من المسؤل ياجماعه الخير

[QTR TV]

السلام عليكم
إخواني امس الظهر كنت في طريق سلوى امشي على الطريق الفرعي من صوب المحلات تفاجأت الا وإقدامي باص عمال متروس عمال وداخل رانسيد ( عكس السير )
وقفت على يمين الطريق وكانت سيارات وراي ورحت للسائق وكلمته انت ماشي عكس السير تتوقعون شنوا كان رده بابا انا مافي معلوم طريق يوم قتله ليش اتسوق وانت ماتعرف الطريق رد على بابا انا مافي معلوم عربي كلمته انجليزي نفس الشي مافي معلوم ، المشكلة الأكبر أني كلمت الداخليه 999 أبلغهم بالمشكلة رد علي واحد وقالي نعم الشيخ أمر قتله اخوي في واحد يسوق باس عمال وداخل عكس السير وكان بيسبب حادث غير عرقله السير قالي انت عسكري ولا مدني قتله مدني قالي خذ رقم السياره وروح مركز المعموره قدم شكوى ، هههه قتله ياخوي ترا انا مشغول وانا سامع الخرجي يقول كل مواطن مسؤول ومن حقه يطلب دوريه في اي مخالفه قالي لايبه مانقدر نطرش لك دوريه وحتى لو جاتك دوريه مب مخالفه الشخص قتله ياخوي هو حاليا واقف في وسط الشارع عكس السير يعني لو جات دوريه بتشوف المخالفة صريحه قالي ماقدر الطرش لك دوريه وحياك الله .
السؤال لو مكان الباص سياره يسوقها مواطن ولي قدم الشكوى جوازه بريطاني شنوا كان بيستوي أتوقع بيتحرك الفريق الخاص للموقع هههههههههه
عن نفسي من اليوم وساير مالي خص في شئ ولو أشوف اجنبي يسوق عكس أسير باقلده وبمشي عكس السير ورآه ابرك لي واختصار لي ويمكن اقدم له هديه بعد

[R 7 A L]

لا تهور وتعكس السير ويصيدونك الشلة
ويصورونك في مطراش 2
وتنحجز سيارتك في الشبك مع الشلة

[بن غيث]

قدم شكوى ضد الشرطي في موقع الداخليه .. باليوم والوقت

[Aaziz]

واضح ان الهندي سايق العبط

غلطان ياخوي ،، عشان هالموقف تاخذ قرار خطاء بانك بتترك اي حد يخالف و بتبدا تخالف ؟

فيه خطا في الموقف الي صار معاك ولكن ما اعرف من وين الخطاء ،، هل من الشخص الي كلمته على 999 او في القانون الي مايخدم .

المفروض يا اخوانا في الداخليه تتعاملون مع شكوى مثل هذي بجديه و بحزم شديد ،، لان الي متقدم بالشكوى الهاتفيه مواطن عادي (احد السائقين في الشارع) تدخل بشكل مباشر و مدني ايضا ،، لو مطرشين دوريه و حضرو بالباص لمركز الشرطه و خالفوه و طلبو كفيل و تعهد على السائق كان كل الوافدين بيعملون الف حساب اذا فكرو يخالفون لانهم بكل بساطه بيعرفون انه اقرب سياره في الشارع ممكن يحل محل ضابط مرور و بالتالي بيخافون هالسواقين المستهترين بقوانين المرور و بسلامه السائقين الاخرين .
في هذي الحاله معناته السائق بيخالف اذا ماشاف دورية سلامن سلام << و هذا تطبيق على ارض الواقع للمثل من امن العقوبه اساء الادب

[موظف ((حكومي]

قبل اسبوع دف السياره كروه وكلمت وقال مالنا شغل في كروه


بالامس كنت واقف في موقف معاقيين وحطيت على طابلون بطاقه مال الاحتياجات الخاصه وقلت للامن سياره عندك ورويته بطاقه ومكانها

وجا للسياره للمرور وخالفني موقف معاقيين وجاني موظف وعلمني وقال له عن بطاقه قاله الشرطي البطاقه ماتمشي!!!



ليه ماتمشي البطاقه؟؟

المرور عنجنا قوانينهم على كيفهم

[يمامـة]

قدم شكوى ضد الشرطي في موقع الداخليه .. باليوم والوقت

اتفق مع هالرأي.. يعني الباص واقف في الشارع عكس السير
يقول له خذ رقمه وروح بلغ عليه في المركز ؟


نداء لمدير المرور هناك نقص في سيارات الشرطة في كل مكان
حتى في منطقة الاسواق قبل كنا نشوف شرطة،، لي كم يوم امر ذيك المنطقة
فوضى في السير والتجاوزات والوقوف خلف السيارات وتعطيل السير ولا شرطي
نلقاه يمشي المكان!!

[R 7 A L]

قدم شكوى ضد الشرطي في موقع الداخليه .. باليوم والوقت



والنتيجة
هل راح يتحاسب الشرطي ؟
هل بتنحصل المشكلة الي في الاساس انتهت ؟

[Right]

دام هذا رد العسكري ، أنصحك لا عاد توقف و لا تنصح أي حد مخالف


كبر مخك ، ولا تضيع وقتك

[شيخ الديرة]

السلام عليكم
إخواني امس الظهر كنت في طريق سلوى امشي على الطريق الفرعي من صوب المحلات تفاجأت الا وإقدامي باص عمال متروس عمال وداخل رانسيد ( عكس السير )
وقفت على يمين الطريق وكانت سيارات وراي ورحت للسائق وكلمته انت ماشي عكس السير تتوقعون شنوا كان رده بابا انا مافي معلوم طريق يوم قتله ليش اتسوق وانت ماتعرف الطريق رد على بابا انا مافي معلوم عربي كلمته انجليزي نفس الشي مافي معلوم ، المشكلة الأكبر أني كلمت الداخليه 999 أبلغهم بالمشكلة رد علي واحد وقالي نعم الشيخ أمر قتله اخوي في واحد يسوق باس عمال وداخل عكس السير وكان بيسبب حادث غير عرقله السير قالي انت عسكري ولا مدني قتله مدني قالي خذ رقم السياره وروح مركز المعموره قدم شكوى ، هههه قتله ياخوي ترا انا مشغول وانا سامع الخرجي يقول كل مواطن مسؤول ومن حقه يطلب دوريه في اي مخالفه قالي لايبه مانقدر نطرش لك دوريه وحتى لو جاتك دوريه مب مخالفه الشخص قتله ياخوي هو حاليا واقف في وسط الشارع عكس السير يعني لو جات دوريه بتشوف المخالفة صريحه قالي ماقدر الطرش لك دوريه وحياك الله .
السؤال لو مكان الباص سياره يسوقها مواطن ولي قدم الشكوى جوازه بريطاني شنوا كان بيستوي أتوقع بيتحرك الفريق الخاص للموقع هههههههههه
عن نفسي من اليوم وساير مالي خص في شئ ولو أشوف اجنبي يسوق عكس أسير باقلده وبمشي عكس السير ورآه ابرك لي واختصار لي ويمكن اقدم له هديه بعد

هل قمت بتصوير الباص وهو مخالف؟؟ حط الصورة هنا وكثير مستعد يبعثها عن طريق مطراش2.

[@north_star@]

المفروض انه الشرطي اقل ما فيها يقولك صور الباص وطرش الصورة على مطراش 2 ..... وتعال شوف كم سيارة عكس السير وبالذات شوارع الخدمات اللي على طريق سلوى ولا يفتكرون مع انه اشارات ممنوع المرور واضحة

[معماري قطري]

واضح ان الهندي سايق العبط

غلطان ياخوي ،، عشان هالموقف تاخذ قرار خطاء بانك بتترك اي حد يخالف و بتبدا تخالف ؟

فيه خطا في الموقف الي صار معاك ولكن ما اعرف من وين الخطاء ،، هل من الشخص الي كلمته على 999 او في القانون الي مايخدم .

المفروض يا اخوانا في الداخليه تتعاملون مع شكوى مثل هذي بجديه و بحزم شديد ،، لان الي متقدم بالشكوى الهاتفيه مواطن عادي (احد السائقين في الشارع) تدخل بشكل مباشر و مدني ايضا ،، لو مطرشين دوريه و حضرو بالباص لمركز الشرطه و خالفوه و طلبو كفيل و تعهد على السائق كان كل الوافدين بيعملون الف حساب اذا فكرو يخالفون لانهم بكل بساطه بيعرفون انه اقرب سياره في الشارع ممكن يحل محل ضابط مرور و بالتالي بيخافون هالسواقين المستهترين بقوانين المرور و بسلامه السائقين الاخرين .
في هذي الحاله معناته السائق بيخالف اذا ماشاف دورية سلامن سلام << و هذا تطبيق على ارض الواقع للمثل من امن العقوبه اساء الادب

على العوق يا عزيز .. المشكلة التصريحات شيء والتعليمات شيء والتطبيقات شيء ثاني .. عاد تتوقع الخرجي يتفاعل مع المشكلة ويحقق فيها .. يفترض تكون أَقلها المكالمات مسجلة.

ما أَنسى يوم ما اتصلت بسبب زحمة قوية في مواقف مول وربكة في تقاطع الكل داخل فيه وواقف .. وبعد حول 3 ساعات من الانتظار قررت اكلم الشرطة وهذا في أَمريكا وفي مدينة متوسطة .. فجأَة بعدها طلع سكيورتي بلباس خاص وبدأَ يحرك الطريق وانحلت المشكلة في دقايق.

[S S]

صادني اكثر من موقف وكل ماابلغ احصل نفس اجابتك

[بشائر]

السلام عليكم
إخواني امس الظهر كنت في طريق سلوى امشي على الطريق الفرعي من صوب المحلات تفاجأت الا وإقدامي باص عمال متروس عمال وداخل رانسيد ( عكس السير )
وقفت على يمين الطريق وكانت سيارات وراي ورحت للسائق وكلمته انت ماشي عكس السير تتوقعون شنوا كان رده بابا انا مافي معلوم طريق يوم قتله ليش اتسوق وانت ماتعرف الطريق رد على بابا انا مافي معلوم عربي كلمته انجليزي نفس الشي مافي معلوم ، المشكلة الأكبر أني كلمت الداخليه 999 أبلغهم بالمشكلة رد علي واحد وقالي نعم الشيخ أمر قتله اخوي في واحد يسوق باس عمال وداخل عكس السير وكان بيسبب حادث غير عرقله السير قالي انت عسكري ولا مدني قتله مدني قالي خذ رقم السياره وروح مركز المعموره قدم شكوى ، هههه قتله ياخوي ترا انا مشغول وانا سامع الخرجي يقول كل مواطن مسؤول ومن حقه يطلب دوريه في اي مخالفه قالي لايبه مانقدر نطرش لك دوريه وحتى لو جاتك دوريه مب مخالفه الشخص قتله ياخوي هو حاليا واقف في وسط الشارع عكس السير يعني لو جات دوريه بتشوف المخالفة صريحه قالي ماقدر الطرش لك دوريه وحياك الله .
السؤال لو مكان الباص سياره يسوقها مواطن ولي قدم الشكوى جوازه بريطاني شنوا كان بيستوي أتوقع بيتحرك الفريق الخاص للموقع هههههههههه
عن نفسي من اليوم وساير مالي خص في شئ ولو أشوف اجنبي يسوق عكس أسير باقلده وبمشي عكس السير ورآه ابرك لي واختصار لي ويمكن اقدم له هديه بعد


لو كان هالكلام صحيح مصيبة !

لكن من خلال تجربتي الشخصية ولأكثر من مرة أشوف إن الشرطة متعاونين وسريعين في التنفيذ والحضور
يمكن اللي رد عليك شخص غير مسؤول ولا عنده حس وطني وماهو في مكانه الصحيح حسبي الله ونعم الوكيل.

[العنيده]

شلون عكس السير ومايخالفونه غريب بصراحه :rolleyes2:
بلاغ على اللي استلم البلاغ والوقت وصوره للمخالفه حق مطراش وكان الله غفور رحيم ..

بس لحظه لحظه عادي :secret:امشي عكس السير مثلا

[قلم صادق]

ما يقدر يطرش دوريه ؟؟؟ ليش ؟

الظاهر كلهم مشغولين على الاشارات في تسجيل مخالفات الحزام او المخفي ..

لازم تقدم فيه بلاغ الواحد لين شاف الغلط لازم يصلحه ... وبصراحه الدوريات عندنا متعاونين

بس الظاهر الغلط في الشخص اللي رد عليك .

[عاشق العديد]

انا اقول الى امن الخور الى الامام ..

مايعجبونك الا الي هناك والله يقومون بعملهم باكمل وجـه .. فدوحه كل واحد ماله خلق يتحرك من مكـانه ..

[دااانة قطر]

صادني اكثر من موقف وكل ماابلغ احصل نفس اجابتك

وانا مثلك
بصراحة صرت اكره اتصل على 999
وحتى يوم صار علي حاادث عيزاانين يطرشون لي دورية والقهر يقولون لي خلاص تعالوا المرور

[توشيبا]

999 كلهم مخلصين ثانويه ومدنين مب عساكر

لا خذو دورات ولا شي

ومهمتهم بس توصيل البلاغات من الجمهور الى الجهات المختصه

مثل حادث مروري يبلغون المرور

حادث حريق يبلغون الدفاع المدني

[دااانة قطر]

999 كلهم مخلصين ثانويه ومدنين مب عساكر

لا خذو دورات ولا شي

ومهمتهم بس توصيل البلاغات من الجمهور الى الجهات المختصه

مثل حادث مروري يبلغون المرور

حادث حريق يبلغون الدفاع المدني


يعني بس اذا صاارت حواادث يتم التبليغ ؟؟

[مختلفة عقليا]

السلام عليكم .,

سبق وذكرت موضوع التوعيه والحقوق .,

محد فينا يعرف حقه القانوني من اتفه موضوع .,

انا مره دعمت وكنت الغلطانه ., اتصلت لي وحده من المركز وقالت اذا ما يتي بحط لج (( هروب )) ’آ علي طول قلت لها عطيني اسمج وحوليني ع الضابط .,

اليوم الثاني رحت المركز والضابط ميت ضحك ., قال امس سويتي مشكلة ., قلت له المشكلة في التوعيه مو فيني .,

مانعرف شنهو القانون ,’ !! ولا انعرف احقوقنا كاملة ’آ متي اقدر اتصرف ومتي اوقف ., !!

عيب والله عيب ’آ عيب اعلاميا وتثقيفيا ., وعيب علي الوزارة ما اتحط منهج يدرس يعلم المواطن احقوقه ., ومتي يتكلم ومتي يغض الطرف .,

ما اعرف شقولك ,’

يسلموو .,

[QTR TV]

مشكورين على تفاعل كم وانا لأول مره ادري أني اقدر أصور المخالف وطرش الصور على مطراش 2 مع العلم اني تحطمت نفسين بعد رد الموظف وماصورة شي بس ممكن تعلمونا كيف ألطريقه
ومشكورين

[Aaziz]

اخوي شوف هذا الموضوع

http://www.qatarshares.com/vb/showthread.php?587049-%E4%D8%C7%E1%C8-%E6%D2%ED%D1-%C7%E1%CF%C7%CE%E1%ED%C9-%C8%DA%CF%E3-%CD%CC%D2-%C7%E1%D3%ED%C7%D1%C7%CA/page4

و المشاركه رقم 134
ورقم 191