مبنى الشحن الجوي في مطار حمد الدولي

[جوال 11]

مبنى الشحن الجوي في مطار حمد الدولي يعيش في فوضى عارمة لاتوجد اماكن للصلاة ولا توجد اماكن للانتظار ولا يوجد كفتيريا للموظفين او الزوار ومواقف الزوار محدودة كيف سيخدم مبنى الشحن الجوي للسنوات القادمة .
حتى موظفي القطرية لديهم تذمر من العمل والاوراق مبعثرة يحتاج الموظف البحث عنها ولا يلتزم المخلصين بالارقام نظرا لعدم تخليص الناس يا ناس نحن في عام 2014 وفي دولة غنية ولله الحمد والمنة اين المشرفين على هذا المبنى واين ملاحظاتهم .
لا اقول الا ربي يعين الموظفين والمخلصين والزوار الذين ياتون لانهاء معاملاتهم.

[Dana’1]

لهدرجة
هالكم يوم بس كثر الكلام عن عيوب او مثل ما يلطفونها ويقولون ملاحظات

يعني ما اعرف ليش استعجلوا وافتحوة دام كثييير اشياء ناقصتة<< على حسب ماذكرة الاعضاء بالمنتدى

الاول كان سلس وماشي عدل... كان اجلسوا فية لييين يكتمل الجديد ..
كل هذا عشان من؟!
بالأساس هو تأخر عن موعد التسليم المشروع من قبل خلاص كان استمر ليييين يكتمل صح

[R 7 A L]

على فكرة مبنى الشحن من زمان شغال يمكن فوق ثلاث شهور
وقمة التخبط
انا وصلت اغراضي من امريكا لو مارحت لهم بالصدفة كان ماحد كلمني
وغرموني حق ثلاث ايام

[ya3coub]

اكثر من 6 شهور و المبنى شغال

و فيه تخبط حاله حال الميناء للأسف اتكلم عنا كأفراد الي يشتري اغراض من النت او احد شاحنلك اغراض شخصية يذلونك علشان ما تطلب مرة ثانية و كلشي صار فيه مواصفات و مقايس للأسف

و اكثر شي يقهر موضوع المخلصين الي مالهم تسعيرة معينة و انت اصلن اتكون موجود معاه بكل الخطوات كتابة بيان و روح و عاين و جيب موافقه ولا ختم من المواصفات

ليش ما يكون النظام واضح و بسيط بدون مخلصين جمركين صاحب الشأن او الطلبية يروح بنفسه. و يطلع حاجته و اغراضه بنفسه و الي ما يقدر يخلي احد ينوب عن. مو يلزمني مثلا بالميناء انه سيارة تجيب غرض بسيط و يفعني 500 ريال او مندوب اتفق معاه على سعر معين و يرفع سعره و عقب يقولي تبي اغراضك ادفع !!!!

و لما الواحد يشتكي يقولون مو عندنا ولا لنا عليهم سلطة دبر نفسك معاه و ادفعله



الموظفين القطرين ما يقصرون سوائا ظباط او افراد الي عالكاونتر بس المشكلة بالمخلصين و بالقوانين الي تلزمك بمخلص جمركي يرفع ضغطك و يزيد عليك بالتسعيرة

ولا ارضيات القطرية. و بعض الشحنات تحتاج معاينة بمبنى الشحن القديم تضيع بين المطار الجديد و القديم و ايضا المواصفات حدث بلا حرج

المطار جيد جدا بس التنظيم و اذا يخلون الافراد ياخذون اغراضهم بنفسهم و يخلصونها بدون هالمخلصين بطرق بسيطة الحين صار في مطراش و غيره والله الناس بترتاح و حتى شغل الموظفين ممكن يكون اهدى و اريح

[جوال 11]

بالنسبة لشركات الشحن ينهبون الناس اذا بيطلع اوراقك من الانترنت ياخذ 375 ريال بدون اي خدمة فقط اوراق الشحنة واذا فيه استلام وتوصيل 1350 ريال ومعاملة سيئة جداً بس هدفهم جمع الاموال مثل عمل الدلال وهذ المهن مهن من لا مهنة له لا شهادة علمية لكن يحصل على مبالغ كبيرة نتيجة عدم تقنين هذه المهن وتحديد اسعار ثابتة

[سعادة الوزير]

و فيه تخبط حاله حال الميناء للأسف اتكلم عنا كأفراد الي يشتري اغراض من النت او احد شاحنلك اغراض شخصية يذلونك علشان ما تطلب مرة ثانية و كلشي صار فيه مواصفات و مقايس للأسف


هذا هو مربط الفرس ، الحين صار الكل يطلب من الانترنت ، وصار كل شي ينطلب من الانترنت ، الملابس الجواتي الاجهزة الالكترونية معدات واكسسوارات المنزل .. الخ ، ولو تلاحظ قبل 5 سنوات ارامكس يكشوف ذبان ، والحين طوابير طويلة عريضة ، كل هذا يعتبر خسارة للتجار الكبار واصحاب الكلمة والنفوذ في قطر ، لذلك تشوف تصعيب الاستيراد من الخارج يزداد يوم عن يوم.

[airbus]

شريت كاميرة من شهرين وصلت لي الدوحه خلال خمس ايام بعدها قعدة شهرين هناك في الجمارك كل شوي يبوا اوراق وتصاريح وهي كاميرة عادية