هل لازلت تمارس هذه العاده:

[ابن البيطار]

زمان اتذكر كان مايمر اسبوع الا نتبادل الزيارات العائليه معا الربع والاصحاب والاقارب نطلع كلنا من البيت العصاري متوجهين لبيت احد من المعارف بدون سابق اتصال او استأذان ونلتقي مع بعض احنا اليهال نلعب في الحوش او الشارع والحريم مع بعض والرجال مع بعض لين بعد صلاة العشا نتعشى وبعدها نروح البيت وبعدها بكم يوم يرد لنا الصاحب الزياره . كان شي جميل وومتع اشوفه اختفى في هالزمن انا اتكالم عن نفسي ماسويتها ابدا حتى وصل الامر ان هالشي مايستوي بين الاخوان يعني ممكن نتجمع عند الوالده لكن اني باخذ زوجتي وعيالي واروح بيت اخوي ونقعد عندهم نسولف ونتعشى ونقضي يوم كامل ماعمره استوى هالشي .

على العموم مابي اطول عليكم لكن السؤال هل احد الى الان متمسك بهالعاده او يسويها حتى لو في الشهر مره ام انها اندثرت واصبحت من الماضي واصبح كل واحد يالله ينشغل بنفسه وبيته.انا اقصد الطلعه الجماعيه العائليه مب واحد يروح عند رفيقه او وحده تزور رفيقتها .

[Charisma]

مرحبا اخوي ابن البيطار ..

الحمدلله الروابط الاسريه في محيطنا قوية .. والزيارات العائليه ( بكامل عتادها ) بشكل اسبوعي
خصوصا ايام الخميس والجمعه .. وفي بعض الاحيان بشكل يومي .. على سبيل المثال ( رمضان )
كل يوم الفطور في بيت ..

[Rider]

لï»»سف اشياء كثيرة تغيرت مع التطور والانفتاح الحين لو فكرت تزور حد بيقول اكيد يبغي شي اتمنى يرجع الزمن الجميل الي كل شي كان له طعم

[نوور الدووحه]

لا والله للاسف اتمنـــــــى ..... انا حتى ليلة رمضان اتصل على كل الارقام الموجوده بجوالي خمس ثوان مبارك عليكم الشهر واصك يستغربون........!!!
مع ان كل رمضان هاي عادتي ولازالو يستغربون من تواصلي ...

الحين التواصل صار الكتروني ...:rolleyes2:


وصحيح ان الاغلب صارو ينشغلون بنفسهم ,,الدنيا تلاهي

[بوخالد911]

الان معظم الناس يلتقون بالمناسبات ومن اسبوع لاسبوع

[تغلبية]

اذا الاخوان صدروهم وسيعة .. ويستقبلون أي حد يجيهم .. تلقى حريم وايد صدروهم ضيقة ومايستقبلون حد الا بسابق موعد علشان البرستيج .... مالت على البمبر اقول


بالنسبة لي البيت مفتوح .. اللي يبي يجي الله يحيه .. بأي وقت .. بالنسبة للمقربين كلش ...والجيران

مع ان مرات ماكون جاهزة بس ما أحب ارد حد .. أرتب حالي بسرعة .. وتكون الزيارة المفاجأة حلوة ونستمتع فيها.

الجمعة الاسبوعية للحين محافظين عليها الحمدلله .. وأنا متمسكة فيها ما أأجلها أو إني ألغيها.

[معماري قطري]

اذا الاخوان صدروهم وسيعة .. ويستقبلون أي حد يجيهم .. تلقى حريم وايد صدروهم ضيقة ومايستقبلون حد الا بسابق موعد علشان البرستيج .... مالت على البمبر اقول


بالنسبة لي البيت مفتوح .. اللي يبي يجي الله يحيه .. بأي وقت .. بالنسبة للمقربين كلش ...والجيران

مع ان مرات ماكون جاهزة بس ما أحب ارد حد .. أرتب حالي بسرعة .. وتكون الزيارة المفاجأة حلوة ونستمتع فيها.

الجمعة الاسبوعية للحين محافظين عليها الحمدلله .. وأنا متمسكة فيها ما أأجلها أو إني ألغيها.

انا خليت كل الموضوع وركزت على البمبر .. هههههه من زمان ما سمعتها ومن زمان ما كلت بمبر .. كانت في بيتنا القديم شجرة بمبر أَلحين حد يعرف وين احصلها؟

[تغلبية]

^

:nice:

علشان ما ينحرف الموضوع ويعصب علينا ابن البيطار .. بتلقى الجواب بين السطور

بصراحة البمبرة لها قيمة اجتماعية قديماً .. هي مثل الأم العودة في البيت .. وغالباً كانوا يزرعونها عند الباب .. مادري ليش ؟!

مادري هل لأنها وارفة الظل وتوحي إنها أم لدرجة ان مطرب يتغنى فيها ويقولها دوري لي مراة .. ؟!

ماخبر ذقته .. وأهل البحرين يسوونها أجار ....

تلقاها في المشاتل .. أو ممكن توصي عليها

[ذيب ازغوى]

ان ما خاب ضني ينباع في السوق العماني

[غير البشر]

اذا الاخوان صدروهم وسيعة .. ويستقبلون أي حد يجيهم .. تلقى حريم وايد صدروهم ضيقة ومايستقبلون حد الا بسابق موعد علشان البرستيج .... مالت على البمبر اقول







:taunt::taunt:


هههههههههاي تغلبيه الله يقطع ابليسج احسها طالعها من قلب قلبج
مالومج والله شي يقهر





الف شكر اخوي ابن البيطار الموضوع مهم جدا
الحمدلله الزيارات العائليه عندنا مترابطه وقويه لحد الحين
وتقدر تقول يوميا
لما بروح بيت هلي لازم اسأل حد عندكم او لا

وانا معاك ان في ناس كثيره تخلت عن هالعاده
مادري لمشاغل الدنيا وطبعا مب عذر
او الناس ماصارت صدورها وسيعه نفس قبل
اما انهم يتيقلون الزيارات والتعدل او المستقبلين طول وقتهم غير مستعدين
بسبب انهم يتقيدون في هاليوم عن الطلعات او من هالقبيل

الله المستعان :rolleyes2:

[ابن البيطار]

مرحبا اخوي ابن البيطار ..

الحمدلله الروابط الاسريه في محيطنا قوية .. والزيارات العائليه ( بكامل عتادها ) بشكل اسبوعي
خصوصا ايام الخميس والجمعه .. وفي بعض الاحيان بشكل يومي .. على سبيل المثال ( رمضان )
كل يوم الفطور في بيت ..

ماشالله جميل ان تحافظ على هذه العاده الطيبه الله يبارك فيك

[ابن البيطار]

لï»»سف اشياء كثيرة تغيرت مع التطور والانفتاح الحين لو فكرت تزور حد بيقول اكيد يبغي شي اتمنى يرجع الزمن الجميل الي كل شي كان له طعم


لا والله للاسف اتمنـــــــى ..... انا حتى ليلة رمضان اتصل على كل الارقام الموجوده بجوالي خمس ثوان مبارك عليكم الشهر واصك يستغربون........!!!
مع ان كل رمضان هاي عادتي ولازالو يستغربون من تواصلي ...

الحين التواصل صار الكتروني ...:rolleyes2:


وصحيح ان الاغلب صارو ينشغلون بنفسهم ,,الدنيا تلاهي


الان معظم الناس يلتقون بالمناسبات ومن اسبوع لاسبوع

يعني متفقين انها عاده شبه مندثره مع ان ديننا يحث عليها ولكن هل يمكن ان نعيد تلك العاده وبدال ان نبداء نحن بالزياره ندعوا غيرنا في البدايه لزيارتنا ومن ثم نرجع له الزياره ومع الوقت ستصبح عاده. ولا خلاص مافيه امل

[ابن البيطار]

اذا الاخوان صدروهم وسيعة .. ويستقبلون أي حد يجيهم .. تلقى حريم وايد صدروهم ضيقة ومايستقبلون حد الا بسابق موعد علشان البرستيج .... مالت على البمبر اقول


بالنسبة لي البيت مفتوح .. اللي يبي يجي الله يحيه .. بأي وقت .. بالنسبة للمقربين كلش ...والجيران

مع ان مرات ماكون جاهزة بس ما أحب ارد حد .. أرتب حالي بسرعة .. وتكون الزيارة المفاجأة حلوة ونستمتع فيها.

الجمعة الاسبوعية للحين محافظين عليها الحمدلله .. وأنا متمسكة فيها ما أأجلها أو إني ألغيها.

بارك الله فيج وياليت الكل مثلج يتسع صدره للقريب والصديق والله مع الوقت بتكون عاده يصعب الاستغناء عنها. ومثل ماقلتي للاسف بعض الحريم هم السبب في اندثار هالعاده لانهم يبالغون ويعتقدون ان الزياره لازم لها طقوس مقدمات واستعدادات تقولين بيسوون عرس لذلك اصبحوا يستثقلونها ويضيق صدرهم منها.