مكيفات الدرويش trane ونصبهم

[البكري]

سالفتي مع شركه الدرويش للمكيفات ترين قام المكيف ينزل ماي لان تصريف الماي تسكر والي عليهم يسوون فلاش flush يعني يحط في بيب تصريف الماي هوا علشان يفك الانسداد وبس كان قبل سنتين يجون يسوونها ببلاش لانها شغله خمس دقائق الين يقولي 100 ريال ليش طبعاً 3 مكيفات يعني 300 تهاوشت وياه وأعطيته 50 ويتصل في مسؤوله وقالي بنزلك السعر لين 150 للمكيفات الثلاثه قلت له ما عندك الا 50

[سهم طايح]

أتقدم الله الموضوع ما فيه لا نصب ولا غيره
خلال السنتين اللي هي فترة الصيانة المجانية كانوا يجونك وببلاش والحين خلص عقد الصيانة المجانية فمن حقهم انهم يأخذون آجرهم منك واللي سويته انت هو اللي ينعد نصب مع احترامي الشديد لك ولكن أتوقع انك ماكنت تقصد او كنت فاهم غلط

[الدبلوماسي]

حقهم ياخوي فترت الضمان على المكيفات خلصت الظاهر فاهم حمايه المستهلك غلط

[متواصل]

معلومة تهم الجميع
خارج نطاق حماية المستهلك


كل المكيفات قابلة للانسداد دون استثناء
السبب بسيط

نسبة الاتربة والغبار في منطقة محيط المكيف
والاهتمام بالتنظيف الدوري لمجرى الماء
هو العامل الرئيسي لهذه المشكلة

ناهيك عن امور نادرة تحصل (( وقد حصلت لي ))
سقوط برغي من المكيف نفسه وسده مجرى الماء
او وجود اي قطعة مهما كانت صغيرة في المجرى

ما هو الحل ::
===========

بشكل دوري يتم تنظيف الفلتر ولا تجعل الغبار يتراكم فيه
لان الزايد من الغبار يتساقط ويسيل مع الماء ومن ثم يسد المجرى

قم بتنظيف المجرى بعد اطفاء المكيف بفترة واشفط الاتربة المتراكمة
وامسح المجرى بفوطة مبللة حتى تزيل جميع الاوساخ

يتم فك وجه المكيف ( الكفر ) وسوف تظهر لك فتحة التصريف في الغالب تكون
في الجانب الايمن

استخدم هوز ضعيف مثل اللي بالصورة لتسليك المجرى
http://www.easycomposites.co.uk/Images/products/medium/pvc-vacuum-hose.jpg
ولا تستخدم علاق اوشي حاد قد يثقب الهوز الاصلي لمجرى المكيف ويعمل لك مشكلة اكبر

ثم اذا امكن تنفخ بالهوز بمكينة هواء ( بلاور ) من خلال الهوز الضعيف افضل
وتسكب الماء ليسحب ما تبقى من اوساخ

انتهى ،،،،،،

[مضارب دوسري]

أتقدم الله الموضوع ما فيه لا نصب ولا غيره
خلال السنتين اللي هي فترة الصيانة المجانية كانوا يجونك وببلاش والحين خلص عقد الصيانة المجانية فمن حقهم انهم يأخذون آجرهم منك واللي سويته انت هو اللي ينعد نصب مع احترامي الشديد لك ولكن أتوقع انك ماكنت تقصد او كنت فاهم غلط

اتفق معاك
لو كل واحد اشترى مكيف صار التامين مدى الحياه اجل خسرت الشركات
اطالب باغلاق الموضوع وحذفه لمصلحة العضو

[مضارب دوسري]

كل المكيفات تحتاج صيانيه سنويا
بس الشركات مب كل سنه يكون بلاش

[بوخالد911]

عليك بالوسيط / الشامل

في ناس تنظف وتسوي صيانة

[رحال]

معروف الضمااان سنة ..
طلعو طيبين أنهم غطو لك الضمان لمدة سنتين ..