شاهد ماذا قال اللاعب احمد حسام ميدو عن الشعب القطرى

[محمد11]

كلام طيب وفي الصميم
شاهد "شاهد ماذا قال احمد حسام ميدو عن الشعب القطرى وقناة الجزيرة وعن الفترة اللتى قضاها هناك فى قطر" على YouTube - https://www.youtube.com/watch?v=46ThknGNPFY&feature=youtube_gdata_player

[(بوطلال)]

يعني شتتوقع يقول وهو كان شغال في قطر وممكن يرجع لها اي وقت.وعلى العموم قال او ماقال الشعب القطري لايحتاج شهاده من احد .

[محمد11]

يعني شتتوقع يقول وهو كان شغال في قطر وممكن يرجع لها اي وقت .

مقابلتة في مصر( تلفزيون مصري )…
غير عن باقي المصرين الله يهديهم .. ينكرون الجميل في كل صغيره وكبيره
ومن ناحية الشهاده الرجال قال كلمة عن الشعب القطري وفترة.الوقت الي قضاها في قطر وبالاخص في هذي الايام ورد على مايقال عن قطر واهلها
الرجال ماقال شي غلط علشان نقول قطر ماتحتاج شهاده من احد
اذا الرجال ذم راح نقول ان هذا الشخص كذا كذا كذا
لكن يوم يقول كلمة مايصير نقول ليش تقول.

[MAZEN37]

شخص متعلم ومستقل فكريا وتكلم الحق

[(بوطلال)]

مقابلتة في مصر( تلفزيون مصري )…
غير عن باقي المصرين الله يهديهم .. ينكرون الجميل في كل صغيره وكبيره

حتى ولو في التلفزيون المصري بعد يدري ان فيه متابعين له من قطر .وعلى العموم اصابع يدك مب متساويه فيه مصريين ينحطون عالجرح يطيب وفيه مصريين ين حطون عالجرح يخيس .مثلهم مثل غيرهم

[R 7 A L]

ارفع له العقــــال

على الاقل احسن من ( الاهرام و الفراعنه ) الي معمرين في قطــــر ولا شفنا لهم كلمه على الاقل يجتمعون ويخلون الاعلام يصورهم وهم بس يذكرون تجربتهم في العيش في قطر ومع القطريين والمعاملة مانبيهم يجبون شي من عندهم بس نبيهم يصورون الواقع .

[Aaziz]

ما قال الا الواقع ،، مع اني مارضيت على امتداحه للشعب دون الحكومه

[محمد11]

ما قال الا الواقع ،، مع اني مارضيت على امتداحه للشعب دون الحكومه

لانه هو خالط الشعب واحتك فيهم
ماخالط الحكومه والحكومة الحمدالله ماتحتاج شهاده…

[مختلفة عقليا]

السلام عليكم .,

كل المصريين ضد الجزيرة ., :omg:

الجزيرة تكفون طقعوا لهم .,

صج احنا (( اكثر شعب محترم )) !! وين الجرايد تكتب هالكلام ., (( الشعب القطري اكثر شعوب العالم احتراما )) .,

وطبعا اللي قاله يمثل الناس اللي جافهم وتعامل معاهم .,

والنعم في الشعب القطري ., الله لا يغير علينا

ويسلموو .,

[محمد11]

حتى ولو في التلفزيون المصري بعد يدري ان فيه متابعين له من قطر .وعلى العموم اصابع يدك مب متساويه فيه مصريين ينحطون عالجرح يطيب وفيه مصريين ين حطون عالجرح يخيس .مثلهم مثل غيرهم

واحنا حطينا الموضوع للمصرين الي ينحطون على الجرح
ونحب نهديه كلام طيب لان ماقال شي يجرح
علشان ( نتكبر عليهم )