:::وين ممكن اصلح الرنق؟ :::

[El-Debs]

السلام عليكم,

اخواني, عندي رنق اللمينيوم خبطته فرصيف و قطعه من الداير صغـــــيره راحت. هل ممكن في قراج يساعدني فحل هالسالفة؟ هي الظربة صغيره وعلى الداير بس.. وياريت يكون قراج عدل مو يتفلسف علي :shy:

وشكرا,
محمد

[فقط قطر]

ياخوي عندك كراج السويدي شارع 18 بالصناعية...او وده محل كريستال اللي جنب الفحص الالماني...بس اسعاره مبالغ فيها كثير.

[سبحانك اللهم]

انت تبي اتصلح الرنق لان على قولتك في قطعه منه انكسرت ومن الممكن يكون من الظربه صابه اعوجاج بسيط
ترى للعلم الكراجات ممكن تصبغ لك الرنق لكن مب شغلة الكراجات انها اتصلح الرنق المظروب وانا انصح ان لو كانت الظربه بسيطه انك ماتصبغ الرنق لان اصباغ الرنقات وخاصه الالمنيوم تكون مب عاديه يعني هذي اصباغ حراريه خاااصه وخصصه انها تتحمل العج والرمل علشان مايتغير ولا يتقشر لونها
المهم في مخرطه خلف سوق العطيه الي في الصناعيه اعتقد في شارع 6 تقدر اتصلح لك الرنق
وهذي المخرطه فظييييعه وتشتغل في هالسوالف وباذن الله بيتصلح الرنق
اسم المخرطه المخرطه المركزيه اسال عنها اهناك او اتصل في الاستعلامات وبيعطونك رقمهم وقول لهم وين مكانكم

[al-obaidly]

الجزيره شارع 5

[El-Debs]

انشاءالله بشيك عليهم في الصناعية و جزاكم الله خير ما قصرتوا والله

[ميراج للسيارات]

محل امالكو بالصناعية شارع 26 على ما اظن

متخصصين بتصليح الرنجات وعندهم جهاز يضبط ميزانية الرنج المتعور

شغلهم غالي شوي بس شغل عدل عن تجربة شخصية