جزاكم الله خير ساعدوني ب علاج فعال حق ولدي .. فيه حساسية

[Alshoog84]

السلام عليكم

الله لايهينكم ولا يشوف مكروه ف عيالكم ..

ساعدوني بدكنور او وصفه او علاد اي شي حق ولدي المسكين عمره 3 سنين ونص فيه حساسيه فالصدر ويكح واايد خصوصا بالليل

تعبت وديته العمادي دكتور اطفال ووديته عيادة الدوحة و حولوني ع حمد عشان بس ياخذ اوكسجين تعب مسكين

والحين اخر مره وديته عند الدكتور خالد الشيخ و قال لي له مراجعه يوم السبت الجاي .. ياخذ الفنتولين و دوا كحه بس ماحسيت تحسن

ارجوكم ساعدوني

[ضوى]

اذا بتتبعين اللي باقولج اياه بالحرف ان شاء الله ان شاء الله بيتعافى ولدج وفي وقت قصير بإذن الواحد الاحد ، وكلامي هذا بناء على تجربة

اول شي دهني صدره وظهره بزيت السمسم مرتين في اليوم وخاصة بالليل ، وشربيه منقوع اللبان على مدار اليوم ، وكل 3 ساعات حطي له بخاخ ماي وملح بس من غير فنتولين ، مدة ثلاث ايام ان شاء الله وبتشوفينه تحسن والكحة خفت بدرجة كبيرة بس ماي اللبان استمري عليه عشر ايام لين تحسين صدره نظف تماما . هذا اذا حبيتي تجنبينه دوا موسع الشعب الهوائية

[نور الحور]

أنا أخبر بخار الماي واااايد مفيد ..

واحرصي على ازالة مثيرات الحساسية ومهيجاتها .. وتعقيم الشراشف والمخدات والالعاب الاسفنجية بالستم ايرون ..

وعرضيهم للشمس دورياً ..

وممكن تحطين في غرفته منقي للهواء والغبار .. وجهاز ثاني لزيادة رطوبة الغرفة ..

ما يشوف شر حبيبي ربي يحفظه ويشفيه يارب

[لبيبة]

انصح بالدكتور هشام عبدالستار، مستشفى حمد

لكن لين تحصلين موعد

غيري اكل ولدج، لازم ياكل اكل صحي، الخضار والفواكه من الحقل للمائدة، ما ياكل اي شي معلب، واللحم والدجاج فرش

الابتعاد عن الحليب والقمح والسمك والمكسرات والفراولة مؤقتا، احتمال كبير يكونون مسببين للحساسية له

السكر ممنوع، بالتالي كل الحلويات ممنوعة

واذا ينام في غرفة فيها موكيت او سجاد، شيليه وغيري الملاحف يوميا

احتمال الصابون اللي تنغسل به ملابسه او ملطف الاقمشة (كمفورت او داوني... الخ) يسبب له حساسية،

اخذي من الصابون المبروش اللي ينباع في علب واغسلي به ملابسه بدون ملطف اقمشة وبدون خلط ملابسه مع ملابس غيره

لان كل اللي ذكرته يتسبب بزيادة افراز المخاط وينزل على الصدر

واستمري في العلاج بدقة، الفنتولين بإذن الله علاج فعال ولازم الالتزام بجرعته وفي وقتها، زيادة الجرعة خطرة فلازم الانتباه

والله يشافيه ويعافيه وما يشوف شر ان شاء الله

[بصمة قطرية]

عانيت مع عيالي وايد بسبب حساسية الصدر
و كانوا يوصلون لمرحلة التهاب في الصدر
و مرات الرئة و لازم يدخلون المستشفى ثلاث أسابيع مضاد في الوريد ..
على فكرة اللي يتعب وايد و هو صغير كل كل ما كبر تخف الحساسية
لين تختفي بإذن الله أو تخف وايد ..

إبعدي كل مهيجات الحساسية عن الطفل :
( عطور .. بخور .. منظفات و أخطرها الديتول ريحته جداً قوية .. الغبار .. كل الروايح القوية ) ..
روحي للدكتور مهند
جداً ممتاز في علاج الحساسية كل عيالي كان هو دكتورهم
و عمري ما أحتجت لدكتور غيره الحمدلله ..

الطفل يحتاج اول شي مرحلة علاج و غالباً يكون بخاخ فانتولين و شراب زرتك ..
و يحتاج ياخذ علاج و قائي ممكن يكون بخاخ بالميكورت ..

و البخار جداً ممتاز يريح صدر الطفل
و يذوب البلغم ..
يفضل إستخدام الفانتولين عن طريق جهاز النيبولايزر ..
بالماسك مفعوله أقوى و أسرع
و إذا تعرض الطفل لكحة وقت إستخدامه للبخاخ
إبعدي الجهاز شوي و إضربيه على ظهره عشان يتحرك البلغم و ينزل
الضرب عبارة عن تمارين للبلغم ..
تقوسين كف اليد و تضربينه طبعاً ما راح يحس بالألم
بس بيرتاح ان شاءالله ..
الله يشفيه حبيبتي ..

اي استفسار أنا حاضره ..

[بنت الجزيرة]

منقوع الحلبة + العسل بشكل يومي والله يشفيه ويعافيه

[Alshoog84]

جزاكم الله خير كل اللي ردوا و دشوا الموضوع و ساعدوني

و دعواتي لكم ان شاء الله

راح اجرب كل اللي قلتوه و باخذه للدكتور مهند

مشكورين لاخلا و لاعدم

[بـــ ح ـــر]

اذا بتتبعين اللي باقولج اياه بالحرف ان شاء الله ان شاء الله بيتعافى ولدج وفي وقت قصير بإذن الواحد الاحد ، وكلامي هذا بناء على تجربة

اول شي دهني صدره وظهره بزيت السمسم مرتين في اليوم وخاصة بالليل ، وشربيه منقوع اللبان على مدار اليوم ، وكل 3 ساعات حطي له بخاخ ماي وملح بس من غير فنتولين ، مدة ثلاث ايام ان شاء الله وبتشوفينه تحسن والكحة خفت بدرجة كبيرة بس ماي اللبان استمري عليه عشر ايام لين تحسين صدره نظف تماما . هذا اذا حبيتي تجنبينه دوا موسع الشعب الهوائية





ووصفه مجربه وبيرتاح عليها با امر الله

[ولد العلي]

الله يشافيه ويعافيه
وما يشوف شر ان شاء الله

[Aaziz]

مايشوف شر ان شاءالله

دوري على شجره جوافه (فيه ناس يزرعونها في البيوت) اخذي من ورقها و اغسلين و إلغلي ماء و بعد مايغلي حطي الورق فيه و سكري عليه لين يفتر .. حركيه و خل يشربه
شي مجرب

[Al Basha]

{ فَقَالَ رَبّ إِنِّي لِمَا أَنْزَلْت إِلَيَّ مِنْ خَيْر فَقِير }
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.

ما عليه شر بإذن الله . أنا لما كنت طفل عانيت نفسه لحد تقريباً الـ 14 سنة. والموضوع كله كان بأغلاط بسيطة وعادات غير صحية لا أكثر، سكريات على طول، أكل غير صحي ، لعب بالفريج بوسط الغبار، نوم مقابل المكيف يكفخ بوجهي كفخ.
من الأسرار اللي تخفف الكحة وأنا شخصياُ نفعت معاي ، ما يتنفس هواء بارد، خاصة من الفم. الهواء البارد يهيج الصدر، خففوا المكيف قدر الإمكان ، ولا يضرب في وجه الولد ، لما يتنفس هواء بارد على طول راح يكح. عمليه على هالاثنين وراح تشوفين نتايج فورية على طول ( الهواء البارد يبعد عنه ، والتنفس من الأنف )، وعلميه يبعد عن السكريات، السكريات تزيد الكحة.
على فكرة ، معلومة الأخت بصمة قطرية 100% بإذن الله صحيحة.
------------------
على فكرة اللي يتعب وايد و هو صغير كل كل ما كبر تخف الحساسية
لين تختفي بإذن الله أو تخف وايد ..
------------------
ما عليه شر إن شاء الله.

[الدمعه]

كلهم ما شاء الله ماقصروا وكله انا سويته مع ولدي ماعدا زيت السمسم واللبان ،،

بس جربت العسل،،، ومنعت العيال كلهم من الاتي ،، الحلويات اللي فيها اصباغ قويه والعصاير الملونه والشيبس والربيان (البفك) والمعلبات والغازيات ،، والاسكريم بس في الصيف ومو بعد العشا ،، ولدي لين عمر ظ£ سنوات كنت اشربه حليب الصويا ،، واللحين ولدي الثاني من عمر شهر واللحين له سنه بعد حليب الصويا ومنتجاته من روب وغيره ،، في دكتور في حمد اسمه مهدي ،،، ممتاز ،، وكل ما يكبر الياهل كل ماتخف حساسية صدره ،،، بس انتبهي على جسمه من الاكزيما ،، بالعاده يكونون مع بعض ،،

واحتسبي الاجر من تعبج معاه ،، مايشوف شر

[النهار]

الله يشافيه ويعافيه

[عطر فرنسي]

انصح بالدكتور هشام عبدالستار، مستشفى حمد

[سايق_الخير]

فَقَالَ رَبّ إِنِّي لِمَا أَنْزَلْت إِلَيَّ مِنْ خَيْر فَقِير }
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.
أسأل الله العظيم رب العرش العظيم أن يشفي إبنك.

[الوليد1]

الدكتور هاني سويد
اخصائي اطفال
عيادته قريب محطة بوهامور
والله يشفي لج وللدج

[كازانوفا]

ربي يشفيه ويطمن قلبك عليه قرة عينك يارب

[أبورودي]

السلام عليكم
ابنتي كانت مثل حالة ولدك
لازم تعرف شويه معلومات عن حساسيه الاطفال
الجو الدوحه والغبار والعوالق تسبب تهيج للشعب الهوائيه لدي الكثير من الاطفال طبعا انا تعبت ببنتي فى الاول لحد لما وصلت للتشخيص والعلاج الصحيح
اولا الحساسيه لن تنتهى او تختفى الا مع تقدم العمر يعني انا بنتي عندها الان عشر سنوات يمكن تتعب مره اواحده او مرتين خلال العام كله

اولا العلاج يعتمد على مجموعة ادويه ويستمر لفترات ويحتاج لمتابعه العلاج ادويه بتعمل على تقليل تهيج الشعب الهوائيه وبالتالى لاتحدث الكحه والسعال بصوره مبالغ فيها
طبعا انا الادويه كلها وقائيه وفيها بخاخه كورتيزون موضوعي انتبه اذا كتبها لك الطبيب هى لونها برتقالى البخاخه عن جد اختراع رائع وجميل لان الكورتيزون فيها موضعى ينتهي عمله بعد انتهاء وقت الجرعه ولايوجد له تاثير على الجسم وهو النوع الوحيد من الكورتيزون الذي يصرف بدون وصفه لانه امن جدا جدا
عدك دكتور احمد ابوشهينه العيادات الخارجيه هو متخصص فى حساسيه الاطفال
ويوجد دكتور اخر فى الاهلى متخصص حساسيه اطفال ممتاز ايضا لا اتذكر اسمه

فى الاخير ليس كل طبيب اطفال يصلح لعلاج حساسيه الاطفال لان دكتور الحساسيه بيقوم على تقديم علاج وقائي لمنع تهيج الجهاز التنفسي
بالنسبه لو الدكتور قال لك تحتاج جرعات بالهواء اشتري جهاز
http://www.mstaml.com/imagesData/%D9%84%D9%84%D8%A8%D9%8A%D8%B9_%D9%85%D8%B3%D8%AA% D8%B9%D9%85%D9%84_%D8%AC%D9%87%D8%A7%D8%B2_%D8%A7% D9%84%D8%B1%D8%A8%D9%88_%D8%AA%D8%A8%D8%AE%D9%8A%D 8%B1_%D8%A7%D9%84%D8%B1%D8%B0%D8%A7%D8%B0_%D8%A7%D 9%84%D8%AC%D9%87%D8%A7%D8%B2_%D8%A7%D9%84%D8%AA%D9 %86%D9%81%D8%B3%D9%8A_Compressor_Nebulizer_%D9%84% D9%84%D8%A8%D9%8A%D8%B9_%D9%85%D8%B3%D8%AA%D8%B9%D 9%85%D9%84_%D8%AC%D9%87%D8%A7%D8%B2_%D8%A7%D9%84%D 8%B1%D8%A8%D9%88_%D8%AA%D8%A8%D8%AE%D9%8A%D8%B1_%D 8%A7%D9%84%D8%B1%D8%B0%D8%A7%D8%B0_%D8%A7%D9%84%D8 %AC%D9%87%D8%A7%D8%B2_%D8%A7%D9%84%D8%AA%D9%86%D9% 81%D8%B3%D9%8A_Compressor_Nebulizer-i136359905016470047.jpg

الجهاز ممتاز ورائع وطريقه تجهيز المحلول فيه سهله وبسيطه
المهم لاتقلق الموضوع كله انك تتبع التعليمات الوقائيه
يعني حيكون فى ادويه بتاخدها وقت تهيج الجو الغبار وكلها علاجات موضعيه وبسيطه
اي مساعده انا معاك

[تأملات]

السلام عليكم اختي
نصيحة الدكتور محمد منار الكيالي افضل دكتور أطفال في قطر
هذا رأي الشخصي فيه
انا انصح فيه
اشتري مكينة وتعليمي عليها. هي تساعد خصوصا في الليل وقت نوبات الكحة
انا جربت كل شي حق عيالي اعشاب. بصراحة هي تفيد في حالة الأعراض خفيفة. والأفضل. هي أدوية الوقاية. وتقدرين تأخذيها من اي مركز طوارئ أطفال وهي أدوية بخاخ ودواء حساسية
في محل في سوق واقف اسمه الأعشاب المميزة يبيع خلطه لعلاج الكحه والتحسس
الله يشفي لج الولد

[بو خليفه 123]

اذا بتتبعين اللي باقولج اياه بالحرف ان شاء الله ان شاء الله بيتعافى ولدج وفي وقت قصير بإذن الواحد الاحد ، وكلامي هذا بناء على تجربة

اول شي دهني صدره وظهره بزيت السمسم مرتين في اليوم وخاصة بالليل ، وشربيه منقوع اللبان على مدار اليوم ، وكل 3 ساعات حطي له بخاخ ماي وملح بس من غير فنتولين ، مدة ثلاث ايام ان شاء الله وبتشوفينه تحسن والكحة خفت بدرجة كبيرة بس ماي اللبان استمري عليه عشر ايام لين تحسين صدره نظف تماما . هذا اذا حبيتي تجنبينه دوا موسع الشعب الهوائية



جزاك الله خير ضوى

ممكن اضيف ..

ياليت تلقين نظره على درايش البيت و تتأكدين انها ماترسب غبار واذا بتحطين لزقات على درايش غرفته او مكان مرقده لمنع ترسب الغبار يكون افضل .

[لما]

مجرب مع ولدي وكان بنفس السن
قطعي بصل وحطي عليه عسل طبيعي ملعقتين وغطيه لين الصباح
الصبح بتشوفينه سائل مثل الماء شخليه وخذي الماي اخلطيه في أي شي يشربه
فكس أطفال مع فازلين مخلوط على الصدر الظهر باطن القدم ولبسيه دلاغات وسكري المكيف
لا تبخرين البيت بوجوده ويبطل الاشياء البارده

[بوراشد82]

عن تجربة مع ولدي احسن دكتور هاني سويد ،، ممتاااااااااااااااز ،، رحت له مره وحدة وبعدها ولدي ارتاح ،، عمر ولدي سنتين ونص ،، وضروري ضروري ضروري توقفين العطورات والبخور ،، هي اللي تهيج الحساسية ،، معاج ام راشد للتوضيح

[Alshoog84]

ما شاء الله عليكم اخواني وخواتي ماقصرتوا فعلا على التجارب اللي ذكرتوها .. ما شاء الله ما شاء الله شفت تحسن كبيييييير جدا ف ولدي يوم سمعت شوركم وفعلا منعت العطورات والشراشف تتبدل و سويت اللبان وسكرت المكيف عنه .. الحمدلله صرت نادر اسمع كحته ..وطبعا وديته على تجربه الاخت الدكتور مهند و عطاني ادوية حسيت ارتاح من خذهم

كلكم واحد واحد وكل اللي ردوا وتفاعلوا معاي الله يجزيكم الجنة يارب

الحمدلله

[ضوى]

الحمد لله على سلامته ، ويااارب يتشافى ويتعافى بشكل دائم ونهائي ان شاء الله

[لبيبة]

الحمدلله على سلامته والله يشافيه ويعافيه

[بصمة قطرية]

الحمدلله على سلامته حبيبتي ..
الله يشفيه شفاء تام و يطمن قلبج عليه ..
استمري على العلاج الوقائي لا تتركينه ..