نبي فزعتكم : ماليزيا او تركيا

[AliQatar]

السلام عليكم .........
بغيت مساعده من اهل الخبره انا ناوي اسافر بعد العيد ومحتار بين هالدولتين ... السفر تقريبا 10 ايام انا وزوجتي وعيالي بنتين وولد اعمارهم بين ال 4 وال 12 .
بغيت مشورتكم وبعد ياليت فيه جدول للرحلة والفنادق والاماكن الترفيهيه .
واهم شي تكون الاماكن محافظه على قدر الامكان ومافيها اشياء ومناظر مب زينه .
ومشكورين ومبارك عليكم الشهر

[عاشق العديد]

اذا معاك اطفـال انا اشوف ماليزيا مناسبه اكثر ..

انصحك بفندق ميكاسا هوتيـل ..

واذا على الجدول اقعد في كوالمبور 4 ايام .. عقبها روح جزيرة لنكاوي ..
وكامرون هايلاند .. وغيرها من هالاماكن .. ماليزيا معروف فيها تقريبا جوها مثل بوكت حار ولكن امطار كثيره ..

اذا تبي حد ينسق لك السفره وسواق امين .. واسعاره مناسبهم راسلني على الخاص وبطرش لك رقمه ..
تعاملت معاه .. وجدا امين .. وملتزم بالمواعيد ويعرف كل الاماكن السياحيه المناسبه .. ومسلم ..

[عاشق العديد]

ولللعلم بينتق وكاميرون هايلاند بارده جوها يختلف عن كوالمبور 100 بالميه ..

[AliQatar]

اخوي عاشق العديد ياليت تشيك على الخاص

[ضوى]

ماليزيا حر موووت ، والجنتنج اشكثر بتقعد فيها مايبي لها اكثر من يومين مافيها شي
واذا عالمناظر مقززة والله سواء في كواالمبور او في بيننغ كله مفاصيخ ولا كانه دولة مسلمة

[ضوى]

تركيا احلى بمراحل وباردة وشعبها ودود ومحترم

[Only Me]

مشكله ماليزيا بجوها الحار وجنتق الي اعرفه ان في صيانة لين 2015 يمكن تركيا بتناسبك بس الله يعينك على زحمه الخليجيين والعرب الكل رايح تركيا

[عاشق العديد]

ماليزيا حر موووت ، والجنتنج اشكثر بتقعد فيها مايبي لها اكثر من يومين مافيها شي
واذا عالمناظر مقززة والله سواء في كواالمبور او في بيننغ كله مفاصيخ ولا كانه دولة مسلمة

والله مادري ياختي لمن انا رحت ماشفت شي والله .. كلش .. وكني قاعد فدوحـه ..

[qatarman8008]

روح ماليزيا وما بتندم.. جو حلو وبلد كبير جدا ومنوع.. فيه كل شي..
بلد مسلم المطاعم الحلال والمساجد عندهم في كل مكان..
مناظر طبيعية وشلالات وخضرة..
مولات واسعار رخيصة .. مدن العاب للكبار والصغار.. العاب مائية ولا اروع..
والاهم من هذا كله الشعب مساكين كله يتضحكون..
تركيا تحس اشوي بتتهاوش معاهم لا ويكلمونك بخياس نفس بعد..

اعطيك جدول لماليزيا..
كوالا لمبور ومن المطار كونكشن على لانكاوي.. ليلتين..
ترجع كولالمبور وبالتاكسي الى بيننق او كاميرون ثلاث ليالي..
ارجع كوالالمبور 4 او خمس ليالي ..
ما بتمل ولا بتتعب..

[kka]

انا رحت ماليزيا ظ£ مرات ورحت تركيا كل دوله لها ميزة ميزت تركيا بالقهاوي والقعدات الخياليه وماليزيا ميزتها الترفييه للاطفال اكثر من تركيا انصحك بماليزيا للعائله
اول يومين سانوي لوقون بعد ذالك روح جزيرة باييينج ظ£ ايام فيها مناظر طبيعية جميلة وانصحك بفندق شنقرلا بعد ذلك ارجع كوالالمبور واسكن في فندق الرتز في شقق ثلاث غرف وخمس نجوم وجنب شارع العرب في كوالالمبور خصص يوم للذهاب الى ملاهي لوقو لاند ملاهي جديدة ماصارلها سنة وعلى فكرة هذي الملاهي موجودة فقط في المانيا وماليزيا
اذا بغيت ارقام سواقيين انا حاضر

[.. الكاش ..]

اذا مع العائله انصحك في ماليزيا مع انه تركيا حلوه وايد بس اخاف عيالك يملون من جو الطبيعه والقهاوي بس ماليزيا فيها شوي جدول حلو مثل منطقه افا موسى و سانوي لجون و منطقة الكاميرون وتون تاور وفيها العاب وروح سنغافورا قريبه طريق بر اربع ساعات وفيها خوش العاب مغلقه صدقني الاعيال والكبار بيكيفون فيها لانها رهيبه والله يوفقك برحله سعيده ان شاء الله

[بوخالد911]

ماليزيا

صن واي لاغون : ألعاب مائية

مرتفعات الكاميرون : تصلح يومين

مرتفعات جنتنغ : يومين - 3 أيام ( برراد - غيوم - مطر )

والله الموفق

[ضوى]

تأكدوا صن لاغون مسكرة كما سمعت

والجنتنج ايضا مغلقة للصيانة

[NINA RICCI]

ماليزيا حلوه وتنفع للاطفال وفيها برامج سياحيه ..

تركيا بعد حلوه بس ماتناسب الاطفال , حلوه للكابلز

[عيون الدوحة]

هههه الي يقول تركيا ترى ماتصلح للاطفال بس شرب شاي وقعدات مطاعم
مره رحناها مع اليهال لاعت جبودهم كل محد سألهم وش سويتو يقولون ابد نشرب الشاي ونشوف الطبيعة. هههه

خلك على ماليزيا عندك ملاهي ليغولاند في منطقة جاهور تروحها بطيارة ساعة الا ربع وتقدر تقعد في المنطقة يومين ويوم منها تروح على سنغفورة بتكون قويبه من هذي المنطقة وتوديهم ملاهي يونفيرسل وجزيرة سنتوزا فيها العاب ومغامرات للاطفال
وعند ملاهي سن واي لاغون قريبه من كولا لامبور وفي ملاهي تفتح باليل عندهم جديدة بس نسيت اسمها
وتوديهم حدايق الشاي والفرولة
وفي كهوف قريبه من كولالمبور
وحديقة الحيوان والزهور والفراش
وعندك ملاهي في مجمع تايمز سكوير
وشبية كدزانيا في البرجين التوام
وتم فتح كدزانيا في مدينة سلانجور في ماليزيا
ماليزيا خيارات كثيرة بالنسبة للاطفال عكس تركيا

[طموحي عالي]

البلاد اللي مستحيل اسافر لها مره ثانيه ماليزيا بلاد حر وملل ومافيها شي يلفت النظر

اما تركيااااا غييييييييييييييييييييييييييييييييير

[ضوى]

بالضبط ماليزيا حارة جدا ، والصراحة انا اتحسف اقط فلوس بمكان حار ورطوبة

[ضوى]

ليغولاند اخبرها بألمانيا

[عيون الدوحة]

ليغولاند اخبرها بألمانيا

ايه اختي ضوى موجودة في ماليزا في منطقة جاهور وجاهور تبعد عن سنغفورة ربع ساعة تقطعين الجسر وانتي في سنغفورة

[وليف الشوق]

انصحك وبكل قوة ماليزيا وبس
خاصه للعائلات وعيالك يستاهلون

[عيون الدوحة]

وانا في المانيا الحين حارة والفنادق بدون تكيف بس حاطين مراوح
عكس فنادق ماليزيا مكيفة

[ضوى]

غلطتكم عيون الدوحة تاخذون فنادق بدون تكييف ، هذا اول شي افكر فيه ، حتى في زيلامسي اللي هي باردة المفروض فيه فنادق مكيفة

[عيون الدوحة]

غلطتكم عيون الدوحة تاخذون فنادق بدون تكييف ، هذا اول شي افكر فيه ، حتى في زيلامسي اللي هي باردة المفروض فيه فنادق مكيفة

الفندق في نظام تكيف بس تكيف عن تكيف يفررق تكيف المانيا تعبان السستم الي ينوضع عندهم مايبرد مثل مكيفاتنا يادوب توصل درجة الحرارة في الغرفة ظ¢ظ¥ بالتكيف

[طموحي عالي]

انا رحت ماليزيا ظ£ مرات ورحت تركيا كل دوله لها ميزة ميزت تركيا بالقهاوي والقعدات الخياليه وماليزيا ميزتها الترفييه للاطفال اكثر من تركيا انصحك بماليزيا للعائله
اول يومين سانوي لوقون بعد ذالك روح جزيرة باييينج ظ£ ايام فيها مناظر طبيعية جميلة وانصحك بفندق شنقرلا بعد ذلك ارجع كوالالمبور واسكن في فندق الرتز في شقق ثلاث غرف وخمس نجوم وجنب شارع العرب في كوالالمبور خصص يوم للذهاب الى ملاهي لوقو لاند ملاهي جديدة ماصارلها سنة وعلى فكرة هذي الملاهي موجودة فقط في المانيا وماليزيا
اذا بغيت ارقام سواقيين انا حاضر

وموجوده في بريطانيا

[طموحي عالي]

الفندق في نظام تكيف بس تكيف عن تكيف يفررق تكيف المانيا تعبان السستم الي ينوضع عندهم مايبرد مثل مكيفاتنا يادوب توصل درجة الحرارة في الغرفة ظ¢ظ¥ بالتكيف

صحيح اوافقج الراي
عاد الواحد يسافر للبراد
ويلقى حر
وشمسهم تصلخ