منو عنده فايبر؟

[رهج السنابك]

سالفتي سالفه معاهم
الله يازين ايامك يا موازييك

من ركبنا الالياف الضوئيه (الفايبر )
حطوا لنا بوكس ابيض في الطابق الارضي
الشبكة مالته خلينا نقول اسمها( ميكي ماوس) تغطي فقط المساحه الي حواليه تقريبا غرفه وصاله

الغرف الثانيه اضطرينا نشتري مودم ثاني وجهاز تقويه

الطابق العلوي اهني المشكله
شبكة (ميكي ماوس) تطلع بدون اشاره يعني ماتشبك خالص مالص لا جوال ولا لاب توب
حطينا مودم سيسكو مال اوريدو فوق عشان يوزع الشبكه وطبعا لها اسم ثاني غير عن الي تحت
الاشاره تغطي مساحه اربعه متر او اقل بس

وما يشتغل عليها الا الجوال
اللاب توب ماشبك



يا ترى حد عنده نفس معاناتي مع الفايبر
شنو هالخدمه التعيسه
كم مره نجيب الفني ويقول هذا هو حد الفايبر مايغطي الا كم متر وبطابق واحد

وبيتنا صغنون عيل الي بيته كبير شيسوي!!

والفنيين الي عندهم محد فاهم شي ومب متدربين عدل امس ثلاث ساعات اكلمهم ونسوي ريست للمودم واعاده تعريف وحوسه وماضبط شي


نصايحكم

[بريق الحق]

خذي لج اي جوال تشبك معاه خدمة 4g وحطيه فوق واشبكي عليه
واشتركي خدمة شهريه
او خذي لج 4g الي طايحين فيه العالم هاليومين

[رهج السنابك]

انا مشكلتي اللاب توب

[بريق الحق]

شالمشكله ؟
خليه يشبك عالجوال والجوال هو الواير لس وانتهت الحتوته $

[حسن]

خذي لج اي جوال تشبك معاه خدمة 4g وحطيه فوق واشبكي عليه
واشتركي خدمة شهريه
او خذي لج 4g الي طايحين فيه العالم هاليومين

شلون هذه الطريقه يابريق الحق اول مره اسمع بها

بالنسبه عندي يالاستقراطيه عندي انا ركبولي جهازين
واحد تحت والثاني فوق وعندي جهاز كنت جايبه من دبي ركبته فوق في الثالث
يعني تغطت الخدمه كامله مع العلم ساعات لازم تطفي الجهاز تسوي ريستارت
الحواجز الاسمنتيه تسير عائق للارسال

شوفي المنتدى في البعض عنده مقويات اذكر اني قريتها خذيلك لفه صوب الاكترونيات
يمكن يفيدونك

بالتوفيق

[بريق الحق]

الجوال تقدر تخليه واير لس والعالم تشبك عليه فتخليه فوق وتشبك الاب توب عليه وتاخذ لك الجوال الي فيه الفور جي
وفي قطعه تشترك فيها فكيوتل الفور جي اذا كنت تستخدم النت بشكل طويل وتحب تنزل مقاطع والخ اظن 350 فالشهر

[ضوى]

انا عندي الفايبر ، جهاز كبير في الصاله وجهاز فوق وجهاز في صاله غرف النوم ، والارسال اوكي ويوصل لين غرفة الدريول برع ، طيب ماسالتي شنهو الحل مع كيوتل !؟

[رهج السنابك]

ضوى كيف عطوكم ثلاث اجهزه؟؟
احنا قالوا مانركب الا واحد فقط لكل بيت (الصندوق الابيض الكبير )

[رهج السنابك]

بريق الحق علمني الطريقه حبه حبه
انا ايفوني اشبكه ع الشبكه عادي لكن لاب توبي مايشبك
شلون اخلي تلفوني وايرليس؟

[رهج السنابك]

شلون هذه الطريقه يابريق الحق اول مره اسمع بها

بالنسبه عندي يالاستقراطيه عندي انا ركبولي جهازين
واحد تحت والثاني فوق وعندي جهاز كنت جايبه من دبي ركبته فوق في الثالث
يعني تغطت الخدمه كامله مع العلم ساعات لازم تطفي الجهاز تسوي ريستارت
الحواجز الاسمنتيه تسير عائق للارسال

شوفي المنتدى في البعض عنده مقويات اذكر اني قريتها خذيلك لفه صوب الاكترونيات
يمكن يفيدونك

بالتوفيق

شنو الي ركبوه لك فوق وتحت؟؟؟ اي جهاز

[ضوى]

ضوى كيف عطوكم ثلاث اجهزه؟؟
احنا قالوا مانركب الا واحد فقط لكل بيت (الصندوق الابيض الكبير )

لا والله ركبوا لي اثنين مجاني وواحد انا اخذته بظ¨ظ¥ظ* تقريبا عشان اقوي الارسال بالصاله الداخليه

[بريق الحق]

بريق الحق علمني الطريقه حبه حبه
انا ايفوني اشبكه ع الشبكه عادي لكن لاب توبي مايشبك
شلون اخلي تلفوني وايرليس؟
الضبط - نقطة اتصال شخصيه
حطي الاسم والباسورد
دشي على الاب توب بحث عن شبكات اتصال وبتحصلين وبيطلع عندج فالجوال انه شبك

[بوNasser]

ضوى كيف عطوكم ثلاث اجهزه؟؟
احنا قالوا مانركب الا واحد فقط لكل بيت (الصندوق الابيض الكبير )

للأسف الفني اللي ركب لكم مب امين (والله أعلم)، او ما يبي يتعب نفسه ويتأكد ان فيه تمديدات للطابق الثاني، لأنه يمكن يحتاج يبدل السلك اللي رايح للطابق الثاني، فالأسهل له يركب واحد بس في الطابق الأرضي ويفك عمره.
احنا كيوتل ركبو لنا اثنين (بلاش) واحد في كل طابق. (وانا ركبت أكثر، بس على حسابي)

http://www.ab2004.com/muntada/fiber.jpg

مثل ما هو في الرسمة كيوتل يركبون اول شي الفايبر مودم (القطعة الكبيرة Fiber gateway) وهذه تعمل كموجه اشارة لاسلكية وتعطي ايضا 4 مخارج سلكية، من كل مخرج يمكن نوصل اي جهاز سلكي مثل كمبيوتر المكتب او الكمبيوتر المحمول والاكس بوكس وغيره.

كما يمكننا توصيل مفتاح انترنت ethernet switch لمضاعفة عدد المخارج، او توصيل موجه اشارة لاسلكية ROUTER لتغطية الاماكن التي لا تصلها اشارة او اشارتها ضعيفة.

على كل حال المسأله سهلة واي فني شبكات ممكن يركب لك موجهات اشارة (routers) او مقويات اشارة (bosters) وامورك في السليم.

بالتوفيق

تحياتي للجميع

[وطن]

الفايبر في الدور الثاني و يغطي الطابق كامل مع جزء من الدور الأرضي

و الطابق الثالث فيه مقوي فقط

ما عندنا مشكله معاه

[بوحارب]

انا عندي مشكلة ثانية

اذا الايفون شابك على الوايرلس (فايبر)

يكون بطييييييئ تصفح النت

وإذا سكرت الواي فاي يكون سريع

بأختصار مالت على خدمتكم التعبانه كيوطل :)

[بوخالد911]

عندي عااااادي الوضع
ولله الحمد

[Dana’1]

أنتي تقولين الشبكة اوك ويشبك علية التلفون وبنفس المكان وبنفس الشبكة اللابتوب ما يشبك

اللاب توب قديم وإلا ؟! عالعموم حتى لو مو حيل قديم

فية بعض اللابتوبات ماتتوافق مع بعض الشبكات المحمية بأنواع معينة من التشفير فمايشبك معاة

اقصد بنوع التشفير للشبكة مثل wep او wpa2 إلخ
بعض اجهزة اللاب توب ما تدخل على نوع دون أخر
غيري نوع الحماية للشبكة وشوفي كيف الامور بتزين
وبيشيك اللابتوب على طول بإذن الله


أما بالنسبة لضعف شبكة البيت عموما الافضل تكلمين كيوتل على هالملاحظة.. وهم ملزومين يعدلون الخطأ

بالتوفيق

[رهج السنابك]

ديور اللاب توب جديد وكان اوك يشبك عقب فجأه قوى راسه ماعاد شبك واتصلت ع كيوتل ومايدرون
غير طبعا مشكله التغطيه الي ذكرتها فوق

[رهج السنابك]

بجرب طريقتج واشوف

[متواصل]

حذفي شبكة الوايرلس من جهازك

مثلا الوايرلس اسمه ميكي مواس على قولتك

تروحين على لوحة التحكم
Control Panel\All Control Panel Items\Network and Sharing Center
اذا بالعربي نفس الصورة
http://www.m0dy.net/vb/imgcache/13685.png
ثم ادارة الشبكات
او انجليزي
http://www.home-network-help.com/images/manage-wireless-networks-win7.jpg
وتعملين ازالة للشبكة
وبعدين تشبكين من جديد

انتهى بحول الله

[متواصل]

ملاحظة هذه المعلومات مجانية

اذا لك رغبة في استفسارات اخرى

مقابل كل سؤال كوب شاي مزعفر

[رهج السنابك]

والله اذا مشت الطريقه مب كوب شاي مزعفر مستعده اعطيك لبن العصفور

[متواصل]

مشت ولا توها تحبي ؟؟؟

[Al Basha]

بالبداية جربي طريقة متواصل. هالحركة نسويها إذا غيرنا باسوورد الوايرلس ، لأن الويندوز للأسف ما يعطيك تنبيه إن الباسوورد تغير مثل الأنظمة الثانية.
إذا الشبكة ما زالت تعبانة أفضل إنكم تجيبون جهاز راوتر لكل طابق وتخلونة بنص الطابق عشان يكون متساوي مع الجميع، احنا بيتنا نفس الشي صغير وللأمانة في أطراف الغرف الشبكة ما توصل أبداً ، الحين صار عندي بغرفتي راوتر سيسكو قديم أنا اشتريته ، والراوتر اللي عطونا ياه كيوتل خليته بنص الصالة ، منها يخف الضغط ومنها نستغل كل الأجهزة الموجودة ..
على فكرة ، الجهاز الأبيض مال الموزاييك تغطيته نااااار ، مرات أكون طلعت من البيت وما زال شابك وشغال ، مشكلته إنه ما يدعم الفايبر.

[حسن]

شنو الي ركبوه لك فوق وتحت؟؟؟ اي جهاز

الفايبر اللي ركبوه عندي جهاز اسود مهب ابيض
وقالولي لك بعدواحد ثاني فوق يعني ركبولي 2 ببلاش
وعندي وايرلس شاريه من الامارات كنت حاطه في الدور الثاني
وبعد معطوني جهازين ركبت الوايرلس فوق الدور الثالث
وعندي كل جهاز في دور والتغطيه زينه واساسا اجهزه كيوتل كلها كشره ولكن شنسوي
مجبورين عليها

بعدين بشري لين الحين المشكله ولا انحلت

[يوسف0]

الفايبر اللي ركبوه عندي جهاز اسود مهب ابيض
وقالولي لك بعدواحد ثاني فوق يعني ركبولي 2 ببلاش
وعندي وايرلس شاريه من الامارات كنت حاطه في الدور الثاني
وبعد معطوني جهازين ركبت الوايرلس فوق الدور الثالث
وعندي كل جهاز في دور والتغطيه زينه واساسا اجهزه كيوتل كلها كشره ولكن شنسوي
مجبورين عليها

بعدين بشري لين الحين المشكله ولا انحلت

الابيض الجديد هو بس غطى حق الجهاز الاسود

[يوسف0]

اي ومركبين 4اربع موادم فالصاله الي تحت و3 رواتر متوزعين فالبيت :)

وممتاز كسرعه وجوده

[بو خليفه 123]

الي اعرفه ان صندوق اسود و لون الذبذبات فيه خضراء .. الرئيسي تحت والاضافي فوق

يمكن يوم شافوا العقربه عطوكم جهاز مال بقايا حرب الخليج

[محمد سعيد]

عطي الخباز خبزه



سلم الموضوع لمهندس شبكات وقوله ابي كل الغرفة يجيها ارسال

[رهج السنابك]

يقطع ابليسك بوخليفه ههههههه

[محبـرة الفكـر]

الارستقراطية

صراحة مادري شلون الوضع .. بس فيه طريقة يمكن تساعد

جربي لاب توب ثاني لو شبك عليه ..

فالمشكلة من جهازج واتوقع على حسب الجهاز

بتلقين زر اسمه fn اضغطيه مع f8 او على حسب رسمة " الوايرلس " على الكيبورد من الارقام اللي قبلها f

بالتوفيق