المساعد الشخصي الرقمي

مشاهدة النسخة كاملة : انتظروا عجائب صيف البورصه ؟؟؟؟_____>


اسعاف البورصه *
19-05-2005, 03:50 PM
اتفق مع كل اللي يتوقعون صيف غير عادي بالنسبه لحركه التداول ، لعده مؤشرات منها :::::::


- اللي شاري بالغلا ينتظر الصيف ويبي يعدل الافرج (المعدل ) طبعا اذا عنده سيوله

- اتساع شريحه المستثمرين ، اقصد المستثمر الاجنبي اللي قاعد يتفرج على مسلسل العرض الهائل والبطل فيه اللمت داون والضحيه المستثمر القطري ، وينتظر اقل الاسعار (سعر التنزيلات) ليقتنص الفرص

- بعض الاسعار نزلت بشكل مبالغ فيه ، فمن الطبيعي والبديهي ان ترتفع ، وبعضها لاتتناسب مع مستويات الربحيه الممتازه والعائد المجزي للسهم !

- اعلان التنتائج الماليه النصف سنويه اكيد بيكون لها الاثر برفع الاسعار ، خصوصا البنوك .

مع تمنايتي بفرص ذهبيه وارباح وفيره ،،،،،،،،،،،، ;)
Alemadi
19-05-2005, 03:59 PM
والله محد بيركبنه الاسعاف في الصيف غيرك يااسعاف البورصه شكلك بتصف هناك 24 ساعه عشان تسعف المستثمرين خخخخخخخخخخخخ

بس اوافقك في الراي الصيف بيكون فيه استقرار وانشالله ارتفاع
دنيا الاسهم
19-05-2005, 04:55 PM
كلة كذب اللة العالم بحال السوق بالصيف وكفى
قناص الاسهم
19-05-2005, 04:55 PM
السلام عليكم
يعطيك العافيه اخوي المسعف ... واتفق وياك الصراحه
انا اقول انشالله يا رب ان هالصيف يكون غير عن اي صيف مر علينا ... واتمنى ان السوق يقلب النظريه ويكون موسم للارتفاع بدال الهبوط
اما اذا حصل العكس وهو المعتاد ... فما اقدر اقول الا : الله يخااااارجنا ( طاش ما طاش )
ودمتم سالمين :court:
مؤثر
19-05-2005, 05:05 PM
الصيف نزول مافيه كلام
لاتقصون على المساكين

وان غدا لناظره قريب
alsenjari
19-05-2005, 05:35 PM
الصيف نزول مافيه كلام
لاتقصون على المساكين

وان غدا لناظره قريب


يمكن الاسهم تسويها وترتفغ بالصيف

تدرون ليش؟

لان كل الناس ناطرين الصيف للشراء

معنى ذلك زيادة الطلب في الصيف


معنى ذلك ايضا أرتفاع الاسعار


:anger2: :anger2: :anger2: :anger2: :anger2: :anger2: :anger2: :anger2: :anger2:

أخوي أنت ليش ما ترسي على بر ، ترى احنا موش مغفلين مره تقول نزول ومره تقول ارتفاع
والله اذا في حد يقص على المساكين فهو حضرة جنابك
اسعاف البورصه *
19-05-2005, 08:40 PM
اخوي ال alsenjari لاتلوم الاخ مؤثر سوقنا في الفتره الاخيره on \ off تقول زر مكيف ، ماعنده حل وسط !
اسعاف البورصه *
19-05-2005, 09:02 PM
حبيبنا غير رايه بناءا على نظريه on\off بس عجبتني يال alsenjari

تحباتي للجميع ،،
حمد911
19-05-2005, 09:32 PM
اللي ابغي اقولة كفاية كذب على خلق اللة محد ضيعهم الا تحليلاتكم مع احترامي لباقي العضاء الكلام اللي انتو اتقولونة في علم الغيب محد يدري ايش بيصير يمكن مافية نزول كلش يمكن ارتفاع ويمكن العكس رجاءا اللي مش متئكد من كلامة لايحلل جذي خاصة انت يااسعاف والثاني ذي اللي حاط صورة واحد ومسوي ترويج حق الصناعات شكلة متوهق ويسوي دعاية
alsenjari
19-05-2005, 10:18 PM
اللي ابغي اقولة كفاية كذب على خلق اللة محد ضيعهم الا تحليلاتكم مع احترامي لباقي العضاء الكلام اللي انتو اتقولونة في علم الغيب محد يدري ايش بيصير يمكن مافية نزول كلش يمكن ارتفاع ويمكن العكس رجاءا اللي مش متئكد من كلامة لايحلل جذي خاصة انت يااسعاف والثاني ذي اللي حاط صورة واحد ومسوي ترويج حق الصناعات شكلة متوهق ويسوي دعاية


عسا ماشر يالحبيب داش علينا عرض ، وبعدين من قالك اني متوهق بالصناعات ، وكون على ثقة أن الصناعات مو بحاجة دعاية ، وارجوك مره ثانيه تخص ولا تعم ، واذا انت حاس ان الموجودين بالمنتدى مضيعينك لا تدش المنتدى ولا تعب نفسك


:anger2: :anger2: :anger2: :anger2: :anger2: :anger2: :anger2: :anger2:

وبعدين يا حمد911 أنت معصب عشان تحليلات الأخوه الأعضاء وانت قاعد تحلل
انصح نفسك قبل لا تنصح غيرك
شوف تحليلك

انا اشوف ان الاسعار ذي في متناول الجميع وزينة للشرا بس الناس خايفين مادري على ايش في اسهم حاليا بسوق اسعارها ارخص من السنة اللي راحت يعني شي حلو بس حضرة السيد اسعاف قاعد ايحذر وعامل عمرة خبير ويخوف الناس انت اتعرف الغيب علشان اتقول جذي
دنيا الاسهم
19-05-2005, 10:59 PM
صلوا على النبي ياجماعة كلها اسهم لا راحت ولا جت
واسفتوا قلبكم ترى راح يدلكم على الصح لا حد ياثر عليكم
كحيلان
19-05-2005, 11:16 PM
العنوووووووووووووووووووووووووووووووووووووووووووووو وووووووووووووووو الشيطان وكلكم اخوان

وانشاء الله اللي بينكم عتب اخوااااااااااااااان

وراح تنسون هذا الحكي اللي مايقدم ولا يأخر بعد الارتفاعااااااااااااااااااااات انشاء الله
الأمين العام
19-05-2005, 11:27 PM
بصراحة انا مع اخوي Alsenjari واتفق معاه في الراي ..

يوم تقولون ارتفاع ويوم نزول ..

لين بسلامتهم (( صغار المستثمرين )) (وانتوا عارفين) تخلص اسهمهم .. ذاك الوقت بتشوف الأسعار
وارتفاع المؤشر .


وتحياتي للجميع .
قناص الاسهم
20-05-2005, 12:12 AM
يالربع اذكروا الله وكل واحد يحرك موتره من هنيه
وماله داعي الكلام الي فيه تجريح مباشر او غير مباشر
احنا في منتدى وكل واحد يدلي برايه ... بس المهم ان يكون راي منطقي وعقلاني
وفي حالة الراي كان غير ذلك ... مثل ما يقولون ( خذ وخل )
ويالله حركوا مواتركم لا ابلغ عليكم الشرطه هههههههههههه
الا بذكر الله تطمئن القلوب
اذكروا الله :nice:
اسعاف البورصه *
20-05-2005, 12:42 AM
حمد 911 اذا تخالف الاخوه الاعضاء الراي ، فممكن تكتب الاسباب او التحاليل اللي تدل على وجهه نظرك ، وبعدين محد قال اني اعلم الغيب (استغفر الله ) ، وانا ماجزمت بالارتفاع ، انا قلت اتوقع[u] ، في فرق بين التوقع والجزم ، ولا تتهم الناس بالكذب ،،،،،،،

مع احترامي لباقي الاعضاء ......
ابوعلي اليافعي
20-05-2005, 01:02 AM
اخواني الاعزاء اعضاء المنتدى..

لاحظوا ان اسم المنتدى هو منتدى النقاش الاقتصادي اي ان اي موضوع يطرح يتعرض للنقاش وابداء الاراء المختلفه وقد تكون الاراء مؤيده وقد تكون معارضه لهذا الطرح وهذا مايجعل الحوار مجدي وله فائده والشخص الذي يدخل الى المنتدى يفترض ان يكون عاقل وفاهم ويستطيع بعقله ان يحدد الراي الصواب من الخطاء ويستشف المعلومه الصالحه من الطالحه ولا اعتقد ان شخص ما سيرمي بامواله هكذا جزاف بدون ان يستشير مره واثنتان وثلاث ويستفيد من اخطاء الغير وعبر الماضي ليرسم خطط المستقبل ..

المهم ان يتقبل كل منا الراي الاخر بصدر رحب وان حدث اختلاف بالرائي فان الفيصل هو الدليل والحجه والاسلوب الرزين فالرد ....

والله من وراء القصد..
اسعاف البورصه *
20-05-2005, 01:08 AM
اليافعي


كلامك صحيح 100%.......
نورس الخليج
20-05-2005, 01:18 AM
كلام الاخ ابو علي اليافعي ماعليه زود
صلوا على النبى
وتفائلوا بالخير
ورحم الله من قال
كلامي صواب يحتمل الخطا___وكلام غير خطايحتمل الصواب
سهم طايش
20-05-2005, 10:03 AM
شدعوه يا الربع قلبتوها هوشه

كل واحد يقول رايه بدون تحديد او ذكر شخص معين بعينه و في الاخير ما يصح الا الصحيح
مالك امـــــــــل
20-05-2005, 12:03 PM
فووووووووووووووووووووووووووووووووووووووووووووووووو ووق
فووووووووووووووووووووووووووووووووووووووووووووووووو ووق
فووووووووووووووووووووووووووووووووووووووووووووووووو ووق

هاي الي اقدر اقول :)

وتحياتي لكم وتحيه خاصه لاسعاف البورصه الصراحه ابصملك على النك بس الله يحفظنا من اسعافك
خخخخخخخخخخخخخخ
يعطيكم العافيه
اسعاف البورصه *
20-05-2005, 12:49 PM
اخوي العزيز (مالك امل) شكرا على الاطراء ،


انا اسعاف للشركات ، انعش الاسعار واردها السوق مره ثانيه ،،،؟؟!!!


الله يحفظ الجميع و يعطيكم الصحه والعافيه .
مستشفى البورصه
20-05-2005, 10:19 PM
يالربع لو حد منكم تعور (لاقدر الله ) بعد الهوشه ,,,

ترى المستشفى تستوعب وبالدرازن بعد ..

هالله هالله اخوي اسعاف .. ما اوصيك .. اي حد يتعور ارجو سرعه نقل الضحايا ..

ودمتم سالمين ..

اذكروا الله ياشباب ..
موادع قطر
21-05-2005, 02:15 AM
لاتاخذ الدنيا بالتمني والاكن تاخذ الدنيا غلابا
qshark
21-05-2005, 02:34 AM
عادي ، وبالنسبة حق مؤثر ، " صادوه صادوه ، بدون ما يدري جكوه " ههههههههههههه خذها بروح رياضية ، والبورصة حبة فوق وحبة تحت ورقصني يا جدع !! ( للترفيه عن الأعضاء فقط ) !
مستشفى البورصه
22-05-2005, 07:47 AM
ههههههههههههه

حلوو ة.. ممكن تعيد الرقصه مرة ثانيه اخوي .. qshark

ارجو عدم الزعل ..(( للترفيه عن الاعضاء فقط ))


ودمتم سالمين ..
الشراكة
22-05-2005, 10:40 AM
خوش عندنا في المنتدى أسعاف البورصة ومستشفى البورصة الله يبارك لهم أن شاء الله بس باقي شي واحد !!! :con2:

وين مقبرة البورصة !!!!!!!!! ههاهاييي :funny: :funny: :funny: :funny: :nice: :app:
السراب
22-05-2005, 11:42 AM
ضحكتنى :p :p :p

يا الشراكة
البرنس
22-05-2005, 11:56 AM
لاتاخذ الدنيا بالتمني والاكن تاخذ الدنيا غلابا فعلاً ..

وما نيل المطالب بالتمني .. ولكن تأخذ الدنيا غلابا ..
الشراكة
22-05-2005, 12:26 PM
ضحكتنى :p :p :p

يا الشراكة

حاضرين يا السراب وعندنا زود تقريباً في كل رد على المواضيع لننعش الردود !! بس غشمرة ذي .. :app: