وين العدل يا إدارة المرور؟؟؟

[المحقق كونان]

السلام عليكم

خالفوني وانا فالسيارة قاعد أدور موقف خالفوني بتهمة عرقلة حركة المرور والمكان وسيع وأنا ما نزلت من السيارة قاعد ورابط الحزام وانتظر السيارة تطلع

عقب المخالفة على طول حصلت موقف للمحل ونزلت وخلصت ورجعت للسيارة وحصلت اكثر من سيارة واقفة وأصحابها أنزلو وسكرو على السيارات الي فالمواقف ومحد خالفهم

حسبي الله ونعم الوكيل

[بوحارب]

اي مواقف؟؟؟

وإذا المخالفة صارت نفس ما قلت فهذا ظلم !

[بوخالد911]

يمكن تنشال عنك
بس راجعهم

[ANONYMOUS]

عاد الشرطي مابيتم ناطور في نفس الشارع

أكيد عنده أماكن ثانيه يضبطها او يراقبها

ويمكن جاه بلاغ ع هالشارع جا وأدى واجبه وحرك

[R 7 A L]

اهم شي يخلص دفتر المخالفات
!!!

[بوخالد911]

اهم شي يخلص دفتر المخالفات
!!!


والأهم يخلصها صح
:nice:

[OREO]

سؤال ،، ليش المرور ما تخالف معارض السيارات اللي سيايرهم ماخذه دبل موقف و معرقلين الشارع في شارع سلوى و العزيزية ؟

[طلعة الروح]

السلام عليكم

خالفوني وانا فالسيارة قاعد أدور موقف خالفوني بتهمة عرقلة حركة المرور والمكان وسيع وأنا ما نزلت من السيارة قاعد ورابط الحزام وانتظر السيارة تطلع

عقب المخالفة على طول حصلت موقف للمحل ونزلت وخلصت ورجعت للسيارة وحصلت اكثر من سيارة واقفة وأصحابها أنزلو وسكرو على السيارات الي فالمواقف ومحد خالفهم

حسبي الله ونعم الوكيل

معليش أخوي تجمل بالصبر، قانون المرور مافيه كيري ميري,
من حوالي أكثر من 7 سنين صادتني نفس مخالفتك وانا واقفه ادور باركنق في شارع المطار التجاري
وحاولت اقنع الشرطي بأني واقفة وأني توني منزلة الحزام بس بدون جدوى، خصوصا انه في ذاك الوقت كانت هناك حملة كبيرة على مخالفات الحزام.

[طلعة الروح]

تحديث: اسمحلي اخوي توني قريت موضوعك عدل، أنا تكلمت عن مخالفة حزام الامان مب عرقلة السير اثناء البحث عن موقف.

[طلعة الروح]

سؤال ،، ليش المرور ما تخالف معارض السيارات اللي سيايرهم ماخذه دبل موقف و معرقلين الشارع في شارع سلوى و العزيزية ؟

أكيد المعارض وضعهم غير والتبرير لهم غير، هاي اذا ماكانت المواقف اصلا تابعة للمحل!

[abdalla]

المفروض يطلب منك تحرك واذا رفضت له الحق في مخالفتك اما المخالفه على طول خطأ خصوصا انك بسيارتك ما نزلت وخليتها

[وحيد-الشوق]

شغل عشوائي وبالمزاج ذا حال بعض الموظفين في المرور

بعدين انتوا تبون الحجز والمخالفات ليش تنتقدون

[qtr qtr]

شغل عشوائي وبالمزاج ذا حال بعض الموظفين في المرور

بعدين انتوا تبون الحجز والمخالفات ليش تنتقدون

+1
روح قسم الشكاوي قدم شكوى عندهم المنتدى ماراح يحل مشكلتك

[توشيبا]

شغل عشوائي وبالمزاج ذا حال بعض الموظفين في المرور

بعدين انتوا تبون الحجز والمخالفات ليش تنتقدون

القطري يقول نخالف الاجانب لعوزونا

والاجانب يقلون نخالف القطرين فلوسهم واجد وربعنا الاجانب مساكين


هذا اللي صاير في افراد المرور

[hanayen]

أنا معاك في معظم الأوقات يكونون مفتريين صارلي نفس الموقف مرتين
خل يروحون عند المدارس ويشوفون قله الذوق والأخلاق في السواقه

[الحجر العربي]

المرور واقفه في الزور

[العنيده]

يعني مايصير ندور لين نلاقي موقف مثلا :omg:
اتوقع لما تراجعهم بيشيلونها وخصوصا انك في السياره والله اعلم

[ضوى]

سؤال ،، ليش المرور ما تخالف معارض السيارات اللي سيايرهم ماخذه دبل موقف و معرقلين الشارع في شارع سلوى و العزيزية ؟


بالضبط هذا هو الكلام

لاني امس انا وولدي هناك نبي محل بعد هذا المعارض والمدخل اجباري من اول لفة ، تمينا يمكن نص ساعة لحد ماتصلت في المرور وقلت لها هذي مب حالة نص ساعة مب عارفين نوصل للمكان اللي نبيه سيارت يمين ويسار بالطول وبالعرض والشارع رايح راد هذي اشون تصير ، قالت لي يعني عرقلة سير قلت لها واكثر ، لو الواحد عنده حاله مستعجلة واضطر لاي سبب يدش هالشارع شنهي الدبرة ؟؟ قالت لي شوي واقرب دورية بتوصلج ، ولا وصلت لنا ولا احد حل المشكلة

[المحقق كونان]

اليوم نزلت لي المخالفة 500 ريال و3 نقاط

" ترك سائق المركبة مركبته في الطريق دون اتخاذ الا جراءات اللازمةلتفادي وقوع أي حادث أو تركها بطريقة تؤدي الى عرقلة المرور أو تركها دون اتخاذ ما يلزم لجعل الا ستعمال غيرالمشروع من جانبالغير لها متعذرا،أو تركها وبها مفتاح تشغيلها"

اي طريق انا واقف عند المواقف وزانط نفسي بالحزام والمساحة كبيرة عادي شاحنات تطوف ولقيت لي موقف وبعد تنزلو لي المخالفة

بصراحة هذي أغلى موقف فالعالم

وينكم عن المعارض ومحلات الكرك والي يتجاوزون من يمين والي يطوف الإشارة الحمرة وينكم عن شارع 22 فبراير في وقت الزحمه بعض الناس تسوق على خط الخدمة ... وينكم عن سيارات كروة الي تضرب بريك مفاجأة وينكم عن باصات كروة وسرعتهم وينكم عن الشاحنات وسواقتهم الخطرة

انا مب هامتني آل 500 ريال لكن الي مزعلني الظلم الي يصير

لا تظلمن إذا ما كنت مقتدراً ******* فالظلم آخره يفضي إلى الندم
تنام عيناك والمظلوم منتبه ******* يدعو عليك وعين الله لم تنم

* قال سبحانه وتعالى ( وسيعلم الذين ظلموا أي منقلب ينقلبون ) [ الشعراء 227 ]
* وقال: ( إِنَّ اللَّهَ لَا يَهْدِي الْقَوْمَ الظَّالِمِينَ ) [ القصص 50 ]
* وقال عز وجل : ( إنه لا يفلح الظالمون ) [ الأنعام 21 ]
* وقال تبارك وتعالى ( إِنَّمَا السَّبِيلُ عَلَى الَّذِينَ يَظْلِمُونَ النَّاسَ وَيَبْغُونَ فِي
* الْأَرْضِ بِغَيْرِالْحَقِّ أُوْلَئِكَ لَهُمْ عَذَابٌ أَلِيمٌ ) [ الشورى 42 ]
* وقال( وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ) [ ابراهيم 42 ]
* وقال سبحانه وتعالى ( وَأَنذِرْهُمْ يَوْمَ الْآزِفَةِ إِذْ الْقُلُوبُ لَدَى الْحَنَاجِرِ كَاظِمِينَ مَا لِلظَّالِمِينَ مِنْ حَمِيمٍ وَلَا شَفِيعٍ يُطَاعُ ) [ غافر 18 ]

[سُڪرهـْ ~]

صارت لي ،، وانا الوحيدة اللي تخالفت

[شيخ الديرة]

أنا نزلت للصيدلية ثلاث دقائق والدريول ينتظرني خلف السيارات الأخرى لأن مافي موقف, رجعت لقت ماخذ مخالفة وهو بالسيارة.

[فرفوش]

انا رفيجي سيارته مطلوبه بسبب رجعوه باشاره ممنوع الدوران فيها هههههه قول غرامه عاد حجز مره وحده

[أم محمد 90]

عيل شتقول عن اللي كانت تبي الخياط يجيب عبايتها وموت زحمه وقفت ف المعاقين لمدة ماتتجاوز 5 دقايق
اتصلت ف الخياط جا واحد عنده كروزر سكر علي جيت ابي اريوس ان بطلع تم معاااااند مايتحرك قمت نزلت الدريشة ابي اشوفه طلع شرطي في موتره
اتصل ف رفيجه راعي الدورية وجا بالدورية وخالفني ..!!

يعني حركة قليلة ادب والله العظيم مابيرضاها لو حد من هله

اوكي انا غلطت وقفت ف المعاقين بس ماطولت كلش اللهم الهندي جاب الكيس وجيت بريوس ماخلاني ينطر رفيجه يجي يخالفني


حسبي الله عليه

[qatari 111]

أنا نزلت للصيدلية ثلاث دقائق والدريول ينتظرني خلف السيارات الأخرى لأن مافي موقف, رجعت لقت ماخذ مخالفة وهو بالسيارة.

مخالفه صريحه .. عرقلة السير المفروض يحرك لين ماتخلص يرد ياخذك

[شيخ الديرة]

اللوم علينا نحن زبائن ورواد خدمات الأسواق والشركات والمؤسسات التي لا توفر مواقف تكفي. يجب أن نرفع مستوى التوقعات على أصحاب الأعمال والمؤسسات الخدمية الحكومية من هذه الناحية. نحن نبكي على القبر الغلط. المرور ليسوا سبب المشكلة بالأصل.وهذا يتم لو كلما واحد يتضايق حتى يحصل موقف يتشكى بقوة عند المدير المسؤول.

ولا مصرف بالدوحة عندهم خدمات وأنت مار بالسيارة (درايف ثروو) , أليس ذلك مستوى واطئ جدا من التوقعات ؟؟

[qatari 111]

عيل شتقول عن اللي كانت تبي الخياط يجيب عبايتها وموت زحمه وقفت ف المعاقين لمدة ماتتجاوز 5 دقايق
اتصلت ف الخياط جا واحد عنده كروزر سكر علي جيت ابي اريوس ان بطلع تم معاااااند مايتحرك قمت نزلت الدريشة ابي اشوفه طلع شرطي في موتره
اتصل ف رفيجه راعي الدورية وجا بالدورية وخالفني ..!!

يعني حركة قليلة ادب والله العظيم مابيرضاها لو حد من هله

اوكي انا غلطت وقفت ف المعاقين بس ماطولت كلش اللهم الهندي جاب الكيس وجيت بريوس ماخلاني ينطر رفيجه يجي يخالفني


حسبي الله عليه

حتى ولو ثواني وانتي اعترفتي بغلطج .. وانا اعتبرها مخالفه صريحه وواضحه .. ويشكر عليه راعي الكروزر على اهتمامه بحقوق ذوي الاحتياجات الخاصه

[شيخ الديرة]

مخالفه صريحه .. عرقلة السير المفروض يحرك لين ماتخلص يرد ياخذك

قول والله؟ اذا تحلف والله أنك تسويها من أجل ثلاث دقائق والدرويل بالسيارة بعد, أوعدك أنه أنا كذلك اسويها من الأن فصاعدا.

[qatari 111]

انا اتم بالساعه تقريبا عشان احصل موقف ولا اني اعرقل واخالف .. المشكله البعض عيزان يصف سيارته بعيد عن المكان اللي يبي يدشه ويمشي

مثال عندكم جمعيات الميره والله ان الموااقف فاااضيه بس بعيده بمسافة 50 الى 100 م ويصفون فمكان \وي الاحتياجات الخاصه وغير اللي معرقل السير وصاف ورى السيارات المبركنه

والحمدلله ربنا منعم عليهم بالصحه والعافيه

[qatari 111]

قول والله؟ اذا تحلف والله أنك تسويها من أجل ثلاث دقائق والدرويل بالسيارة بعد, أوعدك أنه أنا كذلك اسويها من الأن فصاعدا.

للاسف ماعندي دريول .. ولكن اسويها وقت ما اكون مع رفيجي اخوي عيال اخوي اخليه يحرك وقت ما اخلص غرضي اتصل له ويجيني .. التلفون يأدي الغرض

وليش احلف .. اذا مب مصدقني هذا شي راجع لك .. كأنك تتهمني بالكذب

[شيخ الديرة]

للاسف ماعندي دريول .. ولكن اسويها وقت ما اكون مع رفيجي اخوي عيال اخوي اخليه يحرك وقت ما اخلص غرضي اتصل له ويجيني .. التلفون يأدي الغرض

وليش احلف .. اذا مب مصدقني هذا شي راجع لك .. كأنك تتهمني بالكذب

حاشى لله أتهمك بالكذب, ولكن بعدم المعقولية. لو تركت الدريول يحرك ويدخل الشارع, حتى يرجعلك مرة ثانية يحتاج نصف ساعة على الأقل في الشارع اللي أنا كنت به.

يحرك معقول اذا يروح يوقف في المواقف البعيدة مثلا, لكن يدخل شارع ويلف ويدور, لا غير معقول, من أجل 3 دقائق.