أستشارتكم بخصوص الكرفان [الأرشيف] - منتديات شبكة الأسهم القطرية

مشاهدة النسخة كاملة : أستشارتكم بخصوص الكرفان

أخو من طاع ربه

22-06-2014, 07:24 AM

السلام عليكم ورحمة الله وبركاته

أخواني ابي رايكم وستشارتكم

عندي فكره اسوي لي كم كرفان اجهزها بالكامل

ابي اعرف اكثر الانواع المطلوبه
مثل / غرفه وحمام / مجلس ومستودع وحمام
أو / غرفه ومطبخ وحمام عزكم الله

والمقاسات المطلوبه

والله يعطيكم العافيه مقدما ً

الحجر العربي

22-06-2014, 10:53 AM

صار اغلى من البناء

أخو من طاع ربه

22-06-2014, 12:45 PM

هذا اللي اشوفه وابي اسوي وبيعهم ارخص نن اسوق بس ابي
تفيدوني بالمكتوب فوق ياخواني

Aaziz

22-06-2014, 12:59 PM

أخو من طاع ربه

22-06-2014, 07:44 PM

اخوي

كيف بتسوي كباين (تصنعها) وانت ماتدري ايش المطلوب في السوق ؟

هذا شوري حسب طلبك

الطلبات نوعين

%50 من الطلبات بتكون 3x5 او 3x6 غرفة نوم + حمام داخلي و 3 هي العرض من الخارج وليس الصافي حسب قوانين المرور
%30 من الطلبات بتكون 3x8 او 3x9 غرفه نوم + حمام + مطبخ
%20 حسب طلب الزبون .. احيانا زباين يبون كبينه مجلس مع حمام خارجي و احيانا يبون حمامات فقط و احيانا يبون الكبينه مطبخ فقط

بالتوفيق ان شاءالله
و استشير اهل الاختصاص افضل

اخوي اليد الصانعه موجوده عندي والخبره بعد
في صنع الكرفان قلت اخذ الخبره منكم
والمطلوب في السوق واللي يرغبونه هل الرحلات
شكرا ً على التفصيل في الكلام اخي العزيز
وان شاء الله اول ماخلص بعرض لكم للمعاينه

abuammar

09-07-2014, 10:55 AM

الله يوفقكم للخير دائما

لمت اب

09-07-2014, 11:25 AM

اخي العزيز

انا افضل لا يقل الطول عن 8 متر
الاطارات رنق 12 او 14
ويكون دفرنش وليس محور عادي
بامكانك الحصول على دفرنشات صوالين
او دفرنشات عراوي مكنسله من السكراب
وايضا حاول استخدام التكنلوجيا الحديثه كالخلايا الشمسيه للكهربا
و لايمنع التسليك الداخلي لمكيف يمكن توصيله لاي مصدر في الخارج
ايضا بدون دش كبر صحن العزيمه
المجلس يعمل فيه ارفف جانبيه مرتفعه تكون أسره او مكان لتخزين الفرش
ولا تقصر في اجراءات السلامه من جبس بورد داخلي مقاوم للحريق
وعلامات خارجيه عاكسه
كل الكبائن الي شفتها الجسمم الخارجي خالي من أي كتابات
افضل ارى آيه قرانيه او حديث او حكمه او حث على فضيله مكتوب على الكبينه
او اقل شيء حث على السلامه من حيث عدم السرعه او عدم التدخين وماشابه ذلك
هذه الاشياء الي تذكرت الان ارجو استمرار التواصل ولو على الخاص
لان ممكن نفيدك بنصائح اخرى

حسن

09-07-2014, 11:38 AM

شوف ياخوي بحكم اني اصنع كرفانات
المقاسات 6 الى 7 في 3 مرطلوبه ومرغوبه وبحمام
الرنقات حاول تكون 16 واتنزا عن ال 15 نهائيا بحكم طبيعه ارضنا
اما الكماليات عاد هذه على حسب طلبات الزبون
كل واحد وله مواصفات
بس هل انت بديت من قبل ولا اول مره
لان السوق عندنا سمعه وعادي يشتري من العروفين 100 الف ولو سويت نفس المواصفات
بيقولك يبيها ب 50 الف

تبي نصيحيت شوفلك ستايل استاندر وسى مثله واعرض بدون طلبات الزبون
اذا انت يعني تشتغل في مكان ما
اما اذا تشتغل وعندك ورشه في الصناعيه الامور هني تختلف
شوف السوق وقارن وبس للعلم لا تفتكر ان السعر بيظهر عليك وايد رخيص
يبا انت في قطر كل شي غالي
وبالتوفيق

لمت اب

09-07-2014, 01:42 PM

ابو علي مبروك المصنع
ما علمتنا ياخي
ترا حنا نعين ونعاون
يعني اذا فيه شيء بلاش نشيله عندك بدل مايسبب لك ضيق في الورشه
هههه
مبروك المصنع وياليت تحدثنا عن مصنعك ولو القليل
متى بدأت وكم كرفان سنويا تعمل
وهل لك ستايل لوحدك ومن هالأمور
مبروك مره ثانيه وبالتوفيق

G.M.C

13-07-2014, 12:33 PM

السلام عليكم

الشيخ ممكن طريقة التواصل انا ناوي افصل مطبخ وحمام وانت بكرامه

أخو من طاع ربه

21-07-2014, 02:29 AM

مشكورين يالربع ودرسة المشروع وبدا لي أن السمعه تلعب دور في هالمجال

وتفرق من مصنع لمصنع لو نفس المواصفات ظ،ظ*ظ* ظھ

الله يكتب لنا اللي فيه خير ويعطيكم العافيه

Mansour_qa

07-08-2014, 11:18 AM

كل الي يفصلون يقولون لك بعد ثلاث الى اربع شهور خالصه كبينتك ..

والله يوفق الجميع , بس اذا فتحت ورشة ياليت تزودناا بالارقام وخلنا نفيدك ..

وتسلم ..

الجـــوديّ

09-08-2014, 11:39 PM

انت اشتغل في وحدة أو ثنتين واعرضهم للبيع
صورهم وحط اصورهم في سوق المنتدى وعلى مجموعات الواتساب ومن واحد لي واحد ان شاءالله بتلقى له شراي
وخذ الملاحظات من كل اللي يشوف شغلك.

ممكن تشوف صور البوت كابن الامريكية او انت سو لك تصميم أو حركة تميز فيها شغلك عن الموجود في السوق علشان ما يكون تكرار
كان فيه برنامج لأحمد الشقيري عارض فيه بورت كابن كأنها شقة شكلها من برا ما يفرق عن البيوت الجاهزة (كشخة)

وأخيرا .... أذكرك بنصيحة الشيبان والاوليين
عينك على حلالك ادواء
بالتوفيق إن شاءالله

الوعب للتجارة

12-08-2014, 10:55 PM

بالتوفيق

السيليه

07-10-2014, 12:11 AM

بالتوفيق