جدول لسـفـرة آمريكــا .. أفيدونــي يامسافرين آمريـكا ..

[شموخ-qtr]

السلام عليكم ورحمة الله وبركاته ..

اخواني اخواتي ..

انا حابه اسافر امريكا مع زوجي ويمكن العيال ويمكن لا ..
حابه تعطوني من خبراتكم وجدول انا بنزل نيويورك ومن نيويورك وين اروح ..؟ علماً مدة الرحله من 15 الى 20 يوم
طبعآ بنستأجر سياره بس شلون وين وافضل شركه ....؟
وافضل طيران اروح فيه لامريكا ..؟؟ غير القطريه النااااار :eek5:

الله يجزاكم خير جميعاً ..

[captin]

http://www.qatarshares.com/vb/showthread.php?586250



في الرابط اعلاه الاخوان ما قصروا بخصوص الافادة عن افضل الاماكن في امريكا
امريكا مثل مانعرف قارة كبيرة واغلبنا يعرف الولايات المشهورة
مثل نيويورك وكاليفورنيا وفلوريدا ومدن لاس فيغاس وواشنطن وشيكاغو .

طبعا الاشهر سياحيا مثل نذكر في الرابط .

بالنسبة للطيران من المعروف ان القطرية اليوم تطير في امريكا الى
نيويورك - واشنطن - هيوستن - شيكاغو - فلادلفيا - ميامي وقريبا الى دالاس في تكساس

الخيارات الاخرى المتاحة للطيران وراح تكون ارخص من القطرية

الاتحاد من ابوظبي او الامارات من دبي
بس ما توقع يكونون ارخص بكثير من القطرية

الخطوط البريطانية عن طريق لندن
الخطوط الالمانية لوفتهانزا عن طريق فرانكفورت
كي ال ام الهولندية عن طريق امستردام
ايضا ممكن القطرية الى لندن ومنها على الطيران الامريكي امريكان ايرلاينز

هناك طيران رخيص مثل الطيران المصري او الاردنية مع التوقف في القاهرة او عمان

بالنسبة لاستجار السيارة في كل مطارات امريكا توجد جميع شركات التاجير المشهورة
مثل ثريفتي وناشيونال ودولار وايفس

يقدر الواحد يختار السيارة اللي يبيها ويحدد المطار اللي بيرجع السيارة من خلاله لو هو بيروح مدينة ثانية وبيرجع السيارة من هناك
واغلب الشركات توفر الجي بي اس مع السيارة وبعضهم ايضا يوفر خدمة واي فاي ضمن جهاز الجي بي اس
انا كانت لي تجربة في ميامي شهر فبراير الماضي كان الجهاز معاه واي فاي تقدر تشغل عليه الايفون والايباد ويكون النت شغال
على طول اثناء القيادة

واخيرا في الصيف معظم ولايات الوسط والجنوب والغرب الجنوبي حارة اذكر في الصيف في هيوستن نفس جو الخليج
اللهم احيانا ينزل مطر وغزير يلطف الجو نفس الشي ميامي واورلاندو وايضا جنوب كاليفورنيا صوب ساندييغو جوهم حار
نوعا وشبه استوائي خصوصا فلوريدا وتكساس

هناك ولايات في الشمال على حدود كندا مثل الينوي يكون جوها احلى .

بالتوفيق ان شاء الله

[عازف الاورج]

صراحه نيويورك خيار حلو كبدايه.

انصحك تروح بدون اليهال لانه بيكون تعب عليهم وخصوصا المشي لانه بتمشون لما تقولون بس

انصحك تجلس في نيويورك على الاقل ست ايام او اسبوع بعد حلو و ونيويورك يبي لها ميزانيه شوي لانه معروفه انها غاليه

الولايات الي انصحك تزورهم

فلوريدا يومين في ميامي على البحر عقب تروح اورلاندو وتجلس فيها من ثلاث الى اربع ايام وتمر على دزني لاند
نفادا بالكثير ثلاث ايام في لاس فيقاس حلوه حق تغير جو وشوبنق
عقب كاليفورينا كاليفورنيا فيها كل شي وجوها قريب من جو قطر ههههه وفيها اشياء وايد وايد

حاول تقرا عنهم وراجع منتدى المسافرين العرب فيه معلومات كافيه عن هذي الاماكن

واذا عندك استفسار ولا شي راسلني على الخاص وبحاول افيدك بالي اعرفه ان شاء الله

بالتوفيق

[النــادر]

وعليكم السلام

اختي عندك هذا الموقع ممكن تحجزين منه التذاكر ويتوفر فيه كذا شركة

http://www.edreams.ae

انا كنت في ولايه مساشوستس - بوسطن هذه السنه والحقيقه لي كذا زملاء سافرو لـ نيوور وماعجبتهم بكثره ابراج وغالية نوعا ما بخصوص مساشوستس ولاية لا بآس فيها لكن مناسبه للدراسة اكثر من سياحه وفيها ارشادات سياحيه عند الشركات الموجوده ببوسطن آتمنى اني اقدمت معلومه تفيدك .

[قطريه ماركه]

توني راجعه من امريكا رحت كاليفورنيا
نزلنا مطار لوس انجلوس

الاماراتية البزنس عندهم شي راقي و مريح جدا جدا
ان شاء الله انزل الموضوع قريب

[معماري قطري]

نيويورك ممتعة بس عيبها الزحمة والغلاء

وشخصين ما عندكم مشكلة السيفيك الجديدة شيءءء منيتي أَسوقها .. بتكفيكم وبتزيد ولو حبيتوا أَكيد باعطيكم رقم واحد من الإِخوان السعوديين يشتغل في أَيفيس وبيعطكم بسعر فوق الجيد .. 20 يوم ما تقدرون تشبعون من فلوريدا بس .. ولو حبيتوا نيويورك خلكم على ذيك الجهة أَفضل لكم يعني نيويورك والتايمز سكوير وما تحتاجون سيارة هناك وبعدها ممكن بطيارة لنياغرا فولز .

[ebo90]

اذا العيال بيكونون معاكم ولهم نصيب من الرحله , فاتوقع اولاندو او لوس انجلوس بيكون الانسب

اتوقع احسن طيران لامريكا غير القطريه , الاماراتيه ..

الوسست :

نيويورك
لوس انجلوس
سان فرانسسكو
فيقاس

الساوث وحوالينها :

نيويورك
اولاندو
ميامي
شيكاقو


انا افضل الجدول الاول كسايح لاول مره والتنقل بيكون بينهم بسيط خصوصا بالطياره

طبعا فلوردا راح تكون حاره وايد خصوصا بالصيف والنشاطات الماييه اكثر فيها



لوس انجلوس أو اولاندو : يبيلهم ظ¦-ظ§ ايام اذا حاب تشوف المدينه بشكل ممتاز
لاس فيقاس : ظ£ بالكثير
نيويورك : شخصيا اشوف ظ¤ ايام وايد عليها
شيكاقو : تقريبا نفس نيويورك ظ¤ كفايه جدا
ميامي : ظ¤ ايام ممتازه
سان فرانسسكو : ظ¤ اللى ظ¥ ايام بيكون شي جيد


تاجير السيارات كل الشركات نفس الشي والارخص انه يكون عندك حجز قبل لا توصل المطار .. وتقدر تدفع وقت الاستلام مب شرط قبل
الطيارات الداخليه تقريبا النظام نفسه لكل الشركات شخصيا ماعندي مشكله مع اي شركه وكلهم يمشون معاي

[معماري قطري]

نصيحة لأَي حد بيروح أُورلاندو يروح بعد 10 / 8 لأَن المدارس تفتح تقريباً هالوقت وتفضى مدن الأَلعاب .. مب متأَكد يمكن 15 أَو 20 بس أَقلها اللي بيروح يضمن بيصادف الأَيام اللي فيها ضغط خفيف.

[شموخ-qtr]

الله يعطيكم العافيه اخواني ,,,

احنا خلاص قررنا على شهر 9 بأذن الله .. بس للحين ماقررنا بعد نيويورك وين نروح هههه بنرتبها ان شاءالله

اخوي معماري الله يخليك ابي رقم السعودي لي تأجر منه ..

[الحجر العربي]

برد بلادهم برداه

[حمد بن خالد]

بخصوص حجز الطيران

أنا كنت ابي احجز عالبزنس وعددنا 2 بالغين و2 أطفال

دوحه ــ نيويورك

التذاكر من 80 ألف إلى 121 ألف

كنت بكنسل السفرة بصراحة إلى أن نصحني واحد من الربع بموقع أكسبيديا http://www.expedia.com/

وحجزت بالتاريخ والوقت اللي انا ابيه بـ 43 ألف ريال

والترانزيت في الذهاب باريس والعودة لندن وغيرت التذكرة عشان ايلس في باريس كم يوم ولندن كذلك ودفعت تقريباً 1000 دولار وشوي


أشوف ان اللي يبي يروح أمريكا يحجز عن طريق اكسبيديا لأنه لقيت عندهم افضل الاسعار


وبالنسبة للجدول اللي تبونه بعد نيويورك

أنصح بلوس أنجلوس إذا كانت السفرة بدون اطفال

وانصح بفلوريدا ( اورلاندو ) إذا كنتوا مع اطفال

ومانصح بالتنقل من منطقة لي منطقة لأن أيام رحلتكم قليلة لسفرة امريكا

ونيويورك مانصح فيها اكثر من 3 ليال

واجار السيارة عندكم موقع http://www.rentalcars.com/

موقع سهل واسعار ممتازة وانا جربتهم من قبل

وسفرة موفقة بإذن الله

[معماري قطري]

الله يعطيكم العافيه اخواني ,,,

احنا خلاص قررنا على شهر 9 بأذن الله .. بس للحين ماقررنا بعد نيويورك وين نروح هههه بنرتبها ان شاءالله

اخوي معماري الله يخليك ابي رقم السعودي لي تأجر منه ..

بيوصل خاص وسامحيني على التأَخير