مخطط بيتي اتمنى منكم ذكر الملاحظات والسلبيات

[الحمر]

السلام عليكم ورحمة الله وبركاته
اعرض بين ايدكم مخطط بيتي اتمنى منكم ذكر الملاحظات والسلبيات


بغيت رايكم في المخطط تمت الموافقه عليه وسأبدأ الحفر قريب بأذن الله

أرحب في ملاحظاتكم ووشوركم .

* الأرض مستطيلة فلحد يستغرب
باب المطبخ بيكون من الدرج الخلفي للبيت و سيتم التغيير وقت البناء

88932889338893488935

[معماري قطري]

صعب الواحد يلاحظ كل شيء .. اليوم شفت بعض الملاحظات الثانية .. مثل:

وهذي على مخطط الدور الأَرضي .. الممر 1.4 سم والدرج 1.5 وممكن تصغر الدرج ل 1.4 أَو حتى 1.3 لو حبيت وتستفيد في باقي المساحة أَما لتوسيع بيت المصعد أَو غرفة الطعام.

المطبخ فيه مكيف وندو ومكيف سبلت.

مدخل البيت جاي في الوسط ماخذ الحائط ولو جاي قريب الزاوية وظرفة وحدة بيكون أَحسن وممكن تسويه زجاج لو حبيت للنور.

[Bozizoo]

حمام واحد في الدور الارضي يخدم البيت كله.
باب المطبخ مع غرفه الخدامه و الكوي خل الابواب لبرا البيت لورى البيت .
مغاسل في الدور الاول مالهم داعي .
فكره الملحق داخل البيت حلوه بس الابواب سوهم برا ..
انا مسوي كذا في تصميم بيتي الجديد. واتوقع البيوت الجديده بتكون كذا وخاصه المساحات الصغيره للاراضي.

[الحمر]

جزاك الله خير معماري قطر

الي في المطبخ بس الكهرباء حق المكيفين موجوده من ناحية اذا غيرت رئي من وندو الي سبلت يكون موجود
اما سالفة الباب بخليه علي الزواوية نفس ماقلت

ويعطيك الف عافية

[الحمر]

حمام واحد في الدور الارضي يخدم البيت كله.
باب المطبخ مع غرفه الخدامه و الكوي خل الابواب لبرا البيت لورى البيت .
مغاسل في الدور الاول مالهم داعي .
فكره الملحق داخل البيت حلوه بس الابواب سوهم برا ..
انا مسوي كذا في تصميم بيتي الجديد. واتوقع البيوت الجديده بتكون كذا وخاصه المساحات الصغيره للاراضي.

يمكن ماركزت تري في حمام للخدامة داخل غرفتها
وباب المطبخ بس بخلية من برا وقت البناء لان البلدية ارفضو المخطط لما كان الباب خارجي
المغاسل ضرورية اذا حد يبي يغسل ايدية وين يروح

[إعلامي قطر]

..

إذا الأرض تسمح زيد مترين يمين ومترين يسار
ووسع بيتك من داخل لأنه عرضياً ضيق جداً..

أو على الأقل متر يمين ومتر يسار..

لو تروينا مخطط الأرض وموقع البيت عليها
يكون أفضل لأني أنصحك يكون بيتك ماخذ
زاويه وجنب يمين أو يسار عشان الجانب
الثاني تقدر تسوي فيه زراعه أو تستغله
مستقبلاً ببناء ملاحق لعيالك أو أو إلخ..

..

[الحمر]

الارض كلش ماتسمح مستغل المساحه كلها

[إعلامي قطر]

..

ممكن أعرف كم الارتداد يمين ويسار؟

لأنك ممكن ماتتقيد بالارقام بالضبط عقب
الرخصه وهالشي بيعطيك حلول إضافيه..

أو ممكن تلغي الممر الوسطي وبهالشكل
راح تزيد عندك المساحات الداخليه..

..

[معماري قطري]

يمكن ماركزت تري في حمام للخدامة داخل غرفتها
وباب المطبخ بس بخلية من برا وقت البناء لان البلدية ارفضو المخطط لما كان الباب خارجي
المغاسل ضرورية اذا حد يبي يغسل ايدية وين يروح

انا قلت لك تحط باب فاصل في الممر ورا بيت الدرج ويفصل غرفة الخدامة وغسيل الملابس والمطبخ وحتى لو قزاز حق تقدر تسوي كنترول على البيت وحق تفصل هذا الجزء كملحق شبه مفصول .. وفي نفس الوقت صاحبة البيت تقدر تدخل المطبخ بسهولة.

الشيء الإِضافي اللي ممكن تفكر فيه تعديل المدخل ليكون من بابين باب على المجلس وتفصل المجلس كامل وباب على الصالة .. بس هذا يعتمد على اسلوب معيشتك .. البعض يخلي كل شيء مفتوح ولو فيه حد في المجلس يكون الدخول من الباب الخلفي .. ولو محد شاغل المجلس تبقى الجلسة العائلية مفتوحة وكبيرة تحت.

[الحمر]

..

ممكن أعرف كم الارتداد يمين ويسار؟

لأنك ممكن ماتتقيد بالارقام بالضبط عقب
الرخصه وهالشي بيعطيك حلول إضافيه..

أو ممكن تلغي الممر الوسطي وبهالشكل
راح تزيد عندك المساحات الداخليه..

..

شكرا علي الرد

1.5 يمين 1.5 يسار

اشلون الغي الممر الوسطي ؟؟؟؟

[الحمر]

اي الباب موجود في الحسبان
وباب المجلس مايحتاي لان عندي مجلس خارجي ؟ بس المشكله اذا كان في حريم في البيت ماقدر أدخل البيت ومابي احط طوفة وأصغر الصاله .

[Bozizoo]

الدور الاول يعني الدور الي فيه غرف النوم
والسموحه اشوف الصوره من الجوال و النظر رااااايح فيها و النظاره مومتوعد عليها وضيعتها

[الحمر]

اي صادق انا مخطط اخليه بنتري صغير بي في الخريطة مغسله عشان البلدية يوفقون علي المخطط

[معماري قطري]

شكرا علي الرد

1.5 يمين 1.5 يسار

اشلون الغي الممر الوسطي ؟؟؟؟

كفاية في رايي وبيتك مرتب ترتيب زين مع الملاحظات البسيطة اللي ذكرتها لك .. لو تحط خارطة توزيع الأَرض والمجلس الخارجي وين بعد أَفضل .. بما إِن عندك بيسمنت في الجزء الفوقي من الخارطة تقدر تخلي الأَرض بس حوله متدرجة في النزول .. قصدي الحوش وترتب حديقة خارجية نازلة بمستوى البيسمنت وممكن تجط فيها جدول ماء وشلال أَو نافورة أَو حوض سباحة صغير حسب ما تحب .. وتفتح بلكونة في البيسمنت وباب كامل يطل عليها منها يدخل نور للبيسمنت ومنها يكون مدخل ومخرج ثانوي .. وطبعاً ضروري يكون تصريف مياه السطح والحوش مدروس ولجهات غير الحوش النازل.

[معماري قطري]

الدور الاول يعني الدور الي فيه غرف النوم
والسموحه اشوف الصوره من الجوال و النظر رااااايح فيها و النظاره مومتوعد عليها وضيعتها

بو زيزو يبي لك ليزك .. علمني بس وين طريقك اليومي حتى أَغير طريقي

[معماري قطري]

اي الباب موجود في الحسبان
وباب المجلس مايحتاي لان عندي مجلس خارجي ؟ بس المشكله اذا كان في حريم في البيت ماقدر أدخل البيت ومابي احط طوفة وأصغر الصاله .

ما عندك مشكلة .. عندك المدخل اللي جهة المطبخ.

[Bozizoo]

ههههههه
الكبر شين يامعماري قطري
الصبح طريق امسعيد
و المغرب الوكره شارع سلوى طريق الكنيسه
ماعدا الويكند الله يعينك
ماتدري من وين اظهر لك

[Bozizoo]

الله يرحم والديك نعم انا شفت الي في غرفه الخدامه..
بس حمام وااحد بيخدم المجلس و الصاله و المطبخ و غرفة النوم واايد .
انا افضل تزيد مترين في المجلس و تخلي حمامين
ملاصقين واحد يكون داخل غرفه النوم والثاني يكون لصاله .و الدور الاول تزيد الغرفه مترين ..
ترى انا مازلت اشوف من الجوال و اكتب

[معماري قطري]

ههههههه
الكبر شين يامعماري قطري
الصبح طريق امسعيد
و المغرب الوكره شارع سلوى طريق الكنيسه
ماعدا الويكند الله يعينك
ماتدري من وين اظهر لك

الله يستر بروحي سواقتي لك عليها والنظر في الليل تعبان .. في النهار الحمد لله 6 على 6 مع شوية بعد نظر .. سويت الليزك في 2001 أظن الليزر العادية ذاك الوقت ومستانس اني سويتها .. لا زين ثرى حظي زين انت في صوب وانا في صوب .. انا أَكثر طريقي على الوعب للدوحة وصوب العزيزية وداخل فريج الغانم وشوي صوب السيلية حسب ظروف الشغل.

[الحمر]

تري البيسمنت بالنصف الخلفي وليس الأماي لذلك ليصلح عمل حوش ساقط !!!

[الحمر]

الله يرحم والديك نعم انا شفت الي في غرفه الخدامه..
بس حمام وااحد بيخدم المجلس و الصاله و المطبخ و غرفة النوم واايد .
انا افضل تزيد مترين في المجلس و تخلي حمامين
ملاصقين واحد يكون داخل غرفه النوم والثاني يكون لصاله .و الدور الاول تزيد الغرفه مترين ..
ترى انا مازلت اشوف من الجوال و اكتب

صعبة شوي لان عندي محلس خارجي في الحوش . وان شاء الله بي حمام واحد يكفي

[معماري قطري]

كنت اشوف الرسومات القديمة وشفت مخطط بيت الأَخ بو جمال وهو قريب وايد من بيتك مع بعض التغييرات الداخلية اللي اشوف بو جمال متوفق فيها وايد الله يوفقه ويخلص بيته قبل شهر 11 ويفوز في التحدي القائم بيننا للحين.