* أفضل كاميرا فيديو *

[نور الحور]

السلام عليكم ورحمة الله وبركاته ..

بليز رشحوا لي أفضل كاميرا فيديو تصويرها حلو وسهل وعملي استخدامها ..

ابيها للتصوير العادي مو الاحترافي (يعني مو لازم تكون معقدة وايد بالاستخدام)

بس ضروري تصويرها حلو وواضح .. وعمليييييية :victory:

شكراً مقدماً :shy:

نور

[pink pearl]

الله يسلمج شريت جالكسي البيضاء كان عليها عرض في سوق الحرة بدبي .. خذيتها ب 3000 وشوي ..

http://www.samsung.com/common/img/btn_videoLayer.png

روعة وسهلة وتقدرين تسوين زووم على الأشياء البعيدة.. بالتوفيق

[SULTAN1]

شوفي Gopro balck edition hero 3+

[نور الحور]

الله يسلمج شريت جالكسي البيضاء كان عليها عرض في سوق الحرة بدبي .. خذيتها ب 3000 وشوي ..

http://www.samsung.com/common/img/btn_videoLayer.png

روعة وسهلة وتقدرين تسوين زووم على الأشياء البعيدة.. بالتوفيق



مشكورة حبيبتي بنك بيرل ..

والله يهنيج باللي عنج ..

بس الرابط ما فيه صورة .. ممكن اسمها بالضبط عشان أدور عليها ؟

[نور الحور]

شوفي Gopro balck edition hero 3+


شكراً سلطان .. بسوي سيرج عليها ..

بس من أي شركة هي ؟

[بوNasser]

شكراً سلطان .. بسوي سيرج عليها ..

بس من أي شركة هي ؟

السلام عليكم ورحمة الله

gopro هي كاميرا صغيرة من نوعية Action Camera تصلح لتوثيق الأحداث بس، وعادة تثبت في السيارة او مكان متحرك وتصور اللي حواليها بدقة عالية بس ماتصلح بديل لكاميرات الفيديو، ما فيها زوم ولا حركات وما ادري شنهو
الكاميرا اساسا من غير شاشة (يمكن شراء شاشة صغيرة تركب في ظهر الكاميرا)، لكن يمكن ربطها بالتلفزيون او توصيلها بالكمبيوتر ومشاهدة او تحميل المقاطع كما يمكن عن طريق تنزيل برنامج مجاني، التحكم بالكاميرا عن طريق الايفون او هواتف الاندرويد، ومن خلاله يمكن مشاهدة الصور والفيديو

باختصار نفس تصوير الفيديو بكاميرات الجوال بس بدقة hd.

مثل اللي في الصور تحت بس اللون أسود

http://mlm-s2-p.mlstatic.com/gopro-hero-3-black-edition-12661-MLM20062668426_032014-F.jpg

http://imagenes.pccomponentes.com/gopro_hero_3__black_edition_adventure_1.jpg

وهذه تقريبا معا الملحقات الأساسية (الصورة للكاميرا hero3 مب hero 3 plus)
http://www.centuryuk.com/images/gopro/goprohero3+black4.jpg

وهنا رابط الموقع الرسمي

gopro.com (http://www.gopro.com/)

ولو تسويين بحث في اليوتيوب بتلقين مئات المقاطع اللي مصورينها بكاميرا Gopro balck edition hero 3 plus

حلوة الكاميرا اذا بتغوصين بها او بتثبتينها على السيارة او السيكل او على الراس وانتي في الألعاب مثل قطار الموت وغيرها :D

تصلح للي يبي يلون حياته..... بالمغامرات!

تحياتي للجميع

[Aaziz]

شوفي كاميرات كانون الاحترافيه صارت تصور فيديو بجوده مش طبيعيه FULL HD
كمثال
Canon - EOS 70D DSLR Camera

[نور الحور]

شكراً بو ناصر .. تسلم على الإفادة والشرح الوافي ..

أنا صحيح أبي ألون حياتي بالمغامرات وحبيتها وشكلي بعد باخذها ههههه ..

لكن أبي وحدة بعد عائلية .. لتسجيل لحظات لا تنسى :nice:




عزيز .. شكراً جداً على الترشيح .. بس هي فيديو بس ولا بعد فيها تصوير عادي فوتوغرافي ؟

ترى معلوماتي على قدي في الكاميرات .. أبي شي سهل بليييز :shy:

[Aaziz]

لا هي تصوير عادي. مصنوعه لهذا الغرض
ولكن في السنوات الاخيره ضافو خاصيه الفيديو للكمرات الاحترافيه و صارت جوده الفيديو فيها شي غير طبيعي. لدرجه بعض المسلسلات يصورونها بهذا النوع من الكمرات و برامج اليوتيوب كلها بهذي الكمرات.
ولكنها كمجسم مصنوعه للتصوير الفوتوغزافي.

يبقى القرار في كونها تنفع او لا راجع للغرض من الاستخدام.
اطفال في بيت. لقطات متقطعه في زياره حديقه. اشياء من هذا القبيل بتنفع هذي الكمرات مع ميزه انه عندج مجال تاخذين صور فوتوغرافيه ذات جوده عاليه.

كمرات الفيديو مسكتها في اليد تختلف عن هذا. لتصوير الفيديو فا المصنعه لتصوير الفيديو بتكون مريحه لليد.

انتي قرري الغرض من الاستخدام و الخيارات في النوعين كثيره

اذا الغايه تصوير الفيديو فا انصحج في البيت الحديث ماركه سوني

[للصبر اخر]

نور
للفيديو ارشح لج سوني وبقووه
اروع تصوير فيها
حتى لو تاخذين تلفون سوني اكسبيريا زي تو
يعطييج تقنيه 4k
روعه
واي مساعده في الكاميرات انا حاضرة

[للصبر اخر]

اخوي عزيز انت تتكلم عن كانون
5d mark 3
فعلا يتم فيها تصوير مسلسلات لقدرتها الفائقة على العزل

[نور الحور]

لا هي تصوير عادي. مصنوعه لهذا الغرض
ولكن في السنوات الاخيره ضافو خاصيه الفيديو للكمرات الاحترافيه و صارت جوده الفيديو فيها شي غير طبيعي. لدرجه بعض المسلسلات يصورونها بهذا النوع من الكمرات و برامج اليوتيوب كلها بهذي الكمرات.
ولكنها كمجسم مصنوعه للتصوير الفوتوغزافي.

يبقى القرار في كونها تنفع او لا راجع للغرض من الاستخدام.
اطفال في بيت. لقطات متقطعه في زياره حديقه. اشياء من هذا القبيل بتنفع هذي الكمرات مع ميزه انه عندج مجال تاخذين صور فوتوغرافيه ذات جوده عاليه.

كمرات الفيديو مسكتها في اليد تختلف عن هذا. لتصوير الفيديو فا المصنعه لتصوير الفيديو بتكون مريحه لليد.

انتي قرري الغرض من الاستخدام و الخيارات في النوعين كثيره

اذا الغايه تصوير الفيديو فا انصحج في البيت الحديث ماركه سوني



ما شاء الله شكلها فن ..

أنا أبيها للتصوير العائلي .. بشوف سوني ..شكرا للترشيح عزيز :victory:

[نور الحور]

نور
للفيديو ارشح لج سوني وبقووه
اروع تصوير فيها
حتى لو تاخذين تلفون سوني اكسبيريا زي تو
يعطييج تقنيه 4k
روعه
واي مساعده في الكاميرات انا حاضرة



شلون نسيت انج فنانة تصوير ؟

مشكورة على الترشيح للصبر .. بس ياليت ترشحين لي كاميرا السوني الفيديو بالاسم .. ما لي بارض أدور :secret:

وياليت معلومات أكثر عن التلفون ولا عليج أمر حبيبتي :shy:

[للصبر اخر]

هلا اختي
في كاميرا نازله من فتره سوني a6000
اعتقد هاي اسمها سوي سيرج عنها لتصوير الفيديو
العيب الوحيد لها ان التقاطها للصوت شوي ضعيف ولازم لها مايك
بس من فتره شفت احد الاشخاص مصور فيها عرس كان الصوت واضح
بس عندي كم سؤال اختي
هل انتي تحتاجين بس فيديو والا تبين صوره وفيديو
وكم ميزانيتج
وبخصوص التلفون
انا جدااا مرتاحه فيه
نظام اندرويد واروح من السامسونج في الاستخدام
وتقنيه الفيديو 4k
وضد الماي ممكن تصورين مقطع فيديو في البحر او داخل شلال
وكلامج شهاده اعتز فييه

[مشـــــاعر]

اخوي عزيز انت تتكلم عن كانون
5d mark 3
فعلا يتم فيها تصوير مسلسلات لقدرتها الفائقة على العزل

فعلاً من أفضل آإلكاميرآإت خووورافية . .
بس دام تقولين مو لآإزم إحترافية حدّها ف أرشح لج السوني آإلجديد إكسبيريا زد 2 وبقوووة :victory::victory:
وبآإلتوفيق إن شآإء آإلله :shy:

[وثائقي]

طلبك موجود خيتوو نور فيه كاميرا انا مجربها وانصحك فيها لكن مدري تحصلينها والا لا قبل سنتين كانت موجودة سوني hdr-xr550e فيها ميزة مو موجودة بالكاميرات وهي انها فيها هارديسك مدمج 240 جيجا بايت يعني تسجلين سنة ماعندك مشكلة مايحتاج ذاكرة ولا شي طبعا تصوير فديو عالي الوضوح HD 1080 وفيها مواصفات كثيرة خطيرة ابحثي عنها يكفي ان فيها تصوير ليلي يعني بالظلمة تصور وكانت عندي وشراها واحد يشتغل بقناة اسلامية هو مختص بعرض تقارير وماحصل مثلها وسندرني لين بعتها له وتحسفت :(

على فكرة سعرها بشركة سوني 5000 وهي شبه احترافية وحجمها مناسب جدا

[وثائقي]

هذي هي وترى معها ريموت تحكم من بعيد وفيها تصوير فيديو بطيء جربته ابدااااااااااع وفيها جميع اللغات حتى العربية

http://im43.gulfup.com/68EIDA.jpg (http://www.gulfup.com/?FvAoa3)

[للصبر اخر]

فعلاً من أفضل آإلكاميرآإت خووورافية . .
بس دام تقولين مو لآإزم إحترافية حدّها ف أرشح لج السوني آإلجديد إكسبيريا زد 2 وبقوووة :victory::victory:
وبآإلتوفيق إن شآإء آإلله :shy:
السوني هاتف وهي تحتاج كاميراا

[للصبر اخر]

نور
عندي كاميرا كانون خفيفه وايد تصويرها حلوو
وتقدرين تتحكمين فيها
كانون
ماجربت الفيديو فيها بحاول اجرب اليوم وبقولج
توني متذكره
شريتها لاني نسيت كامرتي وكنت مسافره
ولي رجعة ان شاء الله ان مانسيت