تسجيل الدخول

مشاهدة النسخة كاملة : طقوسك بشهر رمضان المبارك


حمد 2002
15-06-2014, 08:22 AM
السلام عليكم ورحمه الله وبركاته

ماهي طقوسك بشهر رمضان المبارك ؟!!

شتسوي بيومك بدوامك عبادتك وووو الى آخره ..



بالتوفيق ..
ولد العرب
15-06-2014, 08:24 AM
ابي افهم انت بالذات ليه مماتكلم وتبداء من نفسك كل مرة وانت على هالمنوال

عندك اياه شبح
المحاميه
15-06-2014, 08:25 AM
ماعندي طقوس

طقوسي بح :weeping:
لبيبة
15-06-2014, 08:29 AM
طقس الافطار عند اذان المغرب
ولد العرب
15-06-2014, 08:33 AM
شبح مسح رده ليه :eek5:
دخل عليك خاص حمد2002 صح ولا لا
حمد 2002
15-06-2014, 08:35 AM
ابي افهم انت بالذات ليه مماتكلم وتبداء من نفسك كل مرة وانت على هالمنوال

عندك اياه شبح

أنت من يوم الخميس وانا غاسل يدي منك !! :)
حمد 2002
15-06-2014, 08:36 AM
ماعندي طقوس

طقوسي بح :weeping:

ههههه الله المستعان ،،

انزين ممم فتره الظهر بعد الدوام شتسوين ؟

وعقب المغرب اتابعين مسلسلات تطلعين وووو تقرين قرآن ؟


هالشكل يعني ..
حمد 2002
15-06-2014, 08:37 AM
طقس الافطار عند اذان المغرب



انزين وبعد غرد غرد ..

نبي المزيد ..
عطر فرنسي
15-06-2014, 08:40 AM
الصباح عمل وشغل لحد الساعه 2 بعيدن اروح المسجد اقرأ قرأن لين الساعه 4 ونص ومن بعدها ارجع البيت انام واصحى وقت الفطور

بعد الفطور الى المسد لي صلاه تراويح بعد ماخلص الصلاه على القهوه لين الساعه 12 بالكثير 1

هذا الجدول اليومي

كل الشكر يامعلم
حمد 2002
15-06-2014, 08:49 AM
الصباح عمل وشغل لحد الساعه 2 بعيدن اروح المسجد اقرأ قرأن لين الساعه 4 ونص ومن بعدها ارجع البيت انام واصحى وقت الفطور

بعد الفطور الى المسد لي صلاه تراويح بعد ماخلص الصلاه على القهوه لين الساعه 12 بالكثير 1

هذا الجدول اليومي

كل الشكر يامعلم

جدول جميل من شخص جميل ..

يسلمؤؤ عطر طر .. :shy:
(Sara)
15-06-2014, 09:06 AM
زي كل سنه يا باشا :)

اللهم بلغنا رمضان لا فاقدين ولا مفقودين اللهم أمين
حمد 2002
15-06-2014, 09:07 AM
زي كل سنه يا باشا :)

اللهم بلغنا رمضان لا فاقدين ولا مفقودين اللهم أمين

امين ..

انزين كل سنه شتسوين ؟!! :rolleyes2:
المحاميه
15-06-2014, 09:08 AM
ههههه الله المستعان ،،

انزين ممم فتره الظهر بعد الدوام شتسوين ؟

وعقب المغرب اتابعين مسلسلات تطلعين وووو تقرين قرآن ؟


هالشكل يعني ..


اول شي مفكره اداوم رمضان كله وماخذ اجازه
يعني باحاول
لان اخبر ف سنة من السنين قلت مب ماخذه اجازه شوي الا ماقدرت اكمل دوام وطلعت اجازه بس ان شاء الله هالمره اكمل بما ان الدوام قصير

ثاني شي بما ان الشغل يكون شبه معدوم ف رمضان ف الواحد يستغل هالوقت ويقرا قرآن او يشوف برامج دينيه تفيده من ناحية المعلومات الخ

ثالث شي ايه بصراحه مفكره اشوف مسلسل او 2 اذا فيه مجال طبعاً مب شي ضروري بس اذا كان فيه وقت وماعندي شي

رابع شي نقاطع وسائل التواصل الاجتماعي (منتدى - تويتر - بي بي - الخ)

هذا وقت الدوام

اما وقت البيت: بيكون نوم - طبخ اذا فيه مجال ولو اني اشك :nice: - صلاه قرآن

وعقب الفطور تراويح وعقب سهر لين صلاة الفجر

الله يعينا ويتقبل منا ويجازي كلن حسب نيته
وان شاء الله كلامي يكون خالي من الرياء

بس طقوس رمضان معروفه
وبما انك سألتني قلت اجاوب

الله يبلغنا رمضان على خير
العلياا
15-06-2014, 09:22 AM
ادش المطبخ واقعد مع اهلي اكثر واهم شي صلاة التراويح والقيام فالمسجد
صج تحس ان ايام رمضان غير

رمضان هالسنة بقضي نصه برا الدوحة عشان جي زعلانه :weeping:

مبارك عليكم الشهر الفضيل
R 7 A L
15-06-2014, 09:27 AM
ياخي غير كلمة طقوس بشي ثاني

احس طقوس موب عدل
نور الحور
15-06-2014, 09:30 AM
الصباح عمل وشغل لحد الساعه 2 بعيدن اروح المسجد اقرأ قرأن لين الساعه 4 ونص ومن بعدها ارجع البيت انام واصحى وقت الفطور

بعد الفطور الى المسد لي صلاه تراويح بعد ماخلص الصلاه على القهوه لين الساعه 12 بالكثير 1

هذا الجدول اليومي


كل الشكر يامعلم


:nono:
عطر فرنسي
15-06-2014, 09:34 AM
:nono:

:weeping:
(Sara)
16-06-2014, 10:00 AM
برمضان بحاول بقدر الإمكان إني أبتعد عن أماكن العصير والفيمتو
مو كل سنه أنا اللي أصب :(
ضوى
16-06-2014, 10:04 AM
برمضان بحاول بقدر الإمكان إني أبتعد عن أماكن العصير والفيمتو
مو كل سنه أنا اللي أصب :(

ردج عجيب

صج اللي قاعد عند العصير يتوهق
عاشق العديد
16-06-2014, 10:08 AM
جدولي بيكـون ..

من بعد صلاة المغرب فطور بسيط مع دقة سلف الى النـادي لين صلاة العشاء اروح المسجد الي فنادي اصلي العشاء والتروايح وارجع النـادي مره ثانيه تمرين لين ساعه 12 او وحـده .. وبعدها انام لين اذان الفجـر .. تقوم تقراء لك كم سورة من القران وانت رايح الدوام .. وهذا الجدول باذن الله ..
ضوى
16-06-2014, 10:13 AM
سحور صلاة وقران شروق صلاة نوم دوام صلاة وقران تقييل صلاة قران تجهيز للفطور صلاة وقرأن فطور قعدة مع ابونا والعيال مناوشات متابعة شي طريف حلو صلاة تراويح قرأن نوم وهلم جرا
ولد العرب
16-06-2014, 10:14 AM
برمضان بحاول بقدر الإمكان إني أبتعد عن أماكن العصير والفيمتو
مو كل سنه أنا اللي أصب :(

هههههههههههههههههههههههه موتني ضحك
انا كل رمضان اصوب لهم شوربه :weeping:
حمد 2002
16-06-2014, 10:16 AM
هههههههههههههههههههههههه موتني ضحك
انا كل رمضان اصوب لهم شوربه :weeping:

اصب وليس اصوب ..
ولد العرب
16-06-2014, 10:21 AM
اصب وليس اصوب ..

مشها لي ياسمح
white bird
16-06-2014, 10:24 AM
ههههههههههههه كانت شغلتي العصاير

بس الحين خلاص تكبرنا :shy:
ولد العرب
16-06-2014, 10:28 AM
ههههههههههههه كانت شغلتي العصاير

بس الحين خلاص تكبرنا :shy:

معيض يقولك كبرنا مش تكبرنا
white bird
16-06-2014, 10:31 AM
معيض يقولك كبرنا مش تكبرنا

ههههههههههههه ياهالمعيض :funny:
معيض يقولك تكبرنا مشتقة من كِبر و تكبر

بعني شفنا نفسنا :p
بو خليفه 123
16-06-2014, 10:35 AM
يوم اقرأ كلمة طقوس احس نفسي مولع شموع و اقعد ادور عليها و حاط ريشة الهنود الحمر


عقب الدوام كالعاده ارجع و اقسم اجزاء القرآن و الله يعينا و يقدرنا على ختمه هذي السنه بأذن الله ..

عقبها قيلوله بما اني ما اتابع مسلسلات ولاني رفيق للتلفزيون

نفطر على تمره و نصلي و بالعاده يكون فطوري خفيف المعده ماتتقبل ..

و عقب صلاة التراويح نتجمع في في المجلس

و بعدين جدول رمضان يتغير تلقائياً مابين صلاة التراويح .. و من ثم القيام .. و زيادة التعبد بالعشر الاواخر و ليلة القدر

صلة الرحم ..

زيارة اصدقاء الشيبه الاوليين رحمة الله عليه


و هلم ماجرا
بشائر
16-06-2014, 10:37 AM
حلو الموضوع وحلو اننا نستفيد من بعض
جزاك الله خير ..

أحط لي هدف قبل رمضان استعدادا له ( اسمع محاضرات واقرأ عن فضل أيام رمضان .. الأجور المضاعفة فيه .. وأحدد عدد مرات ختم القرآن ) كل هذا يرفع الهمة
ويجعلك تستمتع برمضان أكثر من كل مرة .. أطبق سـُنة من السنن التزم فيها وتكون بدايتها في رمضان .. مثلا صلاة الضحى بدأتها في أحد الرمضانات ولله الحمد مستمرة عليها ..
أو دعاء جديد تضيفه لسجودك أو في دعاءك العادي وهكذا .. أحب أن تكون بداية إضافتي الجديدة لحياتي من رمضان ..
البرنامج : أصلي الظهر في الدوام كالمعتاد ولله الحمد ..أرجع البيت أنام لين وقت صلاة العصر وقراءة الأذكار
بعدها لين وقت الفطور أدخل المطبخ واللي احتاج أسويه من ترتيب وتنظيم بعد الفطور مباشرة استعداد لصلاة العشاء لأنه مابينهم وقت كثير بعد صلاة العشاء
دائما يكون للقعدة مع الأهل و الجيران أو حضور أحدى الفعاليات الرمضانية الطيبة بس ماهو كل يوم لأني ماحب الطلعات في رمضان كثير
وعادة ماحب السهر في رمضان لأنه مضيعة للوقت النوم الساعة 10:30 أو 11 بالكثير والقعدة قبل الفجر بساعة للسحور ولصلاة الفجر
وبعد الفجر قراءة القرآن إلى وقت الشروق ( حجة وعمرة تامة تامة تامة ) بإذن الله ومن ثم استعد للدوام واتوكل على الله ..
ماشوف التلفزيون في رمضان لأن كل المسلسلات تعرض بعد رمضان أكثر من مرة ( خاصة التاريخية هي اللي تهمني ) ..


اللهم بلغنا رمضان لا فاقدين ولا مفقودين اللهم آمين
وسلامتكم .
نور الحور
16-06-2014, 10:55 AM
سحور صلاة وقران شروق صلاة نوم دوام صلاة وقران تقييل صلاة قران تجهيز للفطور صلاة وقرأن فطور قعدة مع ابونا والعيال مناوشات متابعة شي طريف حلو صلاة تراويح قرأن نوم وهلم جرا


ههههههههههه

شابكتهم ضوى ههههههههه
ضوى
16-06-2014, 11:15 AM
ههههههههههه

شابكتهم ضوى ههههههههه

شاسوي نور، يبغي طقوسنا عطيته الزبدة ، طبعا فيه زيارات العايلة كل حين وبين ، فيه سهرات ان شاء الله عند الأهل ، فيه قرنقعوه ولمة اهل وفرحة يهال
نور الحور
16-06-2014, 11:22 AM
شاسوي نور، يبغي طقوسنا عطيته الزبدة ، طبعا فيه زيارات العايلة كل حين وبين ، فيه سهرات ان شاء الله عند الأهل ، فيه قرنقعوه ولمة اهل وفرحة يهال


ههههههههههه

حبيت بشغف سالفة الطقوس ..

طقوسي يا حمد سرية .. توب سيكرت :shy:
بوحارب
16-06-2014, 12:45 PM
رقااااااد :)
ولد العرب
16-06-2014, 12:51 PM
اهم شي
شوربتي مفضله غيرها لاحد يحاول :shy:

http://up.hawahome.com/uploads/13711172001.jpg


سمبوسه بالفرن سوى لحم او دجاج او خضار

http://www.sarkosa.com/vb/imgcache/fe106436f742fbab7c3d3396e86a49ec.jpg


http://media1.arabia.msn.com/medialib/2012/1/20/0_19830.jpg





ثريد لحم :weeping: او دجاج

http://bentalemarat.files.wordpress.com/2011/08/d8abd8b1d98ad8af-d8a7d984d8afd8acd8a7d8ac.jpg

http://www.mjla.net/upload/recipe/food_64556.jpg
بوفاطمه
16-06-2014, 12:54 PM
مبروك عليكم الشهر الفضيل.
عبادة رب الكون والاكثار من االصلوات والتذكير ،وعمل الخير لوجه الله.
مختلفة عقليا
16-06-2014, 12:56 PM
السلام عليكم .,

جدولي ايام الاسبوع ., دوام لي 2 ., وعند كل صلاه اتم في السياده اقراء قران ..

ارد البيت ., اصلي العصر ., واتم اقراء قران ,’ ارتاح اشوي ,’ او اجوف التي في ,’

قريب اذان المغرب اقعد ., او انزل تحت لو ما نمت ., انجب الفطور ., اتفطر اصلي واجوف التي في

اشوي اصلي العشاء والتروايح في البيت مع نفسي .,

وعقب يختلف يوم محاظره يوم غبقة يوم طلعه ,’ وجيه

الويك اند ., اناااااااااااااااااااااااااااااااااااااااااااام بس اقوم اصلي واقراء قران وارد انااااااااااااااااااام .,

لو في طلعه عقب الفطور ., اروح خيمات رمضانيه ., وجيه طلعات خفيف خفيف .,

والعشر الاواخر في السوق ., :weeping:

وفي كم يوم لازم اعتكف .,

ويسلموو .,
توشيبا
16-06-2014, 01:00 PM
طقوسي قبل وبعد رمضان

ابرا كدابرا

في رمضان اختفي :)
qatarman8008
16-06-2014, 02:04 PM
انا دوامي شفتات.. اذا صار الاوف اعيش جو رمضان واذا صار دوام تلاقيني كله اتثاوب ..:omg:
انزين .. باكلمكم عن الاوف فقط لان اخاف تتثاوبون انتوا بعد..
الاوف:
نوم من بعد الفجر الى الظهر.. تقريبا 7 ساعات.. وبعدين اقوم افتل..
صلاة ظهر ثم قران..
صلاة عصر ثم اطلع ادور لين المغرب..
افطار ثم قعدة مع الاهل..
صلاة العشاء والتراويح ثم اروح الجم..
اخلص شغل الاهل ثم اتسحر عالساعة وحدة تقريبا..
من وحدة لين الفجر شاي وقهوة.. يصير الكافيين عندي مليون..
اذا تبون تعرفون وش يصير بعد الفجر ارجعوا الى السطر الرابع..