ايكيا والوقوف في منطقة التحميل !!!

[Qt.1]

http://im47.gulfup.com/2SvH1a.jpg (http://www.gulfup.com/?LajIHt)

منطقة التحميل في مواقف ايكيا , هي مواقف للتحميل بس يعني اذا زبون اشترى اغراض وطبعا راح ايكون عنده كراتين كثيره وكبيره !! فايكيا خصصو المنطقه القريبه من المدخل مباشره للتحميل السريع والااسهل , يعني المواقف للتحميل بس !! ولكن في ناس ايجون وايوقفون ويدخلون ايتسوقون طيب الي وقف بعيد وعنده كراتين كثيره شيسوي يضطر ياخذ اغراضه لين مكان ماوقف سيارته ويمكن ايكون بعيد , فياريت انحاول انصحح هالمفهموم وانسهل امورنا بدال مانصعبها !!

[بوخالد911]

يا ريت الالتزام من الكل
شكراً للتنوية

[ثاني]

بالفعل نتمنى الالتزام من الجميع

[alsoq]

الخطاء على الاداره المفروض يكون فيه حاجز محطوط على مواقف التحميل اذا جاء واحد بيوقف يشوف الحاجز وعند التحميل توقف السياره التي بيحطون فيها الاغراض

الاداره تعبانه ما يبون يحطون موظف

[همر]

واحد نفر سكيورتي يملغ على المليغين وانتهى الموضوع..


المشكله في الصوره اللي واقف رنج وكروزر ...

يعني حتى الاسلاك الشائكه مابتمنعهم يوقفون غصب :(

[Super Cool]

تأكد أن الشخص اللي يصف في هالأماكن هو نفس الشخص الي:

- يتجاوز من اليمين و ما يحترم السيد
- يحجز لموتره موقفين فالمجمعات
- يسد مسارين من الشارع علشان الحبيب ضاربة معاه يكرّك
- ياخذ المسار الوسطي عند الإشارة و بعدين يكوع عليك يو ترن

[مختلفة عقليا]

السلام عليكم .،

انا ماعرف والله عن هالمكان .،

ورحت اكثر من مره وأقول لنفسي ليش مافي مكان قريب .،

طبعا افكر في الهنود اللي دازين القاري .،

بس شكرًا .، من قلبي والله

ويسلموو

[وطن]

تأكد أن الشخص اللي يصف في هالأماكن هو نفس الشخص الي:

- يتجاوز من اليمين و ما يحترم السيد
- يحجز لموتره موقفين فالمجمعات
- يسد مسارين من الشارع علشان الحبيب ضاربة معاه يكرّك
- ياخذ المسار الوسطي عند الإشارة و بعدين يكوع عليك يو ترن

اتفق معاك

.... الخ من المخالفات
وعدم احترام حقوق الآخرين


يحتاجون يتخالفون كم مره في هذي المواقف
و بيتأدبون

كم مره نضطر ندز الجاري لين السيارة

سواء في الباركينغ المغطى أو المكشوف والسبب ان منطقة التحميل محتلة بالكامل

[العنيده]

لو فيه سكيورتي وحاجز ممكن صار لازم فرض الاجراءات والقوانين عشان يلتزمون فيها

[Aaziz]

السلام عليكم

سؤال: الاماكن الحيوية عندنا في الدوحة كم عددها ؟
تقديري انها لاتتجاوز 30 موقع حيوي ، مثل مراكز تسوق + مستشفيات + بورصة + محلات مزدحمة خارج المولات مثل ايكيا
اقترح على اداره المرور تثبت شرطه (شرطي راجل على الاقدام) في هذه الاماكن المكتضة، لضبط التجاوزرات المرورية و الالتزام فيها .
في البداية يكون تواجد الشرطة دائم لمده 12 ساعة في اليوم شفتين (شهر او شهرين) الى ان يقل عدد المخالفين ، و بعدها يكون مرورهم تفقد في حال وجد مخالفين .
السواقين الي صافين في موقف تحميل البضائع و مواقف المعاقين و الي يصف في موقفين ، وقفو غلط و نزلو وهم ماخذينها ضربه حظ يا اتخالف يا اسلم .
لو كل مخالف كان متاكد انه اذا وقف غلط بيتخالف كان ماشفنا حد خالف .
لهذا تجد كل 20 شخص يخالف 18 جات سليمة و 2 يتخالفون .

ولا ننسى ان الخلل في البداية من عدم وجود مواقف كافيه وهي مشكلتنا الازلية .

[R 7 A L]

يمكن هذيلا فاهمين السالفة مثل غيرهم غلط
ومفكرين ان هالمواقف لهم لانهم بيشترون كراتين واغراض

المفروض فيه سيكورتي واقف عندها مايخلي احد يوقف لين
يشوفه طالع من المجمع ومع القواري محملة اغراض يوقفها ويروح يجيب سيارته

[Super Cool]

ولا ننسى ان الخلل في البداية من عدم وجود مواقف كافيه وهي مشكلتنا الازلية .


عفواً بس هذا مب عذر أبداً!!!

اذا المواقف مب كافية والا الشوارع ضيقة ترى اللي سواها هو صاحب المنشأة مب الزبون المسكين
و هذا مب عذر ان واحد يقول مافي مواقف أروح أصف في موقف معاقين ولا موقف تحميل و تنزيل و يبهدل
بس لأن الأخ يشوف نفسه اهم من غيره

[Aaziz]

ومن قال انه عذر ؟
الي خالف ووقف في موقف تحميل البضائع لو لاقي موقف فاظي كان وقف فيه ولا خالف

[وطن]

ترى مواقف ايكيا شكثرها
بره وداخل

[Aaziz]

ترى مواقف ايكيا شكثرها
بره وداخل

مالحقت عليه ياوطن
اذا كانت مواقف ايكيا كافيه فهذي اعتبرها سابقه في الدوحه (و مؤشر جيد) ، لانه عادتا ملاك المراكز التجاريه يستغلون كامل المساحه الممكنه لبناء المركز التجاري
و المواقف يقلصونها الى اقصى حد ، مع ان البلديه مقننه نسبه عدد المواقف مع حجم المركز التجاري .
مثل الستي و الاند و فيلاجيو ،، الناس توقف برى على الشارع العام

[وطن]

مالحقت عليه ياوطن
اذا كانت مواقف ايكيا كافيه فهذي اعتبرها سابقه في الدوحه (و مؤشر جيد) ، لانه عادتا ملاك المراكز التجاريه يستغلون كامل المساحه الممكنه لبناء المركز التجاري
و المواقف يقلصونها الى اقصى حد ، مع ان البلديه مقننه نسبه عدد المواقف مع حجم المركز التجاري .
مثل الستي و الاند و فيلاجيو ،، الناس توقف برى على الشارع العام

ما تنترس الا في الويك اند يا اخوي

ولا العادة اروح
ثلاث ارباعها فاضية
خصوصا اللي برع
و احيان اصف بره استسهلها لأن داخل الناس تصف عن الشمس
ويكون شوي مزدحم

[Aaziz]

خبر طيب بصراحه .

باقي المرور يجبر اصحاب المولات و ملاك مراكز التسوق الي مواقفها خارجيه و تسمح بانشاء دور ثاني للمواقف الخارجية .

[Qt.1]

ومن قال انه عذر ؟
الي خالف ووقف في موقف تحميل البضائع لو لاقي موقف فاظي كان وقف فيه ولا خالف


مواقف ايكيا دايما فاضيه , والي وقف في مكان التحميل لانه متعود ايخالف مش لانه مالقى موقف , وعمر الزحمه ماكانت عذر علشان اخالف !!

[Qt.1]

اشكر تفاعلكم اخواني وانتمنى الفكره توصل للكل , في امريكا على كثر ماروح ايكيا اهناك عمري ماشفت سياره واقفه وراعيها وقفها ودش يتسوق مع انه مافي سكيورتي اهناك يمنعهم من الوقفه لكن فيهم حس نظامي وتعلمو وعاشو على شي اسمه نظام وهذا الي نفتقده !!

[بوحارب]

انا دائماً أوقف في منطقة التحميل لان الناس كلها توقف هناكhttp://up.m0dy.net/2014/m0dy.net-14035225601.jpg (http://up.m0dy.net/)

[Riku3]

انا دائماً أوقف في منطقة التحميل لان الناس كلها توقف هناكhttp://up.m0dy.net/2014/m0dy.net-14035225601.jpg (http://up.m0dy.net/)

Me 2 .. انا ما اتجاوز يمين او اصف في مواقف المعاقين والحمد لله مخالفاتي بمعدل مره كل 3 سنوات .. فما يعكس وقوفي في هذي المواقف استهتاري في القوانين ..

والموقف ما اعتقد انه مخالفة قانونية لان مالها نص ..

المفروض التنظيم من ايكيا .. سيكيورتي وتكون مغلقه .. والي يبي يوقف يكون معاه فاتورة الاغراض الي شراها وبيحملها .

انا زرت ايكيا مرتين فقط من افتتاحه والمره الاولى هي الي صفيت هناك اما الثانية لقيت موقف عادي قريب فما رحت للمواقف القريبه .