لكسر الروتين تعال بنسولف شوي .. تفضل

[بن دلموك1]

السلام عليكم ورحمة الله
شخباركم ؟ ان شاء الله طيبين

حبيت افتح هذا الموضوع من باب المعرفة
انا كاماراتي حاب اني اعرف و اتعلم عن سوق ارقام اللوحات المميزة لانه في شي شدني فيهم انه الرقم ماله نسخه ثانية يعني مب مثلنا عندنا فئات ف الرقم يتكرر لكن الفئة غير .. من زمان ابا افتح الموضوع لكن ما لقيت فرصة

اي لوحة هي الاقوى و الاغلى في سوق اللوحات؟

xxx
xxxx
xxxxx
xxxxxx

يعني اللوحة اللي تحمل رقم واحد مكرر ( للتوضيح )


و كيف يتم تقيييم الرقم؟ بناء على شو؟

اللي عرفته من المنتدى انه الرقم الرباعي ما يقل عن ال 70 الف و الثلاثي ما يقل عن 800 الف
و الارقام اللي فيها اصفار سعرها اغلى و اللي فيها واحد بعد

و في وجهه نظركم شو الارقام اللي تحسون انها بالفعل حلوة .. مجرد استطلاع للرأي

ان شاء الله يعني ما ثقلت عليكم بس حبيت اتعلم عنهم منكم

حياتي للجميع

[atiq]

Xxx

متشابه او متسلسل أو فني ( 121)

[بوخالد911]

هلا بك
العنوان شي
والمحتوى شي ثاني مغايررررر

عموماً الشباب بقسم السيارات راح يفيدونك

[احلى ارقام]

xxx
الاغلى
وارخص xxxx
وارخص xxxxx
وارخص xxxxxx

ماقصد ارخص انه رخيص هههههه اقصد انه ارخص من الرقم اللي قبله

[بن دلموك1]

هلا بك
العنوان شي
والمحتوى شي ثاني مغايررررر

عموماً الشباب بقسم السيارات راح يفيدونك
عادي يا بوخالد تراها سوالف بعد ، بس هالمرة عن الارقام و اللوحات .. لانه الحوار العام صارت مواضيعه متشابهه و شبه روتينية ف قلت اطرح هالموضوع نغير شوي منها اشوف اراء الناس و منها ناخذ خبرة عن الموضوع

عموما شكرا لك على مرورك يا بوخالد

[بن دلموك1]

xxx
الاغلى
وارخص xxxx
وارخص xxxxx
وارخص xxxxxx

ماقصد ارخص انه رخيص هههههه اقصد انه ارخص من الرقم اللي قبله

هههههه زين يوم وضحت قصدك ولا جان احين اصحاب هالارقام بيضربونا ضرب سنه ف ساعه ، اشكرك على الافاده انا كان ع بالي انه ال xxxxxx اغلى يمكن عشان الرقم طويل ف تحسبته اغلى من ال xxx .. شكرا على مرورك، حياك الله

[بن دلموك1]

Xxx

متشابه او متسلسل أو فني ( 121)

شكرا لك على مرورك الطيب ..

[احلى ارقام]

وتسعير الارقام على حسب العرض والطلب

يرتفع وينزل

[qatar711]

اهلًا وسهلاً
الاخوان طبعاً كفوا و وفوا بخصوص كل ماكان الرقم اصغر كان أغلى من الي بعده
وهذا الكل يعرفه

سؤالك بخصوص اذا الرقم فيه صفر او واحد يكون أغلى هذي إشاعة أطلقها تجار الارقام ( شريطية) بمعنى أصح
مثال ذلك (1x10) أغلا من (1x1y) وكأن الصفر بيحول السيارة الى طيارة
مثال اخر سالفة رقم المواليد
هـ الكلمة كانت تمشي ع الارقام الرباعية فقط
حالياً انتشرت في الارقام الخماسية والسداسية والمصيبة انها وصلت ارقام الجوالات
لكن سبحان بالطلاسم والكلمات السحرية استطاعوا الترويج لسلعهم بسعر أغلا من سعر السوق

اما رد ابو خالد عليك فأنا اعتذر لك نيابة عنه
الظاهر حد مزعله ودخل المنتدى يبرد حرته

تحياتي اخي العزيز

[البوررصة]

xxx
الاغلى
وارخص xxxx
وارخص xxxxx
وارخص xxxxxx

ماقصد ارخص انه رخيص هههههه اقصد انه ارخص من الرقم اللي قبله

وين يالغايب عن ولوفك

[بوحارب]

ما قصروا الشباب في الرد

انا بس بس بقولك سالفة

سنة 2002 دفع عربون حق رقم 77770

وكنت مخلص مع الرجال باخذه ب 28000 ريال بس :(

وقمت اليوم الثاني من النوم وغيرت رأيي وكنسلت الصفقة

واليوم هالرقم يسوى له اكثر من 600000 :looking:

انه النصيب يا ساده ;)

بن دلموك ليكون ناوي على رقم قطري مميز :waiting:

[راعي ال VXR]

ما قصروا الشباب في الرد

انا بس بس بقولك سالفة

سنة 2002 دفع عربون حق رقم 77770

وكنت مخلص مع الرجال باخذه ب 28000 ريال بس :(

وقمت اليوم الثاني من النوم وغيرت رأيي وكنسلت الصفقة

واليوم هالرقم يسوى له اكثر من 600000 :looking:

انه النصيب يا ساده ;)

بن دلموك ليكون ناوي على رقم قطري مميز :waiting:

لا وين وين بوحارب 600 قول 900 الف قررررب يصك المليون

قهر صحح راحت:cool: عليك فديت خشمك خيرها بغيرها حنا نفس

[بن دلموك1]

اهلًا وسهلاً
الاخوان طبعاً كفوا و وفوا بخصوص كل ماكان الرقم اصغر كان أغلى من الي بعده
وهذا الكل يعرفه

سؤالك بخصوص اذا الرقم فيه صفر او واحد يكون أغلى هذي إشاعة أطلقها تجار الارقام ( شريطية) بمعنى أصح
مثال ذلك (1x10) أغلا من (1x1y) وكأن الصفر بيحول السيارة الى طيارة
مثال اخر سالفة رقم المواليد
هـ الكلمة كانت تمشي ع الارقام الرباعية فقط
حالياً انتشرت في الارقام الخماسية والسداسية والمصيبة انها وصلت ارقام الجوالات
لكن سبحان بالطلاسم والكلمات السحرية استطاعوا الترويج لسلعهم بسعر أغلا من سعر السوق

اما رد ابو خالد عليك فأنا اعتذر لك نيابة عنه
الظاهر حد مزعله ودخل المنتدى يبرد حرته

تحياتي اخي العزيز
اول شي اشكرك جزيل الشكر على هالمشاركة الحلوة و الشرح والوافي
مثل ما ذكرت ان الاخوان بعد ما قصرو فوق

ههههههه حبيت التشبيه بيحول السيارة طيارة

صادق والله و موضوع المواليد حالة ثانية ، اول مرة قريتها قلت شو مواليد ؟ عقب اكتشفت انه الارقام اللي تبدا ب 19xy

على طاري كلمة شريطي هالكلمة عرفتها من المنتدى هههههه اضفتها لقاموسي طبعا بعد ما عرفت معناها و كلامك 100% صح

نحن عندنا شريطي تصغير الشرطي ، بس ما نقولها وايد ، نادر
انتو عندكم شريطي اللي يتشرط وايد

هالامور اللي قلتها هي اللي شدتني اني اعرف اكثر عن اللوحات عندكم لانه ساعات اشوف الاسعار طايرة السما اغلى عن الارقام اللي عندنا بوااااااايد لانه يعتمد على صيغته مثل ما ذكرو اخواني الاعضاء و خصوصا اذا الرقم ماله نسخه ثانية

بيض الله ويهك يا qatar711 اسعدني شرحك و مشاركتك بعد لكن بخصوص بو خالد مادري منو زعله هب فيني انا هههههه

[بن دلموك1]

ما قصروا الشباب في الرد

انا بس بس بقولك سالفة

سنة 2002 دفع عربون حق رقم 77770

وكنت مخلص مع الرجال باخذه ب 28000 ريال بس :(

وقمت اليوم الثاني من النوم وغيرت رأيي وكنسلت الصفقة

واليوم هالرقم يسوى له اكثر من 600000 :looking:

انه النصيب يا ساده ;)

بن دلموك ليكون ناوي على رقم قطري مميز :waiting:
حي الله بو حارب .. منور
هههههههههه يا الله صدق انه النصيب يا ساده عيل حد يفرط في 77770

ههههههههه يبالي رقم مميز تصدق بس مابا اشتري من التجار اسعارهم تخوف بيقصون علي ابا من المرور باخذه بقيمته الاسميه .. يستوي؟ ولا احلم؟

خلاص رقمي المميز على ايدك ههههههه امزح وياك

شكرا لك على مرورك الطيب اسعدتني مشاركتك

[همر]

بس اشرايك في ارقامكم من الفئات الاولى ؟!!

يعني في دبي فئة a او بوظبي فئة 5 مادري اذا في

اقل او اذا الارقام الحمرا لي الحين موجوده

مقارنة بالفئات اللي بعدها والالوان اللي بعدها ؟!!

لان الشريطيه عندنا وبعض اللي مالهم في الغنم تيس

دوم يخوفون اصحاب الارقام انها لو صارت فئات بيطيح

سعرها واحنا نقول اذا صارت فئات ارقامكم بتصير من

الفئات الاولى واسعارها لا تقدر بثمن ... ولا شو رايك بويه ؟!!




وعلى طاري ارقام بوظبي ... ليش باديه من 5 ؟!!

هل يعتبرون الاحمر 1 والازرق 2 والرصاصي 3 والاخضر 4 ؟!!

وهل بيغيرونهم لارقام ولا بتم الالوان ؟!!

ولا كل الالوان بتحول فوق ال 5 ؟!!

[بن دلموك1]

بس اشرايك في ارقامكم من الفئات الاولى ؟!!

يعني في دبي فئة a او بوظبي فئة 5 مادري اذا في

اقل او اذا الارقام الحمرا لي الحين موجوده

مقارنة بالفئات اللي بعدها والالوان اللي بعدها ؟!!

لان الشريطيه عندنا وبعض اللي مالهم في الغنم تيس

دوم يخوفون اصحاب الارقام انها لو صارت فئات بيطيح

سعرها واحنا نقول اذا صارت فئات ارقامكم بتصير من

الفئات الاولى واسعارها لا تقدر بثمن ... ولا شو رايك بويه ؟!!




وعلى طاري ارقام بوظبي ... ليش باديه من 5 ؟!!

هل يعتبرون الاحمر 1 والازرق 2 والرصاصي 3 والاخضر 4 ؟!!

وهل بيغيرونهم لارقام ولا بتم الالوان ؟!!

ولا كل الالوان بتحول فوق ال 5 ؟!!



هلا ب همر .. حياك الله

رايي سلمك الله ، انا عن نفسي افضل ارقام دبي .. احس ارقام بوظبي ما تدخل مزاجي مادري ليش هههههه .. A و B و C هم الارقام الاقوى في دبي لانهم اقدم .. حتى الاحرف الباقية تكون غالية لو كانت مميزة وايد لكن مثل ما يقولون
Old is gold

و بالنسبة لارقام بوظبي تبدا من الفئة 4 لين 13

لانه الفئات من 1 الى 3 حق النقل الخاص مثل التريلات و التكاسي و الامور هذي

صح كلامك الارقام القديمة دايما سعرها غالي و قيمتها ابدا ما تنزل لانها بتكون مرغوبة اكثر

بخصوص سؤالك عن الألوان مادري اذا تتذكرهم عدل او لا ..
حولوهم لعده فئات اللي هو الاحمر هو الفئة الرابعه و الازرق استوى الفئة السابعه اما الرمادي تحول الفئة الثامنه و الاخضر تحول الفئة التاسعه

لا ماظن يغيرون الالوان بس بيضيفون فئات اكثر