السلام عليكم .. ابي ابيع اسهمي وآخذ ارباحي .. اروح وين ؟

[borashed]

السلام عليكم .. ابي ابيع اسهمي وآخذ ارباحي .. اروح وين ؟ اخوكم بجي من الكويت .. هل يكفي يوم واحد لتخليص المعاملة ..

هل اكتفي فقط في سوق الدوحة للاوراق المالية او اروح مكان ثاني ؟

انا مع شركة دلالة الاسلامية

واسهي شركة مزيا .. من وين احصل ارباحها ؟

الله يجزيكم خير ويبارك لكم ربي في ما اعطاكم ويزيدكم من فضله .
آمين

[لبيبة]

تقدر تبيع بالاتصال بالتليفون من رقمك المسجل في دلالة او بالنت عن طريق موقع دلالة الاسلامية

وبالتليفون تكلمهم وتعطيهم رقم حسابك في البنك، الرقم الدولي iban

اطلبه من البنك عندكم بيعطونك اياه

وبهالطريقة تكون بعت السهم وخذت فلوسه وانت مرتاح في بيتك

اما ارباح السهم تقدر تاخذهم اما من بنك قطر الوطني او البنك التجاري

واحد من البنكين احتمال عنده الارباح واغلب ظني هو الوطني

واعتقد يبيلهم حضور شخصي لاستلامهم واعتقد يكفيك يوم تروح للبنكين

وهلا بك في قطر

[borashed]

الله يجزيكم خير واسف على التاخير في الرد ...


اذا ييت قطر .. هل جميع الاجراءات راح تكون في بورصة قطر ؟؟

يوجد عندنا في الكويت بنك قطر الوطني .. يعطون الارباح اذا تعرفون ..

جزاكم الله خير مرة ثانية

[لبيبة]

دلالة لهم مبنى منفصل http://www.dlalaholding.com/Arabic/About-us/Find_Us/Documents/Dlala_Map.pdf

ما اعرف اذا للحين موجودين بعد داخل مبنى البورصة والا لا

لكن ما دام عندكم فرع بنك قطر الوطني، كلمهم وشوف اذا تقدر تستلم منهم الارباح

وقتها ما تحتاج تسافر ابدا

تبيع بالتليفون او بالنت ويودعون لك فلوسك في حسابك في الكويت وانت مرتاح

[borashed]

الله يحفظك ويرفع قدرك .. ويوفقك ما قصرت جزاك الله خير

[لبيبة]

الله يسلمك ويوفقك ويجزيك كل خير