مابي الخدمه وهاتو العشر ريال

[JN000N]

السلام عليكم


بدش ع طول ف الموضوع

طبعا انا مالي ف الكورة ولا ف ام الكوره ولا طوايف خلفو الكوره
كلش كلش يعني

ياني مسج من يومين

هذا محتواه

انت عميل مميز xxxxxxxx
و تم اختيارك لتكون في المقاعد الأمامية في كأس البرازيل 2014

تسلم الكأس مع الأبطال
أضغط على الرابط للمزيد الآن
http://

المهم وفتحت الرابط لقيت رقمي بس ماشتركت ولا شي
عقبها ياني مسج طبعا مانتبهت عليه اجمالي المسجات المش مفتوحه يمكن شي وستين
وعقبها بدت المسجات واشوف تسندرت اتييني مسجات الا مادري من ياب مادري كم قول الا ذي تعادل مع ذاك وانا حتى مافتحهم

قبل شوي ياني هالمسج

[10.00 ر.ق]
لقد تم تجديد عضويتك في خدمة Sport 2014 لشهر6
*--------

*-*-*

من هالرقم
N6*348945

استغربت ع شنو تجديد عضويه!

رحت فتحت المسج مال sport2014 الي فيه المسج الاولاني
لقيت تحته

مرحبا بكم في خدمة
Sport 2014
استمتع مع اخبار الرياضة العالمية و المحلية و الأهداف لحظة بلحظة
*لإيقاف الخدمة
أرسل ل92223 كلمة:
2014 قف
To Change your SMS language to English again send:
2014E
قيمة الاشتراك 10رق شهريا
*لتتعرف على بقية خدمات كيوموبايل
أرسل92223 كلمة:
موبايل
*لاستفساراتك ومقترحاتك أتصل على تليفون: 44884001
فاكس: 44420026
E-mail: support@qmobileme.com
مواعيد العمل من 9 صباحا حتى 3 عصرا
(هذه رسالة مجانية)

انزين لحظــه يالطيب انا متى اشتركت ؟؟

رحت وسويت
2014 قف
طرشته على الرقم المكتوب فوق 92223

شوفوا شوصلني

[0.00 ر.ق] ملاحظه: يستحسن الخروج من هذه الخدمة في نهاية الشهر لأنه تم تحصيل اشتراك الشهر، واذا لازلت مصرا في الخروج أرسل الرسالة مره أخرى لنفس الخدمة! * في حاله عدم دفع أية فواتير اشتراك قديمه سوف يتم إرسالها لتحصيلها منك في وقت لاحق.
*لمزيد من الاستفسار أتصل على
تليفون: 44884001
فاكس: 44420026
E-mail: support@qmobileme.com
مواعيد العمل من 8 صباحا حتى 3 عصرا



استهبال صح؟
شنو تحصيلها منك
انا شهر اصلا ماكملت
وكلها يوم الجمعه مطرشين لي المسج
ع اساس شنو ياخذون مني عشره ريال؟
واذا انا وغيري الف شخص وصله نفس المسج كم مستفيدين

وبعدين مع هالحركات غصب طيب بناخذ فلوسكم يعني
زين مابي خدمتكم وهاتو العشر

[Dana’1]

كلميهم
واذا مافاد
كلمي حماية المستهلك
وماراح يقصرون بإذن الله

[مرتبش]

استهبال الصراحة
وحرام كيوتل او فودافون تسمح لهم يتلاعبون بالمشتركين بالخداع والتضليل..
سالفة مشابهة حصلت للشغالة..كل ماتحط رصيد تروح منه خمس ريالات ..بابا رصيد خلاص وادور السالفة طلعوا هالشركات مشركينها في رسايل نكت وهي ماتدري شالسالفة

[*محمد*]

اتصلي على خدمه العملاء كيوتل
فيه رقم يعطونج اياه ترسلينه sms اي خدمة انتي مشتركة فيها تتوقف

[JN000N]

كلميهم
واذا مافاد
كلمي حماية المستهلك
وماراح يقصرون بإذن الله

حماية المستهلك قدام اوريدو يبنجرون

[JN000N]

استهبال الصراحة
وحرام كيوتل او فودافون تسمح لهم يتلاعبون بالمشتركين بالخداع والتضليل..
سالفة مشابهة حصلت للشغالة..كل ماتحط رصيد تروح منه خمس ريالات ..بابا رصيد خلاص وادور السالفة طلعوا هالشركات مشركينها في رسايل نكت وهي ماتدري شالسالفة

هو تلاعب واضح
قبل كان لنا الخيار اذا نبي نشارك فالخدمه تو لا
الحين لا!!
وانا خبر خير

[JN000N]

اتصلي على خدمه العملاء كيوتل
فيه رقم يعطونج اياه ترسلينه sms اي خدمة انتي مشتركة فيها تتوقف

في رقم ارسلت لهم قف
ردو علي ان العشر بيحسبونها بالفاتوره
زين شدخل تحسبونها انا ماستعملتها اصلا

[وطن]

المجلس الأعلى للاتصالات

[ANONYMOUS]

ببساطه

لقد وقعتي بالفخ

[النهار]

انا مادري ليش قريتها مأبي الخدامه قلت بخطفها قبل غيري هههههههههه

[نفسي عزيزه]

صادج الي صادني جنون ههههههه

صادونا حسبي الله على بليسهم

انا وايد امر بهالمواقف غير المسابقات ويخصمون علي وانا ولا ادري شالسالفه :rolleyes2:

[شموخ دائم]

,

,

مرحبا

هذا يسمونه بناخذ فلوسك بالغصب
:)

كل يوم شركه طالعه وكلهم نفس السوالف

انا اشتركت بخدمه قبل سنتين ela salaty كانوا يطرشون تذكير بوقت الاذان
الحين يسحبون 20 ريال وما يطرشون مسجات
:)

ولا يحطون كيف ننهي الخدمه ابد بس تم التجديد

وفي خدمه اسمها news او شي كذا نفس القصه

مافي طريقه نطلع منها

وهذا مخالف لكل الانظمه العالميه لابد ان يذكر الغاء الخدمه
بنفس مسج التجديد
وللاسف هذا مشتركه فيه اوريدوا معاهم المفروض انها شركه عالميه
وفيها ضوابط عالميه


احنا نتكلم عن المبداء وعن القوانين وليس عن ال20 ريال

,

,


اخوك

شموخ دائم

[Dana’1]

حماية المستهلك قدام اوريدو يبنجرون

ما بنشروا يوم كلمتهم ( المجلس الاعلى للإتصالات) حماية المستهلك .. صاروا موظفين اوريدوا يتصلون علي يعطوني موعد من بعد ما كنت انا الي اكلمهم عشان نقل خط والنت!
ويوم خلصوا شغلهم كلموني اوريدوا قالوا ها خلصنا تركيب وراضين.. كلموا حماية المستهلك وبلغوهم:)

ما يدرون إن حماية المستهلك هم الي كلمًني يسئلون عن وضع المعاملة.. ويوم قلت اوك .. سكروها

-----
ومرات الحل مع اوريدوا يجيب نتيجة.. مرة زادوا علي بالفاتو ة مبلغ محترم ومش من حقهم.. بعد المراجعة معهم قالو صحيح.. خلاص بتروح لفاتورة الشهر الجاي.. قلت اوك لان ما كنت بحاجتها كاش.. والا كان طالبتهم بها كاش وما اظن بيرفضون

من كذا قلت لك جربي وكلميهم نفع زين ما نفع حماية المستهلك وإن شاءلله خير

[QtrGate]

انا ساحبين مني 900 ريال على اشتراك الانترنت بدون لاشترك فيها
وبعد تقديم الشكوى رجعو 300 والباقي قاعدين يماطلون فيه


استغلال واستخفاف بالعميل
فودافون يبيلها العين الحمرا

[ابن الجزيرة]

شركة اوريدو تتلاعب بالألفاظ وتستغل أحيانا جهل أو عدم انتباه العميل

عيب على شركة بهذا الحجم التلاعب بالعملاء

ولكن الطبع غلب التطبع

[خالد البلوشي]

تخيلوا الأرباح التي تجنيها هذه الشركات من خلال هذه الآلية الخاطئة في استغلال العميل ..

لابد من تطبيق الضوابط التي تحمي العميل و تساعد على خلق تلك البيئة النظيفة الرادعة لكل من تسول له نفسه في إستغلال الناس بمثل هذه الطرق الغير مشروعة ..

أطيب تحية

[R 7 A L]

عادي كله الا مبلغ بسيط
مايسوى

[بوخالد911]

اول ما وصلني المسج
دليت ع طووووول

اشلي بوجع الراااااس

[Locale]

مجرد مافتحتي الرابط تسجلتي
عشان جذي انا المسج بكبره اقرى اول سطر وعقب دليت

[Locale]

عادي كله الا مبلغ بسيط
مايسوى

الاستغفال مب حلو لو على ريال

[بوخالد911]

عادي كله الا مبلغ بسيط
مايسوى
لا مب عااادي

ما نبي استغلال الناس
ولا ابتزاز

[JN000N]

المجلس الأعلى للاتصالات
احاجيهم؟

ببساطه

لقد وقعتي بالفخ
:(

انا مادري ليش قريتها مأبي الخدامه قلت بخطفها قبل غيري هههههههههه
هههههههه مفهي

[JN000N]

صادج الي صادني جنون ههههههه

صادونا حسبي الله على بليسهم

انا وايد امر بهالمواقف غير المسابقات ويخصمون علي وانا ولا ادري شالسالفه :rolleyes2:
وانت حظي تصف فواتير وتقول من وين يات فاتورتي هالكثر
زين شالحل يعني
نهبه عيني عينك عنبوه

,

,

مرحبا

هذا يسمونه بناخذ فلوسك بالغصب
:)

كل يوم شركه طالعه وكلهم نفس السوالف

انا اشتركت بخدمه قبل سنتين ela salaty كانوا يطرشون تذكير بوقت الاذان
الحين يسحبون 20 ريال وما يطرشون مسجات
:)

ولا يحطون كيف ننهي الخدمه ابد بس تم التجديد

وفي خدمه اسمها news او شي كذا نفس القصه

مافي طريقه نطلع منها

وهذا مخالف لكل الانظمه العالميه لابد ان يذكر الغاء الخدمه
بنفس مسج التجديد
وللاسف هذا مشتركه فيه اوريدوا معاهم المفروض انها شركه عالميه
وفيها ضوابط عالميه


احنا نتكلم عن المبداء وعن القوانين وليس عن ال20 ريال

,

,


اخوك

شموخ دائم
اي لين تفكر ف المبلغ تقول شنو يعني عشر والا عشرين
دفعه بلا
بس الي ينرفز مساله ان غصب بناخذها رضيت والا انرضيت
انا كعميله ف اوريدو لازم اكون مخيره مش مسيره
فالعالم كله مايصير جذي ليش النهبه عندنا بزودها



ما بنشروا يوم كلمتهم ( المجلس الاعلى للإتصالات) حماية المستهلك .. صاروا موظفين اوريدوا يتصلون علي يعطوني موعد من بعد ما كنت انا الي اكلمهم عشان نقل خط والنت!
ويوم خلصوا شغلهم كلموني اوريدوا قالوا ها خلصنا تركيب وراضين.. كلموا حماية المستهلك وبلغوهم:)

ما يدرون إن حماية المستهلك هم الي كلمًني يسئلون عن وضع المعاملة.. ويوم قلت اوك .. سكروها

-----
ومرات الحل مع اوريدوا يجيب نتيجة.. مرة زادوا علي بالفاتو ة مبلغ محترم ومش من حقهم.. بعد المراجعة معهم قالو صحيح.. خلاص بتروح لفاتورة الشهر الجاي.. قلت اوك لان ما كنت بحاجتها كاش.. والا كان طالبتهم بها كاش وما اظن بيرفضون

من كذا قلت لك جربي وكلميهم نفع زين ما نفع حماية المستهلك وإن شاءلله خير
اي موضوع الفاتوره غير
انا بكلمهم وبشوف شيقولون
اعرف حد هناك وبساله

[JN000N]

انا ساحبين مني 900 ريال على اشتراك الانترنت بدون لاشترك فيها
وبعد تقديم الشكوى رجعو 300 والباقي قاعدين يماطلون فيه


استغلال واستخفاف بالعميل
فودافون يبيلها العين الحمرا
اثنينهم
اوريدو وفودافون
حلالك ويحاججونك فيه بعد

شركة اوريدو تتلاعب بالألفاظ وتستغل أحيانا جهل أو عدم انتباه العميل

عيب على شركة بهذا الحجم التلاعب بالعملاء

ولكن الطبع غلب التطبع
لاحظت هالشي
ومره كلمت الموظف عشان فاتورتي نشبت له عظم فالبلعوم
نشفت ريجه
يلف يمين اروح له يمين يروح يسار اروح له يسار
مادري من مدربهم على هالاسلوب



تخيلوا الأرباح التي تجنيها هذه الشركات من خلال هذه الآلية الخاطئة في استغلال العميل ..

لابد من تطبيق الضوابط التي تحمي العميل و تساعد على خلق تلك البيئة النظيفة الرادعة لكل من تسول له نفسه في إستغلال الناس بمثل هذه الطرق الغير مشروعة ..

أطيب تحية


ععالاقل يحسسونا انهم مع العميل مش ضده
مب يعني لانا محتاجين شركة اتصالات تقوم وتستغلنا وتنهبنا
هالارباح الي كل كره حاطينها ف الجريده بالمليارات ولا تكفيهم!

عادي كله الا مبلغ بسيط
مايسوى

المبلغ مايسوى
المبدأ يسوى ونص

[R 7 A L]

الاستغفال مب حلو لو على ريال



لا مب عااادي

ما نبي استغلال الناس
ولا ابتزاز


اثنينهم
اوريدو وفودافون
حلالك ويحاججونك فيه بعد

لاحظت هالشي
ومره كلمت الموظف عشان فاتورتي نشبت له عظم فالبلعوم
نشفت ريجه
يلف يمين اروح له يمين يروح يسار اروح له يسار
مادري من مدربهم على هالاسلوب

ععالاقل يحسسونا انهم مع العميل مش ضده
مب يعني لانا محتاجين شركة اتصالات تقوم وتستغلنا وتنهبنا
هالارباح الي كل كره حاطينها ف الجريده بالمليارات ولا تكفيهم!


المبلغ مايسوى
المبدأ يسوى ونص


كلنا نرفض الاستغفال والاستغلال
بس طريقة ارجاع هالمبلغ غير سهله بالاضافة ان ماحد راح يعطيكم وجه

[بوحارب]

الحين العشرة ريال ما تجيب هوت شوخلت ;)

[حمد 2002]

ممم انتي الغلطانه اختي جنون .. اي نعم انتي الغلطانه .. نتيجه جهلج بالتكنولوجيا اشتركتي بشيء انتي لاتريدين الاشتراك فيه .. لذلك يجب عليج عدم ضغط أي زر قبل التأكد من محتوى وفحوى الرساله ..


بالتوفيق ..

[بوخالد911]

الحين ووودي اعرف هل قدرتوا تلغون الاشتراك ولا ،!؟

[R 7 A L]

فرضاً رجعلو لك العشرة ريالات
الباقين الي اشتركوا وضغطوا على الرابط بقولون
رجعوا لنا فلوسنا احنا بعد مانبي

[حمد 2002]

صحيح أخوي رحال ..

لازم نفتح موضوع عن هالشيء .. الجهل بالتكنولوجيا والعواقب المترتبة على ذلك ..

ناس تضغط زر الكيمرا بالابتوب وماتعرف أنها فاتحة الكيمرا ..


ناس تنسى الباسورد مال البطاقه الإلكترونيه بال كمبيوتر ..


ناس أتصور واتبيع جوالها ..


ووو ووو ..

[R 7 A L]

صحيح اخوي حمد
المشكلة انهم يعرفون عربي وانجليزي
بس اكثرنا يتكيسل يقراء
مستعجلين اهم شي نضغط على الرابط من غير لا نعرف الى اين يؤدي

اطرح موضوع
اكيد شريحة كبيرة من المجتمع راح يفيدها بعد النقاش والمعلومات التي بنستفيدها من الاعضاء واهل التجارب

[JN000N]

اول ما وصلني المسج
دليت ع طووووول

اشلي بوجع الراااااس
انا مافتح رسايل اصلا من الاساس

مجرد مافتحتي الرابط تسجلتي
عشان جذي انا المسج بكبره اقرى اول سطر وعقب دليت
انا مافتحته فالبدايه
فتحته متاخر عقب ماتنبهت عن شي
بس يوم افتحه كلش مب مذكور اني اشتركت بس شفت ان هل هاي رقمي او لا

الاستغفال مب حلو لو على ريال

هو استغلال صرييح

[نور الحور]

التسجيل في الخدمة دايماً أسهل من السهولة

ولو تبين تحذفينها ساااالفة طويلة ..

كأنهم يقولون لنا بأعلى صووووت ..


(هو دخول الحمام زي خروجه ؟ .. لأ يا حبيبتشي .. لازم تتعبي وتدفعي وتتغرمي) :secret::weeping:



أكره هالحركة .. أكرهها بجنوووون يا جنون :anger1:

[JN000N]

لا مب عااادي

ما نبي استغلال الناس
ولا ابتزاز
صح








كلنا نرفض الاستغفال والاستغلال
بس طريقة ارجاع هالمبلغ غير سهله بالاضافة ان ماحد راح يعطيكم وجه
سهل ياخذون صعب يردون!
اذا راحت علي انا ان شاء من هالموضوع ماتروح على غيري

الحين العشرة ريال ما تجيب هوت شوخلت ;)
اتييب 5 كرك او 4

ممم انتي الغلطانه اختي جنون .. اي نعم انتي الغلطانه .. نتيجه جهلج بالتكنولوجيا اشتركتي بشيء انتي لاتريدين الاشتراك فيه .. لذلك يجب عليج عدم ضغط أي زر قبل التأكد من محتوى وفحوى الرساله ..


بالتوفيق ..

خخخخخخخ
زين يالمثقف عطني شي فالمسج يبين اني انا اشتركت عن جهل فالتكنولوجيا
وفحوى الرساله واضح يالطيب مكتوب للمزيد من المعلومات مب مكتوب للاشتراك اضغط

ف خل عنك واعترف ان استغلال سخيف لان مسجهم اسخف منهم

[JN000N]

الحين ووودي اعرف هل قدرتوا تلغون الاشتراك ولا ،!؟
والله بوخالد كلش ماتفرغت لهم انشغلت مساعه وعقب رديت مصدعه
بس باجر بتصل وببرد خاطري

فرضاً رجعلو لك العشرة ريالات
الباقين الي اشتركوا وضغطوا على الرابط بقولون
رجعوا لنا فلوسنا احنا بعد مانبي
خل يقولون
خل ترجع الفلوس لاصحابها
او خل الباقي يتعلمون

صحيح أخوي رحال ..

لازم نفتح موضوع عن هالشيء .. الجهل بالتكنولوجيا والعواقب المترتبة على ذلك ..

ناس تضغط زر الكيمرا بالابتوب وماتعرف أنها فاتحة الكيمرا ..


ناس تنسى الباسورد مال البطاقه الإلكترونيه بال كمبيوتر ..


ناس أتصور واتبيع جوالها ..


ووو ووو ..

زين بالمبارك لقيت موضوع يديد
باجر الصبح فتحه

[OREO]

بكل اختصار الدولة راضية كل الرضى عن هذه النوعية من النصب و الاحتيال و الدليل الناس تتشكى من سنين و الدولة معطتنا الاذن الصمخة ..

المشترك الرئيسي في موضوع الاحتيال الشريف هو المجلس الاعلى للاتصالات لان السكوت بمثابة الضوء الاخضر ..

[JN000N]

صحيح اخوي حمد
المشكلة انهم يعرفون عربي وانجليزي
بس اكثرنا يتكيسل يقراء
مستعجلين اهم شي نضغط على الرابط من غير لا نعرف الى اين يؤدي

اطرح موضوع
اكيد شريحة كبيرة من المجتمع راح يفيدها بعد النقاش والمعلومات التي بنستفيدها من الاعضاء واهل التجارب

شكلكم ولا قريتو الموضوع عدل اصلا ولا اي شي

[JN000N]

التسجيل في الخدمة دايماً أسهل من السهولة

ولو تبين تحذفينها ساااالفة طويلة ..

كأنهم يقولون لنا بأعلى صووووت ..


(هو دخول الحمام زي خروجه ؟ .. لأ يا حبيبتشي .. لازم تتعبي وتدفعي وتتغرمي) :secret::weeping:



أكره هالحركة .. أكرهها بجنوووون يا جنون :anger1:

خل اقعد الحين ف مكتبي واتفرغ لهم واتصل
حتى لو ماردت لي العشر
المهم ابرد خاطري فيهم
> جني بهم يسجلون المكالمه بعد خير وبركه

[JN000N]

بكل اختصار الدولة راضية كل الرضى عن هذه النوعية من النصب و الاحتيال و الدليل الناس تتشكى من سنين و الدولة معطتنا الاذن الصمخة ..

المشترك الرئيسي في موضوع الاحتيال الشريف هو المجلس الاعلى للاتصالات لان السكوت بمثابة الضوء الاخضر ..

قول المجلس الاعلى
لاتقول الدوله
الدوله لو درت عنهم جان تصرفت معاهم
والا خلف الله عليها الدوله شبتجابل وشبتخلي

[OREO]

قول المجلس الاعلى
لاتقول الدوله
الدوله لو درت عنهم جان تصرفت معاهم
والا خلف الله عليها الدوله شبتجابل وشبتخلي

انا و انتي و المجلس الاعلى كلنا اجزاء من الدولة ,,,

[مختلفة عقليا]

السلام عليكم .،

انا ما صار لي هالشي الحمدالله .،

بس ليش ما تسألين كيوتل .،!؟ يمكن بيفيدونج

ولو ما صار شي.، كلمي حماية المستهلك .، والله يعينج .،

ويسلموو .،

[OREO]

صح

سهل ياخذون صعب يردون!
اذا راحت علي انا ان شاء من هالموضوع ماتروح على غيري

اتييب 5 كرك او 4


خخخخخخخ
زين يالمثقف عطني شي فالمسج يبين اني انا اشتركت عن جهل فالتكنولوجيا
وفحوى الرساله واضح يالطيب مكتوب للمزيد من المعلومات مب مكتوب للاشتراك اضغط

ف خل عنك واعترف ان استغلال سخيف لان مسجهم اسخف منهم

المفروض الاشتراكات مابين الشركات و الافراد تكون من ظمن محتواها اتفاقيات و عقود و حتى لو كانت بشكل مختصر ,,, لكن الحاصل بأن الشركات هذه تخصم على العميل بدون علم العميل و بدون اتفاق ثنائي ...

على سبيل المثال .. العميل اذا بغى يشترك او يشتري أي برنامج من ابل استور او بلاي استور !! قبل الشراء تظهر له الاتفاقية و من بعدها القبول او الرفض و هذه هي الطريقة الصحيحة و مهب مثل بعض الجهات النصابة اللي عندنا تخصم على العميل مجرد فتح الرسالة ,,


نصيحة يا اختي .. ارفعي التلفون و قدمي شكوى بشكل قانوني لدى هيئة الاتصالات و لا تنسين تسجلين عندج رقم الشكوى لاجل المراجعة ,..

[حمد 2002]

هاي أيسمونه النصب الإلكتروني .. واللعب على أوتار الجهل بالمستخدمين والربح السريع ،، الحين التجارة الالكترونية اصبح أسرع بالربح من تجاره الاسلحه والمخدرات .

أنا مالوم الجهة المستفيدة بل الومج أنتي ياجنون .. لأنه فيج فضول الكتروني ممزوج بالجهل الالكتروني ..

وهنا يجب على الجهات المختصة كحماية المستهلك وغيرها من الجهات ، إطلاق حملات لتثقيف المستخدمين لكي يكونوا في مأمن من تلك الجهات واستغلالها للجهل بالمستخدمين (( نفس حالتج ياجنون )) ..


صحيح كلامي مب عاجبج بس هذا هو الواقع ولا يجب أن تتهربي منه ..


بالتوفيق ..

[OREO]

هاي أيسمونه النصب الإلكتروني .. واللعب على أوتار الجهل بالمستخدمين والربح السريع ،، الحين التجارة الالكترونية اصبح أسرع بالربح من تجاره الاسلحه والمخدرات .

أنا مالوم الجهة المستفيدة بل الومج أنتي ياجنون .. لأنه فيج فضول الكتروني ممزوج بالجهل الالكتروني ..

وهنا يجب على الجهات المختصة كحماية المستهلك وغيرها من الجهات ، إطلاق حملات لتثقيف المستخدمين لكي يكونوا في مأمن من تلك الجهات واستغلالها للجهل بالمستخدمين (( نفس حالتج ياجنون )) ..


صحيح كلامي مب عاجبج بس هذا هو الواقع ولا يجب أن تتهربي منه ..


بالتوفيق ..

معليش اخوي حمد ... انت قريت موضوعها لاجل تحكم بهذه الطريقة !!!

البنت تقولك مجرد افتحت الرابط تم الاشتراك التلقائي و بدون علمها و الرسالة ما احتوت على أي اتفاقية تذكر و هذا الشي يسمى احتيال و سرقة الاموال من المشتركين بدون وجه حق ,,

ما عمرك سمعت ياخوي حمد بأن العقد شريعة المتعاقدين !!! فلذا ربنا يقول .. يا أيها الذين آمنوا أوفوا بالعقود.. و العقود معروفة يا اما تكون لفظياً او كتابياً و الاظمن تكون كتابياً ,,

[وطن]

جنون ايه حبيبتي كلمي المجلس الأعلى

بس الأول لازم تكلمين شركة الاتصالات اذا ما حلو المشكلة توجهي للمجلس الأعلى

في لهم رقم خاص للشكاوي
و ايميل






معليش اخوي حمد ... انت قريت موضوعها لاجل تحكم بهذه الطريقة !!!

البنت تقولك مجرد افتحت الرابط تم الاشتراك التلقائي و بدون علمها و الرسالة ما احتوت على أي اتفاقية تذكر و هذا الشي يسمى احتيال و سرقة الاموال من المشتركين بدون وجه حق ,,

ما عمرك سمعت ياخوي حمد بأن العقد شريعة المتعاقدين !!! فلذا ربنا يقول .. يا أيها الذين آمنوا أوفوا بالعقود.. و العقود معروفة يا اما تكون لفظياً او كتابياً و الاظمن تكون كتابياً ,,

هو بس لازم يطلعها غلطانه وخلاص

:secret:

[Rosso]

شي متوقع من شركة النصب الدولية
انا غسلت ايدي منهم رسميا من سنة 2009

[JN000N]

بدالة كيوتل مخربطه
مادري شسالفه
اتصل اضغط شي يوديني شي ثاني
اتصل مره ثانيه تقول مرحبا بكم وتسكت
واصك واتصل ونفس الشي
عطوني رقم ثاني او حد اكلمه مللوني

[الزعفراني]

انا مره كنت داخل الفيسبوك من جوالي جاني رابط يقولي اشترك بمادري شنهو .. رفضت ما ضغطت أي شي
اشوي جاني مسج لقد تم تفعيل اشتراكك في خدمة مادري شنهو لمدة اسبوع مجانا وبعد ذلك كل اسبوع بـ 3 ريالات ..

المهم طنشت .. اشوي يجيني مسج عقب اسبوع تم خصم 3 ريالات وتجديد اشتراكك للايقاف ارسل مسج ستوب ع الرقم مالهم

طرشت يقولي الرقم غير مسجل ..

الاسبوع اللي عقبه نفس الشي تم خصم 3 ريالات تجديد الاشتراك

شيك حسابي في اوريدو لقيت فعلا خاصمين 6 ريالات ..

اتصلت على اوريدو وكنسلوا لي الاشتراك

:rolleyes2:

[JN000N]

انا مره كنت داخل الفيسبوك من جوالي جاني رابط يقولي اشترك بمادري شنهو .. رفضت ما ضغطت أي شي
اشوي جاني مسج لقد تم تفعيل اشتراكك في خدمة مادري شنهو لمدة اسبوع مجانا وبعد ذلك كل اسبوع بـ 3 ريالات ..

المهم طنشت .. اشوي يجيني مسج عقب اسبوع تم خصم 3 ريالات وتجديد اشتراكك للايقاف ارسل مسج ستوب ع الرقم مالهم

طرشت يقولي الرقم غير مسجل ..

الاسبوع اللي عقبه نفس الشي تم خصم 3 ريالات تجديد الاشتراك

شيك حسابي في اوريدو لقيت فعلا خاصمين 6 ريالات ..

اتصلت على اوريدو وكنسلوا لي الاشتراك

:rolleyes2:

يعني بلش
وبعدين معاهم!!

[شموخ دائم]

’

,


مرحبا


افضل طريقه للخروج من هذي الاشتراكات

واسرع طريقه للخروج منها
تتصلون على كيوتل وتقول للموظف ابي افتح شكوى وتحط انك تبي تطلع من هذا الاشتراك وتحط اسم الي يسحبون منك الاشتراك
وتقول ايضا تم تظليلي لايوجد طريقه الغاء الاشتراك

بالشكوى يتجاوبون بسرعه خلال يومين تخلص المشكله

احسن من الشرح من موظف الى موظف وكل موظف يقول لك كلام غير

,

,

اخوك

شموخ دائم

[R 7 A L]

بدالة كيوتل مخربطه
مادري شسالفه
اتصل اضغط شي يوديني شي ثاني
اتصل مره ثانيه تقول مرحبا بكم وتسكت
واصك واتصل ونفس الشي
عطوني رقم ثاني او حد اكلمه مللوني

تذكرين ردي الاول في هالموضوع لما قلت ماتسوى ؟
يالله خليهم يردون عليك بالاول
كم يوم صار لك ومانحلت المشكلة ؟

[Purple]

جاني هاي المسج بس الحمدلله مافتحته قلت يالله زين كذابين وحرامية DELETE هههههههههههه انتو يا الحريم اتحبون هل السوالف يالله يمكن انفوز :tease:


نصيحه اي مسج ومن هل الخرابيط اشترك وسوف تربح وا وا وا لحد يقع في الفخ على طول DELETE:nice:

[JN000N]

’

,


مرحبا


افضل طريقه للخروج من هذي الاشتراكات

واسرع طريقه للخروج منها
تتصلون على كيوتل وتقول للموظف ابي افتح شكوى وتحط انك تبي تطلع من هذا الاشتراك وتحط اسم الي يسحبون منك الاشتراك
وتقول ايضا تم تظليلي لايوجد طريقه الغاء الاشتراك

بالشكوى يتجاوبون بسرعه خلال يومين تخلص المشكله

احسن من الشرح من موظف الى موظف وكل موظف يقول لك كلام غير

,

,

اخوك

شموخ دائم
خل يردون هم
بدالتهم خربانه مادري شفيها اضغط شي يعطيني شي ثاني
وطنشتهم



تذكرين ردي الاول في هالموضوع لما قلت ماتسوى ؟
يالله خليهم يردون عليك بالاول
كم يوم صار لك ومانحلت المشكلة ؟
ماتسوى عندي عادي
بس يسوى الكونسبت نفسه ليش الاستغلال
عموما انا من يوم اجرب ومايلقط ماتعبت نفسي بالاتصال
بس الاهم ان حذرت غيري

جاني هاي المسج بس الحمدلله مافتحته قلت يالله زين كذابين وحرامية DELETE هههههههههههه انتو يا الحريم اتحبون هل السوالف يالله يمكن انفوز :tease:


نصيحه اي مسج ومن هل الخرابيط اشترك وسوف تربح وا وا وا لحد يقع في الفخ على طول DELETE:nice:
انا ماهتم لهالمسجات كللش
وشي واحد صار خلاني افتح الرابط
والا انا ماتجذبني هالسوالف

[حمد 2002]

بدالتهم مب خربانه ولا شيء والإخوان مايقصرون باوريدو عن تجربه والنعم فيهم .. بس انتوا ذابحكم الكسل ..

[JN000N]

بدالتهم مب خربانه ولا شيء والإخوان مايقصرون باوريدو عن تجربه والنعم فيهم .. بس انتوا ذابحكم الكسل ..

شنو يعني انا جذابه؟؟

[شويهينــه]

بدالتهم مب خربانه ولا شيء والإخوان مايقصرون باوريدو عن تجربه والنعم فيهم .. بس انتوا ذابحكم الكسل ..


لا والله مايردون وان ردوا مايدرون شالسالفه كل واحد يخربط لك من صوب

[JN000N]

لا والله مايردون وان ردوا مايدرون شالسالفه كل واحد يخربط لك من صوب

لا الله يسلمج انا جذابه
هو كل شي يقوله صح
خبرج حمد نازل من السما

[بوخالد911]

هل تم الغاء الاشتراك ؟

[JN000N]

اي وبيتم احتساب العشر علي لان ع قولتهم مشتركه عن شهر سته