رمضان على الابواب (بخصوص العمال )

[مضارب دوسري]

السلام عليكم
كما تعرفون رمضان على الابواب وبعض الشركات فيهم جشع واستغلال للعمال ويشغلونهم الصباح (مسلمين وغير مسلمين)
وهم مجبرين على الموافقه على هذه الاوامر (في بعض الشركات)
ف اتمنى منكم يا اخوان ان كل واحد يشتغل ف بيته يلزم الشركه اللي تشتغل عنده انهم يشتغلون مساءا

وتذكروا

(الراحمون يرحمهم الله)

انا عن نفسي
من يوم بدات الحراره ترتفع فوق ال 45 وانا مانع الشغل ف بيتي فالنهار
اما يشتغلون من 3 الفجر الى 10 الضحى
وبعضهم يشتغلون من 4 العصر الى 12 فليل

واضطريت بسبب جشع المقاولين اني اوفر للعمال جنريتر واضاءات

بعضهم للاسف بكل وقاحه يجيب العمال قدامك ويقولهم تبون تشتغلون صباح او ليل
ف يجاوبون العمال نبي الصباح وتحس كانه يغصبهم على هالشي


واتمنى وقفه ايضا من وزارة العمل

[Qt.1]

الله يجزاك خير , انا الاسبوع الجاي ببدى اركب ارضيات البيت فقلت للمقاول حاول تبدى اللحين قبل رمضان , صعب الشغل في رمضان واكثر العمال صايمين .

[الفني]

الله يوفقكم في اعمالكم وان شاء الله هذا عمل في ميزان حسناتكم

بس لوحبيت تقدر تجبر المقاول على هالشي وتقوله انا رافض ان يشتغلوا في التوقيت الي هو يحب عطهم جدول توقيتك واجبرهم لان الله سبحانه وتعالى يقول ارحم من في الارض يرحمك من في السماء ....... لان هو خايف من مصاريف زيادة كالجنريتور والكشافات وغيره

[هندسة]

جزاك الله خيرا ....بالفعل فى هذه الحرارة العالية فى الصيام كان الله فى عونهم

[معماري قطري]

الله يجزيك خير

ذكرت هالملاحظة قبل .. الليل يطوي المسافات والشغل في الليل متعة خصوصاً لو فيه إِنارة .. في مدن أَمريكا ممنوع الشغل في الطرق في النهار الا وقت الضرورة القصوى وكل شغلهم ليلي.