حضانات الأطفال

[ألماسة]

طابت اوقاتكم بكل خير اخواني وخواتي

حبيت اتناقش معاكم بموضوع " الحضانات للأطفال "

واستفيد منكم ونفيد بعض
هل تنصحون فيها..؟
هل الطفل يستفيد منها في حاله كان عمره سنه فما فوق..؟
هل فعلا يكون هناك إهتمام بالطفل ..؟

وبرايكم أيش افضل الحضانات اللي جربتوها..؟


أبي أدخل ولدي حضانه ومتردده

[أسد الجزيرة]

حسب احمد الشقيري اول سبع سنوات تبني شخصية الطفل و تنميه فاذا امه ما كانت حواليه فكيف يبر فيها اذا كبر

من زرع حصد

[JN000N]

كم عمره ولدج؟

[ألماسة]

كم عمره ولدج؟

سنه و9 شهور

[JN000N]

سنه و9 شهور

لا يختي حرام توه نتفه

[مساهمة]

اختي اذا انتي تشتغلين انا اشوف ان الحضانه احسن للياهل من القعده مع الخدامات.

[ألماسة]

اختي اذا انتي تشتغلين انا اشوف ان الحضانه احسن للياهل من القعده مع الخدامات.

لو ما شتغل ماسألت عن الحضانه ... تسلمين أختي

[ألماسة]

لا يختي حرام توه نتفه

اي فعلا توه صغير بس ماعندي خدامه ولا أبي خدامه

[مسمس12]

لما يكمل سنتين دخلية بعد العيد ان شاء الله

[بوحارب]

الله يخليه لج

أتوقع الحضانات مكان آمن وخاصة للي نفس حالتك وما عندها خدامة

بس اهم شي تكون حضانه معروفة ومراقبة بالكاميرات

حتى لا يتعرض الطفل الى اي ضرر

[نور الحور]

أؤيد بشدة ادخال الطفل للحضانة في حالة عمل الأم ..

بس بشرط تكون الحضانة ممتاااازة ..

وهذي لها شروط كثيرة .. لازم تتأكدين منها أنتي بنفسج ..

موفقة حبيبتي :nice:

[النواخذة]

حصانة هلو بيبي انا مدخل بنتي عندهم ماشاء الله استفادة وايد وفي الخصاني اهتمام وايد ورقابة من صاحبت الحصانة قوية وها رقمهم اذ حابها 00974 33000719

[nono80]

اقول توكلي علي الله ودخليه حضانه ابرك من البيت ويتعلم ويخالط اليهال

[بو خليفه 123]

من وجهة نظري الحضانة افضل اذا كنتي موظفه .

في غيابك اذا كان جالس في البيت بيتعود على الراحه + وجود الخدم + الجده اذا كانت موجوده , والجده نعم وجودها مهم و لكن لا تقوم بالتأسيس الاكاديمي مثل الحضانه .

الحضانة الجيده تنميه اجتماعياً و عقلياً و تعتبر الحضانه مهمه جدًا في حياة الطفل ليس فقط لأنها تريح الأم وتقلل من الأعباء الملقاه عليها أو تكون حلا أثناء وجودها في العمل بل هي هامه جدًا من حيث أن اندماج الطفل فيها يعتبر بمثابة أول اختبار له في مواجهة الحياة والتعامل مع الناس وحده . في هذه الفتره يكون نفسه و يعتمد على حل المشاكل بنفسه من دون اللجوء الى الخدم و يتكيف مع التعامل مع الآخرين و تكوين صداقات .

[ضوى]

لو الطفل بيكون عند شغالة الحضانة أفضل له ، واذا بيكون عند الوالدة او احد خواتج او ام الزوج فالبيت احسن له ، خاصة في ايام البرد والصيف الشديد ، تكثر الامراض

[طبيب قطري]

دايما انصح الاهل اذا الام تشتغل افضل حق الياهل يروح الحضانه حتى لو عمره صغير.. طبعا اذا الحضانه على مستوى وثقه والعاملين بها عندهم خبره ومبنى الحضانه متوفر فيه كل وسائل السلامه بيكون افضل من قعدة الياهل مع الخدم.. بدال ما تربي الياهل الخدامه وتطلعه بدون ادب ولاتربيه وتعلقه باشياء ضاره مثل الحلويات والتلفزيون والالعاب التافهه حتى يسكت ومايزعجها..

[ألماسة]

جزاكم الله كل خير ومشكورين على الردود وتشجيعكم للفكرة

واكيد أني لازم استفسر واشوف ايش هي أفضل الحضانات

بالنسبه لحضانه هلو بيبي سمعت عنها بس المشكله بعيده عن بيتي

[ألماسة]

حد جرب حضانه العبقري الصغير...؟

[kit kat]

الحضانه افضل من قعدته مع الخدم
انا توني والد وان شاءالله ناويه اودي ولدي الحضانه
فإذا حد عنده فكره عن حضانه تاخذ من عمر شهرين في منطقة دحيل ياليت يفيدني واكون شاكره له ؟

[alsoq]

انتبهو ايها الامهات على اطفالكم
خليتوا اولادكم في ايدي الغرباء وفضلتم العمل على مصلحة ابنائكم
هل تعلم ما يدور في الحضانه الحضانه هل اللي يقمون بمراعاه الاطفال بهذا السن مؤهلين اقولها وباعلى صوتي لا

اذا محتد اتركهم عند جدانهم او بيت اخيك او اختك وليس الحضانه في بعض الناس الخبثاء اللي لا يهمهم طفلك او طفل غيرك

[نوور الدووحه]

انا مع الحضانه حتى لوفي خدامه فالبيت او الجده مثلا...
الحضانه افضل ... بنت اختي عمرها سنه و10 شهور بحضانة رؤى المستقبل بفريج بن عمران
وتوها والده بنتها الثانيه عمرها 4 شهور بعد ويا اختها ...والحضانه وااايد زينه تمدحها وايد حتى الحين بتنقل الخور وتدور حضانه بمستوى رؤى المستقبل
وولدج عمره زين يتعلم مهارات بدال قعدة البيت:victory:

[R 7 A L]

اكيد الحضانه

اصلاً دخل الحضانه ولا مادخلها مصيره
بيدخل يا الروضة ولا المدرسة
يعني نفس الشي

[ألماسة]

جزاكم الله خير اخواني وخواتي ع الردود

واستفدت من ارائكم وايد

وربي يكتب اللي فيه الخير يارب

[مختلفة عقليا]

السلام عليكم .,

لحين الله ما رزقني .,

ولا لي اي معلومه عن الحضانات .,

بس .,

مهم يبداء تثقيف وتعليم الاطفال ., من يكون في بطنج لو سمع شي بيتاثر ,’

فلو عرفتي عن حضانه جيده وتوجها ديني وعلمي صحيح ., انصحج في هالشي .,

ويسلموو .,

[المــزن*]

أنا أأيد الحضانه من عمر سنتين
ماشاءالله بنتي وايد وايد استفادت وتعلمت
ويوم دخلتها مدرسة فالمقابله عرفت تجاوب الله يحفظها

كنت مدخلتها حضانة العبقري الصغير
صراحة بدون مجاملة من احسن واكبر الحضانات

كبيرة وشرررحة وفيه كاميرات تدخلين الموقع وتشوفين ولدج
ويعطونج تقرير يومي عن الحمام وانتي بكرامة وكمية الاكل والنوم والنشاط


عاد الحين غيرت بيتي واتمنى لو لها فرع ثاني خاطري ادخل ولدي فيها

[ألماسة]

أنا أأيد الحضانه من عمر سنتين
ماشاءالله بنتي وايد وايد استفادت وتعلمت
ويوم دخلتها مدرسة فالمقابله عرفت تجاوب الله يحفظها

كنت مدخلتها حضانة العبقري الصغير
صراحة بدون مجاملة من احسن واكبر الحضانات

كبيرة وشرررحة وفيه كاميرات تدخلين الموقع وتشوفين ولدج
ويعطونج تقرير يومي عن الحمام وانتي بكرامة وكمية الاكل والنوم والنشاط


عاد الحين غيرت بيتي واتمنى لو لها فرع ثاني خاطري ادخل ولدي فيها

الفففففف شكرررر لج اختي
هذا اللي ابي اوصل له
ما قصرتي

[طبيب قطري]

انتبهو ايها الامهات على اطفالكم
خليتوا اولادكم في ايدي الغرباء وفضلتم العمل على مصلحة ابنائكم
هل تعلم ما يدور في الحضانه الحضانه هل اللي يقمون بمراعاه الاطفال بهذا السن مؤهلين اقولها وباعلى صوتي لا

اذا محتد اتركهم عند جدانهم او بيت اخيك او اختك وليس الحضانه في بعض الناس الخبثاء اللي لا يهمهم طفلك او طفل غيرك

اخوي الحين الزمن تغير وفيه كميرات داخل معظم الحضانات ممكن تشوف الياهل اي وقت تبيه

[كازانوفا]

لما تروحي للحضانه اساليهم وين الكاميرات وهل من حقك تشوفي لو لا قدر الله صار شي بالحضانه
ودائما الحضانه اتعلم الطفل كيف يتعامل مع وجوه جديده ويصير ما شالله قوي ويقدر يتكلم ويتعلم كذا لغه
وربي يحفظهم لك وقرة عينك ان شالله

[نور الحور]

الماسه لو تبين شي صوب الدحيل عندج حضانة كرييتف جايلد ..

في مجمع الريفيرا السكني بخط الجامعة

ممتااااازة ..

[دايموند]

حضانه العبقري الصغير اي صوب ؟!

[ألماسة]

الماسه لو تبين شي صوب الدحيل عندج حضانة كرييتف جايلد ..

في مجمع الريفيرا السكني بخط الجامعة

ممتااااازة ..


ان شاء الله بتصل وبسأل عنها

ماقصرتي اختي

[ألماسة]

لما تروحي للحضانه اساليهم وين الكاميرات وهل من حقك تشوفي لو لا قدر الله صار شي بالحضانه
ودائما الحضانه اتعلم الطفل كيف يتعامل مع وجوه جديده ويصير ما شالله قوي ويقدر يتكلم ويتعلم كذا لغه
وربي يحفظهم لك وقرة عينك ان شالله


اللهم امين يارب العالمين
تسلمين اختي ... ومشكورة ع الرد

[ألماسة]

حضانه العبقري الصغير اي صوب ؟!

مقابل كليه شمال الاطلنطي - الدحيل