يجب أبعاد جاي الكرك عن المناطق الحيويه لأنه يسبب إزعاج وزحمه

[حمد 2002]

السلام عليكم ورحمه الله وبركاته
محلات الكرك والتجمعات والزحمه ؟!

نطالب البلديه بالاتخاذ الاجراءات الحاسمه
عن محلات الكرك
وعلى سيبل مثال وهي موجوده بالواقع
محل كرك الواقع بالمجمع التجاري بالقرب من اشارات رمادا حيث محلات رامز وغيرها مما سبب لنا مشاكل كثيره مع الشباب
وشارع ام الدوم التجاري حيث يوجد محل الكرك بمنتصف الشارع ومما يترب عليه اغلاق الشارع

ومحطه لاند مارك والزحمه اللي فيها ..

كتارا والزحمه بسبه الكرك ..
وغيرها
لماذا لا يتم ابعادها عن الاماكن الحيويه؟!
لماذا لاتمنع خدمه السيارات والاعتماد فقط على الخدمه الذاتيه وهي ان يترجل من السيارته وياخذ طلبه اسوة ببعض الدول الخليجيه ..


بالتوفيق ..

[ضوى]

لا يا شيخ !!

[white bird]

لا أعلم ما الذي سأقوله
لكن
يعطيك العافية :nice:

[طير حوران]

:nice:

صح

[بريق الحق]

صحيح شارع النصر و قبل عند الاند والخ
اماكن تواجدها مصيبه

[بوخالد911]

لا
نو
كلا

انا مع محلات الكرررك وبقوووووة

[R 7 A L]

تدري ليش
لان كل من هب ودب قاموا يروحون ويصفون
حريم ويهال ودريوليه بعد ما كان خاص للشباب فقط

[محمد2]

اي والله حتى انا اضم صوتي لصوتك يا اخ حمد. والله فوضى وزحمة وعرقلة سير. علشان قلاص شاي كرك بريال

[ابن الرومي]

يعني بس هذا هي المشكلة

عجل شوارع الدوحة شلون الزحمة فيها
ومواقف عند الوزارات بمنطقة الأبراج شنو حلها
الشوارع ضيقة والارصفة ماشاء الله شكبره من كثر الناس يمشون فيها
في الحر

[Taiki]

لا
نو
كلا

انا مع محلات الكرررك وبقوووووة

[ابوعلي]

صدقت اخوي والله احنا متضايقيين من محل كرك في العزيزية والزحمة الي مسببينهم الشباب لدرجة انهم مسكرين الشارع الرئيسي والجانبي


ونتمنى ان شاء الله الجهة المختصة تقوم باللازم

[النهار]

يصير خير بكره ماتحصل ولا محل بنقطهم على طريق سلوى ههههههههههه

[ولد العرب]

هههههههههههههههههههههههههههههههههههه
ميت من حمد واسلوبه

[وحيد-الشوق]

تدري ياحمد اتفق معاك قليلا في هذي النقطه المشكله تصير زحمه والي يقهرك اكثر مايصفون في المواقف لا يصف قدام الموقف بالعرض ومايخلون العالم تصف مادري شنو هالبشر والله

[ANONYMOUS]

موضوع رائع

فيه مصلحه للبلاد والعباد

[حسن]

لاسف ثقافه جديده طلعت علينا بسالفه شاي الكرك
الحمد لله اني مااشربه الا ماندر وفي البيت

شي يضحك ياحمد

[KR4Tech]

يعطيك العافية

[qtr qtr]

ويش ذنبهم اصحاب محلات الكرك ماشاء الله ربنا رزقهم وفتح عليهم باب رزق بهالكم الهائل من زباين الكرك

اللوم على ادارة المرور اللي غايبين عن عرقلة السير من قبل السائقين .. ليش نلوم اصحاب المطاعم ؟!!

[Charisma]

في انتظار مشاركه العضو القدير .. بو حارب ولنا عوده :)

[لبيبة]

أؤيد اقتراحك يا حمد

بتحل جزء كبير من الزحمة

[المجروح81]

وين دور المرور
في مخالفتهم
مفروض يتم فاتح اول واحد مايخالف يصكونه مخالفه عشان يعرفون الله حق

[إعلامي قطر]

..

المفروض والله..

أو على أقل تقدير يخالفونهم المرور..

..

[يمامـة]

ازعاج وعرقلة لسير المرور وفوقه مب قادرين نمر أي محل من المحلات اللي صوب محلات الكرك
من الزحمة ..
سبق واني طرحت نفس موضوعك يا حمد،، لأن بالفعل صاروا يتسببون في الزحمة
والضيق للكل سواء أصحاب المحلات المجاورة او عابري الطريق او مرتادي المكان..

وياليت المرور يشوف له حل وياهم.. والبلدية بعد توقف له خمس موظفين بيدخلون ذهب
من اللي يشربون ويقطون قلاصات الكرك برع السيارة..

[كيلو حديد]

جاي الكرك ولا شاهي الكرك ولا شاي الكرك

[Anas_G]

غير الي يوقف في نص الشارع ويطلب .. ويتم واقف والناس وراه عبالها زحمة واخر شي الشارع فاضي والحبيب يبي يكرك ...

مؤيد وبقوة واتمنى المرور يركز على هالسوالف الماصخه الي تسبب زحمة عالفاضي .. مثل ايضا الشباب الي يسون مسيرة في الكرنيش قبل الفطور في رمضان

[عزووز قطر]

أنا أستغرب من التصاريح اللي تطلع للمحلات التجارية بدون توفير مساحة كافية للمواقف

[محمد11]

صدقت اخوي والله احنا متضايقيين من محل كرك في العزيزية والزحمة الي مسببينهم الشباب لدرجة انهم مسكرين الشارع الرئيسي والجانبي



ونتمنى ان شاء الله الجهة المختصة تقوم باللازم

صدقت يا بوعلي ف العزيزيه او مافتح وقت الشاي ف العزيزيه مسوي ازمة مروريه كبيره وااايد قبلها كان محل الصفيحه الحين وقت الشاي والي يقهرك انك لو كلمت واحد غلطان قلت قوم من الشارع يعطيك بذيج النظره يقول انت شعليك .. لو تنبه اكثر من مره ينزل من الموتر…
والي يقهر اكثر بعض الدوريات يشوفون هالمصخره اسميها مصخره وعادي

اذكر مره كتبت موضوع ف المنتدى عن هالموضوع دوريه كانت بعد مخالفه والعسكري ماسك في يده يصفيحه وعصير رحت له قلت الشيخ عاجبك الوضع وراك كل واحد مسكر الشارع واقف ف النص وانت ماتدري او واقف معاهم
استح شغل الرماق وكلمهم…
لازم رجال المرور ياخذون.الاجراء بسرعه

[halcrow]

صحيح لازم حلول لمحلات الكرك ....زحمه وعرقله سير ...وماتعرف تكمل طريجك ....انا رايي يسمحون بيع الكرك في الاماكن المكشوفه ...

[الخيالة]

صحيح حتي وقت الشاي في شارع مطار القديم مكانه غلط مسبب زحمه علي طول

[واحد قطري]

الحين يات على الكرك انزين الحل بسيط لاتمر الشوارع اللي فيها محلات الكرك واذا بتصب بترول لاتصب بمحطة

الاند ترى الحل سهل

على فكره كتبت هالكلام بس لانه في امور اهم تصير فيها عرقله مثلا صوب الابراج وقلة المواقف وانتوا عارفين شيصير عقبها فمايات على محل جاي

[نوور الدووحه]

عاد وقت الشاي الي بمعيذر مـــــــأسآآآآآآآه مصكرين الشارع صححححح:eek5:


ترى كله كرك والله ياناس كرك :anger1: مو شي واااااااو عشان تصير هالزحمه وبالاخير ينكتب عنه موضوع :court:

بوحارب شاير بالزحمه :tease:

[w.qatar]

انا ودي اعرف ليش لازم كل العالم يصفون طابور عند محل الكرك روح المجلس و اشرب جالون كرك مب قادره استوعب شالحكمه من التجمع عند هالمحلات مع ان كرك البيت الذ و انظف

[دااانة قطر]

:rolleyes2:
تدري ياحمد اتفق معاك قليلا في هذي النقطه المشكله تصير زحمه والي يقهرك اكثر مايصفون في المواقف لا يصف قدام الموقف بالعرض ومايخلون العالم تصف مادري شنو هالبشر والله


:rolleyes2::rolleyes2::rolleyes2:



تدري ليش
لان كل من هب ودب قاموا يروحون ويصفون
حريم ويهال ودريوليه بعد ما كان خاص للشباب فقط

:rolleyes2::rolleyes2::rolleyes2:

أطاالب المرور بوضع حل للمهزله اللي صاايرة
واللي يقول لاتمر صوب محلاات الكرك طيب اذا في طريقي لازم اغير واطول المشواار
واذا هذي اقرب محطة بترول؟؟

[الحجر العربي]

يجب علاج الزحمه بطرق اجدى

[الطلياني]

انا ودي اعرف ليش لازم كل العالم يصفون طابور عند محل الكرك روح المجلس و اشرب جالون كرك مب قادره استوعب شالحكمه من التجمع عند هالمحلات مع ان كرك البيت الذ و انظف
ونعم الرأي والله

[مختلفة عقليا]

السلام عليكم .,

ماعرف ما احس في زحمه زحمه ., عادي احس الشارع .,

بس من الظلم اصكر المطعم عشان اشويه مخالفين .,

في مكان صف وخذ مافي مكان ., اطلب وخذ دوره ورد خذ طلبك ومع السلامه .,

وووووين المرور عنهم ., فالحين يخالفوني عند الابراج ..

ويسلموو .,

[بوحارب]

عاد وقت الشاي الي بمعيذر مـــــــأسآآآآآآآه مصكرين الشارع صححححح:eek5:


ترى كله كرك والله ياناس كرك :anger1: مو شي واااااااو عشان تصير هالزحمه وبالاخير ينكتب عنه موضوع :court:

بوحارب شاير بالزحمه :tease:

خلاص صرت ماروح وايد مثل قبل لزوم الدايت :(

اتفق معاك حمد والمحل اللي لازم يتسكر وقت الشاي فرع الخريطيات

زحمه غير طبيعية ومسويين زحمة البزران هناك
وحتى البنات يوقفون في نص الشارع ويطلبون

ياخي اشكبرج بقرة ماتعرفين تسوي كرك في البيت << زين جيه خليتوني أعصب:)

[Riku3]

في المطار مضيقين الشارع ومضيقين على المغسلة الي جنبهم لدرجة انك ما تقدر تدخل المغسلة من السيارات وفي الشارع لازم تدخل عكس السير علشان تعدي بس مع هذا معقولة وما يكون في اغلاق كامل لان الشارع عريض بذلك المنطقة ..

بس الي في العزيزية مشكلة !! .. الشباب الله يهديهم يوقفون في الشارع العام وانت تتم واقف في الزحمة ما تدري شنو سببها واخرتها تلاقي موتر او موترين هم السبب والهندي قاعد في السيارة يخاف يتجاوز .. ومثل ما قال بو محمد لو بس تناظر في الشباب تحس بينزلون يسوون مشكلة اعوذ بالله من عقولهم .

[نوور الدووحه]

خلاص صرت ماروح وايد مثل قبل لزوم الدايت :(

اتفق معاك حمد والمحل اللي لازم يتسكر وقت الشاي فرع الخريطيات

زحمه غير طبيعية ومسويين زحمة البزران هناك
وحتى البنات يوقفون في نص الشارع ويطلبون

ياخي اشكبرج بقرة ماتعرفين تسوي كرك في البيت << زين جيه خليتوني أعصب:)

عصصصب وفالك طيب لووووول ..لان صج فرع الخريطيات قمة المصخره وقمة البقر ههههههههه!!
انا عصبت بعد زين جي :)

[يمامـة]

الهدف مب اغلاق المحلات الخدمية هذي،،

لكن لازم حل للزحمة اللي يسوونها ،، وفي الأخير كرك او سوفليه او كورن فليكس

بو كرشة الصغير عندي،، ايام الامتحانات يصر يرتيق عند وقت الشاي
واخرتها كورن فليكس اغمى علي الا اشوي :weeping:

ظنيته بيطلب سندويش بيض او دياي او جبن وجام لزوم تغيير المزاج ايام الامتحانات..

تبا لقد انخدعت للأسف..