نصيحة لوجه الله.. لا تخلعون ضروس من أجل التقويم

[كربيتر]

خلع الضروس السليمة من أجل التقويم خطأ شائع يؤدي إلى تصغير حجم الفك وتغيير ملامح الوجه ومشاكل أخرى خاصة إذا كان الشخص في مرحلة النمو 6-18 سنة.. هذا الفيديو يوضح بعض الأضرار الي تصير

http://www.youtube.com/watch?v=Wx43GetH2K4&t=2m25s

يمكن تجنب أغلب حالات الخلع باستخدام الموسع "palate expander" لكن كثير من الأطباء يلجأ إلى الخلع لأنه أسرع وأقل تكلفة وأقل تعب

في الصورة التالية الولدين توأم ووضعوا تقويم لكن الولد في الأعلى خلع ضروس والآخر وضع موسع بدل الخلع والفرق واضح من ناحية الشكل
http://orthotropicsjohnmew.co.uk.94-136-50-156.sgsstest.co.uk/wp-content/uploads/2014/01/twins.jpg

فإذا الدكتور طلب خلع اسنان اسأله ليش ما يستعمل موسع وإذا رفض شوف غيره
والله من وراء القصد

[عاهد بن علي]

الله يجزاك خير

[Ţĥę őήę]

خلع الضرس من غير حاجة أكبر غلط
بس فكر بسعر زرع سن واحد بتعرف قيمة سنك الطبيعي
وطبعا الله ماخلق هالسن الا لأنه يؤدي وظيفة ضرورية

[بنت الجزيرة]

الله يجزاك خير

[طلعة الروح]

عجبني موضوعك التوعوي، فعلا مب وايد ناس عندهم هالثقافة ولا هالاهتمام،،
بمن فيهم الدكاتره نفسهم، ف عشان جذي الواحد لازم يستفسر ويتأكد قبل ماياخذ أي خطوة
بالذات في الأمور الصحية اللي مافيها لعب. صح كلامك المفروض آخر حل يكون القلع سواء في التقويم أو في العلاج،
دايما في بدائل ثانية،ف واجب على الطبيب اللي يخاف الله انه يقترحها على المريض ويعطيه حرية الاختيار،،

تقبل مروري،

[GRNAS2002]

بيض الله وجهك

[MAZEN37]

واذا في ضروس مدفونه ومالها مكان

[كربيتر]

شكراً على تفاعلكم
الحمدلله الانترنت اليوم موجود ويقدر أي واحد يبحث بنفسه قبل لا يتخذ أي خطوة في مجالات حساسة مثل الطب
وأنا عاد كان عمري 12 يوم ركبت التقويم ومتحسف ان خلعولي ضروس وهالشي أثره مبين لكن الله كريم والعلاج ان شالله على حساب نفس الدكتور بعد ما اتهاوش معاه واثبتله غلطته

[رهج السنابك]

اسمح لي مب غلطه دكتور
التقويم لحل لبعض الحالات
ان تركت اسنانك ممكن يطلع شكلها مخيف جدا
التقويم ضروري لحالات معينه
صح يتغير شكل الفك ولازم مثبت مدى الحياه لكن ارحم من اسنان ارنب في فك وحيد القرن
لكن بعض الاطباء همه الفلوس والتقويم باب ذهب فيحاول يقنعك ان التقويم ضروري وهو تجميلي في الحاله هذي الي لازم ينقصب خاصه بعض الاطبا السوريين

[تغلبية]

سبحان الله طلع الولد الثاني اللي استخدم الموسع نفس شكل اخوه الاول لما كان عمر 8 سنوات ... قارنوا بين الصور .. البروفايل متقارب جداً


الحقيقة .. جسم الانسان وكل ما فيه مقدس والمفروض انا ما نستسهل الخلع .. حتى الخلع العادي اذا كان الضرس مسوس

من الافضل نبقى عليه لين آخر رمق أو يم معالجته لين مانفعت معاه أنواع العلاجات يكون آخر الدواء البتر وهو الخلع في هالحالة

.. لأن أي ضرس تخلعه اللي مقابله في الفك الاخر يتحرك من مكانه

يعني الفكين يردون بعض ويثبتون بعض سبحان الله.




بعض الدكاترة الله يهداهم نسوا انهم اقسموا على شرف ميثاق المهنة .. والمفروض ما يلجأون للخلع بسهولة أو كحل أول

فنجد بعضهم علشان التربح المادي يجلع الضرس وهو يضحك ومستانس .. وأنت فقدت جزء من جسمك ما يتعوض !

[R 7 A L]

سبحان الله طلع الولد الثاني اللي استخدم الموسع نفس شكل اخوه الاول لما كان عمر 8 سنوات ... قارنوا بين الصور .. البروفايل متقارب جداً


الحقيقة .. جسم الانسان وكل ما فيه مقدس والمفروض انا ما نستسهل الخلع .. حتى الخلع العادي اذا كان الضرس مسوس

من الافضل نبقى عليه لين آخر رمق أو يم معالجته لين مانفعت معاه أنواع العلاجات يكون آخر الدواء البتر وهو الخلع في هالحالة

.. لأن أي ضرس تخلعه اللي مقابله في الفك الاخر يتحرك من مكانه

يعني الفكين يردون بعض ويثبتون بعض سبحان الله.




بعض الدكاترة الله يهداهم نسوا انهم اقسموا على شرف ميثاق المهنة .. والمفروض ما يلجأون للخلع بسهولة أو كحل أول

فنجد بعضهم علشان التربح المادي يجلع الضرس وهو يضحك ومستانس .. وأنت فقدت جزء من جسمك ما يتعوض !

الله يخلي الزارعة
الحين اي ضرس يقدرون يزرعون مكان ضرس

[تغلبية]

ايه عادي ... الزراعة موجودة ..

لكن هل اللي بزرعه (عظم صناعي) نفس اللي راح مني .. (عظم طبيعي)

^ أحب أعضائي الطبيعية :)


فيه ناس اجسامها تتقبل وفيه ناس تتعب

سبحان الله حتى الجسم نفسه مايتقبل ويرفض أي جسم غريب فيتورم الوجه وياخذ له وقت علشان يكون الفك مستعد لاستقبال الضرس الصناعي :(

طبعاً هو حل بديل "مكلف" مب رخيص ولكن لابد منه اذا كانت الحالة مستفحلة.

الله يعافينا واياكم

[أم محمد 90]

مافهمت اخوي ؟ انا لما كان عمري 17 ركبت تقويم وخلعت 4 اسنان
ماشوف فيني شي تغير .؟

[العنيده]

الله يجزاك خير على التنبيه .. غريب يبي شي سريع ترى اسناني عطني الخيارات قبل اي شي وانا اقرر
راحت علينا شال الضرس وخلص :rolleyes2: يالله ان شاء الله الباقي يستفيدون

[بوخالد911]

يسلمووو للتنبية

ولا هنت

[qatari 111]

عقب ماطاح الفاس بالراس خلعت 5 ضروس ولي نيه اخلع السادس مبهدلي مانفع معاه الحشو بس متردد

[كازانوفا]

الدكتور الشاطر اللى ما يخلع ضرس واحد ويترك التقويم ياخد وقته وتنضبط الاسنان مع الوقت