/2012/07/Awesome-Modern-Residence-Interior-Design-Ideas-540x292.jpg


http://www.m5zn.com/newuploads/2014/06/11/jpg//4732a1376bc9543.jpg


http://www.hiltontremblant.com/img/suites_01.jpg


http://www.m5zn.com/newuploads/2014/06/11/jpg//4bb93caa9c95825.jpg

http://www.m5zn.com/newuploads/2014/06/11/jpg//62ac2a52c4bbb84.jpg


طبعا من عيوب هذي الفكره ان الصالة تشغل مساحه دورين وبالتالي فقدانك لجزء من مساحة الدور الثاني بحيث انها راح تكون في الدور الارضي و فوقها المساحه المفقوده ،، لكن الي يبي الزين يستحمل :telephone:

بانتظار تفاعلكم و تاييدكم و اعتراضكم و الاهم هو انتظار افكاركم ان كان حد عنده شي خارج عن الي تعودنا عليه في بيوتنا

[نور الحور]

موضوعك روووعة عزيز ..

والأفكار اللي طرحتها واو .. وبصراحة كأنك تقرا أفكاري لأني كنت ناوية أطبقهم قبلك ..:nice:

وبالفعل صممنا الغرفة الماستر على دورين .. والكراج نفس الفكرة لكن صارت ظروف وغيرنا المخطط بالكامل ..

بس حابه أضيف إن الغرفة الماستر مثل ماذكرتها ممكن تضيف لها مسبح صغير خارجي باطلالة خاصة بس للغرفة ..

او تحط جاكوزي بنص صالة الماستر .. أحسه بيكون قسم ترفيهي خاص جداً ومتكامل ..


بالنسبة للأفكار الثانية ..

حلو تخلي غرفة الماستر مطلة ببلكونة أو دريشة داخلية على داخل البيت ..

تشوف وتراقب الأوضاع وتضمن اطلالة وجلسة حلوة في بلكونة مكيفة وخصوصية بنفس الوقت :victory:

عندي وااايد أفكار .. بس بخليها حبة حبة ..

عشان أزعجك كل شوي بالرد في الموضوع :tease:

[الدبلوماسي]

حلوه فكره غرف الطابقين لو كانت الغرفه الرئيسيه متصله بالبنتهاوس بتكون روعه

[Aaziz]

موضوعك روووعة عزيز ..

والأفكار اللي طرحتها واو .. وبصراحة كأنك تقرا أفكاري لأني كنت ناوية أطبقهم قبلك ..:nice:

وبالفعل صممنا الغرفة الماستر على دورين .. والكراج نفس الفكرة لكن صارت ظروف وغيرنا المخطط بالكامل ..

بس حابه أضيف إن الغرفة الماستر مثل ماذكرتها ممكن تضيف لها مسبح صغير خارجي باطلالة خاصة بس للغرفة ..

او تحط جاكوزي بنص صالة الماستر .. أحسه بيكون قسم ترفيهي خاص جداً ومتكامل ..


بالنسبة للأفكار الثانية ..

حلو تخلي غرفة الماستر مطلة ببلكونة أو دريشة داخلية على داخل البيت ..

تشوف وتراقب الأوضاع وتضمن اطلالة وجلسة حلوة في بلكونة مكيفة وخصوصية بنفس الوقت :victory:

عندي وااايد أفكار .. بس بخليها حبة حبة ..

عشان أزعجك كل شوي بالرد في الموضوع :tease:

خليتيني اكتشف ان بيتي مافيه قلم .. انتظريني برسم لج الشي الي سكنت فيه ،، لازم رسم ،، الفن كله في الدرج
و فيه فكره ان سقف الصاله (الي المفروض انه مكشوف دورين) امد فيه حديد سقف بمستوى ارضيه الدور الثاني .. و اسوي الحديد بطريقة ما جزء من ديكور سقف الصاله ،، بحيث اذا مستقبلا اذا حبيت اصب السقف بما ان الحديد موجود و اضمه غرفه ثانيه مجاوره لغرفه النوم الرئيسيه او اسويها صالة و الصاله الي تحت احولها غرفه ماستر بما انه فيها حمام .

[Aaziz]

حلوه فكره غرف الطابقين لو كانت الغرفه الرئيسيه متصله بالبنتهاوس بتكون روعه

انشدني انها حلوه و شرحه و تخلي الواحد مايطلع منها .
البنتهاوس اشوف كثير يسوونه غرفه خدامه او غرفه غسيل و هذا شي غلط
البنتهاوس اعتبره من احلى اقسام البيت و الخصوصيه فيه عاليه و التهويه ايضا .
اشوف انه اسويه غرفه نوم و مكتب و غرفه رياضه خاصه بالزوج ،، للانعزال عن الازعاج ،، مثلا شخص وظيفته متعبه و يبي يقيل بهدوء بدون ازعاج الاطفال او مثلا يخلص جزء من مهام شغله في البيت ، يكون في البنتهاوس

[معماري قطري]

حي الله عزيز

الأَفكار ذي كلها ناقشتها قبل في موضوع أَفكار التصميم في هذا الرابط .. حتى وصلت الأَفكار 136 فكرة ووايد منهم مكررين عارف.

http://www.qatarshares.com/vb/showthread.php?529820-أفكار-تصميم-حلوة-بالشرح-والصور

فيه أَفكار صعبه تعتمد على التكنولوجيا .. مثل البيت الدوار واللي بدوا يسوون عمارات وشقق تتحرك حسب رغبة أَصحابها .. وفيه مباني كاملة تحت الأَرض مثل مدينة في استراليا وفي منطقة حارة وتم بناء البيوت تحت الأَرض للاستفادة من برودة الأَرض.

[Bozizoo]

انا صراحه مااحب غرفه النوم الخاصه فيني ان تكون اكثر من غرفه او مضاف اليها جلسه ..
لسبب واحد فقطï»»ماابي انعزل عن عيالي.
ولو علي انا غرفة النوم ماتكون اكبر من 5 ×5 لكن حكم القوي
.قريبا بحط تصميم البيت مالي وابي ارائكم مهمة وايد بالنسبه لي.
وشكلي بتعاقد مع الاخت نور الحور لتصميم الداخلي ..
بس عااد تسوي لي خصم عدل .

[معماري قطري]

انا صراحه مااحب غرفه النوم الخاصه فيني ان تكون اكثر من غرفه او مضاف اليها جلسه ..
لسبب واحد فقطï»»ماابي انعزل عن عيالي.
ولو علي انا غرفة النوم ماتكون اكبر من 5 ×5 لكن حكم القوي
.قريبا بحط تصميم البيت مالي وابي ارائكم مهمة وايد بالنسبه لي.
وشكلي بتعاقد مع الاخت نور الحور لتصميم الداخلي ..
بس عااد تسوي لي خصم عدل .

بتبني بيتها على حسابك :)

انا معاك غرفة النوم بدال ما تكون واسعة على الخالي أَفضل ناخذ جزء من مساحتها ونخليها غرفة ملابس ومكان تخزين كبير .. يعني بدال 5 في 6 نسوي بارتشن بسيط ونشيل متر و80 سم من ال 5 تبقى لنا غرفة ملابس 1.8 في 5 بصفين علاقات ثياب وأَدراج أَو أَرفف للتخزين وممر بسيط بينهم .. والمساحة الباقية تترتب حق سرير وقدامه تلفزيون وممكن جلسة بسيطة كرسيين بس .. تبقى 4.2 في 5 .. وكثير من غرفنا ممكن عمل هذا التعديل عليها الحين وبسهولة.

[Aaziz]

حي الله عزيز

الأَفكار ذي كلها ناقشتها قبل في موضوع أَفكار التصميم في هذا الرابط .. حتى وصلت الأَفكار 136 فكرة ووايد منهم مكررين عارف.

http://www.qatarshares.com/vb/showthread.php?529820-أفكار-تصميم-حلوة-بالشرح-والصور

فيه أَفكار صعبه تعتمد على التكنولوجيا .. مثل البيت الدوار واللي بدوا يسوون عمارات وشقق تتحرك حسب رغبة أَصحابها .. وفيه مباني كاملة تحت الأَرض مثل مدينة في استراليا وفي منطقة حارة وتم بناء البيوت تحت الأَرض للاستفادة من برودة الأَرض.



هلا بالشيييخ

موضوعك مريت عليه مره ،، لكن عندي نيه من زماااان اني لابغيت ابني بيتي .. اجرد مواضيعك جرد دقيق :nice:
المشكله الي تواجهني معاك اخوي معماري ،، هي انك محترف في هذا التخصص و بالنسبه لنا و اعتقد ان الي مثلي يشكلون 70% من الشعب نحاول نسوي افضل شي باقل تكلفه و ماندخل في تفاصيل اكبر منا.
يقولون عيب تمدح الرجال في وجه ولكن بصراحه انت و كم واحد موجودين معنا في هذا المنتدى مكسب و مبيضين الوجه الشهاده لله .
اتفق معاك في موضوع وجود غرف ملابس في غرفه النوم الرئيسيه
و انا من المؤيدين لوجود غرفتين ملابس و حمامين (الله يكرمك) تابعين لغرفه النوم الرئيسيه .
ولكني اختلف معاك في صغر حجم الغرفه ،، اقل شي 5x6 لغرفه النوم الرئيسيه و 5x4 للغرف الثانيه .

[نور الحور]

خليتيني اكتشف ان بيتي مافيه قلم .. انتظريني برسم لج الشي الي سكنت فيه ،، لازم رسم ،، الفن كله في الدرج
و فيه فكره ان سقف الصاله (الي المفروض انه مكشوف دورين) امد فيه حديد سقف بمستوى ارضيه الدور الثاني .. و اسوي الحديد بطريقة ما جزء من ديكور سقف الصاله ،، بحيث اذا مستقبلا اذا حبيت اصب السقف بما ان الحديد موجود و اضمه غرفه ثانيه مجاوره لغرفه النوم الرئيسيه او اسويها صالة و الصاله الي تحت احولها غرفه ماستر بما انه فيها حمام .


وين الرسمة عزيز ؟:anger1:

[نور الحور]

حلوه فكره غرف الطابقين لو كانت الغرفه الرئيسيه متصله بالبنتهاوس بتكون روعه


امممم .. أشوف لو كانت أرضي واول أحلى ..

عشان التواصل أسهل مع الأسرة .. وعشان تنفيذ إطلالات خارجية خاصة بالغرفة يكون أسهل على الأرضي ..

البنتهاوس ممكن يكون غرف خاصة إضافية أو غرف أنشطة جيم أو سينما ..الخ

[نور الحور]

انا صراحه مااحب غرفه النوم الخاصه فيني ان تكون اكثر من غرفه او مضاف اليها جلسه ..
لسبب واحد فقطï»»ماابي انعزل عن عيالي.
ولو علي انا غرفة النوم ماتكون اكبر من 5 ×5 لكن حكم القوي
.قريبا بحط تصميم البيت مالي وابي ارائكم مهمة وايد بالنسبه لي.
وشكلي بتعاقد مع الاخت نور الحور لتصميم الداخلي ..
بس عااد تسوي لي خصم عدل .




هههههههه

ضحكتني بحكم القوي ..

شوف بوزيزو .. مادري ليش رابط الانعزال عن العيال الله يحفظهم بدلع الماستر روم ..

هل تتوقع انك بتقضي فيها وقت أطول لو كانت كبيرة ومتوفر فيها كلشي ؟

أنا أعتقد إن هذا أسلوب حياة أنت ممكن تتحكم فيه ..

ممكن تكبرها عادي وتخلي عيالك يشاركونك أحيانا الجلسة أو مشاهدة التلفزيون ..

ممكن تخلي غرف اليهال لو كانوا صغار وايد كونكتنغ مع غرفتك ..

ممكن تنفذ الفكرة اللي ذكرتها وتسوي لك دريشة داخلية مطلة على داخل البيت .. أقصد داخل الفيلا على الصالات ..

وتكون متواصل مع عيالك وبيتك كله ..

ممكن الواحد ينعزل عن عياله ولو كانت غرفته 5*5 .. هذا مو مقياس ترى ..

بالنسبة لي أشوف الماستر روم هي المتعة الحلال هههههه ..لو بيدي بحط كلشي فيها حتى نطاطية وألعاب لي هههههه

لأ والله صج .. احنا عرب ومسلمين ناس محافظين .. متعتنا ببيوتنا ترى .. وخصوصيتنا الكاملة فيها ..

أحلى شي الواحد لما ياخذ راحته بدون قيود .. ويخلق له مساحة للراحة والخصوصية لتامة ببيته ..

مادري بس أنا هذا رايي وقناعتي ..

بالنسبة للتصميم والديكور أبشر .. بس بالشرط اللي ذكره معماري بالأول هههههههههه

والله صج لو تحط مخططك هني أوبموضوعي ذاك .. بعطيك شوية أفكار فناتق هههههه




بتبني بيتها على حسابك :)

انا معاك غرفة النوم بدال ما تكون واسعة على الخالي أَفضل ناخذ جزء من مساحتها ونخليها غرفة ملابس ومكان تخزين كبير .. يعني بدال 5 في 6 نسوي بارتشن بسيط ونشيل متر و80 سم من ال 5 تبقى لنا غرفة ملابس 1.8 في 5 بصفين علاقات ثياب وأَدراج أَو أَرفف للتخزين وممر بسيط بينهم .. والمساحة الباقية تترتب حق سرير وقدامه تلفزيون وممكن جلسة بسيطة كرسيين بس .. تبقى 4.2 في 5 .. وكثير من غرفنا ممكن عمل هذا التعديل عليها الحين وبسهولة.



اي معماري صح هذا شرطي على بوزيزو هههههه

احلى شي معماري إنك تقول عن كل شي إنه يستوي بسهولة ..

الله يسهل عليك يارب قول آمين .. ترفع معنوياتنا تراك .. وبشغففف هههههه

[معماري قطري]

هلا بالشيييخ

موضوعك مريت عليه مره ،، لكن عندي نيه من زماااان اني لابغيت ابني بيتي .. اجرد مواضيعك جرد دقيق :nice:
المشكله الي تواجهني معاك اخوي معماري ،، هي انك محترف في هذا التخصص و بالنسبه لنا و اعتقد ان الي مثلي يشكلون 70% من الشعب نحاول نسوي افضل شي باقل تكلفه و ماندخل في تفاصيل اكبر منا.
يقولون عيب تمدح الرجال في وجه ولكن بصراحه انت و كم واحد موجودين معنا في هذا المنتدى مكسب و مبيضين الوجه الشهاده لله .
اتفق معاك في موضوع وجود غرف ملابس في غرفه النوم الرئيسيه
و انا من المؤيدين لوجود غرفتين ملابس و حمامين (الله يكرمك) تابعين لغرفه النوم الرئيسيه .
ولكني اختلف معاك في صغر حجم الغرفه ،، اقل شي 5x6 لغرفه النوم الرئيسيه و 5x4 للغرف الثانيه .



الحمد لله إِننا قدرنا شوي نرفع من مستوى البناء والتشطيب مع إِني اتمنى تكون القوانين قوية وتضبط العملية صح .. نشوف غش كبير وشغل استهبال وظلم كبير للملاك ولا جهة تاخذ حقهم بسهولة .. واشوف تجاوزات من المكاتب وسرقات بالملايين وحتى أَصحاب الشركات يسرقونهم عمال ومهنيين عندهم بفن بدون ما يدرون .. المتضرر في النهاية القطري سواءً صاحب شركة أَو مالك لمبنى أَو صاحب مكتب استشاري.

بعض المباني تعيش مئات الأَعوام وعندنا عشرات السنين بصعوبة بالغة .. والعجيب البعض يستخدم كلمات رنانة مثل التنمية المستدامة والمباني الخضراء وهو لو تسئله ما يعرف شتعني الكلمة .. التنمية المستدامة تحتاج تخطيط مستدام وموقع دائم ما يتغير فجأَة .. في دول كثيرة شفنا قطارات بدائية تشتغل آخر الليل وسككها تتقاطع مع طرق فرعية ورئيسية حق توصيل حمولات ثقيلة بهدوء وبدون تخريب البنية التحتية وبأَقل عرقلة وازعاج .. في بعض الدول الأُوروبية تم اقتطاع أَجزاء كبيرة من واجهات مباني قديمة وفيها طلقات رصاص وضربات وتم تثبيتها بحديد والبناء وراها .. واحنا عندنا مباني قديمة مثلها ما تتحرك متر حتى يتوسع طريق رئيسي.

كل شيء ممكن ويحتاج لشوية فن وابتكار .. عندك مثلاً الغرفة اللي من دورين فكرتها وايد حلوة وسهلة وممكن تسوي جزء
من البيت مرتفع وجزء ارتفاع عادي .. يعني السقف تخليه متدرج لو حبيت وتسوي كم غرفة دورين بحيث غرفة الملابس تكون قريبة من الحمام تحت ومكان النوم تخليه فوق.

[Aaziz]

وين الرسمة عزيز ؟:anger1:

مصرة على الشباك :nice:


ايدج على 17 ريال قيمه القلم :court:

http://www.m5zn.com/newuploads/2014/06/13/jpg//d7b82309811b1f9.jpg


هذي الرسمه و اتمنى اني وضحت الفكره ،، شكل الرسمه ماعليج منه ،، ماقدرت اضبط الابعاد

بشرح بعض النقاط المهمه

انا ذكرت ان الفن في الدرج ،، بحيث انه مريح و مستغل بطريقه صحيحة

الدرج مثل ماذكرت جدا مريح ،، في البدايه و انت راكب ،، عدد درجات بسيط و بعده الي يسمونها الاستراحه (المنطقه الي فوق اللوحه) هذي المساحة تقريبا مترين او اقل بشوي ،، تلف و تركب فوق و انت طالع بعد عدد الدرجات بسيط جدا لحد ماتوصل باب الغرفه .

شفتي المنطقه الي معلقه فيها اللوحه .. هذي مش مرتفعه كثير ،، يعني ارفع من راس البني ادم بقريبا نص متر مع الدربزين طبعا و ممكن يكون طوفه بدون دربزين .

الدرج عرضه قولي متر و نص .. فا و انتي نازله من الدرج بيكون فيه مساحه بين المرايه و الدرج .. اذا وقفتي قدام المغسله بيعتبر انج في مساحه تعادل عرض الدرج الي طالع فوقج للدور الثاني الي هي متر و نص
و اذا كنتي مشاهده المغسله و الدرج في الخلف ،، بيكون فيه ستور صغير على يمينج تحت الدرج (ما رسمته)
خلف المغسله بيكون البانتري او مطبخ تحضيري .

فوق جمب باب الغرفه مكان الجمجمه الي راسمها هنا ممكن يكون الشباك <<< لاتنسين تركبين قزاز عاكس عشان محد يحس فيج هههههههههه :nice:
و لكن بعد ممكن هنا يكون فيه باب يوصل الى الدور الثاني في البيت

في الدور الي تحت مكان الجمجمه الثانيه هنا ايضا ممكن يكون فيه باب يوصل للدور الارضي للبيت و هذا الي افضله انا ،، و بالنسبه للي في بالي ممكن هنا احط باب يوصل لممر او موزع يربطك بالبيت و لطبيله السياره الداخليه ،، بحيث ان السياره تقريبا تكون واقفه في المساحه الي تحت غرفه النوم .

و انتي نازله من الدرج ممكن يكون الله يكرمج الحمام الثاني الخاص بالصاله او في اي مكان مناسب جمب البانتري .

مشاهد جلسه الكراسي ممكن تكون فيه بلكونه قزاز مطله على حديقه صغيره في خلف البيت (ممكن تكون حديقه مغطاه او حتى مكيفه)

انتي و الاخوان عطوني مقترحاتكم بخصوص هذي الفكره الي رسمتها .. هل فيه شي ممكن اعدله على التصميم ؟


http://www.m5zn.com/newuploads/2014/06/13/jpg//0be8d6eac1dcc13.jpg

[نور الحور]

شكلك فنان عزيز .. طلعت المواهب طلعت تستاهل قيمة الاقلام ..

انزين انا عندي شوية تساؤلات عشان اضمن اني فهمت بالضبط

رسمتك الخطيرة ام الجماجم ههههه

اولا .. غرفة الملابس وينها في؟

الحمام الماستر اللي بيخدم الغرفة وين؟

كم المساحة اللي تبي تخصصها للغرفة كامل بالدورين؟

لان الدرج بياخذ مساحة حسب ارتفاع سقف الدور الارضي ..

كل مارفعت زاد طول الدرج وخذ مساحة .. واعتقد التصميم بهالطريقة

بياخذ مساحة كبيرة ..

دريشة الجمجمة الفوقية .. تطل على داخل البيت؟ اقصد على صالات البيت

نفس ما فكرتي اللي طرحتها ولا بس هي باب عادي ؟

انتظر توضيحك .. لاني اشتطيت وحابة الفكرة بشغف اصلا ههههه

وعندي لك افكار لو تحب .. بس افهم بالاول اقتراحك

[Aaziz]

نور غرفه النوم فوق ،، و توزيعها حسب المساحه
مساحه مستطيله 10x6 كفيله انها تسوي غرفه بحمام بغرفه ملابس
وحمام الماستر فوق داخل غرفه النوم

بالنسبه لرسمه الجمجمه الي فوق .. اذا انتي طلعتي بالدرج لغرفه النوم ،، الدرج ماراح يوقف عند باب غرفه النوم ،، بيكمل قدام شوي لان تحت فيه مساحه شوي .. فا ممكن و انتي راكبه فوق بيكون على يمينج باب غرفه النوم و بعده الدرج بيكمل على نفس المستوى و بيكون على يمينج مكان لباب يدخلج على ممر بين غرف الدور الفوقي او مثلا تكون ورى الطوفه الصاله و تحطين دريشتج فيها او ممكن هنا يكون فيه باب لغرفه ثانيه صغيره يسمونها غرفه المولود الي هي غرفه للطفل الصغير .

التصميم بياخذ مساحه نعم ،، بس لاهم اجزاء البيت ،، بحسبها بالعرض كم

10 طول غرفه النوم
3 الدرج طالع و نازل
5 عرض الصاله التحتيه

المجموع 18 متر بالعرض
ولكن لاتنسين انه مساحه غرفه النوم تحتها جزء من الدور الارضي للفله

يعني فعليا الي بخسره هو المساحه الي تعادل مساحه الصاله الي تحت بحكم ان مافوقها شي سقف مفتوح و طبعا بتكسبين منظر جمالي لان فيه ناس شكثر يسوون صالاتهم مفتوحه + ان الزوجين هذي مساحتهم .

رسمت رسمه كمقترح لتوزيع غرفه النوم .
ولاتنسين اني مش متخصص يعني لو مهندس ديكون ممكن يوزع المساحات صح او يصغر المساحه .

http://www.m5zn.com/newuploads/2014/06/13/jpg//c105933cbf96319.jpg

[Aaziz]

نور الكبت اقصد الكبت الثابت في الطوفه

و المنطقه الى يسار باب غرفه النوم و انتي داخله ممكن ينحط فيها كرسيين

هههههههه اعنبو هالزوجين بس يبون يقعدون :nice:

[نور الحور]

ههههههههههههه

عجيب عزيز .. شكل الزول طاغي عليك بقووووة هههههههههه


أنا فهمتكم اللحين ..

وبالعكس أنا معاك قلباً وقالباً إن الماستر روم هي أهم مساحة بالبيت ..

لكن أنا حبيت أنبهك لشغلة الدرج ..

أولاً حط ببالك كل ما ارتفع سقف الدور الأرضي كل ما تطلب الدرج عدد درجات أكثر وبالتالي مساحة أكبر ..

ثانياً عرض الدرج متر ونص وايد لدرج خاص بالغرفة .. لو كان للبيت بيطلع حلو ..

المهم ما علينا هذه ملاحظات جانبية ..

نجي للمهم ..

ملاحظة على تصميمك إنه وايد مسكر .. غرفة النوم مغلقة .. البانتري مخشوش ومغلق ..

المغاسل مخشوشة .. المدخل الرئيسي مافيه أريحية ..

بعد ملاحظة مهمة .. الصالة التحتية بتكون دبل فوليوم (يعني مفتوحة للدور الثاني) .. وهذا بيسبب ازعاج بصوت التلفزيون

وصدى مزعج ..

اقتراحاتي العامة .. ولو حاب بفصلها لك وأحط لك صور لو عجبتك الأفكار ..

1. يكون في مدخل أو موزع حلو كمدخل للماستر روم ..

2. غرفة النوم حلو تكون مفتوحة ومطلة على الصالة التحتية .. وممكن لو تبي خصوصية وهدوء

في أفكار وايد .. ممكن تسوي حاجز زجاجي .. أو بارتشن ..الخ وممكن أشوف لك بدائل ..

3. امممم .. غرفة النوم وايد محشورة .. ضيق وعند الله سعة هههههه

لا وبعد تبي تسوي قعدة يازول هههههه

حلو لو خليت الحمام الماستر أكبر بوايد .. وفيه مثلا بانيو أو جاكوزي ..


وغرفة الملابس صدقني ضروووري تكبرها ..أغراضنا ترى واااايد احنا الحريم ..وحلاتها تكون معزولة عن سرير النوم ..

4. الدرج مثل ما قلت لك يبي لي تعديل لأنه بياخذ مساحة كبيرة على الفاضي ..

5. الصالة التحتية .. ممكن تسويها تحت غرفة النوم عشان صدى الصوت والإزعاج ..

ومطلة على حديقة خاصة أو مسبح خاص .. مكيفين أفضل أو عليهم سكاي لايت ممكن ينفتح وقت الجو الحلو ..

وممكن تسوي داخل الصالة جاكوزي .. ترتاح فيه وأنت تشوف التلفزيون

وممكن تخصص زاوية لأجهزة الرياضية لو حبيت .. أو ركن مساج ..:victory:

6. البانتري خله مفتوح على الصالة أحلى وأكثر عملية ومنظره بيكون حلو وإطلالته حلوة ..

7. ممكن تحتاج حمام صغير أكرمك الله بس مغسلة صغيرة ودبليو سي وشاور لو حبيت .

يعني الملاحظة العامة على التصميم إنه يبيله تفتحه على بعضه شوي وتكبر بعض الأماكن خاصة غرفة الملابس والحمام الماستر :nice:

[Aaziz]

ايه ايه حطي


الحين اقولج ان الابعاد مش صحيحه .. الدرج ادري 120 ممتاز بس احسبي طابوق
التلفزيون ماراح يكون مزعج لان غرفه النوم فوق و لها باب .. و بعدين فيه الطوفه الي فيها اللوحه فوق الكراسي هذي تمنع جزء كبير من الصوت انه يوصل
البانيو رسمته في الحمام بس مافيه مكان اكتب بانيووو هههههههه
مساحه غرفه النوم بملحقاتها قدرتها ب 10x6 وهذي المساحه كفيله انها تسوي غرفه نوم ماستر بملحقاتها . مكان النوم مش محتاج اكثر من 5X6 و الباقي لغرفه الملابس و الحمام .
البانتري نصه طالع و نصه مخشوش عشان مانفقد مساحه اكبر و ممكن نخلي الحمام الي في الدور الارضي مكان البانتري و ينتقل البانتري مقابل نزله الدرج << تحقيقا لرغبتج
نصيحه شيلي من بالج سالفه جاكوزي و مساج و الخ الخ في الصاله هذي السوالف مش لنا ولو سويناها ماراح نستخدمها الا في الول الايام و بعدها تعتبر وحده من الاخطاء ،، احنا عادي طاوله اوتي في الصاله :rolleyes2:

رسمتي الاولى الي باليد توحي ان المكان مكتض و مغلق ،، لكن في الحقيقه ترى المكان مفتوح جدا .. تدرين وين مكان الجلسه و تحديدا الكرسي الرئيسي في الصاله .. و انتي نازله من الدرج بيكون على يسارج مشاهد الطوفه الي فيها التلفزيون ،، ،،، يعني الكراسي الي رسمتها ،، الكرسي الرئيسي تكون هالكراسي على يساري و التلفزيون مشاهدني و البلكونه على يميني ،، يعني المغسله و البانتري مفتوحين للي قاعد في هالمكان .

[معماري قطري]

ذكرتوني بنموذج اشتغلت عليه لغرف فندق .. هو فيه كم نوعية من الغرف ومن ضمنها غرفة بنظام شقة صغيرة الغرفة تجي فوق ولها درج صغير ورا بانتري شاي .. وتجي الغرفة بسقف نازل ومفتوحة على الصالة اللي بسقف مزدوج ولها دريشة تطل على جهة وباب الغرفة يجي تحت مكان السرير ومقابله ممر الدخول للغرف .. بحيث تكون للغرفة إِطلالة على جهتين على البحر مثلاً وعلى المدينة .. ولو تم فتح بلكونة صالة الجلوس ودريشة الغرفة يكون فيه تيار هواء مار في كل الغرفة .. وفي مدخل الغرفة يجي الحمام وكبت الملابس.

النموذج ممكن تطبيقه حتى لبيوتنا بسهولة .. لكن الأَفضل بكثير هو تركيز غرفة النوم بخدمات بسيطة مثل ممر فيه تسريحة وجزء من غرفة الملابس وغرفة ملابس كاملة وحمام وجزء ثاني للنوم مع جلسة بسيطة جداً ممكن لشخصين وتلفزيون .. لو حبينا نضيف عليهم مساحة بسيطة كبلكونة تشبك الحمام بعدة تمرين خارجية بسيطة وبمساحة محدودة بعد يكون شيء جيد.

الجلسة الدائمة في رايي تكون في صالة ولو معزولة عن غرف النوم بحاجز زجاجي وفيها تلفزيون أَفضل لتجمع العائلة ولضمان عدم وصول الصوت للغرف.

[Aaziz]

ذكرتوني بنموذج اشتغلت عليه لغرف فندق .. هو فيه كم نوعية من الغرف ومن ضمنها غرفة بنظام شقة صغيرة الغرفة تجي فوق ولها درج صغير ورا بانتري شاي .. وتجي الغرفة بسقف نازل ومفتوحة على الصالة اللي بسقف مزدوج ولها دريشة تطل على جهة وباب الغرفة يجي تحت مكان السرير ومقابله ممر الدخول للغرف .. بحيث تكون للغرفة إِطلالة على جهتين على البحر مثلاً وعلى المدينة .. ولو تم فتح بلكونة صالة الجلوس ودريشة الغرفة يكون فيه تيار هواء مار في كل الغرفة .. وفي مدخل الغرفة يجي الحمام وكبت الملابس.

النموذج ممكن تطبيقه حتى لبيوتنا بسهولة .. لكن الأَفضل بكثير هو تركيز غرفة النوم بخدمات بسيطة مثل ممر فيه تسريحة وجزء من غرفة الملابس وغرفة ملابس كاملة وحمام وجزء ثاني للنوم مع جلسة بسيطة جداً ممكن لشخصين وتلفزيون .. لو حبينا نضيف عليهم مساحة بسيطة كبلكونة تشبك الحمام بعدة تمرين خارجية بسيطة وبمساحة محدودة بعد يكون شيء جيد.

الجلسة الدائمة في رايي تكون في صالة ولو معزولة عن غرف النوم بحاجز زجاجي وفيها تلفزيون أَفضل لتجمع العائلة ولضمان عدم وصول الصوت للغرف.

اخوي معماري ،، بعد شرحي و اعنقد انك فاهم التخطيط الي شرحته ،، هل تشوف انه تصميم زين نسويه في بيوتنا .. او ماينفع لنا بسبب غلاء البنيان و مساحات الدول الارضي عندنا تقريبا 300 فا نستغلها احسن استغلال ؟

[معماري قطري]

اخوي معماري ،، بعد شرحي و اعنقد انك فاهم التخطيط الي شرحته ،، هل تشوف انه تصميم زين نسويه في بيوتنا .. او ماينفع لنا بسبب غلاء البنيان و مساحات الدول الارضي عندنا تقريبا 300 فا نستغلها احسن استغلال ؟

يصلح وحسب الحاجه .. واحد من الإِخوان دكتور مهندس معماري مسوي بيته الدور العلوي كل الغرف دورين .. ومستغل الدور الأَرضي للغرفة كجلسة وخدمات ومكتب للدراسة وفوق للنوم .. بس المساحة مسويها مدروسة صح ومساحة الغرف صغيرة الإِرتفاع مخليها مضاعفة وقسم النوم فوق 3 متر في 3 متر كفاية لسرير كنغ سايز .. وارتفاع 5 أَمتار كافي للغرفة ككل وزيادة .. وبالنسبة لدور الميزانين ممكن عمله خفيف بخشب وحديد وفوقه سجاد مع أَندرلي عن الصوت .. والدرج 60 سم حديد ملبس سجاد بعد كافي وعملي .. الواحد يحط في باله المهم استخدام الغرفة هل هو لشخصين أَو لشخص وسن المستخدم مهم .. أَوقات الكبار صعبه يركبون الدرج وكذلك الأَطفال.

عجبني مره مبنى مقسوم قسمين كل قسم دورين وفي الوسط صالة كبيرة مغطاة بالكامل بسقف من القزاز .. يعني الصالة مثل الحوش ومزروعة شوي ومكيفة وبعض الغرف لها درايش وبلكونات تطل على الصالة .. الفكرة مقاربة بس على مستوى وايد أَكبر.

[نور الحور]

يصلح وحسب الحاجه .. واحد من الإِخوان دكتور مهندس معماري مسوي بيته الدور العلوي كل الغرف دورين .. ومستغل الدور الأَرضي للغرفة كجلسة وخدمات ومكتب للدراسة وفوق للنوم .. بس المساحة مسويها مدروسة صح ومساحة الغرف صغيرة الإِرتفاع مخليها مضاعفة وقسم النوم فوق 3 متر في 3 متر كفاية لسرير كنغ سايز .. وارتفاع 5 أَمتار كافي للغرفة ككل وزيادة .. وبالنسبة لدور الميزانين ممكن عمله خفيف بخشب وحديد وفوقه سجاد مع أَندرلي عن الصوت .. والدرج 60 سم حديد ملبس سجاد بعد كافي وعملي .. الواحد يحط في باله المهم استخدام الغرفة هل هو لشخصين أَو لشخص وسن المستخدم مهم .. أَوقات الكبار صعبه يركبون الدرج وكذلك الأَطفال.

عجبني مره مبنى مقسوم قسمين كل قسم دورين وفي الوسط صالة كبيرة مغطاة بالكامل بسقف من القزاز .. يعني الصالة مثل الحوش ومزروعة شوي ومكيفة وبعض الغرف لها درايش وبلكونات تطل على الصالة .. الفكرة مقاربة بس على مستوى وايد أَكبر.


معماري .. اي انا تقريبا ناوية اسوي نفس الفكرة الاخيرة اللي تقول عنها

احسها وااايد حلوة ..

عزيز .. بحط لك صور تقريبية وشرح عليها عشان اوصلك الفكرة ..

بس اهم شي باب غرفة الماستر سوه كبير وله فرخة هههههههه

حفظتها والله العظيم :(

[معماري قطري]

معماري .. اي انا تقريبا ناوية اسوي نفس الفكرة الاخيرة اللي تقول عنها

احسها وااايد حلوة ..

عزيز .. بحط لك صور تقريبية وشرح عليها عشان اوصلك الفكرة ..

بس اهم شي باب غرفة الماستر سوه كبير وله فرخة هههههههه

حفظتها والله العظيم :(

إِختي نور أَبواب الغرف المفروض ما تزيد على 90 سم في ارتفاع 220 سم وهي كافية لدخول كل شيء .. بالعكس الأَبواب اللي من ظرفتين تكون مزعجة ومب ثابته وتدخل الصوت .. الأَفضل بعد لو يتم تركيب أَبواب بربلات في الأَطراف حتى تسكر عدل .. مثل الموجودة عند المتحدة للتجهيزات.

[نور الحور]

إِختي نور أَبواب الغرف المفروض ما تزيد على 90 سم في ارتفاع 220 سم وهي كافية لدخول كل شيء .. بالعكس الأَبواب اللي من ظرفتين تكون مزعجة ومب ثابته وتدخل الصوت .. الأَفضل بعد لو يتم تركيب أَبواب بربلات في الأَطراف حتى تسكر عدل .. مثل الموجودة عند المتحدة للتجهيزات.


ههههههه

معماري انا بس امزح ..

في موضوع بالاستراحة عن الكلمات العامية

وعزيز سأل من يعرف معنى الفرخة ..

وانا الحمدلله جبت العيد هههههه

انزين فرصة اسأل .. عرض الباب 90 صافي ..

لكن كم يكون قبل البلاستر وقبل الفريم ؟

[معماري قطري]

انا سويته مع البلاستر والسب فريم 90 وطلع الصافي أَقل نقص في حدود 7 سم - 8 سم

بالنسبة لأَبواب المتحدة يجون مقاس معين من المصنع وأَفضل للي يبي يتفق قبل ليسوي الفتحة ويسويها على قياسهم أَفضل .. لأَن صراحة أَبوابهم ما تتفوت وانا غلطان ما سويت عندهم وخصوصاً اللي بربلات عازلة للصوت.

[ضوى]

حبيت فكرة ابواب المتحدة بس هقوتي جدا غاليه ، عموما قد افكر فيها في المستقبل ان شاء الله اثناء الصيانة التالية

حبيت افكاركم جدا بس مافكر اطبقها لاني جدا تقليدية ، لو يحصل لي بيوت مثل قبل بليوان وطابق واحد وبنفس النظام القديم بدون اي حداثة او تطوير حتى بيت الادب احبه عالنمط القديم

[ضوى]

استغرب تبون مكان خاص بغرفة النوم ومكان خاص في السرداب ومكان خاص في البنتهاوس، الاوقات الخاصة معروفة متى ووين بعد ليش هالتعقيدات الكثيرة ، عنبو كل تبون تقعدون بروحكم ، مستانسين تبون مكان خاص زعلانين تبون تنخشون ، متضايقين تبون زاوية تنفردون بنفسكم ، عيل وين المشاركة في المسرات والمضرات

[معماري قطري]

استغرب تبون مكان خاص بغرفة النوم ومكان خاص في السرداب ومكان خاص في البنتهاوس، الاوقات الخاصة معروفة متى ووين بعد ليش هالتعقيدات الكثيرة ، عنبو كل تبون تقعدون بروحكم ، مستانسين تبون مكان خاص زعلانين تبون تنخشون ، متضايقين تبون زاوية تنفردون بنفسكم ، عيل وين المشاركة في المسرات والمضرات

:nice: هذي بصمتي ما اعرف اوقع

[نور الحور]

استغرب تبون مكان خاص بغرفة النوم ومكان خاص في السرداب ومكان خاص في البنتهاوس، الاوقات الخاصة معروفة متى ووين بعد ليش هالتعقيدات الكثيرة ، عنبو كل تبون تقعدون بروحكم ، مستانسين تبون مكان خاص زعلانين تبون تنخشون ، متضايقين تبون زاوية تنفردون بنفسكم ، عيل وين المشاركة في المسرات والمضرات


ههههههههه

موتيني ضحك ضوى ..

المكان الخاص بالنسبة لي ضرورة مو ترف ..

عشان اسوي ري جارج للشغف عندي ههههه

احب الاجواء الهادية .. الرومانسية .. الحلوة والخاصة ..

احب اخذ راحتي ببيتي بدون قيود .. وكل المتع اللي مااقدر اسويها برا

ابي اوفرها واستمتع فيها ببيتي في جو خاص ..

يمكن انتي من النوع الاستاندرد ههههه

ما تحبين الاضافات والحركات ..

لكن انا غرامي هالسوالف والحركات والاجواء ..

تأثر على مودي مباشرة ..

ومهمة عندي وبشغفففف ههههه

[نور الحور]

انا سويته مع البلاستر والسب فريم 90 وطلع الصافي أَقل نقص في حدود 7 سم - 8 سم

بالنسبة لأَبواب المتحدة يجون مقاس معين من المصنع وأَفضل للي يبي يتفق قبل ليسوي الفتحة ويسويها على قياسهم أَفضل .. لأَن صراحة أَبوابهم ما تتفوت وانا غلطان ما سويت عندهم وخصوصاً اللي بربلات عازلة للصوت.


مشكور معماري .. خلاص سجلت اسم المتحدة عندي وباعتمدهم

ان شاء الله :nice:

[إعلامي قطر]

انا سويته مع البلاستر والسب فريم 90 وطلع الصافي أَقل نقص في حدود 7 سم - 8 سم

بالنسبة لأَبواب المتحدة يجون مقاس معين من المصنع وأَفضل للي يبي يتفق قبل ليسوي الفتحة ويسويها على قياسهم أَفضل .. لأَن صراحة أَبوابهم ما تتفوت وانا غلطان ما سويت عندهم وخصوصاً اللي بربلات عازلة للصوت.

محل سالي عندك خلفيه عنه الشيخ؟
وهل فيه مناجر ثانيه تنصحون فيها؟

بالنسبه للأفكار أتفق معاك عزيز بموضوع المواقف
وهالشي شاغل بالي من قبل خاصة إني أحب
السيفتي كثير وأحاتي اليهال وسالفة إن
السيايير تكون بالحوش وتعال دق سلف
وريوس وحرك أمر مرفوض بالنسبه لي
وأعتقد إن فكرتك أفضل حل لحد الحين
بالنسبه لي !

المشكله حتى الشوارع بمنطقتي ضيقه
أستغرب البيوت إللي مشاهده بعضها
أحسها قريبه والشارع راح يكون ضيق
مادري الرصيف كم راح يكون حجمه
قدام البيت وهل نقدر نسوي مواقف
خارجيه ولا لا !

..

[إعلامي قطر]

..

في بالي فكره محتاجكم تبلورونها لي !

بيتي بينه وبين طوفة جاري مترين وسبعين سانتي
وطول حوالي عشرين متر وهالمنطقه كنت حاب
أزرعها بشغلات مختلفه لكن الشمس تجيها
من الساعه 12 ظهراً لي 3 العصر تقريباً
وجبت صديق خبير بسوالف الزراعه
وقال لي الموقع ماينفع لقلة تعرضه
لأشعة الشمس، وحالياً أفكر أسوي
قفص طولي لحبي لطيور الزينه..

ممكن أفكار من خارج الصندوق؟!

..

[معماري قطري]

محل سالي عندك خلفيه عنه الشيخ؟
وهل فيه مناجر ثانيه تنصحون فيها؟

بالنسبه للأفكار أتفق معاك عزيز بموضوع المواقف
وهالشي شاغل بالي من قبل خاصة إني أحب
السيفتي كثير وأحاتي اليهال وسالفة إن
السيايير تكون بالحوش وتعال دق سلف
وريوس وحرك أمر مرفوض بالنسبه لي
وأعتقد إن فكرتك أفضل حل لحد الحين
بالنسبه لي !

المشكله حتى الشوارع بمنطقتي ضيقه
أستغرب البيوت إللي مشاهده بعضها
أحسها قريبه والشارع راح يكون ضيق
مادري الرصيف كم راح يكون حجمه
قدام البيت وهل نقدر نسوي مواقف
خارجيه ولا لا !

..

كثير الحين فيه ورش مختصة بتصنيع أَبواب تصنيع جيد .. انا ذكرت المتحدة من خلال تجربة معاهم ومن خلال رؤيتي لشغلهم وغلطت اني ما سويت بيبان بيتي عندهم .. الزين ما يتأَخرون وشغلهم ستاندرد واحد.

[Aaziz]

..

في بالي فكره محتاجكم تبلورونها لي !

بيتي بينه وبين طوفة جاري مترين وسبعين سانتي
وطول حوالي عشرين متر وهالمنطقه كنت حاب
أزرعها بشغلات مختلفه لكن الشمس تجيها
من الساعه 12 ظهراً لي 3 العصر تقريباً
وجبت صديق خبير بسوالف الزراعه
وقال لي الموقع ماينفع لقلة تعرضه
لأشعة الشمس، وحالياً أفكر أسوي
قفص طولي لحبي لطيور الزينه..

ممكن أفكار من خارج الصندوق؟!

..

هلا اخوي الاعلامي ،، يعني انت تبي افكار لقفص طيور في مساحه متريم طول و عرض فيه لين 20
ولا تقصد فكره غير القفص