سوالف __ مسلسلات وبرامج رمضان 2014

[T A L A L]

-






السلام عليكم ورحمة الله وبركاته
شخباركم أعضاء منتدى شبكة الأسهم القطرية :victory: !
اول شيء مبارك عليكم قدوم الشهر مقدماً ..
والله يبلغنا اياه لا فاقدين ولا مفقودين إن شاء الله ..
وربي يعينا على صيامه وقيامه وختم قرانه ..


ملاحظة بسيطة
طبعاً عندي طلب بسيط إذا ممكن من الاخوان والخوات ..
اتمنى ما احصل هجوم منكم , انه رمضان شهر الخير !
ورمضان شهر القران والصلاة وبدال القعدة على التفلزيون ..
روح اقرا قران أو صل , هالكلام خالصين منه وعارفينه :nop: !
وإن شاء الله بنختم القران وبنصلي الصلوات والتراويح وبنؤدي واجبتنا على اكمل وجه ..
بس بالمقابل اكيد راح نشوف التلفزيون لو ساعة , وهالموضوع طرحته للتسلية فقط !



__________________________________________________ __________



اكيد اللي شافوا التلفزيون اغلب القنوات بدوا يعرضون لبرامجهم ومسلسلاتهم ..
وانا شخص فيكم تقولون متابع جيد لهالأشياء وقررت أني رمضان هذا ماني مكثر مسلسلات ..
لان وقتي بيكون ضيق وباقضيه ف أشياء ثانية , وبعد ما راح يخلى من التلفزيون :app2: !


سرايا عابدين

مادري سمعتوا عن هالعمل ولا لا :eek5: يعتبر من أضخم الاعمال الدرامية العربية ..
مو بس لسنة 2014 بل في تاريخ الدراما العربية وتضمن العمل 250 ممثل عربي !!
وهو عمل مقتبس من قصة حقيقة وهي حياة الخديوي اسماعيل احد ابرز الشخصيات ف مصر ..
والجدير بالذكر ان كاتبة العمل كويتية وهي الكاتبة المبدعة هبة مشاري حمادة :nice: !
انا شخصياً بعد هالملعومات اللي عرفته , يهمني اتابعه مع اني ما احب الاعمال التاريخية ..
بس عمل بنت خليجية وبهالضخامة والكل يتكلم عنه ف لازم نتابعه ونعرف كلام بس ولا صدق !



خواطر 10

من منا ما يعرف المبدع والرائع أحمد الشقيري اللي يا ما استفدنا منه وعرفنا الكثير ..
يعود في الموسم العاشر من البرنامج المشهور والاكثر متابعة خواطر وقد يكون الجزء الاخير !
المميز في هالجزء ما راح يكون طرحه فقط بس انه راح يطلع عيوب الشعوب اللي مدحها من قبل ..
ويوصل مفهوم صح انهم دول عالم أول وأحسن منا بكثير أشياء لكن احنا عندنا دين وراح يتطرق لهالشيء ..





سؤالي لكم
انتوا وش مقررين تشوفون برمضان حاطين ف بالكم اعمال معينة وليش ؟
نبي نستفيد خصوصاً يمكن نسمع عن مسلسل في قصة مميزة او عبرة او شيء جديد ..
او حتى عن برنامج ديني ما كنا نعرف عنه :eek5: يا ليت اشوف تفاعلكم :swoon2: !






-

[عاهد بن علي]

انا راح اكون في الدوام من 9 ليلآ يعني بدون تلفزيون

[@north_star@]

ما نقدر نحكم الحين الا نشوف كم برنامج على كم مسلسل :omen2:

[المحاميه]

طلال انت جاي من ذاك المنتدى على ماظن
هلا ومرحبا

[نور الحور]

هههههههه عجبتني طريقة الطرح

واستباق الاراء والرد عليها حتى من التخسبق

تحول التلفزيون لكلمة ثانية :secret:


اولا شكرا على فكرة الموضوع وطريقة التنسيق

وايد مرتبة على ان الموضوع طويل لكن فكرته وتفاصيله واضحة

المهم ..

بالنسبة لي حاطه ببالي مابتابع ولا مسلسل

لكن ما يندرى حسب الوقت ممكن اتابع واحد لو كان اوكي

خواطر لازم ومن اولوياتي ..

لو في برنامج لفهد الكندري بتابعه بدون تفكير

وبس والله :)

[T A L A L]

^






عاهد بن علي | الله يعطيك العافية ويقويك

@north_star@ | ما نقدر نحكم صحيح :discuss: !
بس نقدر نعطي انطباع مبدئي عن القصة وطاقم العمل ..


المحاميه | انا ما اشارك فالمنتديات وقاطعها من زمان ..
انا حالياً بس متواجد فهالمنتدى الجميل فقط لا غير :nice:

نور الحور | فهد الكندري رائع , تابعت له كذا حلقة من برنامجه ..
اعتقد اسمه مسافر مع القران شيء من هالقبيل !
وكان رائع صراحة من الناس اللي احبه واحب طرحها ..

ويعطيكم العافية نورتوا الموضوع كلكم :nice: ..




-

[بوحارب]

ما أتابع المسلسلات من زمان
اعتبرها كلام فاضي ومضيعة للوقت

[JN000N]

مادري شبتابع لين سافرت وقتنا مقلوب ومافكرت ف شي غير شلون وكيف وهل ومتى بنستقر

[ضوى]

عادة ومن زمان ما اتابع مسلسلات ، بس خواطر احبه جدا وبرنامج الكندري احبه ، وخوصة بوصه وقت الفطور مافي شي ثاني يستحق نضيع الوقت معاه

[وحيد-الشوق]

انا ما الحق اشوف شيء في رمضان حتى خواطر ابي اتابعه مب قادر الوقت يمر بسرعة واذا كنت قاعد في البيت مع الاهل والاخوان ممكن اشوف شيء بس شخصيا مايهمني التلفزيون حتى في الايام العادية هههههه

[توشيبا]

جدولي في رمضان معروف

دوامي من ست الصبح لين عشر الصبح وبعد الفطور لين 12 الليل

الا اذا مسافر


وباقي الوقت مخصصه للنوم واقرا القران الكريم

[Charisma]

مرحبا اخوي طلال ومع استباقك في التنبيه والتحضير ..
تذكر الاثام اللي بتجنيها من تقاريرك عن المسلسلات وتسليط الاضواء عليها واللي بيتابعونها من ورى موضوعك.
اتمنى ماتاخذ بخاطرك علي لكن وذكر فان الذكرى تنفع المؤمنين .. اسال الله ان يبلغنا رمضان.

http://www.youtube.com/watch?v=B61dHg8ci_I

[للصبر اخر]

سرايا عابدين شفت الاعلان عنه
للعلم كان المفروض ينعرض هالمسلسل من 4 شهور وتم سحب الاعلان مادري ليش
بس مبين ان انتاجه ضخم جداا بكافة المعاني من اخراج وديكور وغيره
اللي صدمني كاتبة المسلسل
هبة مشاري حماده
هي نفسها كاتبة مسلسل كنة الشام
بالنسبه لسؤالك
ماقدر احكم الحين
لاني الدوام لحد الحين ماتحدد
والله يعينا على صيامه وقيامه
ومبارك عليكم الشهر مقدماا

[المحاميه]

غريبه
نفس النك والاهتمامات والتنسيق
اظاهر توارد خواطر

سبحان الله محد يبي يتابع شي اوكي اوكي عيل مادري ليش يتعبون نفسهم ب هالكم الهائل من البرامج والمسلسلات ف رمضان

[بو الجوري]

سردك حلو ، أهم شي الواحد يجتهد في رمضان :..
و إذا في وقت مايمنع إنك تتابع التلفزيون ، و كل واحد براحتـه :)


أنا عن نفسي عادةً آخذ لفه ، و عقب إسبوع أبدأ أتابع مسلسل أو 2 ههههههه
طبعاً الحين مع OSN أقدر أسجل الحلقه وأشوفهـا في وقت فراغي براحتي :nice:


بس غالبا ، نفس كل سنه بتابع عادل إمام :shy:

[خالد البلوشي]

هلا أخوي طلال

سرايا عابدين من انتاج أي شركة ؟ و هل هذي أول تجربة لكاتب خليجي يكتب مسلسل مصري؟
انا بصراحة ما اتابع المسلسلات العربية والخليجية من فترة طويلة لكن لفت انتباهي ان كاتبة خليجية تكتب مسلسل مصري .. فقلت يمكن ان شركة الانتاج لعبت دور كبير بعد ما شافت ان الكاتبة تملك مقومات مميزة بالكتابة ..

وبرمضان راح أقضي الوقت بعد العبادة بمباريات كاس العالم ماشي وقت للمسلسلات ..

المهم لو تبي مسلسل حلو و شيق باحداثه أنصحك بمسلسل اجنبي اسمه بريكنغ باد .. قصته رهيبة .. :victory:

[T A L A L]

^




الله يعينكم جميعاً , ويسهل عليكم وراح يجي يوم يكون التلفزيون ماله داعي ..
جعل ربي ما يشغلنا الا ب دينه وعبادته :yes: والموضوع مجرد تسلية فقط ..
وفكرت هالشيء وبالنسبة لردك Pilot انا قلت وذكرت ف بداية موضوع :weeping: !
الموضوع مو تشجيع ل متابعة المسسلات والبرامج اللي قد تكون تافه وسخيفه ..
مجرد تبادل اراء لا اكثر ولا اقل + نشوف التلفزيون احسن من ما نشغل نفسنا بشيء ثاني ..
واقصد بشيء ثاني اشياء ما منها فايدة وتضيع الوقت , اما التلفزيون ممكن يكون منه فايدة :nice:


للصبر آخر
هي نفسها كاتبة كنة الشام , بس لانه ضخم وتعبوا عليه جداً ..
قالوا نخليه ينافس فالموسم الرمضاني عشان جي تأجل لرمضان :victory: !
بالاضافة انه بيكون له جزئين غير اللي بينعرض ف رمضان هذا ..
لان الكاتبة لما وقعت قالت لهم راح يكون 3 أجزاء مع اني مو من مشجعين الاجزاء ..


المحامية
اعتقد قصدج " خليفة " اللي بذاك المنتدى , انا متابع فقط لذاك الموقع ..
وما شاء الله عليج شكلج متابعة استغربت انج ميزتي الاسلوب صراحة ؟
يمكن اسلوبنا متشابه بس اكيد ما راح اقول اسمي طلال وانا خليفه :eek5: !
لا الناس تتابع بس يمكن احنا واقصد المجتمع القطري ميولنا غير التلفزيون ..
بس نسبة المتابعة تتعدا الملايين ف اكيد الناس تشوف ولا ما شفنا 40 مسلسل فالموسم ..


بو الجوري
اشكرك ي اخي هذا اللي ابي اوصله , انا ما اشجع متابعة التلفزيون ..
ما اقول لك تابع مسلسلك اللي يصادف صلاة التراويح , انا اقول وقت فراغك ..
والحلو المسلسل ينعرض بكذا قناة وبكذا وقت عرض يعني ما راح يطوفك ..

+

مثل ما ذكرت OSN وغيرها من التلفزيونات اللي تسجل وتابع وقت فراغك ..
والمنتديات والمواقع موب مقصره يسجلون لك كل المسلسلات يعني ما فيه عذر ..
صلاتك وعبادتك اول بعدين لاحق على المسلسلات :nice: صح كلامي ولا انا غلطان !

بالنسبة ل سؤالك عن " سرايا عابدين " هذي مقالة من موقع ال mbc عنه :omen2:





http://www.youtube.com/watch?v=Z_-jHV2uCgc
اذا كنت من متابعي الدراما العربية في رمضان وتشاهد كل ما هو جديد ، فإننا نتيح لك للمررة الأولى أن تشاهد أضخم عمل درامي الى هذا اليوم من حيث الضخامة الانتاجية وتقنيات التصوير التي تتم بالتعاون مع أحد أكبر شركات هوليوود والتي قد تغير مفهوم الانتاج التلفزيوني في العالم أجمع .

ليست تقنيات التصوير فقط هى التي ستجعلك تشاهد مسلسل "سرايا عابدين" بل أيضا كوكبة النجوم التي تتزايد على 250 ممثل الذين يشتركون لأول مرة في عمل تلفزيوني ، فاذا كنت من عشاق نجوم سوريا ستشاهد قصي خولي الذى يجسد شخصية الخديوي إسماعيل واذا كنت من عشاق نجوم مصر فستشاهد كوكبة أخرى سواء الفنانة القديرة يسرا التي تجسد شخصية خوشيار أو نيللي كريم التي تجسد شخصية جلنار ، أما اذا كنت من متابعي الجمال اللبناني فاننا نتيح لك مشاهدة نور وكارمن لبس .

اذا تحدثنا أكثر عن قصة مسلسل سرايا عابدين فإن العمل يتطرق الى حياة الخديوي اسماعيل أحد ابرز الشخصيات في التاريخ المصري ولكن من الجوانب الشخصية داخل سرايا عابدين قصر الحكم وعلاقته مع أمه الملكة وزوجاته الأربعة وحياة كل من عاش في القصر من علية القوم وحياة الخدم والجواري والصراعات التي تحدث داخل أبوب السرايا. العمل يضم بين طياته العديد والعديد من النجوم منهم قصي خولي ، يسرا ، نيللي كريم ، نور ، غادة عادل ، داليا مصطفى ، نبيل عيسي ، مي كساب ، علاء مرسي ، محمود البزاوي ، كارمن لبس ، صلاح عبدالله ، هبة نور ، نهير أمين ، يوسف فوزي ، خالد سرحان ، صفاء الطوخي ، عبد الحكيم قطيفان ، ناهد السباعي ، أنوشكا ، إنجي المقدم ، النص الدرامي للمؤلفة هبة مشاري حمادة والإخراج لعمرو عرفة







-

[ولد العرب]

هلا طلووو

للاسف ماتنفع معي كلش tv بالفصيح مافهم شي منه

يعني طاش ماطاش ولا حلقه بحياتي تابعتها اللهم صور لهم بس:weeping:

انا افطر وعقب الفطر انام لين صلاه العشاء واقوم متجدد نشاطي

[توشيبا]

هلا طلووو

للاسف ماتنفع معي كلش tv بالفصيح مافهم شي منه

يعني طاش ماطاش ولا حلقه بحياتي تابعتها اللهم صور لهم بس:weeping:

انا افطر وعقب الفطر انام لين صلاه العشاء واقوم متجدد نشاطي

ترقد بعد ماتفطر @@

والله من كثر الزط :)

[بريق الحق]

باذن الله رمضان بلا مسلسلات

[ولد العرب]

ترقد بعد ماتفطر @@

والله من كثر الزط :)

لا والله
احب اصلي تراويح بنشاط
وان خابر مااسمع الامام بشي
ويجيني فتوور وتعب وتثاوب تخيل انت مندمج مع القراء وخشوع وانا طوفه
قلت انام بعد فطور نصف ساعه وانشط مني مافيه وثابت في الصفوف الصلاه

[توشيبا]

لا والله
احب اصلي تراويح بنشاط
وان خابر مااسمع الامام بشي
ويجيني فتوور وتعب وتثاوب تخيل انت مندمج مع القراء وخشوع وانا طوفه
قلت انام بعد فطور نصف ساعه وانشط مني مافيه وثابت في الصفوف الصلاه

قول عادي ماتبي تعرف انك ترقد من كثر الزط

والف مره اقولك لا عاد تقول مثل هالالفاظ ويش طوفه ياخي وقوفك امام الخالق اكبر اجر

يعني لازم اعاقبك واعلقك في كبت المتقاعدين مع مسمي المهاجر القديم :)

[ولد العرب]

قول عادي ماتبي تعرف انك ترقد من كثر الزط

والف مره اقولك لا عاد تقول مثل هالالفاظ ويش طوفه ياخي وقوفك امام الخالق اكبر اجر

يعني لازم اعاقبك واعلقك في كبت المتقاعدين مع مسمي المهاجر القديم :)

علقووني وخلصو مني :weeping:

[بوخالد911]

أميل جداً للمسابقات الثقافية
حروف وأولوف

[T A L A L]

^






أنا شخصياً اتفق معك , قد يكون هو الأفضل نوعاً ما ..
وكالعادة تلفزيون قطر ما عندهم إلا برنامج الليوان :eek5: !
اللي من سنين وهو نفسه اتمنى مع الانطلاقة الجديدة يتغير هالشيء ..
صح جميل البرنامج وفيه تجديد نوعاً ما , بس يضل حلو التجديد !


حد عنده علم عن جدول قناة الريان ف رمضان ؟
احس مادري هالقناة جداً جميلة وتمثلنا ي المجتمع القطري !
عكس قناة قطر اللي قد تكون بعيدة شوي عن مسار قناة الريان :victory:


وانا عني مفكر أتابع مسلسل " كسر الخواطر " ليش ؟
لانه عمل قطري نوعاً ما , من كتابة المبدعة القطرية الرائعة ..
اكيد اقصد وداد عبداللطيف الكواري :nice: وبطولة عبدالعزيز جاسم
بس عندي سؤال محيرني شوي عن هالمسلسل , إسم " روز " موجود عندنا ؟




-

[الدمعه]

مادري وشو بشوف بالضبط ،، السنه ماعندي تلفزيون بالمطبخ ،،، بالعاده اذا في شي اشوفه وانا اطبخ فقط ،،،اما باقي اليوم ماعندي وقت للتلفزيون