ارتفاع ب 66 نقطه والمؤشر عند 12978 بسيولة 610مليون توقعاتكم!

[مضارب دوسري]

السلام عليكم ورحمة الله وبركاته
مساء الخير

ارتفع المؤشر اليوم ب 66 نقطه في ختام تداولاته الاسبوعيه
ووقف المؤشر عند 12978 بسيولة 610 مليون ريال

ماهي توقعاتكم ليوم الاحد ؟
1-ارتفاع طفيف
2-ارتفاع قوي
3-ثبات
4-انخفاض طفيف
5-انخفاض قوي


وشكرا

[بوجبر]

تراجع للسيولة مع ارتفاااااع لبعض الاسهم المؤثرة ع المؤشر

مبروك لمن حالفة الحظ وربح

[thelord007]

مبروووك ارتفاع اليوم
وان شاء الكريم رتفاع 200 نقطة الاحد

[atiq]

ما شاء الله عليك يامضارب

افتتاح الجلسة الصباحية وافتتاح موضوع توقعات . الله يحفظك نشاط كبير


السوق اليوم لاجديد عن اخر يومين ممل والاكشن في الخمس الدقايق الاخيرة

دخول سيولة في اخر خمس دقايق حول 69 مليون

توقعاتي ليوم الاحد اذا الاخبار السياسية هادئة خصوصا في العراق (ان شاء الله يسحلون المالكي) فااتوقع السوق الى الاخضر وزيادة السيولة الى 800 مليون

الايجابية اليوم كانت من المحافظ القطرية بحيث كانت في جانب الشراء ولو على استحياء ( على الاقل مب بيع)

المحافظ الاجنبية والافراد القطريين في جانب الشراء

اتوقع ان الاسعار الحالية اصبحت مناسبة للجميع للعودة للشراء

ان شاء الله اسبوع قادم اخضر

[مضارب دوسري]

ما شاء الله عليك يامضارب

افتتاح الجلسة الصباحية وافتتاح موضوع توقعات . الله يحفظك نشاط كبير


السوق اليوم لاجديد عن اخر يومين ممل والاكشن في الخمس الدقايق الاخيرة

دخول سيولة في اخر خمس دقايق حول 69 مليون

توقعاتي ليوم الاحد اذا الاخبار السياسية هادئة خصوصا في العراق (ان شاء الله يسحلون المالكي) فااتوقع السوق الى الاخضر وزيادة السيولة الى 800 مليون

الايجابية اليوم كانت من المحافظ القطرية بحيث كانت في جانب الشراء ولو على استحياء ( على الاقل مب بيع)

المحافظ الاجنبية والافراد القطريين في جانب الشراء

اتوقع ان الاسعار الحالية اصبحت مناسبة للجميع للعودة للشراء

ان شاء الله اسبوع قادم اخضر

الله يعافيك
انا انتظر موضوع التوقعات يفتحه اخونا السد العالمي يوميا
وانتظره لين 1 و 50 دقيقه اذا ماشفته من ضمن المتواجدين اقوم وافتح الموضوع
وتضايقت اليوم لما فتحت الموضوع وبعد الافتتاح لقيته من ضمن المتواجدين
صحيح كلنا نشيل بعض
بس اللي ضايقني شي واحد اللي هو حكمة اليوم اللي يضعها بعد الافتتاح مباشره
ف اتمنى مايحرمنا اليوم من الحكم
وانت ماشاء الله عليك
شعلة نشاط
اتوقع عقب فتره بيكون لك ثقلك في قسم الاسهم القطريه يالشيخ

[الإمارات]

بسم الله الرحمن الرحيم

السلام عليكم ورحمة الله وبركاته

يعطيك العافية اخوي مضارب الدوسري ..

أنا عن نفسي الحمدالله راضي عن تتداول اليوم ..

و من هالخميس نسبياً بيقل تركيزي بسبب مشاهدة و متابعة كأس العالم .. نروق شوي ..

و بعد أسبوعين رمضان .. يعني بعد يقل متابعتي ..

و أتوقع الأسعار حالية ما تكون متوفرة بعد العيد .. هذا و الله أعلم ..

[atiq]

هلا يامضارب أبوك الشيخ وانت اولده

وماعليك زود يالحبيب

بشر اشلون كانت المضاربة اليوم عسى صدت لك سهم

لاتقول للحين مكيش مالك عذر الحين . أنلايزر أعطانا الضوء الاخضر

[atiq]

يالربع بسالكم وين أخونا اضرب واشرد

صار له فتره مختفي عسى ماشر

حد يطمنا عليه

[الوسيط العقاري]

من خلال متابعتي لتداولات الاسبوع

واضح ان الاسبوع القادم هو أسبوع قطاع التأمين


بالتوفيق للجميع

[مضارب دوسري]

هلا يامضارب أبوك الشيخ وانت اولده

وماعليك زود يالحبيب

بشر اشلون كانت المضاربة اليوم عسى صدت لك سهم

لاتقول للحين مكيش مالك عذر الحين . أنلايزر أعطانا الضوء الاخضر
50%تكافلي ب 43.2
و50%ازدان ب 21

[عضو مشاكس]

ارتفاع مالة طعم قبل الاغلاق بس

[فاهد العذبة]

اعترافات خطيرة تفضح حملة التشويه ضد قطر 2022

• أدلى بها الأمين العام السابق للفيفا كاشفا أسرار خطة "صنداي تايمز"

•روفينن: تعرضت للتضليل واستخدموني لفبركة معلومات للنيل من قطر

مسؤول أوروبي متواطئ مع الصحيفة البريطانية خدعني بمعلومات ملفقة
كشف السويسري ميشال زن روفينن الأمين العام السابق للاتحاد الدولي لكرة القدم عن أسرار تضليل صحيفة "صنداي تايمز" البريطانية للرأي العام العالمي عبر سلسلة من الأكاذيب لتشويه ملف استضافة قطر لمونديال 2022.

وأكد روفينن في مقابلة مع موقع "انسايدفوتبول" العالمي أن كل المعلومات التي صدرت عن التصويت لصالح استضافة قطر لمونديال 2022 محض فبركة وتلفيق ولا تخرج عن كونها شائعات للنيل من الملف القطري.

واعترف روفينن بتعرضه للخديعة والتضليل والنصب من جانب عدد من صحفيي "صنداي تايمز" والذين انتحلوا صفة رجال أعمال خلال اجتماع في جنيف قبل عامين، وطلبوا منه استشارات لتشويه سمعة المنافسين لإحدى الدول المنافسة على استضافة المونديال، حيث وقعوا معه اتفاق استشارات بعد تقديم بطاقات تفويض لا تكشف عن حقيقة عملهم.

للتفاصيل..
http://goo.gl/xNDXNU

[AHMED27]

يالربع بسالكم وين أخونا اضرب واشرد

صار له فتره مختفي عسى ماشر

حد يطمنا عليه

الله يذكرك بالشهاده اخوي عتيق
وانت الصاج الاخ اضرب واشر صار يومين ماله حس
الله يرده سالم ان شاء الله

[معماري قطري]

بيبدأَ الإِقلاع إِن شاء الله صوب ال 14000 نقطة وبنوصلها في الشهر الكريم بإِذن الله

الأَحد بين الاختيار رقم 1 ورقم 2 ارتفاع ضعيف أَو قوي

[صفقه]

اتوقع والله اعلم جني ارباح في الكثير من شركات المؤشر في الفتره القادمه يقابله ارتفاع في الشركات القياديه المؤثره على المؤشر مما يجعله في وضع استقرار مع ميل للنزول .

[بوجبر]

بعد خسارة العمولة مافية امل اشتري في الوقت الحالي:secret:


يمكن وقت التوزيعااااااااااااااااااااات وهني لشركة الوساطة عمولة الشراء والبيع:telephone:

[عضو مشاكس]

بعد خسارة العمولة مافية امل اشتري في الوقت الحالي:secret:


يمكن وقت التوزيعااااااااااااااااااااات وهني لشركة الوساطة عمولة الشراء والبيع:telephone:
اكيد الكاش ملك

[بوجبر]

اكيد الكاش ملك

انت مفكر السوق مكسب ولا يوجدبة خسارة:tease:

[سهم عتيج]

المؤشر العام للسوق مرتفع منذ بداية العام وحتى تاريخ 12/6 حوالي 25%.. ومنذ نهاية الربع الأول حتى تاريخه حوالي 11.5%

نعتقد أن السوق لازال في ترند صاعد يتخلله بعض الهبوط مالم يستجد جديد من شأنه أن يغير المسار العام للسوق..

والله أعلم

[دربوه]

بوجبر ماعرفنا كاش ولا عندك ازدان وتكافلي

[شذى الورد]

مساء الخير ع الجميع
( هذا من فضل ربي )
شوفو موضوع المحلل الكبير بوحمد ( بزوغ شمس المؤشر )
نفس الكلام اللي قلته لكم بدايه هذا الأسبوع
يعني كلامي طلع صح :nice:
والحين مثل ما عطيتكم الارتداد
راح أعطيكم الأهداف وكلها ارقام فيبو يعني مش من مخباي ههههه
فيبوناتشي يقول اذا التصحيح وصل الى ال نسبه 78.6% فإن الأهداف راح تكون :
100% الى 121%
بعد اشوي برجع أحط لكم بالأرقام :victory:

[atiq]

تحليل بوحمد حط الشرط الرجوع فوق 13222 ومنها الى 13420


الارتداج كان من دعم قوي 12954

ان شاء الله الاسبوع الجاي نخرج من نفق السحابة المظلمة باختراق 13420


الله الموفق

[مضارب دوسري]

تحليل بوحمد حط الشرط الرجوع فوق 13222 ومنها الى 13420


الارتداج كان من دعم قوي 12954

ان شاء الله الاسبوع الجاي نخرج من نفق السحابة المظلمة باختراق 13420


الله الموفق

جزاك الله خير على تبسيط التحليل للناس

[شذى الورد]

مثل ما وعدتكم
الأهداف :
راح تكون بين 100% و 121.4 %
يعني بالأرقام :
بين 14108 و 14380 :nice:
اللي كتبتها أهداف يعني بالعربي مناطق جني أرباح :)
نقول إن شاء الله .
مجرد وجهه نظر تحتمل الخطأ والصواب
وااله تعالى أعلى وأعلم .

[atiq]

شذى الورد

شوفي الأرقام مرة ثانية

13000 والا 14000

[atiq]

جزاك الله خير على تبسيط التحليل للناس

واياك اخوي مضارب

[شذى الورد]

شذى الورد

شوفي الأرقام مرة ثانية

13000 والا 14000



قويه صح :)
14000
وفي مقاومه قويه عند 13622

[الإمارات]

كل شكر للمحليين و شذى الورد على المجهود الكبير ..

.................................................. .

ذكي ،، فنان ،، خطير ،، فاهم ،، قنوع ،، داهية : اللي اشتر على أسعار يوم الخميس ..

أسعار جلسة الخميس راح تختلف بإذن الله كثيرا خلال أسبوعين القادمين ..

و بالتوفيق للجميع يارب ..

[دربوه]

مثل ما وعدتكم
الأهداف :
راح تكون بين 100% و 121.4 %
يعني بالأرقام :
بين 14108 و 14380 :nice:
اللي كتبتها أهداف يعني بالعربي مناطق جني أرباح :)
نقول إن شاء الله .
مجرد وجهه نظر تحتمل الخطأ والصواب
وااله تعالى أعلى وأعلم .

شذى سؤال يسدح نفسح

بالذمه بالذمه انتي جايه تتعلمين التحليل علينا ولا شالسالفه ^_^

بس صراحه انتي محلله مميزه اول مره

اشوف محلل يحط الاهداف بطريقتج ههههه

[شذى الورد]

شذى سؤال يسدح نفسح

بالذمه بالذمه انتي جايه تتعلمين التحليل علينا ولا شالسالفه ^_^

بس صراحه انتي محلله مميزه اول مره

اشوف محلل يحط الاهداف بطريقتج ههههه
هههههه

لأني عضو مميز فطريقتي مميزة :victory:
بس شرايك ؟؟ جبتها صح كل مرة
وإن شاء الله تضبط هالمرة بعد :)
ولا تضيع السالفه وين البشارة :(

[شذى الورد]

كل شكر للمحليين و شذى الورد على المجهود الكبير ..

.................................................. .

ذكي ،، فنان ،، خطير ،، فاهم ،، قنوع ،، داهية : اللي اشتر على أسعار يوم الخميس ..

أسعار جلسة الخميس راح تختلف بإذن الله كثيرا خلال أسبوعين القادمين ..

و بالتوفيق للجميع يارب ..

العفو أخوي
وإن شاء الله نشوف الأهداف .

[بحر شرق]

جزاك الله خير يا شذى الورد عاد اليوم بشارتين جات لي قلبي الصغير لا يتحمل

[دربوه]

هههههه

لأني عضو مميز فطريقتي مميزة :victory:
بس شرايك ؟؟ جبتها صح كل مرة
وإن شاء الله تضبط هالمرة بعد :)
ولا تضيع السالفه وين البشارة :(

اي بشاره انتي خربتيها

انا كاش مابي يرتد الحين ههههههه

بسالج شرايج بازدان ^_^

[بوجبر]

بوجبر ماعرفنا كاش ولا عندك ازدان وتكافلي

حاليا المحفظة زيرو من الاسهم

[CH Engineer]

حاليا المحفظة زيرو من الاسهم


انا عندي المحفظة زيرو كاش

الاسبوع الجاي انطلاق صاروخي ان شاء الله

انصحك بفودافون والريان

ونترقب اكشن محفظة ازدان في ودام والاسلاميه والمستثمرين في ظل غياب المطلعين مع اني ما انصح بالمستثمرين
نشوف نيتهم استثمار او مضاربه

ان غدا لناضره قريب

[atiq]

انا عندي المحفظة زيرو كاش

الاسبوع الجاي انطلاق صاروخي ان شاء الله

انصحك بفودافون والريان

ونترقب اكشن محفظة ازدان في ودام والاسلاميه والمستثمرين في ظل غياب المطلعين مع اني ما انصح بالمستثمرين
نشوف نيتهم استثمار او مضاربه

ان غدا لناضره قريب

تحسب اني ناسيك يوم تقول المستثمرين 56

المستثمرين ارتد من 60 إلى 63 والطلبات كانت عليه قويه يوم الخميس

وأتوقع العودة الإيجابية ل 67.5 الاسبوع الجاي

[atiq]

الأدوار لن تتغير

المخرج حدد دور كل شركة على مسرح البورصة
فالسيولة للريان وبروة وفودافون

والارتفاع سيكون لشركات مورجان ماعدا الوطني والصناعات لأنهم الرمانة التي بيد المخرج وسيظهران بدور البطل الذي يحاول تهدئة السوق

اما الباقي سينعمون بمشاهدة ممتعة

[دربوه]

اتوقع باجر انهيار ^_^

عليان اين انت يا عليان

[CH Engineer]

تحسب اني ناسيك يوم تقول المستثمرين 56

المستثمرين ارتد من 60 إلى 63 والطلبات كانت عليه قويه يوم الخميس

وأتوقع العودة الإيجابية ل 67.5 الاسبوع الجاي

اخوي السهم هو الي كسر القناة الصاعده مب انا
واتوقع محفظة ازدان سبب القناة الصاعده

هذا الشارت تفضل
http://store2.up-00.com/2014-06/140275362971.png


مع نية مجلس الادارة محاسبة ازدان على حسب التقرير الجديد
وغياب المطلعين الاسبوع الجاي

اي تصريف لازدان لازم يكون عالاسعار الحالية مع ارتفاع بسيط لجذب الثقه للسهم و تطلع بربح ممتاز والهدف واضح الرجوع لمستوى 56


والله اعلم

[CH Engineer]

^^
لو تلاحظ كسر المتوسط المتحرك لفترة 50 يوم

كل الاشارات سلبية

بالتوفيق للجميع

[atiq]

اخوي السهم هو الي كسر القناة الصاعده مب انا
واتوقع محفظة ازدان سبب القناة الصاعده

هذا الشارت تفضل
http://store2.up-00.com/2014-06/140275362971.png


مع نية مجلس الادارة محاسبة ازدان على حسب التقرير الجديد
وغياب المطلعين الاسبوع الجاي

اي تصريف لازدان لازم يكون عالاسعار الحالية مع ارتفاع بسيط لجذب الثقه للسهم و تطلع بربح ممتاز والهدف واضح الرجوع لمستوى 56


والله اعلم

محاسبة ازدان ............................ليش

اي تقرير وينه

[CH Engineer]

محاسبة ازدان ............................ليش

اي تقرير وينه

اخوي توني ادورلك على الموضوع
وشفت لك رد فيه :rolleyes2:

[atiq]

اخوي توني ادورلك على الموضوع
وشفت لك رد فيه :rolleyes2:

انت قصدك موضوع اجتماع 25/6

تعديل بند 5% تملك فقط لكن لايوجد بند محاسبة ازدان

[شذى الورد]

اي بشاره انتي خربتيها

انا كاش مابي يرتد الحين ههههههه

بسالج شرايج بازدان ^_^



اي بشاره انتي خربتيها

انا كاش مابي يرتد الحين ههههههه

بسالج شرايج بازدان ^_^

انت كاش وتتمنى يصير انهيار :rolleyes2:
وغيرك لين الحين في السوق ويتمنى انه يرتفع اكثر
واللي الله كاتبه بيصير
بالنسبة لإزدان ؛
دخول مضاربي غداً
والهدف راح يكون 22.3
وممكن يوصل 23.17
كمضارب آجني ربحك عند هذي الأهداف وبعدها لو ثبت بيكون لكل
حادث حديث :)
الأهداف ممكن يتحقق خلال هالأسبوع ان شاء الله
وقف الخسارة 20.95
أرجو الالتزام بالأرقام المكتوبة
مش التطبيق يكون خرابيط وتقول عقب شذى خسرتني هههه
وعقب بقولك رأيي فيها ع المدى المتوسط لان الشرح يطول ،
مجرد اجتهاد يحتمل الخطأ والصواب
والله تعالى اعلى وأعلم

[دربوه]

من الحين قلبي حاس بقول شذى خسرتني

الله يستر ^_^

[شذى الورد]

من الحين قلبي حاس بقول شذى خسرتني

الله يستر ^_^
ههههههه لااااااا
تدري لا تدخل بكره
خل التوصيه ذي كتجربة
شوفها أوكي ولا لأ
يعني راح تتحقق الأهداف ولا

[ummuneera]

ههههه ضحكتني دربوه

[جيفنشي قطر]

يعطيكم العاافيه اخوااني
شذى الوورد الله يعطيج العاافيه على مجهودج الوااضح
دربوووه طيع شورها فزداان واذا خسرت بتحندى عليها معااك

[roma27]

ان شاء الله ارتفاع نفرح فيه

[دربوه]

ï؟½ï؟½ لا بخلي دخولي وهمي

واشوف

واذكركم من الحين بقول كدت ان اخسر بسببها ï؟½ï؟½

يبه الاخبار ماتطمن واخبار كاس العالم

وزاد الطين بله سالفة المدمره اللي جايه صوب الخليج حق العراق

يعني انا ملك خخخخخخ

اقصد الكاش ملك

اول مره اطلع انا صح والعلم عند الله

عاد يارب ما اتليقف وادش ههههه

[دربوه]

ان شاء الله دوم تضحكون كلكم اختي ام منيره

والله يفرحكم بارتفاع يشق حلوجكم من الفرحه ^_^

[roma27]

دربوا اشرب لبن رقد لين الساعه وحده الظهر ابرك لك وا ن شاء السوق خضر

[ummuneera]

امين يا رب العالمين

[شذى الورد]

ï؟½ï؟½ لا بخلي دخولي وهمي

واشوف

واذكركم من الحين بقول كدت ان اخسر بسببها ï؟½ï؟½

يبه الاخبار ماتطمن واخبار كاس العالم

وزاد الطين بله سالفة المدمره اللي جايه صوب الخليج حق العراق

يعني انا ملك خخخخخخ

اقصد الكاش ملك

اول مره اطلع انا صح والعلم عند الله

عاد يارب ما اتليقف وادش ههههه
ههههه ايوا خل دخولك وهمي
وخل التوصيه تمر بسلام ونشوف
لأنك من تدخل سهم تنكبه ههههه

[roma27]

شذى الورد رايك في سهم قطر وعمان هل بواصل الهبوط او بيصعد

[شذى الورد]

يعطيكم العاافيه اخوااني
شذى الوورد الله يعطيج العاافيه على مجهودج الوااضح
دربوووه طيع شورها فزداان واذا خسرت بتحندى عليها معااك
الله يعافيك اخوي جيفنشي قطر
حتى انت يا بروتس :weeping:

[شذى الورد]

شذى الورد رايك في سهم قطر وعمان هل بواصل الهبوط او بيصعد
بعد تبون أحط توصيه ثانيه هههههه
عقب سوالف دربوه
اسمحولي هههههههه

[دربوه]

شكلي بكثر اللبن خايف اتوهق باجر

وانا الصراحه تعبت خساير

[دربوه]

شذى ماعليه اانتي اكتب توصياتج والتحليل

وهالسوالف احنا ماراح نطيعج بس هني

بنقول شكرا شذى بسبة توصياتج

ربحنا وايد بس عشان تشتهرين انج محلله فذه ^-^

[بحر شرق]

ï؟½ï؟½ لا بخلي دخولي وهمي

واشوف



واذكركم من الحين بقول كدت ان اخسر بسببها ï؟½ï؟½

يبه الاخبار ماتطمن واخبار كاس العالم

وزاد الطين بله سالفة المدمره اللي جايه صوب الخليج حق العراق

يعني انا ملك خخخخخخ

اقصد الكاش ملك

اول مره اطلع انا صح والعلم عند الله

عاد يارب ما اتليقف وادش ههههه


دربوه أبشرك cnbc عربيه ذكرت تقرير لها عن البورصه العراقية ان روؤس الأموال العراقيه ستدخل في بورصات الخليج. الاخرى

[معماري قطري]

شكلي بكثر اللبن خايف اتوهق باجر

وانا الصراحه تعبت خساير

غلطتك يا اخوي تبي كل شيء بسرعة

السوق صدقني مب طاير وشريت سهم وخسرت فيه إِصبر عليه .. انا شريت امسيعيد ونزل وصبرت وبدأَ يرتفع ورجعت شريت وهو مرتفع ونزل وزادت خسارتي فيه على 6000 ريال وصابر هذي خسارة مفترضة ما تتحقق الا لو بعت .. نية التعديل هالمرة لو وصل تحت الثلاثين حتى اعدل معدل الشراء واصبر عليه كاستثمار.

سهم عندك وفيه ارتفاع زين وبوادر ارتفاع أَكبر واستثمار مضمون حافظ عليه ولا تفرط فيه .. أَما سهم ارتفع أَكثر من اللازم ولا وراه الا أَخبار هزيلة وارتفاعه مضاربي بيعه لو مرتاح لبيعته ورابح فيه ومتوقع له نزول.

بالتوفيق حق قطر في كاس العالم ان شاء الله.

[معماري قطري]

دربوه أبشرك cnbc عربيه ذكرت تقرير لها عن البورصه العراقية ان روؤس الأموال العراقيه ستدخل في بورصات الخليج. الاخرى

تدخل رؤوس أَموال من كل مكان بس بعد ما يهزون السوق وينزلونه ودخولهم في الغالب للمضاربة والبيع من تحقيق أَول ربح مقبول

[دربوه]

الله يفرحكم بارتفاع البورصه

انا للامانه عقب الخساير القويه

صرت قبل ادخلف اي شركه افكر الف مره

والبيع مع اول ربح واتم كاش

[الإمارات]

العبدالله: 3320 غرفة فندقية بمحفظة إزدان بنهاية 2014 - العبدالله: 3320 غرفة فندقية بمحفظة إزدان بنهاية 2014 http://bit.ly/1ut9QHd