خادمة آسيوية تنتقم من كفيلها

[غزلان]

خادمة آسيوية تنتقم من كفيلها
وضعت سائل تنظيف في أذن وعين نجليه

الدوحة - بوابة الشرق





قامت خادمة آسيوية بالدوحة بوضع سائل تنظيف الأفران في أذن ابنة كفيلها وسائل تنظيف دورات المياه في عين ابنه رغبة منها في الانتقام من الكفيل لأنه لم يوافق على سفرها، ما تسبب في إصابة الطفلين بإصابات بليغة وحرجة وربما عاهات مستديمة.


وباشرت الجهات المختصة التحقيقات وأمرت الجهات المختصة باستمرار حبس الخادمة على ذمة التحقيقات الجارية.

[إعلامي قطر]

..

الله يشفيهم يارب وحسبي الله عليها..

وأرجع وأقول للأسف الشديد عندنا فيه
ناس كثيره صارت تستعبد هالخدم
من دون ماتحس إنها غلطانه أبداً..

خادمه تبي تسافر ما أجبرها على البقاء..
ما أمد يدي عليها ولا أصارخ عليها..
ما أهينها أو أقلل احترامها..

ما أذلهم برواتب كانت تندفع من عشر
سنين لأن الكل عارف بالزيادات وإلخ ومب
من العقل والمنطق إن إللي كان مرتبه سبعة
آلاف ويدفع للخدامه سبعميه لما يصير راتبه
عشرين وثلاثين وأربعين وخمسين وهو لين الحين
يدفع لها سبعميه أو يزيدها ميتين ريال ويذلها ذل
على هالزياده يعني والحمد لله على كل حال !!

ما أدافع عن تصرفات الخدم طبعاً لكن كل واحد يشوف
حواااااليه وراح يشوف أمثله كثيره ومتنوعه للظلم
الواقع على الخدم والدريوليه بالرواتب والمعامله
وللأسف كثير من الناس يعتبرون هالظلم هو
التصرف الصحيح ويبررون هالشي بعد !!

..

[JN000N]

لا حول ولا قوة الا بالله

هني نقول
الام والابو علل
والخدامه عله
دام قالت بتسافر قلعتها علها مايات
شالفايده الحين

[فلتة زمانها]

مساكين اليهال مالهم ذنب
الله يسامح كفيلها المفروض هو الي ينسجن اما الخدامه انسانه فقيره
كفايه انها في الغربه بعيد عن اهلها واعيالها

[qtr qtr]

عناد الكفيل جت على حساب عياله

لا حول ولا قوة الا بالله

[alsoq]

الخدامة بدالها 10
تبي تسافر محد له حق يلزمها بالجلوس وبعض الخدم يصيده ضرف يجبره بسفر في اسرع وقت

بس عندنا بعض الناس تستعبد الخدم مع الاسف يخلونهم يرتكبون جرائم

اللهم شافي الطفلين وحفظهم

[@north_star@]

بصراحة الشرهة على الابو والضحية عياله الله يشفيهم ويعافيهم .... والخدامة الله يقص يدها

[بوخالد911]

الله يعيين المصابة

مافي شي بالغصب
كان سفرررررررها وارتاح منها

[ضوى]

خدامة بدالها الف ولا اخسر احد من عيالي او يصيده شي بعيد الشر

مصيبة صابتها يعل ايدها الكسر

[حسن]

عادي ومتوقعها والخافي اكثر واعتقد هذا شي من التعليمات لاضهار هذه المشاكل
لتخفيف الضغط على قطر من قبل المنظمات

الوضع طبيعي ومتوقع ويجب انشاء قانون خاص واماكن ايواء خاصه اسوه بالدول المتقدمه
واخصائيين متخصصين لتحقيق في هذه الحوادث ولو اسدعى الامر بحجز الاطفال وتبنيهم الدوله

لان الوضع اصبح خطر جدا والتفكك يلوح في الافق ويجب قطع راس النعامه

قال مناهج في المدارس

اقولك الساس خراب

:telephone:

[العنيده]

الله يشفي عيالهم ان شاء الله ويكفينا شر الخدم ..
ممكن الخدامه تبي تسافر والكفيل بلغها بس كملي فتره للحاجه حال اغلب البيوت لحد مايسد الشاغر بخادمه ثانيه بس انها توصل للمضره الله المستعان
:(

[قطري 777]

مساكين اليهال مالهم ذنب
الله يسامح كفيلها المفروض هو الي ينسجن اما الخدامه انسانه فقيره
كفايه انها في الغربه بعيد عن اهلها واعيالها
يا مدام شلون الخدامه انسانه فقيره كانج تبئرينها من فعلتها الشنيعه !
ما اعرف جريمه اكبر من قهر طفل صغير والحاق به الا لم ......

[Ţĥę őήę]

الاجرام بحق أطفال صغار ماله مبرر
كان ممكن تطلع من البيت وتشتكي عند سفارتها ولا الشرطة

[Rider]

والله ياخوان هالخدم ماحد يعرف لهم انا عندي خادمة من سنة ونص يشهد الله نعاملة معاملة حسنه وراتبها قبل نهاية الشهر تاخذه وتاكل من أكلنا وكل شي نشتريه لها على حسابنا وهادية وتشتغل ولا تسمع لها صوت من كم يوم فتحت الباب الصباح وشردت !!!!! ليش؟ وباقة فلوس الخدامة الثانية بصراحة الخدم مالهم امان

[R 7 A L]

الحين لو تمت اعادة نشر وذكر هالجرايم
بيتغير شي ؟
ولا تيتي تيتي مثل مارحتي جيتي

[basma222]

لا حول ولا قوة الا بالله

[حسن]

الحين لو تمت اعادة نشر وذكر هالجرايم
بيتغير شي ؟
ولا تيتي تيتي مثل مارحتي جيتي

شوف ياخوي رحال مثل ماذكرت مافي تغير
لذالك انا طالبت بانشاء دورخاصه لحمايه الطفل من براثن الخطر حلوه ذي متعوب عليها الكلمه

وان تقوم الدوله بتبني هؤلاؤ الاطفال ورعايتهم لنرتقي بمجتمع معافى من الامراض


النفسيه


والا سوف تندمون يارحال

:telephone:

[حمد 2002]

تنبأ بهالشيء بوعلي وحذر وحذر ، والمستقبل كل ماله و يكشف لنا المزيد والمزيد من تلك الخبايا والمشاكل ،،

[الدمعه]

عافانا الله

الله يشفيهم ،، اشذنب اليهال مساكين ،،

حسبي الله عليها ،،

ينخاف منهم والله ،،

[دااانة قطر]

الله يشفي العيال وياخذ حقهم من الشغاله وابوهم





في ناااس من تقول الشغاله بساافر تقوم عندهم القيامه سب وضرب ولعب باعصاب الشغاله خاصة لما ييها اتصال احد من اهلها صار عليه حادث ولا مريض انزين شفيها اذا سافرت لا شغل البيت بيتعطل
اذا في المؤسسات والوزارات في اجازات طارئه احنا نمنعهم ليش بعد من حقهم
مره وحده من جماعتنا اتصلوا اهله على الشغاله امها جاتها جلطه وعيالها عند الام يعني مافي حد عند العيال عيت وماخلتها تروح وترجتها الشغاله بروح بتطمن وبرجع ماخلتها يومين ولا الام توفت يوم ولولت الشاله بكل برود تقول لارحتي شبتسوين خلج هني على الاقل تنفعين عيالج وبصراحه سفرتها بدون ماتعطيها كل رواتبها عشان ترجع ورجعت المسكينه بعد شهرين



والله ياخوان هالخدم ماحد يعرف لهم انا عندي خادمة من سنة ونص يشهد الله نعاملة معاملة حسنه وراتبها قبل نهاية الشهر تاخذه وتاكل من أكلنا وكل شي نشتريه لها على حسابنا وهادية وتشتغل ولا تسمع لها صوت من كم يوم فتحت الباب الصباح وشردت !!!!! ليش؟ وباقة فلوس الخدامة الثانية بصراحة الخدم مالهم امان


ترااهم نفسية

[ضوى]

صح كلامج دانة

عندي شغالة بتسافر بعد كم يوم ، صار لها ثلاث سنين عندي ، تقولي بارجع ، قلت لها تبين تردين من الحين قولي عشان احجز لج والا اشوف بدالج قالت لا ماما بارجع ، حجزت لها ذهاب وعودة وان شاء الله بشهر 9 بترد ، لازم اراعي ظروفهم اذا يصير عليهم شي هذولي بشر ، بس اذا رفضت مب من حقها تضر اليهال ، تشرد في ستين داهية والا تروح سفارتها بس ماتقرب صوب العيال

[شبح الصمت]

حسبي الله ونعم الوكيل فيها


ليته خالها تروح

ما استملكها والا استعبدها
اهي جايه تطلب الرزق
خلاص خلها تروح في حالها ..

وانا ما ابرر لها الفعله الي سوتها غلط ولازم تتحاسب عليها وتاخذ عقبها
اشذنب هالاطفال المساكين بأي حق تساوي تصرف الاب بالاطفال الي مالهم اي وجه ذنب فيما تم بينها وبين ابوهم ..


اطالب انها تنسجن وتاخذ اشد العقوبات على الشيء الي سوته ..


الموضوع بكبره يكسر الخاطر

لا حول ولا قوة الا بالله

[شبح الصمت]

المعاملة يا جماعه المعاملة لها دور كبير في العامل النفسي بين

الاسرة + الخادمه

تعاملونها باحترام بتحترمكم
تعاملونها بقسوه راح يجي يوم وتنفجر

تراهم بشر صدقوني بشر وفيه منهم الزين
وفي بعضهم فاض فيهم الكيل من الظلم وعدم الاحترام ..


مع احتررامي لخواتي الحريم الرجاجيل ما قد تدخلنا في امور خدمنا ..

حسنوا علاقاتكم فيها لاجل يشتغلون وما يضرون احد

المعاملة بالطيب اهي الي تخليهم ما يضرونكم ..

[طبيب قطري]

لا حول ولاقوة الا بالله ، ان شاالله عين الياهل ماتتأثر وايد ..
كلمة لو مامنها فايده والله وحده العالم بظروف الاسرة ونفسية هالخادمه حسبي الله عليها..
المفروض الحين الجهات المسؤوله مايسفرونها ويحبسوها بعد المحاكمه اوحتى يعدمونها

[كازانوفا]

يا الله وربي ابتلاااء عظيم
ربي يشفيهم هالمساكين ايش ذنبهم

[جوال 11]

طالما طلبت السفر ورفضت ايها الكفيل كيف تأمن على بيتك وعائلتك منها ويمكن لديها ظروف في بلدها يمكن التفاهم معها بزيادة راتبها واقناعها بعدم السفر حتى تحصل على خادمة آخرى لكن أن تمنعها ليس من حقك في ذلك وهذه مشاكل بعض الأسر الخادمة شئ رئيسي في المنزل كيف هذه الأسر ستعيش لو رجع بنا الزمن للخلف عدة سنوات .

[king fish]

مساكين اليهال مالهم ذنب
الله يسامح كفيلها المفروض هو الي ينسجن اما الخدامه انسانه فقيره
كفايه انها في الغربه بعيد عن اهلها واعيالها

اذا فعلا منع الخادمه من السفر بسبب غير مقنع بعد اكمالها عدد من السنين المفروض يحرم عليه كفالة اي شخص

[king fish]

لا حول ولاقوة الا بالله ، ان شاالله عين الياهل ماتتأثر وايد ..
كلمة لو مامنها فايده والله وحده العالم بظروف الاسرة ونفسية هالخادمه حسبي الله عليها..
المفروض الحين الجهات المسؤوله مايسفرونها ويحبسوها بعد المحاكمه اوحتى يعدمونها

اعدام مره واحده!!!!!!!!:secret: انت دكتور ايش بالضبط

[qatara]

تصير تصير لا يلام الرجل مخسر وجايب ومتفق على سنتين وتقوله باروح بكل سهوله

هاذي حاله يمكن السبب هو عدم وجود البديل ولو كانت الام موجوده لاستغنو عن الخادمه


لاكن مئات الحالات تقصير الام ورمي الاولاد والبيت على الخادمه


وشو الدليل تقصير الاب او غلطة الاب ولا عمياني ولت وعجن


ومهما كانت الغلطه الحل ليس الانتقام هناك جهات تاخذ حقها

ووين حقوق الانسان الي اذونا العماله والعماله و العمالة العماله في قطر

والعمله مظلومين والعماله مظلومين الا يرون حجم جرائمهم وما اتفهم حججهم

الا يرون ماذا تفعل بعض العماله من جرايم حتا في الاطفال

ماذ ذنب الطفل او حتا الاب فالعذر اقبح من الفعل حجه تبي تسافر
مانقول الا حسبنا الله ونعم الوكيل

[نوور الدووحه]

اعرف ناس من كثر ماهم متعلقين بالخادمه تنام ويقفلون عليها الباب بالمفتاح ...!؟!؟
خوفا انها تشرد..!!

لوتبي تشرد خل تشرد توكل ..لو لها نيه شينه

لو تبي تسافر الله معاها ولاتقعد وتأذينا

حررآآآآم اليهال يكونون ضحايا :weeping:

[طبيب قطري]

اعدام مره واحده!!!!!!!!:secret: انت دكتور ايش بالضبط

لو حطت سائل تنظيف الفرن في عينك مثل ماسوت مع هالياهل بتشتكي عليها في حقوق الانسان ولا شبتسوي فيها؟؟

[غزلان]

الله يشفي الطفلين

حسبي الله عليها تتنتقم من اطفال مالهم ذنب

[مرتبش]

جريمة مالها تبرير
ولو تعاقب وتقضي كامل مدة عقوبتها في السجن بتكون رادع لغيرها من ارتكاب مثل هالجرائم..

[نفسي عزيزه]

هذي مال تحطها بنقعة مطر وتلشطها بسوط لين تعرف ترطن بولندي من قوة الضرب

شششت لما فعلته

[باراكودا]

راجو تعال بسرعة شريت لك تذكرة درجة اولى دايركت .

[meeemz]

هالمجرمه صارت مسكينه. مافيه شي يسمح لها لو ذابحين ابوها مايصير تنتقم من ولد برئ الاسلام حرم الثار حتى للقتل من شخص ماله علاقه بالجريمه ، ولا تقولون نفسيه مب اول وحذه يقولون لها انتظري او قعدي. وبما انه مانعرف التفاصيل ولا نعرف الاشخاص مايحق لنا نتكلم. لو هالولد يقرب لكم او ولدكم ماكان قلتوا هاي كله. تمثلون علينا الانساانيه لو تعرفون معناها كان ما بررتوا لها وتكلمتوا عن العايله مهما بلغ خطأهم يظل خطأ اما اللي صار في الولد شذنبه لو فيها ذره حب او رحمه ماسوت هالفعله. حتى لو كانت ظروفها سيئه. مافيه مبرر الظاهر الصوره النمطيه اللي يبون يرسمونها الاجانب عن القطريين والمجتمع القطري وصلتكم وغسلوا مخوخكم فيها وصرتا تتبنونها هاي الموضوع مايفتح النار على مساوئ الخدم لانه الكفيل قطري بيصير هو المجرم و بينسون جريمتها لانه مسكينه على قولتكم.

[ضوى]

تخسي مسكينه يكرم القارئ، سكينه في بطنها ان شاء الله ، اطفال مالهم ذنب تسوي فيهم جذي وش من قلب عندها ، الله يشفيهم ويعافيهم يااارب

[فلتة زمانها]

يا مدام شلون الخدامه انسانه فقيره كانج تبئرينها من فعلتها الشنيعه !
ما اعرف جريمه اكبر من قهر طفل صغير والحاق به الا لم ......
ما ابرئها بس حللت الاسباب الي دفعتها لفعل هالجريمه
الخدم مع الظروف القاسيه الي يعيشونها وبعدهم عن اهاليهم معرضين لتقلبات مزاجيه
كل يوم تشوف الكفيل مع زوجته واعيالها هالشي يحز في خاطرها واحنا مب حاسين فيهم
وهي انثى لها احاسيس ومشاعر ولاحظ انها انتقمت من العيال مباشرة كان بامكانها
تحرق البيت او تكسر او تخرب اي شي لكنها فجرت غضبها في شي دايما تفكر فيه
هذي وجهة نظري

[qatara]

الواجب يطبق فيها شرع الله

لامحامي ولا تخفيف عقوبه ولا ثغرات ولا تبريرات .

يطبق عليها حكم شرعي واضح به حقوق الجميع


وَلَكُمْ فِي الْقِصَاصِ حَيَاةٌ يَاْ أُولِيْ الأَلْبَابِ لَعَلَّكُمْ تَتَّقُونَ(179)

سورة البقرة


لكي تكون عبره لاي خادمه تفكر الف مره قبل فعلتها

ويكون فيه اخذ حق المغدوره وحق اهلها وحق المجتمع

والي يقول لا وحقوق انسان فالطفله انسانه
فما ذنيها وما ذنب باقي الاطفال مستقبلا من مثل هولاء الخدم

ولو حدث هذه في احد طفال حقوق الانسان فكيف شعوره

[الصغيره]

طبعا هي بتسافر قبل المده او مخلصه المده ؟

اذا مخلصه المده الحق على الاب والام

وهم طبعا بيكونون اللي تسببوا بهالجرم الله يسامحهم

اما تكون توها او ما خلصت المده طبعا بعد الحق بيكون معها لان القانون يحميها لان لكن الجرم اللي سوته بحق اطفال ابرياء مالهم ذنب يستحق يقطعون راسها الصراحه او العين بالعين والسن بالسن والبادي اظلم هذا اذا ما قولوا بها حاله نفسيه وطلعت من العجين مثل الشعره


وبتكثر جرايمهم بالمستقبل وخاصه ان القانون الجديد بمصلحتهم

[الصغيره]

اكيد فلبينيه لان هالحركات حركاتهن

بيوضه مزيل مناكير مسامير زجاج مطحون

والاندونسيه سحر وقاذورات


الله ياخذهن وش فيهن العربيات السعوديه الان تتعاقد مع المغرب عرب ومسلمين



وما يقهرني لقالوا اسيويه طيب حددوا أي بلدددددد وقاطعوهمممممم الله يقطعهم

[الصغيره]

جريمة مالها تبرير
ولو تعاقب وتقضي كامل مدة عقوبتها في السجن بتكون رادع لغيرها من ارتكاب مثل هالجرائم..

اكيد بيقولون حاله نفسيه وبتطلع براااائه وبتمر عليها بسلام حسبي الله عليها بهالايام المباركه الله ينتقم منها المجرمه نبي تفاصيل اكثر من أي جنسيه الله ياخذها

[qatara]

مساكين اليهال مالهم ذنب
الله يسامح كفيلها المفروض هو الي ينسجن اما الخدامه انسانه فقيره
كفايه انها في الغربه بعيد عن اهلها واعيالها

الخدامه مسكينه ؟!

وبعذر فقيره وبعيده عن اهلها معذوره ومسكينه ؟

والكفيل مش مفجوع قلبه على بنته مهب مسكين ؟
ومخاسيره على اشكال هلمجرمه

والبنت مش مسكينه الي راحت فيها ؟

فقط الخدامه بس الي مسكينه لانها بعيده عن اهلها ؟!

لايكون بعيده في صحراء مالي ولا في سيبيريا بدون سكن واكل وشرب وراتب ووووووووو الخ

المجرمين اصبحو مساكين ؟ عندهم ضروف !!!!!!!!

الله المستعان

[w.qatar]

الله يشفيهم مساكين مالهم ذنب حسبي الله على هالمجرمة

للاسف بعض الناس يجبر هالخدم يقعدون لين تجيهم الجديده ! ترا مافيها شي تقعدون كم شهر بدون خدامه لين توصل الجديده

منها ترتاحون من غثى الخدامات و منها الاطفال فالبيت يتعلمون المسئولية و يعتمدون على نفسهم شوي

خدامتنا توها ماكملت شهرين من شفت كذا تصرف ما عجبتني و عرفت انها مب جايه حق شغل وبتعبني على طول رجعتها

[العنيده]

اكيد فلبينيه لان هالحركات حركاتهن

بيوضه مزيل مناكير مسامير زجاج مطحون

والاندونسيه سحر وقاذورات


الله ياخذهن وش فيهن العربيات السعوديه الان تتعاقد مع المغرب عرب ومسلمين



وما يقهرني لقالوا اسيويه طيب حددوا أي بلدددددد وقاطعوهمممممم الله يقطعهم

:eek5:

[نورالهدى]

ما ابرئها بس حللت الاسباب الي دفعتها لفعل هالجريمه
الخدم مع الظروف القاسيه الي يعيشونها وبعدهم عن اهاليهم معرضين لتقلبات مزاجيه
كل يوم تشوف الكفيل مع زوجته واعيالها هالشي يحز في خاطرها واحنا مب حاسين فيهم
وهي انثى لها احاسيس ومشاعر ولاحظ انها انتقمت من العيال مباشرة كان بامكانها
تحرق البيت او تكسر او تخرب اي شي لكنها فجرت غضبها في شي دايما تفكر فيه
هذي وجهة نظري

الله يلعنها لعنة إبليس من الجنه
الله لايوفقها وينتقم منها أشد إنتقام
مالها إي عذر

[كازانوفا]

والله لو يطبق حكم الاعدام على خادمه وحده من كل جنسيه غير كل الخدم يخافو
هاي لو بيحسو