خادمة صفعت ابن الكفيل امام الناس (عمره مابين 8-10)

[قطري2022]

الخطأ هنا من الوالدين ، اللي ما تقربو من هالولد بحيث انه يبوح بللي في قلبه لهم ، اذا هالموضوع البسيط الولد ماقاله لوالدينه ، تخيلو الاشياء الاكبر اشلون يتصرف فيها ؟ يا اباء و يا امهات ، اصحو من تركيزكم على وظايفكم وجمع الاموال و التعليم و حب المظاهر و توجيبكم للناس في افراحهم و احزانهم ، عيالكم اولى بهالوقت ، كملو دوركم تجاه عيالكم و عقبها تفرغو للغير ، العيال امانة من عند الله سبحانه ، ولازم وواجب نصون هالامانة ، و تقصيرنا تجاهم له عقاب عند الله سبحانه .

[بطل الفريج]

يمكن عندها واسطة من احد الوالدين:con2:

[قطري2022]

يمكن عندها واسطة من احد الوالدين:con2:

الظاهر ماعطينها توكيل لتربية عيالهم :)

[MAZEN37]

اليوم الساعه 7 الصبح شفت سياره يسوقها دريول والعبري ولد عمره تقريبا 10 سنوات
وبالخلف راكبه اخته بعمر المراهقه شكلهم رايحين على المدارس ومطولين
على صوت الاغاني بالسياره والجو فللي
اول شي جا على بالي ابوهم
لا حول ولا قوة الا بالله
ما اقول الا
الله يرحم شارع الشمال القديم

[قطري2022]

اليوم الساعه 7 الصبح شفت سياره يسوقها دريول والعبري ولد عمره تقريبا 10 سنوات
وبالخلف راكبه اخته بعمر المراهقه شكلهم رايحين على المدارس ومطولين
على صوت الاغاني بالسياره والجو فللي
اول شي جا على بالي ابوهم
لا حول ولا قوة الا بالله
ما اقول الا
الله يرحم شارع الشمال القديم
الله يهديهم و يفتح بصيرتهم انشالله هم و اهاليهم .

[العنيده]

يارب الاهالي يصحون من الغفله يارب
البعض غافل ومب فاهم هالامانه استغفر الله

[طبيب قطري]

هالموقف صار جدامي وانا منزل بنتي المدرسه الا اشوف خدامه فلبينيه معاها بنت صغيره مدخلتها المدرسه والبنت الظاهر شافت واحده من صديقاتها واركضت تبي تروحلها الا الخدامه جرتها جر من شعرها وعطتها كف ! الموقف كان صدمه لي رحت اهاوش الخدامه الا تقولي المدام قالتلي اوصلها الصف واذا ركضت طقيها! هذي بتشا في واجد شيطان مشكله كبير!!
:secret:

[الحجر العربي]

ويش السبب يمكن انتقام

[قطريه ماركه]

الله يكوون بالعوون

صاروا الخدم من ضروريات الحياة
الله يعطيننا خيرهم و يكفيننا شرهم

[qtr qtr]

الله يكون فعون فلذات الاكباد .. ومصير والديهم راح يتعاملون بالمثل .. وقت الكبر فالعمر عيالهم ماراح يهتمون فيهم بقطونهم عالخدم ..

[الدوحه1]

على طارى "التربيه" اليوم قدام احدى المولات شفت شباب قطريين صغار اعمارهم بين 10 -12 سنه جالسين يدخنون قدام العالم!!!!!

[عاشق العديد]

الله يكوون بالعوون

صاروا الخدم من ضروريات الحياة
الله يعطيننا خيرهم و يكفيننا شرهم

اسئلي يدتج لما ربت امج وخوالج .. وغير هذا يمكن كانت تشتغل بعد عشان توفر لقمة العيش .؟
اسئليها هل كان عندها خدامه .؟

[qtr qtr]

حب المال عمتهم بتربية واهتمام بعيالهم

[حسن]

اشكرك ياقطري على اهتمامك بالمواضيع الاجتماعيه
ذات الاهميه الكبري

بالنسبه لموضوعك

الاسباب عدم تفعيل القوانين اللتي سنت لحمايه الطفل وانا حكمي ببسب لم نسمع قضايا
من هذه النوعيه في صحفنا المحليه او اي وسيله اعلاميه
لماذا لا اعرف يمكن جرت العاده على التستر في الكثير من القضيايا ومنها الجرائم
هذا عرف ولاكل الجرايم موجوه

اقلوك شي لو طبق النظام الاوروبي لشفت الكثير من الاطفال في مراكز خاصه
للتاهيل

ولكن عندنا لازال الجهل سيد الواقع

وشكرا

[qtr qtr]

والله ان في حريم والاكثريه بعد ان مالهم بحاجه للمااال ولكن السبب لسد الفراغ اللي فيهم يبون يغيرون الجو الروتيني فالبيت والتهرب من مسولية البيت وتربية العيال

وبعض الحريم يبون الفلوس بسبب المراكض ورى الموديلات والكلام الفااضي يعني حرق فلوس بشي ماله اهميه مفوشر فقط

[ضوى]

الله يحفظ عيالنا ولا يبلينا ياااارب

[بوحارب]

جعل أيدها الكسر

[qtr qtr]

خافوا الله في عيالكم يا حريم .. وانت يالزوج وين دورك وين اوامرك ليش قمنا نشوف بعض الرجال ضعاف في تأسيس اسرته وغير مقتدر في تغيير سلوك الزوجه بتربيه واهتمامها بعيالهم وترك الحبل عالقارب .
قمت اشوف بكثره السواق والمربيه هم من يقومون بدور الاب والام وابهاتهم وامهاتهم لايهيين بدنياهم وملذاتهم .. قمنا نشوف عيال تربيتهم في انحراف وانجراف للسلبيات لا حسيب ولا رقيب

والله انه شي يقهر

اخوي حسن روح وشوف سجن الاحداث والله ان شي يشيب الراس اطفال بعمر 10 لين 17 سنه والسبب اهمال الوالدين

[Rider]

هالحريم الهم الوحيد عندهم انهم مايقعدون في البيت حتى لو ماكانت محتاجه الشغل بس اطلع والعيال لهم الله حتى لو رجعت من الدوام تعبانه مسكينه تبغي تنام واذا قامت تبغي تروح الجم وبعدين تتسوق بعدين ترد تعبانه تبغي تنام حرام وخدم يلعبون في عيالهم بس اذا غاب الشنب وين تشوف مره سنعه الا نادرا

[نوور الدووحه]

ياااارررربي وراح الحوار الحريم والحريم ......!!!

[عاهد بن علي]

عسى الله يصلح الحال

[qtr qtr]

قلنا البعض ويشملهم الرجال .. ما عممنا الحريم ولا الرجال (( البعض )) وكلهم مشتركين فالجريمه

لان الزوجه عمود البيت والزوج سقف البيت

[طير حوران]

ياااارررربي وراح الحوار الحريم والحريم ......!!!

صح يانور معك حق لازم الاب يقعد في البيت ويرعى شؤون البيت والعيال

لأن التكليف الشرعي لمسؤولية الصرف على الاسره والبيت من واجب المرأه

وبالتالي هى اللي لازم تذهب للعمل لتحليل راتبها

اما انه مجتمع ظالم يبون المره ترعى البيت والعيال وبعد تروح للعمل حتى تصرف على البيت


!!!!!!!!!!!!!!!!!!!!!!!!!!!!!!!!!!

[ضوى]

العيال مسؤولية الاثنين الام والاب ، ولما يضيعون العيال بين حانا ومانا مشكلة كبيرة للاسف ، مانقدر نقول الام العاملة هي السبب ، لانه هالام المفروض يكون وراها سبع يعرف اشلون تمشي امور بيته واشلون يتربون عياله بحيث لو لاحظ اي اهمال او تخاذل من الام قعدها في البيت وفرض عليها تربية العيال بنفسها

[طير حوران]

العيال مسؤولية الاثنين الام والاب ، ولما يضيعون العيال بين حانا ومانا مشكلة كبيرة للاسف ، مانقدر نقول الام العاملة هي السبب ، لانه هالام المفروض يكون وراها سبع يعرف اشلون تمشي امور بيته واشلون يتربون عياله بحيث لو لاحظ اي اهمال او تخاذل من الام قعدها في البيت وفرض عليها تربية العيال بنفسها

:nice:

تسلمين يااختي العزيزه / ضوى

[Rider]

ياااارررربي وراح الحوار الحريم والحريم ......!!!

ايه اختي الحريم وهذا مايغفل دور الرجل في التربية لكن الي عرفنه الرجل هو الي المفروض يكدح ويتعب علشان يأمن لقمة العيش حق عياله وزوجته ودور الام كبير في تربية الابناء مب الكل طالع يشتغل وتاركين العيال للخدم واذا محتاجه تشتغل على الاقل تحط عيالها عند احد من اهلها او اهل الزواج بس للاسف زمان هذا صار الزواج مجرد ديكور والعيال نفس الشي يعني يا ناس شوفوني متزوج وعندي عيال لكن التربية مفقوده في كثر من البيوت للاسف

[نوور الدووحه]

المسؤوليه عالاثنين الاب والام .....!!!!!


ليه تحور الموضوع ان المره تبي تروح جيم وتبي تتسوق و و و ...!!

شكوووو حد قال شنو جدول المره !

اهمال وتقصير من الطرفين .. الابناء شراكه ...يد وحده ماتصفق !!

[Rider]

المسؤوليه عالاثنين الاب والام .....!!!!!


ليه تحور الموضوع ان المره تبي تروح جيم وتبي تتسوق و و و ...!!

شكوووو حد قال شنو جدول المره !

اهمال وتقصير من الطرفين .. الابناء شراكه ...يد وحده ماتصفق !!

زين ليش معصبه يعني انا الوحيد الي تكلمت عن الحريم شوفي ردود الاخوان يعني انتي تنكرين انه فيه حريم يروحون الجيم ويتسوقون ولا يدرون عن عيالهم ياختي قلنا البعض مب الكل وقلنا لك الرجل ايضا له دور كبير انا اسف اذا تزعلين

[يمامـة]

التساهل والتغافل من الاباء والامهات له دور كبير في الصفعات هذي..

واللهم احفظ عيالنا من شرور النفوس الضعيفة..

[نوور الدووحه]

^ انا ماقتبست ردك ولا اي رد ...!!
قلت الحوار راح لمحور ثاني
ومانكر ان البنات يروحون سوق وغيره
بس بعد الرجال يروحون ميالس وغيره
ومنووو الي بالوسط .....!!! الابناء :weeping:

وموزعلانه ..!! بس حبيت اوضح نقطه وبس :)

[qatarman8008]

هالموقف صار جدامي وانا منزل بنتي المدرسه الا اشوف خدامه فلبينيه معاها بنت صغيره مدخلتها المدرسه والبنت الظاهر شافت واحده من صديقاتها واركضت تبي تروحلها الا الخدامه جرتها جر من شعرها وعطتها كف ! الموقف كان صدمه لي رحت اهاوش الخدامه الا تقولي المدام قالتلي اوصلها الصف واذا ركضت طقيها! هذي بتشا في واجد شيطان مشكله كبير!!
:secret:

ههاااي.. عيل هذي بتشا في واجد شيطان مشكله كبير.. ها ..؟؟

[qatarman8008]

ترى الاتكال على الخدم والسائقين بكل ما يخص الابناء ينتج عنه ضعف كبير في تحمل المسؤوليات..
العيال اش يبون روحوا حق الخدامة خل تسوي لكم.. روحوا حق الدريول خل يوصلكم..
يعني لو هالدريول او هالخدامة حبت تروح بلادها اجازة تعتفس الدنيا في البيت عفيسة ما بعدها عفيسة..
ايضا التراجع عن قرار الاهمال والبدء بتحمل الاعباء والمسؤوليات موضوع يبي له وقت وصبر..
وقت وصبر وتنازل عن بعض الملهيات وتقديم اولويات البيت والابناء على المولات والعروس والحفلات والشيشة والمباريات..
ما قلنا لاتروحين المولات والحفلات والكوافيرات والعروس.. قلنا في اولويات..
ما قلنا لا تروح الشيشة وتتابع مباريات كاس العالم.. قلنا في اولويات..
..
..
وشكرا..

[بصمة قطرية]

حرام عليهم
هالعيال أمانة في ذمتهم
و الضرب إهانة للطفل
شلون لو كان من خدامة ..!!!
استغفر الله العظيم
من بيصحون من غفلتهم ..!!!